Македонија во моментов има 13% шанси за пласман на Европското првенство во 2028 година според математичките симулации на Football Meets Data. Тоа не е доволно за нашиот национален тим да се најде меѓу 24-те репрезентации кои моделот во моментов ги проектира како учесници на турнирот.

Станува збор за статистичка прогноза, а не за конечна листа на учесници. Квалификациите допрва следуваат, а една од најважните непознати ќе исчезне на 6 декември, кога во Белфаст ќе бидат извлечени групите.

Македонија во актуелните проекции на Football Meets Data е сместена во третиот квалификациски шешир. Тоа значи дека при жрепката би избегнала дел од репрезентациите со сличен ранкинг, додека од првите два шешира би добила посилни противници.

Статистичкиот модел на платформата направил 50.000 симулации на можните сценарија. Според пресметките пренесени од Спортманија, Македонија има дури 97% веројатност да заврши во една од групите со четири репрезентации.

Токму ждрепката може значително да ја промени и сегашната бројка од 13%. Моделите на Football Meets Data се ажурираат со новите резултати и промените во позицијата на репрезентациите, па денешната проценка не е прогноза што ќе остане непроменета до почетокот на квалификациите.

Системот за ЕП 2028 предвидува 12 квалификациски групи со по 4 или 5 селекции. Победниците на групите ќе обезбедат директен пласман, како и осумте најдобри второпласирани репрезентации.

За дел од селекциите ќе остане отворен и дополнителен пат до завршниот турнир преку баражот, во чија распределба улога ќе има и Лигата на нации.+

Македонија веќе знае како изгледа патот до европската сцена. Репрезентацијата дебитираше на ЕП 2020, одиграно во 2021 година, кога настапи против Австрија, Украина и Холандија.

Затоа сегашните 13% повеќе покажуваат од која позиција Македонија ја почнува трката, отколку каде таа ќе заврши.

Првиот вистински показател ќе биде жрепката во декември.

The post 50.000 СИМУЛАЦИИ Ѝ ДАВААТ 13% ШАНСИ НА МАКЕДОНИЈА ЗА ЕП 2028 Во жрепката засега сме проектирани во третиот шешир appeared first on plusinfo.mk.