Три лица се спасени откако биле однесени од надојдената вода во реката Треска додека се капеле, информира Центарот за управување со кризи (ЦУК).

Пријавата била примена преку Единствениот број за итни повици 112, откако граѓани алармирале дека лица биле повлечени од силниот воден тек предизвикан од зголемен испуст од браната „Матка“ за потребите на производство на електрична енергија.

Во водата биле однесени две малолетни лица на возраст од 15 години и едно 18-годишно лице. Едното од малолетните лица било веднаш извлечено од реката, додека другите две лица биле пронајдени низводно по течението на Треска.

Сите три лица се спасени, живи се и немаат видливи повреди, соопшти ЦУК.

По добиената информација, Центарот за управување со кризи веднаш ја координирал акцијата за спасување и побарал ангажирање на повеќе институции – Министерството за внатрешни работи, Дирекцијата за заштита и спасување, Општина Сарај, ХЕЦ „Матка“, Бригадата за противпожарна заштита на Град Скопје и Итната медицинска помош.

Директорот на ЦУК, Али Мухамет, веднаш пристигнал на местото на настанот, каде ја следел и координирал интервенцијата.

Во акцијата учествувале припадници на Територијалната противпожарна единица, полициски службеници, екипа на Итната медицинска помош, како и жители на Општина Сарај кои помогнале во спасувачката акција.

Од ЦУК упатуваат апел до граѓаните да бидат особено внимателни при престој покрај реки и езера, особено во близина на брани и хидроенергетски објекти, каде нивото и брзината на водата може нагло да се променат поради контролирани испусти.

The post СЕ КАПЕЛЕ КОГА ВОДАТА НАГЛО НАДОШЛА Две деца и 18-годишник извлечени од Треска appeared first on plusinfo.mk.

На Клиниката за инфективни болести во Скопје е потврден нов случај на маларија кај пациент кој неодамна престојувал во Занзибар.

Пациентот побарал лекарска помош откако добил висока температура и треска, по што бил хоспитализиран на Клиниката за понатамошно лекување.

Директорот на Клиниката за инфективни болести, Фадил Цана, потврди дека станува збор за маларија и информира дека пациентот е во стабилна здравствена состојба. Тој нагласи дека навременото јавување на лекар било клучно за брзото поставување на дијагнозата и започнувањето на терапијата.

Во меѓувреме, двајцата пациенти кај кои претходно беше потврдена западнонилска треска и натаму се лекуваат на Клиниката. Според лекарите, нивната здравствена состојба е добра и се очекува наскоро да бидат пуштени на домашно лекување.

The post НОВ СЛУЧАЈ НА МАЛАРИЈА ВО СКОПЈЕ Пациент се заразил по престој во Занзибар appeared first on plusinfo.mk.

Обилните врнежи од дожд што ја зафатија државата изминатите денови предизвикаа значителен пораст на водата во реките.

Според најновите податоци на Управа за хидрометеоролошки работи (УХМР), нивото на речиси сите поголеми водотеци е далеку над просекот за февруари, а на одредени мерни места се бележи зголемување и за повеќе од четири пати во однос на вообичаените вредности.

Најдраматична е состојбата со реката Треска кај Македонски Брод, каде што денеска се измерени 196 сантиметри во споредба со февруарскиот просек од 49 сантиметри.

Зголемени вредности бележи и најголемата македонска река Вардар. Кај Јегуновце утрово се измерени 220 сантиметри, што е за два и пол пати повеќе од вообичаеното ниво за овој период од годината. Покачено ниво на водата на Вардар е регистриран и кај Скопје, Велес и Демир Капија.

Според УХМР, зголемување на нивото на водата се бележи и на Црна Река кај Новаци, на Брегалница кај Берово, на Пчиња кај Катлановска Бања, на Сатеска кај Ботун, како и на Црн Дрим кај Ложани.

Нивоата на Охридското, Преспанското и на Дојранското Езеро се во рамките на февуарскиот просек.

The post ТРЕСКА ПОРАСНАЛА ЗА 4 ПАТИ, ВАРДАР ЗА 2,5 Водостојот нагло се кренал и кај другите реки appeared first on plusinfo.mk.

Утрово сѐ уште е исклучително висок водостојот на реката Вардар во горното течение и сѐ уште постои опасност од излевање во тој дел, соопшти Управата за хидрометеоролошки работи.

Водостојот на реката Треска утринава е во намалување но сѐ уште е исклучително висок и на критично ниво и постои опасност од излевање на некои делници по течението.

И реката Црна бележи зголемен водостој утрово. Во нејзиниот слив се можни локални заезерувања во Демирхисарско и во Пелагонискиот регион во текот на денов.

Водостојот на реката Кичевска полека се повлекува но и таму остануваат  заезерени и поплавени површини.

До крајот на денот се очекува висок водостој на реката Вардар во горното и во средното течение, како и зголемувања во долното течение на реката кон Демир Капија и кон Гевгелија.

Од УХМР предупредуваат на внимателно движење покрај реките и суводолиците во текот на денешниот ден.

The post ТРЕСКА Е НА КРИТИЧНО НИВО, ВАРДАР СО ВИСОК ВОДОСТОЈ Опасноста од излевање е реална appeared first on plusinfo.mk.

Во текот на вечерва и ноќва ќе се задржи високиот водостој во горниот тек на реките Вардар и Треска. Од Управата за хидрометеоролошки работи (УХМР) предупредуваат на внимателно движење покрај реките и суводолиците низ земјата.

Поради големите води и брзини на течење на водата во реката Треска можат во опасност да бидат дел од времените мостови по течението на реката, наведуваат од УХМР.

Во текот на ноќта и утре изутрина се очекува зголемување на водостојот на реката Вардар во средниот дел од течението.

На истокот од земјата состојбата е мирна. Единствено посериозно зголемување на водостојот имало во крајниот долен дел од сливот на реката Струмица како резултат на зголемените притоки.

The post ВИСОК ВОДОСТОЈ ВО ВАРДАР И ВО ТРЕСКА И ВО ТЕКОТ НА НОЌТА Можна опасност за времените мостови на Треска appeared first on plusinfo.mk.

Светската здравствена организација (СЗО) денеска соопшти дека постои низок ризик од ширење на вирусот нипах од Индија и дека не препорачува воведување ограничувања за патување или трговија откога во земјата беа потврдени два случаја на зараза.

СЗО наведе дека Индија има капацитет да ги спречи таквите епидемии и дека нема докази за зголемен пренос на вирусот од човек на човек, со напомена дека е во постојана координација со индиските здравствени власти. Истовремено, не е исклучена можноста за понатамошно изложување на вирусот, кој циркулира меѓу популацијата на лилјаци во делови на Индија и соседен Бангладеш.

По потврдата на заразени во Индија, Хонгконг, Малезија, Сингапур, Тајланд и Виетнам оваа недела ги заострија аеродромските контроли за да спречат евентуално ширење на вирусот.

Вирусот нипах го пренесуваат овошните лилјаци и животните, како свињите, а кај луѓето може да предизвика треска и воспаление на мозокот. Стапката на смртност се движи од 40 до 75 отсто, не постои регистриран лек, а вакцините сè уште се тестираат. Преносот од лице на лице е отежнат и обично бара долготраен близок контакт. Според наводите на виролозите, ризикот за општата популација останува низок.

СЗО соопшти дека изворот на актуелната инфекција сè уште не е целосно разјаснет и оти вирусот нипах се класифицира како приоритетен патоген поради високата смртност и недостигот на лиценцирани вакцини или лекови.

Двајца здравствени работници заразени кон крајот на декември во источната индиска држава Западен Бенгал се наоѓаат на болничко лекување, соопштија локалните власти. Ова е седма документирана епидемија на нипах во Индија и трета во Западен Бенгал. Индија, особено сојузната држава Керала, редовно пријавува спорадични случаи на инфекцијата од 2018 година.

The post ЛИЛЈАЦИТЕ ШИРАТ СМРТОНОСЕН ВИРУС НА ИНДИСКИОТ ПОТКОНТИНЕНТ Од СЗО уверуваат дека нема место за паника appeared first on plusinfo.mk.

Полицијата денеска во 12:45 часот добила пријава дека на кањон Матка, во близина на угостителски објект, патничко возило се превртило и паднало во коритото на реката Треска.

Веднаш по пријавата полициски службеници излегле на местото на настаноти и констатирале дека превртено е патничко возило „шкода фабија“ со скопски регистарски ознаки, сопственост на „рент а кар“ компанија од Скопје. Возилото било на брегот и делумно навлегло во реката Треска.

„Возилото било управувано од О.И., а сопатници биле Ч.Б. и Е.Х. сите турски државјани. Од страна на полициски службеници лицата се извадени од возилото и истите се изјасниле дека не им е потребна итна медицинска помош. Извршен е увид на местото на настанот, а возилото е безбедно извадено“, соопшти МВР.

Се преземаат мерки за утврдување на причините за настанот.

The post ТРОЈЦА ТУРЦИ СО „ШКОДА“ ЗАВРШИЛЕ ВО ТРЕСКА Излетале од патот кон Матка appeared first on plusinfo.mk.

Шпански научници открија нов вирус кој го пренесуваат комарците – вирусот Синдбис кој не е фатален, но предизвикува симптоми како треска, главоболка, болки во зглобовите и осип на кожата.

Научниците го откриле вирусот кај комарците во Андалузија, а претпоставуваат дека е во Шпанија од 2017 година, но досега не бил откриен бидејќи истражувањето било фокусирано на вирусот Западен Нил, јави Еуроњуз.

Овој вирус претходно се појавил во Скандинавија и во Алжир, а го пренесувале комарците од Северна Африка или од Кенија на локалните комарци.

Вирусот не е толку смртоносен како вирусот Западен Нил, кој е присутен и во Андалузија.

The post ВО ШПАНИЈА Е ОТКРИЕН НОВ ВИРУС ШТО ПРЕДИЗВИКУВА ОСИП, ТРЕСКА И ГЛАВОБОЛКА Го пренесуваат комарците appeared first on plusinfo.mk.

За порталот настанот го потврдило Министерството за внатрешни работи.

„Попладнево околу 16.30 часот пријавено е дека работник падна од градилиште на зграда во градба во фабриката „Треска“. Екипи на СВР Скопје извршиле увид, а лицето со екипа на Брза помош е пренесено на Ургентен центар. Според информациите од таму работникот се наоѓа во животно загрозувачка состојба“, информирале од Министерството за внатрешни работи.

The post РАБОТНИК ПАДНА ОД ЗГРАДА КОЈА СЕ ГРАДИ ВО „ТРЕСКА“ Се бори за живот appeared first on plusinfo.mk.

Од почетокот на сезоната заклучно со вчера напладне вкупниот број на заразени е 76 лица, а регистрирани се вкупно 10 смртни случаи на возраст меѓу 61 и 92 години.

Потврдени случаи на вирусот Западен Нил има во северниот, западниот и во централниот дел на Грција, како и во Епир и на островите во Јонското море, додека, пак, минатата седмица биле регистрирани и првите случаи на Пелопонез и во областа Атика, поширокиот регион на Атина.

Вирусот во земјата е присутен во летниот период од 2010 до 2014 година, како и од 2017 до денес.

Најголем број случаи на Западен Нил имало во 2018 година, вкупно 317, а истото лето, највисок бил и бројот на починати лица вкупно 51.

Лани, во Грција биле регистрирани 162 случаи, а од Западен Нил починале 23 лица.

Првиот случај за годинава на заразен со вирусот Западен Нил во Грција беше регистриран на почетокот на јули.

The post ЗАПАДНОНИЛСКИОТ ВИРУС ВЛЕЗЕ И ВО АТИНА Во Грција е потврден 21 нов случај appeared first on plusinfo.mk.