Ибраими во судницата раскажа што се случувало тој ден. Како заменик координатор имал средба со тогашниот претседател на Собранието Трајко Вељаноски, на која присуствувала и Радмила Шекеринска. На средбата се договориле седницата на Собранието да продолжи следниот ден, во петок 28 април.

– На седницата пратениците од ВМРО-ДПМНЕ им забележуваа на пратениците од СДСМ дека соработуваат со партија која не се чуствува добро со државната химна. Кога Крсто Мукоски ја испеа македонската химна јас излегов и ја испеав албанската. Но, тоа беше моја лична одлука – рече сведокот Ибраими.

Тој објасни дека претседателот на Беса, Билал Касами во интервју на една телевизија, неколку дена пред настаните во Собранието изјавил дека Албанците не се чувстуваат добро кога ја слушаат државната химна, а Зекирија кој му ги пишувал говорите, вели дека, всушност Касами требало да каже, дека Албанците не се претставени во химната.

Тој во своето сведочење рече дека како заменик-координатор имал право на процедурално обраќање, тоа го направил неколку пати од собраниската говорница.

Поранешниот пратеник Ибраими беше повикан како сведок на барање на обвинетиот Трајко Вељаноски, поранешниот собраниски претседател.

Во судскиот процес обвинети дека ги организирале настаните од 27 април во македонското Собрание  се и Спиро Ристовски, Миле Јанакиески и Владимир Атанасовски.

The post Поранешниот пратеник Зекирија Ибраими: Моја лична одлука беше пеењето на албанската химна, немаше прекршување на Деловникот appeared first on plusinfo.mk.