Од вкупните средства обезбедени со продажбата на 33.381 виртуелни билети за првенствениот натпревар против Пелистер на Арената „Тодор Проески“, како што е најавено, 2.6 милиони денари ќе бидат наменети за плати за фудбалерите и стручниот штаб, кои немаат примања повеќе од една година.

Со остатокот од собраните средства ќе биде платен данок во Управата за јавни приходи и ќе биде подмирена провизијата за компанијата „МК Тикетс“, преку која се одвиваше продажбата на билетите.

– Соборен е секој рекорд на спортски натпревар на Националната арена и воопшто во кој било друг спортски настан. Оваа акција беше поддржана од целиот народ и доби широк замав затоа што беше искрена. Вардар ќе живее иако тоа некој не го посакува. Ќе живее бидејќи го има народот зад себе – порача еден од иницијаторите на акцијата Милорад Миленковски на денешната прес конференција, на која присуствуваа и членовите на стручниот штаб на Вардар, предводен од тренерот Никола Илиевски, како и дел од фудбалерите на чело со капитенот Дејан Блажевски.

Изразувајќи огромна благодарност до навивачите за нивниот обид за спас на најтрофејниот македонски фудбалски клуб, Илиевски изрази надеж дека градот и државата ќе се вклучат за надминување на тешката финансиска состојба во која се наоѓа Вардар.

– Се надевам дека треба да се надминат проблемите заедно со градот и државата и мотивирани од тоа што го направија „Комитите“ очекувам на најдобар можен начин да се овозможат барем минимални условиза работа за овие фудбалери кои го даваат својот максимум на теренот – истакна тренерот на Вардар.

The post Комитите собраа над 3 милиони денари за спас на Вардар appeared first on plusinfo.mk.

Во светот досега се починати вкупно 207.090 луѓе, активни случаи се 1.913.443, во тешка состојба се наоѓаат 57.634, а оздравени се 888.552 лица.

Во САД бројот на смртни случаи изнесува 55.415 луѓе.

Според последните информации, втора земја во светот е Шпанија, која има потврдено 226.629 случаи на зараза со коронавирусот. Во таа држава починаа 23.190, а поголем број жртви во Европа има единствено Италија – 26.644 лица.

Италија моментно бележи вкупно 197.675 заразени, а активни случаи се 106.103.

Франција има вкупно 162.100 заразени и 22.856 жртви.

Петта во светот, а четврта во Европа, е Германија со 157.495 заболени и 5.944 починати, а потоа следува Велика Британија со 152.840 заразени и 20.732 смртни случаи. Турција брои 110.130 заразени и 2.805 жртви.

Во првите десет земји по број на заразени се Иран со 90.481 случај на коронавирус и 5.710 починати, Кина со 82.827 заразени и 4.632 смртни случаја и Русија со 80.949 заболени и 747 жртви.

Новиот коронавирус се појави во декември 2019 година во кинескиот град Вухан, провинција Хубеи. Епидемијата на вирусот во Кина официјално е прогласена на 23 јануари 2020 година, кога цели градови беа затворени во карантин.

The post Над 3 милиони заразени со ковид-19 во светот appeared first on plusinfo.mk.