– Или ќе загубиме во Украина, или ќе започне Третата светска војна. Мислам дека Третата светска војна е пореална, познавајќи се себеси, познавајќи го нашиот водач – изјавила Симонјан и додала:

– Најневеројатниот исход, дека сето ова ќе заврши со нуклеарен удар, ми изгледа поверојатен од другиот тек на настаните.

Коментарот за нуклеарна војна на г-ѓа Симонјан доаѓа по неодамнешните изјави на рускиот министер за надворешни работи Сергеј Лавров, кој рече дека заканата од нуклеарен конфликт не смее да се потцени и дека суштината на секој договор за ставање крај на конфликтот во Украина во голема мера ќе зависи од воената ситуација на теренот.

– Ова е нашата клучна позиција на која темелиме сè. Ризиците сега се значителни – рече Лавров на државната телевизија во вторникот.

Владимир Путин го предупреди западот на опасноста од мешање во неговата „специјална воена операција“.

– Не би сакал вештачки да ги зголемувам тие ризици. Многумина би го сакале тоа. Опасноста е сериозна, реална. И не смееме да ја потцениме-рече тој, мислејќи на ризикот од нуклеарна војна.

Путин, кој неодамна ги предупреди западните нации да не се мешаат во војната, се повика на новата руска интерконтинентална ракета, „Сатан II“.

– Ги имаме сите алатки за ова, оние со кои никој не може да се пофали. И нема да се фалиме. Ќе ги користиме доколку е потребно. И сакам сите да го знаат ова. Веќе ги донесовме сите одлуки за ова – изјави рускиот лидер.

Русите минатата недела објавија дека до есен ќе ја распоредат ракетата „Сатан II“, која е позната и како „Сармат“.

The post ПОВЕРОЈАТНО Е ДЕКА БИ ЗАПОЧНАЛ НУКЛЕАРНА ВОЈНА „Новинарката на Путин“ ги коментира шансите лидерот да се предаде appeared first on plusinfo.mk.