Близнаците што Џенифер Лопез ги доби со нејзиниот поранешен сопруг, латино ѕвездата Марк Ентони, наполнија 18 години и завршија средно училиште, а гордата мајка неодамна ги покажа на своите социјални мрежи.

Нејзиниот син Максимилијан, кој неверојатно личи на својот татко, не го гледаме често, но ќерката Ема ѝ е добро позната на јавноста бидејќи бројни медиуми често пишуваа за неа бидејќи долго време се веруваше дека е трансродова.

Ема Марибел Муниз, ќерката на музичките ѕвезди Џенифер Лопез и Марк Ентони, го промени своето име во Оскар Муниз и се претставува како маж на Инстаграм.

Имено, во објавата на Инстаграм посветена на иднината на ученичката од средното училиште „Виндвард“, во кое матурираше, името Оскар Муниз е наведено покрај фотографија од детството со логото на колеџот каде што планира да студира театар и студиски уметности.

– Оскар оди на Сара Лоренс! Крај на спонтаните излети во Њујорк бидејќи ќе живее таму. За среќа, оддалечен е само неколку часа од Стејџдор. Напред Грифонси! Честитаме! – се вели во објавата, која ја користи заменката „he“ на англиски, или „тој“, па се чини дека Оскар се осврнува на себе во машки род.

Џенифер Лопез и Марк Ентони сè уште не ги коментирале шпекулациите дека Ема одлучила да се подложи на промена на полот. Поранешната двојка има и син, Макс.
Неодамна, за време на гостувањето во емисијата „Jimmy Kimmel Live!“, пејачката, зборувајќи за матурата на своите деца, рече дека плаче веќе два месеци додека се подготвуваат да си одат од дома.
Таа откри дека одлучиле да одат на различни колеџи и додаде дека најважно за неа е да бидат среќни и да можат да прават што сакаат.

The post ЌЕРКАТА НА ЏЕНИФЕР ЛОПЕЗ ГО СМЕНИ ИМЕТО  Ема на 18 години стана Оскар appeared first on plusinfo.mk.

Биографскиот филм „Мајкл“ за покојниот „крал на попот“, Мајкл Џексон надмина 700 милиони долари на бокс-офисот, по него следува „Ѓаволот носи Прада 2“ со заработка од околу 550 милиони долари досега, но прогнозите засновани на претпродажбата на билети велат дека филмот со најголема заработка оваа година би можел да биде спектаклот чие прикажување во кината почнува на 17 јули.

Станува збор за „Одисеја“ на Кристофер Нолан, а упатените предвидуваат дека адаптацијата на истоимениот еп на Хомер би можел да стане филмот на Нолан со најголема заработка. Дали предвидувањата ќе се остварат ќе се види во средината на летото, но не е само потенцијалниот финансиски успех (со буџет од 250 милиони долари) причината зошто „Одисеја“ привлекува големо внимание, изборот на улогите крена уште поголема прашина, иако не се сите потврдени.

Ѕвездена екипа

Филмот има ѕвездена екипа, Мет Дејмон го игра кралот на Итака Одисеј, неговиот син Телемах го толкува Том Холанд, а неговата сопруга Пенелопа ја игра Ен Хатавеј. Тука се Роберт Патинсон, кој го игра додворувачот на Пенелопа, Антиној, Зендаја во улогата на Атена, божицата на мудроста, која го штити Одисеј на неговото долго патување дома, и Шарлиз Терон, која ја отелотворува нимфата Калипсо.

Ова не беа изборите што предизвикаа негативни реакции, особено од конзервативните и десничарските коментатори и корисници на социјалните мрежи, предводени од милијардерот Илон Маск, туку одлуката на режисерот да ја избере темната Лупита Њонго како Елена од Троја, сопругата на спартанскиот крал Менелај, како и нејзината сестра Клитемнестра, и шпекулациите дека трансродовиот Елиот Пејџ ќе се појави како Ахил, еден од митските херои од Тројанската војна.

Ахил не е толку важен лик во „Одисеја“ како што е во „Илијада“, а Пејџ наводно го игра неговиот дух, кого Одисеј го среќава кога се спушта во подземјето. Поновите информации сугерираат дека Пејџ не го игра Ахил, кого го играше Бред Пит во епот „Троја“ на Волфганг Петерсен од 2004 година, туку Елпенор, најмладиот член на екипажот на Одисеј.

Сè уште не е официјално потврдено за каква улога станува збор, но Елиот Пејџ сигурно е дел од екипата на „Одисеја“ што претставува негова нова соработка со добитникот на Оскар Кристофер Нолан по филмот „Почеток“ од 2010 година.

Канадскиот актер, продуцент, режисер и активист, порано познат како Елен Пејџ, е роден на 21 февруари 1987 година во Халифакс, син на наставничката Марта Филпотс и графичкиот дизајнер Денис Пејџ. Роден како девојче, тој го користеше името Елен до неговата транзиција во 2020 година.

 

View this post on Instagram

 

A post shared by Movies Flock (@movies_flock)

Успех со „Џуно“

Елен ја започна својата актерска кариера на телевизија на десетгодишна возраст, а почна да се пробива во филмскиот свет со улога во „Горко-слатко“ во 2005 година, а една година подоцна во улогата на Кити Прајд во филмот „X-Men: Последниот отпор“. Голем пробив се случи со филмот „Џуно“ од 2007 година, за кој Пејџ беше номинирана за Оскар за најдобра актерка, а во текот на нејзината кариера беше номинирана за Златен глобус, Еми, БАФТА и за наградата на здружението на филмски актери.

Потоа следеа филмови како „Stone Angel“, „Roller“, „Peacock“, „Super“, „X-Men: Days of Future Past“, „To Me with Love“, „The Touch of a Hand“, „East“, „Free Love“, „In the Woods“, „The Healed“, „The Thin Line“ и серијата на Netflix „The Umbrella Academy“, меѓу другите.

Застапник за правата на абортус, феминистка, поддржувач на Me Too и веганка, Пејџ се изјасни како лезбејка на 14 февруари 2014 година, за време на говорот на конференцијата „Time to Thrive“ во Лас Вегас, а на 1 декември 2020 година објави на социјалните мрежи дека сега е трансродов маж по име Елиот и дека ги користи заменките тој/тие. Тој го опиша процесот низ кој поминал и ги повика обожавателите да имаат разбирање и да бидат трпеливи.

 

View this post on Instagram

 

A post shared by @elliotpage

– Драги пријатели, сакам да споделам со вас дека сум трансродово лице, ги користам заменките тој/тие за себе и се викам Елиот. Се чувствувам среќен што можам да го напишам ова, што сум на ова место во мојот живот. Не можам ни да почнам да опишувам колку е убаво чувство конечно да се сакам себеси и да му го покажам на светот вистинското јас… – напиша Елиот, кој во март 2021 година стана првиот отворено трансроден маж на насловната страница на списанието „Тајм“.

 

View this post on Instagram

 

A post shared by @elliotpage

The post ПРЕД 5 ГОДИНИ ПРИЗНА ДЕКА Е ЛЕЗБЕЈКА, А ПОТОА СТАНА МАЖ Елен Пејџ стана Елиот, а сега повторно шокира appeared first on plusinfo.mk.

Темата за транс-луѓето станува сè поприсутна во јавноста, а бројот на оние кои се чувствуват заробени во погрешно тело драстично се зголемува.

Според британскиот сервис за родови идентитети, за само 7 години нивниот број пораснал од 94 на 1.986.

Првата американска клиника за нив е отворена во Бостон во 2007, а денес во САД ги има преку 50 слични.

Станува збор за родово незадоволство (dyspohoria), за чувствo дека полот и телото не се спарени најсреќно.

Науката за овие прашања нема баш сигурни факти и сознанија.

Факт е дека во изминатата деценија има огромен пораст кај децата кои изразуваат незадоволство со нивниот род што им е доделен со раѓањето.

Но, според оние кои и самите се соочиле со истото чувство, како на пример, писателката, водителка и авторка Шон Феј, ова е опасно неразбирање на реалноста.

Според неа, всушност, нема поголем број на деца кои се транс, отколку во минатото, туку едноставно има повеќе деца кои се чувствуваат способни да зборуваат отворено за тоа и да бараат помош и поддршка од своите родители.

Повеќе за ова прочитајте ТУКА.

The post ДА ГО СМЕНАМ ПОЛОТ ИЛИ САМО ФРИЗУРАТА? Дали навистина денес има толку транс-деца или само неразумно се поттикнува нивната збунетост? appeared first on plusinfo.mk.

На социјалните мрежи и во интервју објавено на интернет, Маск рече дека бил „измамен“ да ѝ одобри медицински третман кога била 16-годишна.

Вилсон рече дека Маск не бил измамен и дека, откако првично се двоумел, знаел што прави кога се согласил на нејзината терапија за што била потребна согласност од нејзините родители.

– Неодамнешните изјави на Маск ја преминаа границата. Мислам дека тој претпоставувапе дека нема да кажам ништо и само ќе го пуштам ова да помине без одговор. Што нема да го направам бидејќи ако сакате да лажете за мене, на пример, отворено пред милионската публика, нема да дозволам тоа да ви помине – рече Вилсон во телефонско интервју.

Вилсон рече дека Маск не бил татко кој ја поддржувал. Дека ретко бил присутен во нејзиниот живот, оставајќи ги неа и нејзините браќа и сестри на грижата на нивната мајка или на дадилките, иако Маск имал заедничко старателство, а таа рече дека Маск ја прекорувал кога бил присутен.

– Беше студен. Тој многу лесно се лути. Тој е невнимателен и нарцисоиден – рече таа.

Вилсон рече дека, кога била дете, Маск ја малтретирал затоа што манифестирала женски особини, ја притискал да изгледа помажествено, и ѝ вршел притисок да го продлабочи гласот уште во основно училиште.

– Бев четврто одделение. Отидовме на патување за кое не знаев дека всушност е само реклама за еден од автомобилите, не се сеќавам кој, и тој постојано ми се дереше бидејќи гласот ми беше претенок. Беше сурово – рече таа.

 

View this post on Instagram

 

A post shared by Just Jared (@justjared)

МЕ ИЗМАМИЈА, СИ ГО ИЗГУБИВ СИНОТ Илон Маск на интервју кај Џордан Питерсон раскажа потресна приказна за своето трансродово дете

The post 🎥 ИЛОН МАСК МИ СЕ ДЕРЕШЕ БИДЕЈЌИ ГЛАСОТ МИ БЕШЕ ПРЕТЕНОК Се огласи трансродовата ќерка на милијардерот appeared first on plusinfo.mk.

Технолошкиот магнат Илон Маск, како што е познато, е татко на 11 деца, а последното по ред го имаше тајно на крајот на минатата година, заедно со вработена во една од неговите компании.

Еден од неговите синови, порано Ксавиер, од бракот со поранешната сопруга Џастин Маск, во 2022 година откри дека е трансродово лице, го промени своето име во Вивијан Џена Вилсон и го прекина секој контакт со татка си.

Одлуката за промена на полот на Вивијан дојде во време кога Маск, поттикнат од законите во Калифорнија со кои тој не се согласува, објави дека ќе го премести седиштето на „Спејс икс“ во Тексас, особено поради тогашниот предлог на Калифорнија за промена на законот што ќе ги спречи училиштата од известување на родителите доколку нивното дете се идентификува како различен пол.

Во интервјуто, кое Маск му го даде на психологот Џордан Питерсон, откри дека бил бесен поради целата ситуација со неговата трансродова ќерка, но и дека практично бил измамен кога ги потпишал документите да му даде на своето дете блокатор на пубертетот.

Илон откри и дека не бил целосно информиран за неповратните ефекти од третманот на кој го подложил своето дете и додаде дека терминот „родово афирмирана грижа“ всушност е ужасен еуфемизам. Тој исто така рече дека сфатил дека „го изгубил синот“ поради нешто што се нарекува „вирусот на разбудување“ (woke virus), или процесот што доведе до транзицијата на Вивијан.

Во текот на интервјуто, Питерсон неколкупати ја коментираше целата ситуација и се согласи со Маск дека целата приказна е „неверојатно злобна“. Тие се согласија и дека луѓето кои промовираат третмани за промена на идентитетот треба да бидат ставени во затвор. Заедно, тие коментираа како се спроведува практиката врз малолетници кои се далеку под возраста на која правилно би можеле да се одлучат за овој метод.

Маск изјави и дека бил доведен во заблуда со учеството во целиот процес, кој на крајот заврши со голема загуба.

– Искрено, си го изгубив синот – заклучи извршниот директор на „Тесла“ и на „Спејс икс“ и го дефинирал значењето на терминот „усмртување“ во контекст на приказната, која ја употребил бидејќи по постапката веќе не може да се препознае идентитетот на детето.

– Го нарекуваат „усмртување“ е бидејќи вашиот син е мртов – рече Маск.

“I was tricked into doing this… the people promoting this should go to prison.” @ElonMusk opens up to @JordanBPeterson about gender ideology’s impact on his son, Xavier. pic.twitter.com/1bdILGNdJE

— Daily Wire (@realDailyWire) July 22, 2024

The post 📽 МЕ ИЗМАМИЈА, СИ ГО ИЗГУБИВ СИНОТ Илон Маск на интервју кај Џордан Питерсон раскажа потресна приказна за своето трансродово дете appeared first on plusinfo.mk.

„Бог нѐ сака такви какви што сме“, рече папата Франциск, обраќајќи се на трансродово лице, објавија ватиканските медиуми.

Неговите зборови беа кажани во подкаст во кој тој слушаше и одговараше на аудио пораки пред католичкиот младински фестивал во Португалија следната недела.

Една од пораките дојде од Гиона, Италијанка, дваесетина години, која рече дека е растргната од „дихотомијата меѓу нејзината католичка вера и нејзиниот трансродов идентитет“.

Папата одговори дека Господ е секогаш со нас, „дури и кога сме грешници, тој ни се приближува за да ни помогне“.

– Господ нѐ сака такви какви што сме. Тоа е луда Божја љубов – рекол папата Франциск.

Католичката црква посочува дека членовите на ЛГБТ заедницата треба да се третираат со почит, сочувство и чувствителност и дека треба да се почитуваат нивните човекови права.

Односот на црквата кон ЛГБТ заедницата, жените и католиците кои се развеле и повторно се венчале во црква ќе биде тема на светската средба на бискупите што треба да се одржи во октомври годинава и во 2024 година.

The post ГОСПОД НЀ САКА ТАКВИ КАКВИ ШТО СМЕ Трансродово лице му се обратило на папата Франциск, еве каква била неговата реакција appeared first on plusinfo.mk.