транспортер Archives - plusinfo.mk

ТАЛЕСКИ ОСТАНУВА В ЗАТВОР Пресудата важи, аболицијата не важи

плусинфо — Mon, 26 Jun 2023 11:49:45 +0000

Врховниот суд смета дека пресудата за случајот „Транспортер“ во која поранешниот битолски градоначалник Владимир Талески доби затворска казна е законски изречена.

Аболицијата дадена од експретседателот Ѓорѓе Иванов, не ги опфаќа осудените за случајот „Транспортер“.

„Советот за казниви дела при Врховниот суд на Република Северна Македонија донесе пресуда КВП-КОК2 бр.6/23 со која барањата на осудените В.Т. и С.Б. за вонредно преиспитување на правосилната пресуда на Основниот кривичен суд Скопје КОК бр.30/17 од 31.03.2020 година и пресудата на Апелациониот суд Скопје КОКЖ бр.70/20 од 08.04.2022 година, ги одби како неосновани, а барањето на осудениот Ѓ.Т. за вонредно преиспитување на правосилната пресуда на Основниот кривичен суд Скопје КОК бр.30/17 од 31.03.2020 година и пресудата на Апелациониот суд Скопје КОКЖ бр.70/20 од 08.04.2022 година, го отфрли како недозволено“, наведено е во соопштението на Врховен суд.

The post ТАЛЕСКИ ОСТАНУВА В ЗАТВОР Пресудата важи, аболицијата не важи appeared first on plusinfo.mk.

ЗА ОВА Е ПОТРЕБНА ГОЛЕМА ХРАБРОСТ Украински „Рамбо“ со ракетен фрлач одблиску уништи руски транспортер (ВОЗНЕМИРУВАЧКО ВИДЕО)

плусинфо — Mon, 20 Feb 2023 10:37:02 +0000

Криејќи се во ров, украински војник од непосредна близина успеа да уништи руски транспортер користејќи ракетен фрлач.

Војникот е член на 8 планински јуришен баталјон кој се бори во регионот на Доњецк, а неговото дело може да се погледне на видеото кое кружи на социјалните мрежи.

Уништениот транспортер е од типот БМП-1, а по ударот се гледа како член на екипажот излегува од возилото. Според трагите на теренот кои му претходеле на уништувањето, се чини дека на истото место било уништено или оштетено уште едно возило.

Според податоците на независниот тим Орикс, кој се занимава со евидентирање на руските загуби во технологијата, руските сили изгубиле 2.088 транспортери од почетокот на инвазијата на Украина, од кои 1.315 биле уништени. 599 од нив беа заробени од украинските сили, а останатите беа напуштени на бојното поле.

An entrenched Ukrainian soldier from the 8th Mountain Assault Battalion destroys a Russian BMP-1 at close range with a side RPG shot. pic.twitter.com/ABrHoPbkX8

— OSINTtechnical (@Osinttechnical) February 17, 2023

The post ЗА ОВА Е ПОТРЕБНА ГОЛЕМА ХРАБРОСТ Украински „Рамбо“ со ракетен фрлач одблиску уништи руски транспортер (ВОЗНЕМИРУВАЧКО ВИДЕО) appeared first on plusinfo.mk.

АПЕЛАЦИЈА НЕ ГИ ЗАПАЗИЛА РОКОВИТЕ ЗА „ТАРГЕТ-ТВРДИНА“, „ТРЕЗОР“, „ТРАНСПОРТЕР“ Обемноста на предметите и боледувањата се наведени како образложенија

МИА — Wed, 11 Jan 2023 11:50:04 +0000

Судскиот совет на денешната 427 седница го разгледа и усвои извештајот од работната посета на Апелациониот суд Скопје, во којшто е утврдено дека не се запазени законските рокови за постапување на Апелација по предметите „Таргет-Тврдина”, „Трезор”, „Транспортер” и „Алфа”.

Извештајот покажал дека при постапувањето по предметите не биле запазени предвидените законски рокови, а како што рече Тања Чачарова-Илиевска, еден од членовите на Судскиот совет, и кoординатор на работната група која го испитуваше постапувањето на судиите, рече дека за тоа како образложенија биле наведени сложеноста и обемноста на предметите, како и боледувања и одмори.

Претседателката на Судскиот совет, Весна Дамева, кажа дека извештајот е целосен и дека ирелевантно е дали имало оправдани причини за изминувањето на долгите периоди.

На дневен ред на 427-та седница на Судскиот совет, меѓу другото, беа и одлучување по барање за надомест на трошоци и утврдување на престанок на судсиска функција поради исполнување на услови за старосна пензија.

Според Чачарова-Илиевска, нема оправдување што девет месеци не била донесена одлуката од страна на Апелација.

Според заклучокот од извештајот, станува збор за неразумно долг период во кој не било одлучувано за предмет кој бил итен.

– Работната група констатираше дека е изминат период од девет месеци од денот на завршување и одржување на јавна седница до донесување и објавување на одлуката 05.12.2022 година. Сметаме дека нема образложени причини за изминување на толку долг период од завршување на јавната седница до објавување на одлуката. Сметаме дека се создадени услови за евентуално застарување на оваа постапка, што е сериозна повреда, поради непочитување на роковите за донесување на одлуката. Побаравме објаснување од судијата известител. Како причини за оваа состојба беа наведени големиот број на предмети и тоа вообичаено тешки предмети од висок јавен интерес кој според АКМИС му биле распоредени на судијата известител. Тоа е видно и од уписникот, го проверивме. Неспорен е фактот дека месечната норма ја исполнувал, но она што го констатиравме дека од сите предмети што му биле распоредени во работа на судијата известител, единствено „Таргет-тврдина” е незавршен предмет – појасни Чачарова-Илиевска.

Сашко Георгиев, зборувајќи за предметот, рече дека ваквото незапазување на роковите е недозволива ситуација, оценувајќи дека не може заради некое боледување или одмор одреден предмет да стои во фиоки со месеци.

– Слушнав во извештајот дека се спомнуваат боледување, отсуство, одмори, ангажираност по други предмети, намален број на судии, но станува збор за судии кои се должни да ги почитуваат законите, меѓу другите точно е наведено со конкретни рокови кога се прима предметот, кога се заседава, значи сметам дека во овој дел од за мене чудни причини не може скоро 9 месеци да немаме одлука, а сега имаме одговор дека тие заседавале со конкретни датуми, меѓу другото имаме настани кога на повеќе седници тие дискутирале па поради некакви отсуства на дел од колегите, сето ова колеги според мене е симптамично односно согласно законот недозволиво – потенцира тој.

Сите судии кои одлучувале по овој предмет, имале мандат и немало пензиониран судија во моментот на донесување на одлуката.

The post АПЕЛАЦИЈА НЕ ГИ ЗАПАЗИЛА РОКОВИТЕ ЗА „ТАРГЕТ-ТВРДИНА“, „ТРЕЗОР“, „ТРАНСПОРТЕР“ Обемноста на предметите и боледувањата се наведени како образложенија appeared first on plusinfo.mk.

ВЛАДИМИР ТАЛЕСКИ ВЛЕЗЕ ВО ПРИЛЕПСКИОТ ЗАТВОР Поранешниот градоначалник на Битола ќе одлежи 4 години

плусинфо — Tue, 10 Jan 2023 14:24:09 +0000

Поранешниот градоначалник на Битола, Владимир Талески, кој е осуден на ефективен затвор од 7 години, од вчера е спроведен во прилепскиот затвор каде што ќе ја издржува казната, по три години поминати во домашен притвор.

Неговиот прв соработник, секретарот на Општина Битола, Слободан Бончановски, е спроведен во битолскиот затвор „Црн Мост“.

Поранешниот градоначалник на Битола заедно со секретарот Бончановски, се ефективно осудени за злоупотребите во случајот „Транспортер“ со бесплатниот школски превоз. По маратонското судење кое траеше неколку години, Талески најпрво беше осуден на осум години затвор, а Апелација му ја намали казната на седум години.

Тој помина три години во домашен притвор, па така за издржување казна затвор му останаа уште четири години.

Исто толку години во домашен притвор помина и Бончановски, кој беше осуден на шест и пол години затвор, но како и Талески и тој од Апелација доби намалување на казната во траење од една година.

Останатите 20 обвинети во случајот „Транспортер“ се ослободени, или осудени на условни казни затвор.

Покрај затворските казни, осудените ќе треба да ја надоместат штетата која ја претрпи Општината Битола во износ од 360.000 евра.

The post ВЛАДИМИР ТАЛЕСКИ ВЛЕЗЕ ВО ПРИЛЕПСКИОТ ЗАТВОР Поранешниот градоначалник на Битола ќе одлежи 4 години appeared first on plusinfo.mk.

ИЗВЕШТАЈОТ ЗА АПЕЛАЦИЈА ЌЕ СЕ РАЗГЛЕДУВА ВО СРЕДА Работната посета треба да даде одговори за постапувањето на судот

МИА — Mon, 09 Jan 2023 09:28:09 +0000

Извештајот од работната посета на Апелационен суд Скопје, Судскиот совет ќе ја разгледа в среда, на 427-та седница.

Работната посета треба да даде одговор за постапувањето на Апелација по предметите „Таргет-Тврдина”, „Трезор”, „Транспортер” и „Алфа” во смисла на почитување на законските рокови, преземените дејствија од страна на судијата и законитоста во одлучувањето во смисла на тоа дали учествувал судија кој што исполнил услови за старосна пензија.

Одлуката за работна посета, Судскиот совет ја донесе на итна седница на 19 декември минатата, година, по реакциите во јавноста, откако скопска Апелација ги уважи жалбите на обвинетите за предметот „Таргет-Тврдина” и го врати на повторно постапување пред Основниот кривичен суд Скопје случајот со масовното прислушување и уништување на опремата од УБК.

На дневен ред на 427-та седница на Судскиот совет, меѓу другото, се и разгледување на Извештај од работна посета на Апелационен суд Гостивар и утврдување на престанок на судиска функција поради исполнување на услови за старосна пензија.

The post ИЗВЕШТАЈОТ ЗА АПЕЛАЦИЈА ЌЕ СЕ РАЗГЛЕДУВА ВО СРЕДА Работната посета треба да даде одговори за постапувањето на судот appeared first on plusinfo.mk.

РУСИТЕ СЕ НЕМИЛОСРДНИ ВО КИЕВ Транспортер смачка цивилен автомобил во движење (ВИДЕО)

плусинфо — Fri, 25 Feb 2022 09:32:13 +0000

На социјалните мрежи се шири видео од руски возило на улиците на киевскиот кварт Оболон, на околу 9 километри од центарот на главниот град.

На снимката се гледа како рускиот транспортер директно се кон цивилен автомобил кој вози по патот и го смачкува.

A Russian tank on Obolon in Kiev ran over a passenger car with people that was just driving along the lane#StopRussianAggression #RussiaInvadedUkraine pic.twitter.com/vp5W1NXVu1

— Синьо-жовті (@burnter) February 25, 2022

Од истиот инцидент се појавија уште неколку снимки, но од поголема далечина.

An armed #Russia‘s vehicle ran over a civilian car just on the streets of Obolon district in Kyiv.#Ukraine pic.twitter.com/JgbshmBEhN

— Alexander Khrebet/Олександр Хребет (@AlexKhrebet) February 25, 2022

And here is the video of the liquidated Russian saboteurs in #Obolon. pic.twitter.com/l1U4nWh8G9

— NEXTA (@nexta_tv) February 25, 2022

UPDATE

From Obolon. Russian fire targets a civilian car#BREAKING #Ukraine #Russia pic.twitter.com/tfTMqsyMBw

— Aarian  (@Worldnews195) February 25, 2022

Armored vehicle crushed a civilian car. People say this may have been an accident. Civilian looks ok. pic.twitter.com/iJTOY50F6z

— C O U P S U R E (@COUPSURE) February 25, 2022

The post РУСИТЕ СЕ НЕМИЛОСРДНИ ВО КИЕВ Транспортер смачка цивилен автомобил во движење (ВИДЕО) appeared first on plusinfo.mk.

ОБНОВЕНО Најмалку 20 жртви по падот на украинскиот воен транспортер

МИА — Fri, 25 Sep 2020 20:06:05 +0000

Најмалку 20 лица загинаа откако се урна воен авион Ан-26 во Украина, потврди Министерството за внатрешни работи на државата.

Две лица се повредени, а за уште две се уште нема информации, јавија украински медиуми.

Во авионот имало 24 лица – воени пилоти и питомци на универзитет на ВВС.

Несреќата се случила околу 20:50 часот по локално време (19:50 часот по средноевропско време) во близина на источниот град Чугуев, оддалечен околу два километри од воениот аеродром.

The post ОБНОВЕНО Најмалку 20 жртви по падот на украинскиот воен транспортер appeared first on plusinfo.mk.

Мицевски од „Молика“ осуден заедно со Талески: Нема да ме скршите, правдата ќе ја барам во Стразбур

плусинфо — Wed, 01 Apr 2020 15:17:56 +0000

Музичарот Џими Мицевски, сопруг на пејачката Анета Мицевска од групата „Молика“ кој вчера беше осуден на казна затвор од две и пол години реагира на Фејсбук по пресудата во случајот „Транспортер“.

Неговата реакција ја објавуваме во продолжение:

„Јас Мицевски Џими ова што сега го правам – пишувам го правам за честа и угледот прво на моите деца, а потоа на мојата фамилија, на мојот славеј Анета Мицевска и групата „Молика“.

Можеби сите сте информирани дека вчера во Oсновниот суд во Скопје се судеше Битола, поточно во мега познатиот случај „Транспортер“. Осудени сме сите обвинети, а сите угледни и чесни граѓани на Битола кои предходно немале ниту една дамка во своето работење. Јас сум осуден на 2 год и 6 месеци затворска казна за моето најчесно, најдомаќинско работење.

Јас Мицевски Џими најодговорно тврдам дека со мојата фирма „Џими Турс“ немам наплатено ниту (1) еден скршен денар од тоа што беше пропишано со одлука на совет на општина Битола, а тоа го има со доказ во вештачењето од Бирото за судски вештачења ( значи вештачење нарачано од СЈО ). Секако дека овде ова нема да застанам со ова ќе одам и до последниот суд овде во МК да си ја докажам мојата невиност, а доколку увидам како и што гледам дека сме жртви (колатерална штета) на две супроставени страни правдата ќе ја барам и во Стразбур, во Франција во меѓународниот суд за човекови права…

Само еден единствен денар ако се утврди со факти и докази дека јас сум зел повеќе пари за извршената услуга, јас сум спремен да одговарам во секое време…

Ова што се случува се вика играње со човечки судбини и ништо друго.. Меѓутоа немојте да мислите дека ќе ме скршите .. Битката продолжува. Немојте да се чудите зошто ништо не оди овде и зошто ни бегаат младите.. Не дај бог да ви стани јасно, како на мене сега што ми станува јасно. Немам намера на никого да му се правдам и ќе ве замолам вие од порталите ако имате барем малце човечко достоинство да пишувате според факти, а не од ракав истресени информации.“, пишува Мицевски.

The post Мицевски од „Молика“ осуден заедно со Талески: Нема да ме скршите, правдата ќе ја барам во Стразбур appeared first on plusinfo.mk.

Пресуда за предметот „Транспортер“

МИА — Tue, 31 Mar 2020 06:59:23 +0000

Во Основниот кривичен суд Скопје денеска треба да биде објавена пресудата за предметот „Транспортер“, во кој обвинети се поранешниот градоначалник на Битола Владимир Талески и уште 20-тина лица.

Обвинетите се гонат за злоупотреба на службената положба во врска со организирањето превоз на ученици во Битола, со што е направена проневера на околу 360.000 евра.

Предметот беше отворен од страна на Специјалното јавно обвинителство, а го водеше судијката Добрила Кацарска.

The post Пресуда за предметот „Транспортер“ appeared first on plusinfo.mk.