Швајцарската влада соопшти дека ќе им исплати по 56.000 долари на повредените и на семејствата на жртвите во пожарот што изби во бар во ски-центарот Кран-Монтана на новогодишната ноќ, при што загинаа 41 човек, а 115 беа повредени.

Ова е финансиска помош за семејствата на жртвите и гест на сочувство, објави владата, додавајќи дека обесштетувањето се однесува на секое лице што починало или било хоспитализирано.

Исто така, наведе дека ќе организира состанок со семејствата на загинатите, повредените со претставници на владата и осигурителни компании за да се постигне спогодба и да се избегнат судски постапки. Владата вети дека ќе одвои 20 милиони долари за спогодбата.

Предвидено е и префрлање на 8,5 милиони долари на кантоните за покривање на вонредните трошоци.

Таванот на барот се запали од искри од прскалки. Најголем број од загинатите се тинејџери и странци.

The post ПОЗНАТО КОЛКУ ЌЕ ДОБИЈАТ СЕМЕЈСТВАТА НА ЖРТВИТЕ ВО БАРОТ ВО КРАН МОНТАНА 41 живот згасна на новогодишната ноќ во швајцарскиот ски-центар appeared first on plusinfo.mk.