Ѕвездата на серијата „Pose“ сподели дека бил во кома неколку дена во септември 2025 година откако дознал дека има камен во бубрегот заробен во уретрата што предизвикал да развие сепса, состојба опасна по живот, што се јавува кога телото има исклучително нефункционален одговор на инфекција.

– Кога влегле таму, имало толку многу гној и жолч, и инфекција, зад каменот – сподели Били за време на појавувањето на 2 март во подкастот „Outlaws“, забележувајќи дека инфекцијата довела до тоа да добие еден вид сепса наречена уросепса, која започнува во уринарниот тракт и патува до бубрезите. Се дупна и за неколку минути добив уросепса – раскажа тој.

56-годишникот во тоа време отишол на лекар на „рутинска проверка“, но се сеќава дека поради сериозноста на неговата состојба брзо бил ставен на ECMO апарат, што е форма на одржување во живот.

– Бев мртов три дена. Јас сум чудо. Јас сум чудо што оди – продолжи тој.

 

View this post on Instagram

 

A post shared by Out Magazine (@outmagazine)

Сепак, здравствената битка на двократниот добитник на Еми не завршила кога се разбудил од кома. Откако бил отстранет од апаратот за одржување во живот, неговите лекари го информирале дека ногата има „компартмент синдром“, кој тој го опиша како: „кога мускулите ќе се затворат во себе и ќе го прекинат кислородот“.

– Морале да ме исечат од двете страни на ногата додека бев во кома, од коленото до колкот и да ја остават отворена два дена, за да можат да ми ја спасат ногата – се сеќава тој.

 

View this post on Instagram

 

A post shared by Out Magazine (@outmagazine)

На крајот, Били – кој се повлече од својата улога како водител во бродвејското „Кабаре“ во клубот „Кит Кат“ поради болеста – успеа целосно да се опорави, што сигурно не го зема здраво за готово.

– Многу сум благодарен што сум тука. Тоа е вистински подарок – вели тој.

И гледајќи наназад, хоспитализацијата на актерот од „Пепелашка“ го научила и на неколку важни животни лекции.

– Додека седев во болничкиот кревет, размислувајќи, слушнав неколку работи. Првото нешто што го слушнав беше: Работи попаметно, а не понапорно. Второто нешто што го слушнав беше: Биди послушен и одговори на повикот. И третото нешто што го слушнав беше: Никогаш повеќе не престанувај да ја кажуваш вистината – вели тој.

The post 🎥 БИЛИ ПОРТЕР СПОДЕЛИ ДЕКА 3 ДЕНА БИЛ МРТОВ ЗА ВРЕМЕ НА БИТКАТА СО СЕПСА „Јас сум чудо, чудо што оди“ appeared first on plusinfo.mk.

Од сите страни се слушаа врисоци, а на пат кон клупата Ѓоковиќ реши да се поздрави со неколку навивачи, кои беа веднаш до оградата.

На него беа забележливи знамето на Србија, тробојката на која се гледа златото на Новак од Олимписките игри, како и транспарент со порака на српски „Идемо Ноле“.

That’s the popularity of the GOAT. pic.twitter.com/VKN8W56Vw8

— DorothyNolena (@Timothy_Nole) October 2, 2024

Ѓоковиќ пет години не бил во Кина и ова е негово враќање на терените од кои во четири наврати го однесе трофејот дома.

– Пет години, човеку. Помина долго време, но гледам дека инфраструктурата сѐ уште е според највисоките стандарди. Ова отсекогаш бил еден од најдобрите терени и еден од најдобрите турнири што ги имаме на турнејата. Навистина неверојатен стандард од кога овде се одржа завршниот турнир на АТП (2005-2008) – рече Ѓоковиќ.

Потоа во свој стил им се обрати на кинеските навивачи.

– Мислам дека нема доволно црвено на мене. Го прочитав меморандумот, знам што е кодекс на облекување. Некои од моите најдобри натпревари во кариерата ги одиграв во Кина – во Пекинг и Шангај – па решив да се вратам. Помина предолго, пет години. Многу работи се случија во последните пет години, па едвај чекам да излезам на теренот, да играм пред кинеските навивачи – тие отсекогаш биле меѓу најстрасните навивачи, ако не и најстрасните на светот. Не се сеќавам кога последен пат играв во Кина без да носам црвено – рече Ѓоковиќ.

man who completed tennis is having the time of his life.pic.twitter.com/4OrKAgDzXN

— Puneet (@TennisPuneet) September 30, 2024

The post 📽️ НЕРЕАЛНИ СЦЕНИ ВО ШАНГАЈ, КИНЕЗИТЕ ВО ТРАНС ПОРАДИ НОЛЕ Тотално лудило кога Ѓоковиќ излезе на теренот appeared first on plusinfo.mk.

Наташа Бошкова, која е правна советничка во Коалиција Маргини и вклучена во Работната група за подготовка на Предлог-законот, на денешниот брифинг со новинарите рече дека во медиумите погрешно биле пренесени информации во однос на тоа што содржи Предлогот на законот и бил даден некритички осврт на она што се измените на Законот за матична евиденција.

Таа истакна дека на предлог законското решение било работено повеќе од четири години и оти во самото пишување на Законот од 2018 година учествувале претставници на сите институции.

Овој предлог кој се најде во Собрание, вели таа, беше добро осмислен и не беше нешто избразно.

– Сите овие прашања што излегуваат сега во јавноста беа исцрпени во таа Работна група, се отвораа прашања и за брак и за спорт, но сето тоа беше дискутирано и беше решено на начин на којшто сфативме дека Законот за матична евиденција не може да ги регулира сите области, си има специфична цел и предмет и рековме дека сите дополнителни прашања ќе се дорегулираат со други закони од соодветната област – појасни Бошкова.

Според нив, не требаше да се повлече законот, туку дискусијата за тоа што може да се доунапреди или промени требаше да се води во Собранието, со амандмански расправи за да се најде заедничко решение.

– Вака, со повлекувањето се враќаме четири години наназад – потенцира Бошкова.

Ирена Цветковиќ од Коалиција Маргини се осврна на некои организации кои „шират параноја“ поврзана со законот, а кои, како што нагласи, се „сомнително финансирани“.

– Нивната цел е всушност да се сопре законот и да се рашири толкава параноја, што тие одат дотаму дека овој закон не само што доведува до истополови бракови, што е глупост, туку е вовед во тоа мажи во спортот да менуваат пол, па да влезат како жени, па да рушат светски рекорди, дека во училиштата ќе се прават унисекс тоалети каде ќе има злоупотреба на девојчиња од страна на момчиња и сл. Овој закон ниту регулира тоалети во училишта, ниту регулира брак, ниту спорт – нагласи Цветковиќ.

Ова, додаде таа, се истите луѓе кои стојат зад иницијативата „Учебници и настава мора да има“.

– Тие се тука да го сопрат законот со ширење параноја дека ова значи уништување на македонското општество, на светскиот поредок и слично и често се маскирани како загрижени родители – додаде Цветковиќ.

Цветковиќ укажа на тоа дека трансродовите лица немаат можност да патуваат надвор од земјата поради проблеми на граница, како и тоа дека има сериозен отпор овие луѓе да користат здравствена заштита. Овој закон, според неа, ќе го олеснеше интегрирањето на овие луѓе во самиот систем.

– Се прави една генерална забуна меѓу она што се вика медицинска потврда на родот и правно признавање на родот и се мешаат овие две работи. Се користеше термин „закон за промена на полот“. Значи со закон не може полот да се промени, полот е нешто што е биолошки, тој се менува во болница – рече Цветковиќ.

Идејата, како што посочи таа, е за тоа лице кое веќе има родов идентитет, истиот да му биде усогласен со документите.

Лила Милиќ од Трансформа истакна дека сите права им се ускратени и оти односот на институциите е дискриминаторски.

– Ми се случувало да дадам лична карта и да ми кажат дека е фалсификат, и покрај решението од МВР ти викаат ова за мене ништо не важи. Кога и да треба да одам во институција јас се спремам психички прво за сето тоа да го поминам таму и да не се истрауматизирам во ситуации да треба на секое да се објаснувам зошто моите документи не се усогласени, која е причинита итн – посочи Милиќ.

Таа нагласи дека особено имаат проблем со полицијата.

– Остануваме на дното од маргините каде буквално не сме интегрирани во општеството. Од клучно значење е да се донесе законот за да може трансродовите лица да се интегрираат во општеството и на пазарот на трудот да може да ги уживаат сите права како останатите граѓани – заклучи Милиќ.

The post ИМ ДАВАМ ЛИЧНА КАРТА, А ТИЕ МИ ВЕЛАТ ДЕКА Е ФАЛСИФИКАТ Коалиција Маргини бара предлог-законот за матична евиденција да се врати во Собрание appeared first on plusinfo.mk.