Полицијата утрово врши претреси на повеќе локации во Арачиново, Мојанце, Сингелиќ, Чаир, Брест и Љуботен за недозволена трговија со оружје, дознава Плусинфо.

До сега се пронајдени 3 автоматски пушки, 2 пиштоли, поголема количина на муниција од различен калибар, 5 моторни возила и мобилни телефони неофицијално уапсени се 12 лица.

The post 📷 ПОЛИЦИЈАТА ПРЕТРЕСУВА ОД РАНО НАУТРО, УАПСЕНИ СЕ 12 ЛИЦА Испливаа оружје, возила и телефони на неколку локации appeared first on plusinfo.mk.

Русија и Индија, за време на посетата на рускиот претседател Владимир Путин на Њу Делхи, потпишаа серија трговски договори и договори за оружје, меѓу кои и дека Индија ќе произведе повеќе од 600.000 калашникови.

Како што пренесуваат странските агенции, Путин отпатува во Индија придружуван од министрите за одбрана и за надворешни работи, во време на исклучително затегнати односи меѓу Русија и САД, исто така клучен индиски партнер, кој изрази резервираност за растечката воена соработка меѓу Москва и Њу Делхи.

Во заедничкото соопштение по разговорите меѓу Путин и индискиот премиер Нарендра Моди се наведува дека Русија и Индија „ја повториле намерата да ја зајакнат одбранбената соработка, вклучително и заедничкиот развој на производство на воена опрема“.

Со договорот дека Индија ќе произведува пушки АК-203, Русија соопшти дека е заинтересирана да продолжи да испорачува системи за воздушна одбрана С-400 на Индија.

Индискиот министер за надворешни работи Харш Вардан Шрингла рече дека двете земји потпишале 28 инвестициски договори, вклучувајќи договори за челик, бродоградба, јаглен и енергија. Тој додаде дека договорот од 2018 година за ракетните системи С-400 во моментов се спроведува.

– Испораките започнаа овој месец и ќе продолжат, рече тој, мислејќи на С-400.

Со договорот со Москва за набавка на воена опрема, Индија ризикува американски санкции.

Путин и Моди разговараа и за ситуацијата во Авганистан, изразувајќи ја својата посветеност да се осигура дека земјата никогаш повеќе нема да стане безбедно засолниште за меѓународниот тероризам.

The post ИНДИЈА ЌЕ ПРОИЗВЕДЕ 600.000 КАЛАШНИКОВИ Путин потпиша незгоден договор со Њу Делхи appeared first on plusinfo.mk.