„Да бидеме одговорни, да го заштитиме своето здравје и здравјето на другите“, пишува Пендаровски на својот фејсбук-профил.

Тој додава дека масовната вакцинација е најсигурен и најбезбеден начин за справување со ковид-19.

The post ДА БИДЕМЕ ОДГОВОРНИ ДА ГО ЗАШТИТИМЕ ЗДРАВЈЕТО Пендаровски прими трета доза вакцина против ковид-19 appeared first on plusinfo.mk.

ЕМА постојано сугерираше дека се потребни повеќе податоци пред да се одобри употребата на зајакнувачката вакцина.

„Зголемените дози во моментов не се одобрени за ставање во промет и сѐ уште не биле предмет на научна проценка од страна на научниците од ЕМА, бидејќи нема доволно податоци“, соопшти Комисијата.

Во соопштението се додава дека одговорноста за одлучување да се вклучи бустер вакцина во кампањите за вакцинација ја имаат самите земји-членки и тоа може да значи дека во случај на неочекувани несакани ефекти кај пациентите, земјите од ЕУ може да сносат правни последици.

Европскиот центар за превенција и контрола на болести (ЕЦДЦ) соопшти дека Австрија, Белгија, Франција, Унгарија, Лихтенштајн, Литванија, Луксембург и Словенија во моментов препорачуваат употреба на засилувачки вакцини против ковид-19, додека 13 други европски земји сѐ уште разговараат за тоа.

Бустер вакцината против ковид-19 ќе биде достапна за Американците од 20 септември, соопштија американските здравствени власти минатата недела.

The post ТРЕТА ДОЗА НА СВОЈА РАКА Секоја земја сама ќе одговара за несакани последици appeared first on plusinfo.mk.

1. Колку време треба да помине од првите две дози?

– Доколку се утврди дека имунитетот трае шест месеци по вакцинирањето, тогаш третата доза треба да се даде по шест месеци. Ако имунитетот трае една година, тогаш една година – нагласува д-р Радуловиќ.

Со други зборови, секој пациент ќе треба да биде прегледан за да се види колкав имунитет има тој во моментот.

Обединетите Арапски Емирати започнаа да ја користат третата доза на вакцината во март. Во таа земја, третата доза на вакцина Синофарм ја примија само мал број луѓе кај кои тестот за антитела покажа дека не добиле соодветен имунолошки одговор. Неодамна, ОАЕ и Бахреин ја понудија вакцината Фајзер како трета доза на оние првично имунизирани со вакцината Синофарм.

2. Третата доза ќе ја примаат сите или само некои пациенти?

– Прво, третата доза треба да ја земаат лица постари од 60 години, бидејќи, по правило, имунитетот им е послаб, а имаат и други болести. Тие први ги примија првите две дози на вакцината, па логично е сега да ја примат и третата, затоа што поголемиот дел од времето поминало помеѓу вакцините – смета д-р Радуловиќ.

3. Кои граѓани ќе бидат приоритетни?

Старите мажи би требало да имаат приоритет на старите жени над 60 години, иако и двете се во приоритетна група, смета д-р Миланко Шеклер од Ветеринарниот институт во Краљево.

– Нивната реакција на вакцината е многу послаба отколку кај луѓето со просечна возраст и просечно здравје – спомена Шеклер.

4. Ќе има ли масовно тестирање на антитела за да се утврди дали луѓето имаат имунитет?

– Тестот за антитела не го покажува вашиот клеточен имунитет. Можете да имате антитела на тестот, но вашето тело треба да реагира веднаш штом дојде во контакт со ковид и да започне да произведува антитела – нагласува Радуловиќ.

Ова доаѓа како изненадување, бидејќи голем број луѓе прават тестови за антитела за да го проверат својот имунитет.

5. Дали ќе добиеме иста или различна вакцина?

Хаосот со пристигнување на вакцините во Македонија направи да имаме од сите вакцини по малку и да не може да се бира со која би се вакцинирале. Дали ќе биде исто и за третата доза? Астра Зенека, Фајзер, Синофарм и најскоро пристигнатата Синовак, изгледа пак ќе бидат во игра.

Не треба да се бега од комбинацијата на вакцини, кратко и јасно одговара вирологот Миланко Шеклер од Краљево.

6. Ќе одиме ли и по трета доза до Врање и Белград?

Секако, оние македонските граѓани кои отидоа во Врање и Белград можеа да избираат со која вакцина ќе се вакцинираат за првите две дози. Но, тоа не мора да биде случај за третата.

Според зборовите на д-р Шеклер, Србија прво ќе ја испитува досегашната успешност на вакцините, кои биле нус-појавите, за да може да се оцени дали граѓаните третата доза ќе ја добијат само од еден или пак од повеќе производители.

– Ако нема податоци за тоа, и клиничка студија за тоа, повикувам да волонтирам и да најдам 50 лица да ја тестираат комбинација на две вакцини – заклучува д-р Шеклер.

Во меѓувреме и Македонија е на нозе. Се размислува за воведување забрана за влез во затворени простории за невакцинираните, а во Грција од денеска за истото ќе се плаќа казна од 300 евра. И Грција, а и Франција најавија дека наесен ќе воведат задолжителна вакцинација за старите лица и за сите лекари, Португалија неодамна го врати полицискиот, а Германија размислува за враќање на старите мерки.

The post Примив две вакцини, но дали да примам и трета доза? appeared first on plusinfo.mk.

Премиерката на Србија, Ана Брнабиќ денеска изјави дека одлуката, односно препораката, за „третата доза вакцина“ против коронавирусот ќе биде соопштена до 1 август, јави дописникот на МИА од Белград.

– Националното тело за имунизација спроведува студија, ги следи производителите на вакцини и нивните студии во врска со третата доза. До 23 јули, тие ќе го дадат своето мислење за третата доза на Кризниот штаб, а штабот до 1 август ќе донесе препорака за граѓаните – изјави Брнабиќ за ТВ Прва.

Таа додаде дека се следат студиите за производителите, како и препораките на Светската здравствена организација, но и дека српските експерти ќе ги презентираат своите студии.

– Не доцниме во ова, ќе донесеме одлука со време, за сите да бидат мирни, изјави српската премиерка.

Таа наведе дека бројот на вакцинирани граѓани во Србија сепак не достигнал 50 отсто, и додаде дека надминувањето на таа бројка се очекува во наредните денови.

Таа апелираше до младите да се вакцинираат.

– Процентот на вакцинирани возрасни е околу 48 отсто, но од тој број, само 17 отсто се млади луѓе на возраст од 18 до 30 години.  Интензивно размислуваме за тоа што можеме да сториме. Невозможно е ситуацијата да остане стабилна со вакви бројки. Тоа ме плаши –  кажа Брнабиќ.

Во Србија постои страв од ширење на вирусот поради масовниот собир на музичкиот фестивал „Егзит“, еден од најголемите во Европа, но организаторите и некои експерти уверуваат дека сè ќе помине безбедно.

Влезот на четиридневниот фестивал, од четврток, 8 јули до недела, 11 јули, ќе биде можен само за вакцинирани, оние кои го прележале ковид-19, и оние кои доставиле негативен ПЦР или антиген тест.

The post Србија во август ќе знае дали да препорача трета доза вакцина против коронавирус appeared first on plusinfo.mk.