Претседателот на Соединетите Американски Држави, Доналд Трамп, му покажа на кинескиот претседател Си Џинпинг врамена фотографија од автопен на местото на кое треба да стои портретот на неговиот претходник Џо Бајден, на што Си гласно се насмеа.

Опуштениот момент помеѓу Трамп и си се случи за време на прошетка низ Белата куќа.

Белата куќа објави на социјалните мрежи видео во кое Трамп го води Си низ Белата куќа, а потоа застанува на таканаречената „Претседателска патека на славните“, каде што има портрети и плочи посветени на американските претседатели.

– Ова е Автопен, односно Бајден – рече Трамп, покажувајќи кон сликата, на што Си, кој инаму е многу воздржан во јавните настапи, гласно се насмеа.

“This is the autopen… it’s Biden.”

President Trump shows off the legendary Presidential Walk of Fame to President Xi. pic.twitter.com/qUQEM6XoLj

— The White House (@WhiteHouse) September 24, 2026

Одлуките и извршните наредби на Бајден беа често потшишувани со автоматско пенкало, а не своерачно. Трамп изрази сомнеж дали воопшто Бајден го користел автопенот или луѓето од неговото опкружување, поради што ги поништи сите извршни наредби на Бајден со се потпишани на тој начин.

The post 🎥 ОВА Е АВТОПЕН, ОДНОСНО БАЈДЕН Кинескиот претседател гласно се насмеа кога го виде „портретот“ на претходникот на Трамп appeared first on plusinfo.mk.

Американскиот претседател Доналд Трамп ги пофали односите меѓу Кина и САД на државничката вечера во Белата куќа со која беше заокружен вториот ден од посетата на кинескиот претседател Си Џинпинг на Соединетите Американски Држави..

– Претседателот Си и јас разбираме дека претставуваме различни системи, но врските меѓу нашите народи траат и никогаш не сме се сложувале подобро – рече Трамп.

Тој ги пофали Си и неговата сопруга Пенг Лијуан како „навистина извонредни, неверојатни луѓе“ и им подари статуа од белоглав орел, официјалниот национален симбол на САД.

– Заедно можеме да продолжиме да градиме однос што промовира просперитет и безбедност за идните генерации – рече Трамп.

.@POTUS presents President Xi with a custom-made statue of a bald eagle pic.twitter.com/CweqKmOI4U

— Rapid Response 47 (@RapidResponse47) September 25, 2026

Си им се заблагодари на Трамп и неговата сопруга Меланија за нивното „љубезно гостопримство“ за време на посетата.

Тој рече дека разговорите меѓу двете земји довеле до „заедничко разбирање“ за многу прашања и „нова стратешка насока“ за односите меѓу Кина и САД.

– Кина и САД мора да дејствуваат како одговорни големи земји, да ги исполнат очекувањата на нашите народи, да чекорат во чекор со трендовите на нашето време и да истражат нов пристап за големите земји да се сложуваат една со друга. Како река која никогаш не престанува да тече, историјата никогаш не стои во место … заедно да напишеме ново поглавје во нашите пријателски односи – рече Си.

Претходно Трамп и Си ја нагласија потребата од поголема комуникација и соработка меѓу двете најголеми економии во светот.

Си покани 100.000 американски државјани да студираат во Кина, додека Пекинг се подготвува да ја продолжи својата панда-дипломатија со испраќање две панди во американска зоолошка градина како знак на пријателство.

Трамп најави дека ќе бидат донесени „одлуки“ за клучни прашања како што се „безбедноста, технологијата и суперинтелигенцијата“, новиот термин кој американскиот претседател го употребува за вештачката интелигенција, област која е клучна арена за натпревар меѓу двете земји.

– Одлуките што ги носиме во овие области денес можат да промовираат мир и просперитет во децениите што следат – рече Трамп.

Според писменото обраќање објавено од официјалната кинеска новинска агенција Синхуа, Си изјави дека САД и Кина треба да бидат партнери, а не ривали.

Тој рече дека ова е клучна година за односите меѓу двете земји, додавајќи дека тие треба да поттикнуваат стабилни односи карактеризирани со соработка, умерена конкуренција, надминливи разлики и изгледи за мир.

Си последен пат ги посети САД во 2023 година, кога отпатува во Калифорнија за економскиот самит АПЕК и се сретна со претходникот на Трамп, Џо Бајден.

Ова е негово прво патување во Белата куќа од 2015 година, за време на претседателството на Барак Обама. Кинескиот претседател го посети ресортот на Трамп, Мар-а-Лаго во Флорида во 2017 година.

Трамп го покани Си во Белата куќа за време на неговата посета на Пекинг во средината на мај.

На почетокот на посетата американскиот министер за финансии Скот Бесент доцна во средата најави двомесечно продолжување на трговското примирје меѓу двете суперсили.

ОДЛУКИТЕ ЗА ВИ ЌЕ ГО ДЕФИНИРААТ ГЛОБАЛНИОТ МИР ВО СЛЕДНИТЕ ДЕЦЕНИИ Заедничка изјава на Доналд Трамп и Си Џинпинг од Белата куќа

The post 🎥 САД И КИНА НИКОГАШ НЕ СЕ СЛОЖУВАЛЕ ПОДОБРО Трамп му подари на Си статуа од белоглав орел appeared first on plusinfo.mk.