MGX, инвестициски фонд со кој претседава шеикот Тахнун бин Зајед Ал Нахјан, ќе добие 15% удел и место во одборот кога TikTok во САД ќе се одвои како посебна компанија.

Претседателот на САД Доналд Трамп вчера потпиша извршна наредба со која се одобрува договорот и се даваат 120 дена за финализирање на деталите.

Oracle, компанија во сопственост на Лари Елисон, како и инвестицискиот фонд Silver Lake и MGX од Абу Даби, заедно ќе контролираат околу 45% од американскиот TikTok.

Вкупно, американските компании ќе контролираат нешто повеќе од 65% од фирмата.

Трамп, исто така, ги наведе пионерот за персонални компјутери Мајкл Дел и Руперт Мардок (Fox) како дополнителни инвеститори.

Кинескиот сопственик на TikTok, ByteDance, ќе задржи 19,9% удел во американскиот бизнис.

Кина сè уште не се изјаснила јавно дали ќе го одобри договорот, иако Трамп рече дека имал „добар разговор“ со кинескиот претседател Си Џинпинг, кој наводно „дал зелено светло“.

Џ.Д. Венс, потпретседателот на САД, рече дека договорот го проценува американскиот TikTok на 14 милијарди долари.

Шеикот Тахнун бин Зајед Ал Нахјан од Абу Даби е еден од најбараните луѓе на Блискиот Исток. Менаџерите за пари и финансиерите што летаат во Обединетите Арапски Емирати од Хонг Конг, Лондон или Њујорк копнеат за барем 10-минутна средба и поздрав, напиша претходно Блумберг.

Тој е потомок на најбогатото семејство во светот и надгледува државни средства и приватни фондови во вкупен износ од над 1,5 трилиони долари.

The post ШЕИК ВРЕДЕН 1,5 МИЛИЈАРДИ ДОЛАРИ ЌЕ ВЛАДЕЕ СО АМЕРИКАНСКИОТ TИКТОК Трамп даде зелено светло за тоа appeared first on plusinfo.mk.