Забавно видео со Новак Ѓоковиќ и Арина Сабаленка од тренингот на турнирот во Индијан Велс стана вистински хит на социјалните мрежи.

Во видеото, српскиот тенисер се обидува да тренира на теренот, но неговата подготовка не оди баш според планот. Додека се обидуваше да сервира, на теренот се појави Сабаленка, која со насмевка и самоуверено чекорење се движи покрај мрежата.

Наместо да продолжи со тренингот, Ѓоковиќ решава да се „вклучи“ во шегата – ја пушти топката нежно кон неа, а белоруската тенисерка ја запира со ногата. Сцената предизвика многу реакции и коментари на интернет, каде што видеото брзо почна да се споделува.

Ова не е прв куриозитет меѓу двајцата тенисери во последните денови. Камерите на турнирот неодамна уловија уште еден симпатичен момент.

Сабаленка им се пофалила на пријателите со вереничкиот прстен што неодамна го добила од своето момче. Кога го забележал накитот, Ѓоковиќ реагирал со воодушевување.

„Честитки! Уау!“, извикал српскиот тенисер додека го гледал прстенот на раката на Сабаленка, по што следувала и пријателска прегратка.

Моментот уште еднаш ја покажа добрата атмосфера меѓу тенисерите надвор од натпреварите и строгите правила на турнирите.

 

View this post on Instagram

 

A post shared by Tennis TV (@tennistv)

The post 📽️ ЃОКОВИЌ НЕ МОЖЕ ДА ТРЕНИРА ОД САБАЛЕНКА Белоруската тенисерка му го прекина тренингот appeared first on plusinfo.mk.

Опра Винфри уште еднаш докажа дека годините за неа не значат ништо.
Познатата водителка го прослави својот 72-ри роденден на начин на кој малкумина очекуваа, со интензивен тренинг и кревање тегови.

Во видеото што го сподели, може да се види како изведува deadlift (мртво кревање) со таканаречена трап шипка, а одлучи да вежба дури 72 минути во чест на своите 72 години. Во спортска комбинација и со насмевка на лицето, Опра покажа завидна форма и сила, кревајќи до 75 килограми.

 

View this post on Instagram

 

A post shared by Oprah (@oprah)

Таа откри дека била инспирирана да тренира посериозно од пејачката Адел, но нагласува дека нејзината цел не е натпреварување, туку зачувување на мускулната маса и општата кондиција.

Откако пред две години направила операција на двете колена, сфатила колку е важна силата за квалитетен живот во зрелоста.

Покрај тренингот со тегови, таа редовно комбинира трчање на лента и вежбање на ски-тренажер и признава дека денес се чувствува посилна од кога било.

 

View this post on Instagram

 

A post shared by Oprah (@oprah)

The post 🎥 ОПРА ВИНФРИ ГО ПРОСЛАВИ 72. РОДЕНДЕН СО 72 МИНУТИ ВЕЖБАЊЕ Погледнете го жестокиот тренинг на водителската дива во осмата деценија appeared first on plusinfo.mk.

Новак Ѓоковиќ во салата „Атина Ривиера 91“ викендов се сретна со европскиот шампион до 14 години.

Дваесет и четирикратниот шампион на Грен слем турнирите Новак Ѓоковиќ тренираше со Рафаел Пагонис во Атина.

„Денес сонував дека сум поканет да играм против Ѓоковиќ. Тој беше многу љубезен и ги сподели своите тајни за враќање на сервисот со мене. Ве молам не ме будете! Ви благодарам за ова неверојатно искуство! Се гледаме наскоро“, напиша Пагонис на социјалните мрежи.

Оваа сезона, 13-годишниот Грк освои осум турнири, вклучувајќи го финалето до 14 години и Европското јуниорско првенство.

The post НЕ БУДЕТЕ МЕ ОД СОНОТ ВО КОЈ ИГРАМ СО ЃОКОВИЌ Европскиот шампион до 14 години тренираше со Новак appeared first on plusinfo.mk.

Има сè повеќе импресивни примери на стогодишници кои докажуваат дека возраста не мора да биде пречка за активно и силно тело.

Иако многу луѓе мислат дека луѓето на таа возраст треба да забават, некои 100-годишници секојдневно ги кршат предрасудите и се жив доказ дека виталноста може да се зачува длабоко во староста.

Многумина сметаат дека вежбањето само еднаш неделно е победа, но една 101-годишна жена вели дека секојдневниот тренинг и маслиновото масло се тајната на нејзиниот долг и здрав живот.

 

View this post on Instagram

 

A post shared by Vitobest (@vitobest)

Ињакси Ласа од Шпанија отсекогаш водела многу активен живот, па затоа решила да биде најстарата личност во теретана, а не најмладата личност во дом за стари лица.

Таа преживеала Втората светска војна, рак на дојка, две фрактури на колкот, операција на очите и Ковид.

И покрај тоа што живее со остеоартритис, состојба што предизвикува вкочанетост и болка во зглобовите бидејќи заштитната ‘рскавица на краевите на коските се распаѓа, Ласа никогаш не пропушта ниту еден ден вежбање.

Таа почнала да оди во теретана на 94-годишна возраст и почнала да користи тегови за да изгради мускули, да ги зајакне коските и да го забави почетокот на деменцијата, пишува Дејли Меил.

Повеќе за ова на порталот „Мајка и дете“.

The post 🎥 ТАА ИМА 101 ГОДИНА И ОСТЕОАРТРИТИС, НО НЕ ПРЕСКОКНУВА НИТУ ЕДЕН ТРЕНИНГ „Кревам тегови по два часа секој ден“ appeared first on plusinfo.mk.

За време на тренинг по веслање на реката Тамиш во Панчево, се случил ужасен инцидент кога возач на скутер неколкупати поминал низ група деца кои биле на вода. Децата и нивниот тренер се обиделе да го избегнат судир, а тренерот скокнал за да ги заштити децата, според објава на Инстаграм од страницата „192_rs“.

Четири деца и тренерот се повредени. Сведоците велат дека возачот на скутерот избегал по инцидентот.

 

View this post on Instagram

 

A post shared by Zdravo Pančevo (@zdravopancevo)

Децата и родителите на брегот врескале кога виделе што се случило. Многумина викале кон возачот и викале да се повика полиција.

„Им помина преку глава. Викнете полиција. Убиец“, извикувале родителите.

– Тренерот Неша влезе во водата со чамец во обид да го запре и да ги спаси децата… Едно девојче си го одра грбот при падот, друго дете има повреда на коленото, моето дете има модринка на стомакот и модринка на зглобот. Ова се деца на возраст меѓу 6 и 10 години. Ова беше пекол – сведочеше една вознемирена мајка.

Полицијата во Панчево објавила дека уапсила млад човек, М.Ј. (29), под сомнение дека со скутер поминал низ група деца на реката Тамиш во Панчево. Четири деца се повредени.

„Припадници на Министерството за внатрешни работи во Панчево, во соработка со Основното јавно обвинителство во Панчево, го уапсија М. Ј. (29) од Панчево поради основи на сомнение дека сторил кривично дело предизвикување општа опасност. Се сомнева дека околу 19 часот, возел моторен скутер по реката Тамиш и во таа прилика удрил во кајак во кој се наоѓале неколку лица. Понатамошните работи за утврдување на сите околности на инцидентот се во тек. На осомничениот му е одредена мерка притвор до 48 часа, по што ќе биде приведен во Основното јавно обвинителство во Панчево, со кривична пријава“, се вели во соопштението на Полициската управа во Панчево.

The post 📽️ СО СКУТЕР НЕКОЛКУПАТИ ВЛЕТАЛ МЕЃУ ДЕЦА Застрашувачки снимки од тренинг по веслање во Панчево appeared first on plusinfo.mk.

Војчех Шчесни и Роберт Левандовски приредија мало шоу на последниот тренинг на Барселона, голманот и напаѓачот покажаа дека одлично можат да се снајдат и во актерските води, па исценираа тепачка.

Барселона вчера го одработи последниот тренинг оваа сезона, па Војчех Шчесни и Роберт Левандовски решија да приредат мало шоу.

Сонародниците покажаа дека одлично можат да се снајдат и во актерските води, па исценираa тепачка.

Голманот му удри тупаница на напаѓачот и го нокаутираше, за потоа Роберт Левандовски да стане и да му врати со иста мера на Војчех Шчесни.

The post 📽️ ШЧЕСНИ СО ТУПАНИЦА ГО НОКАУТИРАШЕ ЛЕВАНДОВСКИ Двајцата Полјаци приредија мало шоу на последниот тренинг appeared first on plusinfo.mk.

Француската скијачка Марго Симон загина на 18-годишна возраст по несреќа за време на тренинг во Вал д’Изер, соопшти денеска Француската скијачка федерација.

Симон претрпе сериозен пад, по што лекар веднаш се обидел да ја реанимира, но не успеал да ѝ го спаси животот на младата француска скијачка.

Сите детали околу трагичниот настан сè уште не се познати.

Симон во март ја освои шампионската титула на националното првенство во категорија до 18 години.

„Сакаме да изразиме искрено сочувство до нејзиното семејство и најблиските и да им ја дадеме нашата целосна поддршка во овие особено тешки времиња“, се вели во соопштението на Француската скијачка федерација.

The post ЗАГИНА 18-ГОДИШНА ФРАНЦУСКА СКИЈАЧКА Марго Симон настрадала по сериозен пад за време на тренинг appeared first on plusinfo.mk.

Македонската фудбалска репрезентација денеска во Скопје ги започна подготовките за квалификациските натпревари против Лихтенштајн и Велс за пласман на Светското првенство во 2026 година.

Првиот собир на репрезентативците го означи селекторот Благоја Милевски, а првиот тренинг беше одржан на комплексот „Петар Милошевски“.

Атмосферата на почетокот од подготовките беше придушена поради трагедијата во Кочани, која силно ја погоди целата држава.

Од националниот тим изразија искрено сочувство и порачаа дека нивните мисли се со семејствата и блиските на трагично загинатите.

„Со огромна болка во срцата ја споделуваме тагата со семејствата на жртвите. Ќе ги паметиме засекогаш и нивниот дух ќе продолжи да живее во сите нас. Нека почиваат во мир“, стоеше во пораката од македонските репрезентативци.

Натпреварот со Лихтенштајн е закажан за 21 март на Националната арена „Тодор Проески“ во Скопје, додека гостувањето кај Велс ќе се одигра на 24 март во Кардиф.

The post ФУДБАЛЕРИТЕ НЕ МОЖЕА ДА ЈА СОКРИЈАТ ТАГАТА Одржан е првиот тренинг пред мечот со Лихтенштајн appeared first on plusinfo.mk.

Комплексот го вклучува и Националниот тениски центар на Австралија, кој вклучува и затворени терени. Токму тука Србинот реши да направи генерална проба пред четвртфиналниот натпревар против Карлос Алкараз, кој е закажан за вторник во 11 часот по наше време.

Ѓоковиќ, инаку, цело време тренираше на терените на Националниот тениски центар зад затворени врати во текот на 2023 година, кога последен пат славеше во Мелбурн.

За разлика од Новак, Карлос Алкараз тренираше на отворени терени и сите можеа да ја видат неговата генерална проба за четвртфиналето.

Победникот од овој меч ќе игра во полуфиналето против подобриот од мечот меѓу Томи Пол (САД) и Александар Зверев (Германија).

The post НОЛЕ TАЈНО ЈА КОВЕ СТРАТЕГИЈАТА ЗА АЛКАРАЗ Ѓоковиќ го затвори тренингот пред дуелот со Шпанецот appeared first on plusinfo.mk.

– Кога ќе се вратам дома заборавам дека сум професионален тенисер. Доаѓам како сосема нормално момче. Пари? Моите родители се справуваат со тоа. Ако треба да си купам опрема за голф, тоа е сосема нормално. Но, јас се уште се борам со нив да ми дозволат да купам автомобил – изјави Алкараз.

Тој призна дека немал партнерка 18 месеци, бидејќи не можел да ги балансира работните обврски со приватниот живот, а поради патувањата најчесто се случуваат раскинувања. Поради тоа посетувал психолог и не се срами тоа да го каже.

The post НЕ СЕ СРАМАМ ОД ТОА Алкараз одел на психолог затоа што немал време за да има девојка appeared first on plusinfo.mk.