Претседателот на САД Доналд Трамп објави дека Кина е „многу среќна“ поради неговата одлука „трајно да го отвори Ормускиот Теснец“ со блокада и потврди дека Пекинг се согласил да престане да испраќа оружје до Иран.

Во објава на социјалните мрежи, Трамп напиша дека го прави ова „за нив и за светот“, додавајќи дека таква ситуација „никогаш повеќе нема да се случи“, пренесува Индекс.

„Тие се согласија да не испраќаат оружје до Иран. Претседателот Си ќе ми даде убаво, големо прегрнување кога ќе стигнам таму за неколку недели“, напиша Трамп.

Шефот на САД исто така додаде дека САД и Кина „соработуваат паметно и многу добро“, со порака дека ова е подобро од конфликт.

US President Donald Trump writes on Truth Social – “China is very happy that I am permanently opening the Strait of Hormuz. I am doing it for them, also – And the World. This situation will never happen again. They have agreed not to send weapons to Iran. President Xi will give… pic.twitter.com/c9WL9LGtmT

— United News of India (@uniindianews) April 15, 2026

Трамп претходно рече дека му пишал на кинескиот претседател барајќи од него да не испраќа оружје до Иран и тврдеше дека Си му рекол дека Кина не го прави тоа. Тој ги даде забелешките во интервју за „Фокс бизнис нетворк“, без да прецизира кога биле разменети писмата.

Во тоа интервју, тој исто така рече дека не очекува промените на пазарот на нафта и војната со Иран да го нарушат неговиот планиран состанок со Си следниот месец“.

Во новата објава, Трамп нагласи дека претпочита договор пред борба, но исто така испрати заканувачка порака.

„Не е ли тоа подобро од борбата??? Но запомнете, ние сме многу добри во борбата, ако мораме, многу подобро од кој било друг!!!“, напиша тој.

The post КИНА СЕ СОГЛАСИ ДА НЕ ПРАЌА ОРУЖЈЕ ЗА ИРАН Трамп вели дека го чека топла прегратка од Си appeared first on plusinfo.mk.