Капитенот на македонската фудбалска репрезентација, Енис Барди, го раскина договорот со Трабзонспор и без обесштетување ќе го напушти клубот. Се шпекулира дека Барди би можел да се врати во Шпанија, каде што претходно успешно го носеше дресот на Леванте.

На почетокот на ноември, тренерот на Трабзонспор, Шенол Гунеш, го исклучи Барди од тимот заедно со неколку други играчи. Подоцна, тој доби дозвола повторно да тренира со првиот тим, но беше јасно дека во зимскиот преоден рок ќе ја напушти екипата.

Оваа сезона, Барди одигра осум натпревари за Трабзонспор, собирајќи вкупно 377 минути на теренот.

Сега, репрезентативецот на Македонија има две недели за да ги разгледа понудите и да одлучи каде ќе ја продолжи својата кариера. Според информациите, тој има три понуди за враќање во Шпанија, при што најсериозен интерес покажува Еспањол, клуб од Барселона, кој се смета за фаворит во трката за неговиот потпис.

The post БАРДИ РАСКИНА СО ТРАБЗОН Капитенот се враќа во Шпанија? appeared first on plusinfo.mk.