Аферата со државните стокови резерви повторно ја отвори темата за одговорност во институциите, откако во истрагата беа опфатени пет службени лица, меѓу кои и Трајан Димковски, поранешен министер, заменик министер и шеф на кабинет во владини структури.

Според информациите, тие се сомничат дека овозможиле незаконски отпис на 2.000 тони пченица и јачмен вредни речиси 800.000 евра.

Од ВМРО-ДПМНЕ реагираат дека случајот ја покажува, како што велат, „длабоката криминогеност на кадровите од СДСМ“.

– Ова е пример како личниот интерес бил ставен пред интересот на граѓаните. Да се отпише лебот на народот е чин кој не смее да се повтори – велат од партијата.

Според истрагата, Димковски до Владата доставил записник во кој прикажал „кусок“ за период од 2007 до 2021 година, по што владини претставници го усвоиле заклучокот на седница.

Од ВМРО-ДПМНЕ тврдат дека тие биле свесни дека овој период не може да се земе како основа, бидејќи во 2019 година била направена целосна обнова на резервите.

– Пченицата била употреблива и не смеела да биде отпишана. Очигледно е дека кусокот настанал во периодот 2019–2021 година, токму во време кога цените на храната енормно растеа – додаваат од партијата.

Од ВМРО-ДПМНЕ прашуваат дали исчезнатите количини завршиле на црниот пазар во соседни држави и дали, како што тврдат, од тоа имало профит и во други структура на власта.

– Јавноста заслужува да знае каде завршиле 2.000 тони жито. Тука не може да има компромиси, секој што профитирал врз грбот на граѓаните мора да одговара – порачаа од ВМРО-ДПМНЕ.

Од партијата додаваат дека очекуваат брза и транспарентна истрага.

The post ДАЛИ ВО АФЕРАТА БИЛ ВКЛУЧЕН И ЉУПЧО НИКОЛОВСКИ? Каде „испари“ жито вредно 800.000 евра и кој профитирал? appeared first on plusinfo.mk.

Трајан Димковски, поранешен министер и заменик министер за земјоделие од редовите на СДСМ, како и шеф на кабинет на Љупчо Николовски, во периодот од 2019-2021 година заедно со други 4 службени лица, направиле отпис на 2.000 тони пченица и јачмен од државните стокови резерви, во вредност од близу 800.000 евра – рече на денешната прес-конференција Викторија Андоновска од ВМРО-ДПМНЕ.

– Пченицата е отпишана, иако постоела и била употреблива. Димковски поднел записник до Владата дека има кусок на 2.000 тони јачмен и пченица од стоковите резерви за период од 2007 до 2021 година, а Филипче, Заев и Николовски без никакви проверки го донеле заклучокот на владина седница.

Јавноста заслужува да знае каде завршиле овие 2.000 тони јачмен и пченица? Дали е точно дека завршиле на црниот пазар во една соседна држава? Дали и Љупчо Николовски, покрај Димковски и останатите, се нафатирале од овој криминал? Дали Николовски изминатиот период е толку гласен во јавноста затоа што е вмешан во овој случај па е исплашен од одговорност?

Граѓаните заслужуваат правда и одговорност, а СДСМ треба да престане да ги брани криминалците од своите редови. Тоа време заврши – рече Андоновска.

The post ОТПИШАНАТА ПЧЕНИЦА ЗАВРШИЛА НА ЦРНИОТ ПАЗАР ВО СОСЕДСТВОТО? Криминалот со Стоковите резерви остави неодговорени прашања appeared first on plusinfo.mk.

Земјоделците сега бараат државата да најде начин како да се искористи пченицата иако е со послаб квалитет. Тие предлагаат да се снижат критериумите за употреба на житото за човечка исхрана, за да не заврши поголемиот дел од произведеното како сточна храна.

– Квалитетот на пченицата годинава е катастрофален поради климата и новите болести кои се појавија поради високата влажност. Дождот го преполови квалитетот на зрното. Иста е состојбата и во соседството од каде што се увезува пченицата. Соседите секако ќе најдат начин да ја употребат и со ваков квалитет за човечка исхрана. Но кај нас никој не размислува за тоа, бидејќи предност имаат мелничарите. Ние предлагаме државата да реагира со намалување на критериумот за хектолитарска маса, со тоа што сега наместо од 100 килограми пченица да се произведат 70 или 80 килограми брашно, да се произведат 65 килограми. Со тоа ќе се овозможи поголеми количини од пченицата да се искористат и да не завршат како сточна храна, но тоа нема да влијае на квалитетот на брашното, да бидат сигурни граѓаните. Дополнително, бараме при пополнување на стоковите резерви да се откупува домашната пченица, а при утврдување на квалитетот да има присутен и претставник на земјоделците – вели претседателот на Асоцијацијата на земјоделци Петре Стојкоски.

Според него, не држи изјавата на државниот советник во Министерството за земјоделство Трајан Димковски дека слабите приноси и квалитет на пченицата се поради тоа што земјоделците штеделе на ѓубрива и не користеле заштита.

– Главна причина за слабиот квалитет и приноси на пченицата е климата, но ако смета Димковски дека сме штеделе на употребата на ѓубрива нека издејствува повеќе пари за земјоделците наесен. Ние сме инвестирале во пченицата колку што ни била долга чергата и во период кога тоа е најпотребно за нашето производство, а ако државата смета дека треба повеќе треба да размислува како да нѐ стимулира. Лесно е да се даваат изјави од канцеларија без да се има увид во фактичката состојба. Секоја година имаме нова болест на пченицата, ние се обидуваме да одговориме на сето тоа – вели Стојкоски кој додава дека земјоделците се гневни од изјавата на Димковски.

Тој додава дека земјоделците знаат кога треба да ги прихранат посевите и која количина на ѓубриво да фрлат во тој период и каква заштита да употребат, но поголемиот дел од нив немаат средства и можност тоа да го направат навреме бидејќи нивниот производ секоја година има ниска откупна цена, а разликата на производната и откупната цена е висока.

– Земјоделците се загрижени дека со откупната цена на пченицата која годинава падна на 9 денари за килограм од ланските 20 денари, нема да можат да инвестираат во новото производство. Како земјоделци не можеме да се справиме со берзанските цени, но со оглед дека годинава имаме ниска откупна цена нашите загуби ќе бидат високи што ќе влијае и на следната производна година. Не се знае и каква година нѐ очекува за следното производство. Сето тоа го прави земјоделецот несигурен во производството – вели Стојкоски.

Тој смета дека наместо државата да ги обвинува земјоделците за ниските приноси треба да ги поттикнува да употребуваат нови агротехнички методи кои ќе бидат соодветни на климатските промени.

Димковски вчера обвини дека земјоделците штеделе на ѓубрива и не употребиле заштини мерки од болести на пченицата.

– Годинава житата потфрлија, со намален принос, но и со квалитет и тука е клучот што постојано го зборуваме. Кај нас житото се заштитува само од плевели, но последниве години покажаа дека мора да се заштити и од болести. Затоа сѐ повеќе при креирањето на политиките даваме значење на тој сегмент, мора да се користи вештачко ѓубре во оптимални количини. Во одредени подрачја или површини каде е слабо користено, излезе и со 56 хектолитри квалитетот на пченицата што е послабо и од јачменот. Имавме и со 73. Јасно е дека кој колку вложил, толку и добива. На исти површини за иста класа земја има и 2,5 – 3 тона, но и 6 – 7 тона по хектар печница, зависно од домаќинството колку вложило – рече Димковски.

Цветан Трупуновски, претседател на комисијата за земјодлество во ВМРО-ДПМНЕ смета дека државата, ако не сака наредното производство на пченица да биде под очекувањата треба итно да го повлече огласот за стокови резерви.

– Откако ќе го стои тоа треба да ги промени и условите. Да го намали хектолитарксиот квалитет, да стави услов дека треба да се откупи само домашна пченица и тоа да биде во повеќе лотови. Треба да се изврши и интервентен откуп за да се намалат количините кои ќе се складираат кај земјоделците поради можност од расипување на зрното – вели Трипуновски.

Трипуновски, како и земјоделците и земјоделските експерти, вели дека за да се добијат високи приноси и висок квалитет на зрното на пченицата мора да се работи на нови агротехнички методи за да се приспособи пченицата на променетите климатски услови и да се создаваат нови сорти пченица кои ќе бидат поотпорни на овие промени.

– Тоа е работа на Министерството за земјоделство кое треба стратешки да планира како ќе се справи со климатските промени во секторот. Оваа стратегија треба да се води заедно со научните институции кои ќе работат на подобрени сорти на пченица кои ќе дадат квалитет и во вака променети услови за одгледување на оваа култура која е стратешка за земјава. Треба да се внимава да не се дестимулираат земјоделците кои годинава имаат загуба од 50 отсто, да продолжат да сеат пченица – додава Трипуновски.

Во Хрватска, на пример, заврши двегодишно истражување со кое се докажа дека со фолијарната прихрана на пченицата со уреа се добиваат повисоки приноси и нема поголеми оштетувања на растенијата. Се добива и подобар хемиски состав на зрната, првенствено во протеини.

Истражувањето кое го спроведе Факултетот за агробиотехнички науки во Осиек покажа дека се постигаат одлични резултати, ако двапати поголеми количини од растворената уреа се примени во два наврата – некаде од средината до крајот на цветањето и седум до десет дена подоцна.

Истражувањето докажало дека со поголем процент на уреа нема поголеми оштетувања на посевите, а просечните приноси се движеле од околу 7 до 8 тони по хектар.

ЗА ЖАЛ, НАШЕТО ЖИТО ЌЕ ЗАВРШИ КАКО СТОЧНА ХРАНА Земјоделците штеделе, родот потфрли

The post НОВИ БОЛЕСТИ ЈА НАПАДНАА ПЧЕНИЦАТА ГОДИНАВА Земјоделците бараат да се снижат критериумите за жито за човечка исхрана appeared first on plusinfo.mk.

Димковски на денешниот брифинг со новинарите што го организира министерот за земјоделство Љупчо Николовски порача дека земјоделците мора да се посветат на количини и на квалитет. Земјава секогаш ќе увезува, но ако имаме принос од четири тона, тоа ќе биде сосема доволно и не ќе има потреба да купуваме однадвор.

– Жито кај нас се увезувало и ќе се увезува. Увезуваме до 80.000 тони пченица и 40.000 тони брашно, најмногу од Србија. Но, ние повеќе пари трошиме за увоз на чоколади отколку за пченица или исто пари даваме за увоз на кафе како и за увоз на пченица. Веројатно сакаме да биде нешто атрактивно и да се продава како информација – нагласи Димковски.

Според него, по мерките за земјоделците, три денари за секој откупен килограм пченица и 100-процентно покривање на трошоците за складирање, сега се на потег мелничарите.

– Со овие мерки притисокот треба да биде кон млинарите зашто лебот остана ист, а тие набавуваат евтина пченица. Кога разговараме, тоа и го кажуваме, не може вие со 10 – 11 денари да купувате пченица, а лебот останува 33 – 35 денари – потенцира Димковски.

Тој уште еднаш напомена дека фокусот мора да биде на мерките кои ќе ги зголемат количините, приносот и квалитетот.

– На почеток имавме добри жита, но тоа не се покажа така и кога влегоа комбајните. А пракса е дека можеме да зборуваме за приноси кога комбајните ќе влезат на нивите. Годинава житата потфрлија, со намален принос, но и со квалитет и тука е клучот што постојано го зборуваме. Кај нас житото се заштитува само од плевели, но последниве години покажаа дека мора да се заштити и од болести. Затоа сѐ повеќе при креирањето на политиките даваме значење на тој сегмент, мора да се користи вештачко ѓубре во оптимални количини. Во одредени подрачја или површини каде е слабо користено, излезе и со 56 хектолитри квалитетот на пченицата што е послабо и од јачменот. Имавме и со 73. Јасно е дека кој колку вложил, толку и добива. На исти површини за иста класа земја има и 2,5 – 3 тона, но и 6 – 7 тона по хектар печница, зависно од домаќинството, колку вложило – објасни Димковски.

The post ЗА ЖАЛ, НАШЕТО ЖИТО ЌЕ ЗАВРШИ КАКО СТОЧНА ХРАНА Земјоделците штеделе, родот потфрли appeared first on plusinfo.mk.

Советникот во Чикаго ќе има надлежност за регионот на т.н. езерски сојузни држави (Илиноис, Мичиген, Висконсин, Индијана, Охајо и Минесота).

Ова е втор дел од пилот-проектот на Министерството за надворешни работи за економска дипломатија, откако неодамна беа назначени четворица економски советници во Минхен, Варшава, Анкара и Абу Даби.

Трошоците за економските советници ќе ги плаќаат министертствата од кои тие се испратени и се исти колку и за секој дипломат што МНР го праќа во странство. Tие ќе бидат дел од дипломатската мрежа на МНР и ќе имаат дипломатски статус. Земјава има над 250 дипломати во ДКП-та низ светот.

Ова го договорија со Спогодба, која шефот на дипломатијата Бујар Османи ја потпиша со министерот за економија Крешник Бектеши и со заменик-министерот за земјоделство, Трајан Димковски.

The post Економски советници испратени во седиштата на СТО и ФАО и во Брисел, Чикаго и Софија appeared first on plusinfo.mk.

Според Димковски, за утре е закажана средба на производителите и преработувачите со министерот за земјоделство, а до понеделник, согласно информациите од терен, би требало да отворат сите пунктови за откуп.

– Решение мора да се бара. Ова е неочекувано, зошто се тргна со волку ниска цена, иако откупувачите најавуваа залихи и дека реколтата е со полош квалитет. Ситуацијата е необјаснива и мора да се утврди причината зошто откупот почна со толку ниски цени. Поголемите фирми ги имаат отворено пунктовите, но добар дел се уште не. Најават е дека од понеделник  треба да бидат отвоени сите – рече Димковски по денешната средба со одгледувачи на крави, овци и кози во Штип.

The post Катастрофална е ситуацијата со откупот на тутунот, цените се ниски, а дел од пунктовите не се отворени appeared first on plusinfo.mk.

Ресорниот министер Трајан Димковски кој беше во работна посета на Охрид, истакна дека од денеска е објавен Јавниот повик за финансиска поддршка за изработка на елаборати и спецификации на регистрација за заштита на називот на земјоделските и прехранбените производи со „Ознака за потекло“, „Географска ознака“ и „Ознака за гарантиран традиционален специјалитет“.

– Максималниот износ за техничката поддршка изнесува 80 отсто од вредноста на трошоците за изработка на елаборат, односно спецификација на производот, лабораториски анализи, истражување на пазар и трошоци за контрола и верификација за соодветноста на елаборатот односно спецификацијата со производот, но не повеќе од 300 илјади денари – рече Димковски.

Корисници на техничката поддршка и субјекти кои може да учествуваат во постапката за доделување на средства за техничката поддршка се група оператори кои се занимаваат со производство, преработка или трговија на ист земјоделски или прехранбен производ без разлика на нивниот правен облик или состав.

– Ги повикувам сите субјекти кои се мотивирани да го заштитат својот производ, да аплицираат на јавниот повик кој ќе трае во наредните 45 дена. Се надевам дека заеднички ќе успееме да го направиме првиот чекор и ќе го надминеме досегашниот проблем кој главно се однесуваше на изработката на елаборатите. На тој начин ќе овозможиме многу наши домашни земјоделски производи и домашни традиционални специјалитети конечно да добијат „Заштитена ознака за потекло“, „Заштитена географска ознака“ или ознака за „Гарантиран традиционален специјалитет“ – рече тој.

Димковски беше во атарот на село Косел, што е меѓу неколкуте од Охридскиот регион каде се каде се одгледуваат надалеку познатите Охридски цреши.

Поводот за посетата беше токму фактот што во последните три години забележано е постојано зголемување на површините со црешови насади за 23 отсто, како и континуриано зголемување на бројот на баратели за субвенции за цреши, за 30 проценти.

Во регионот се произведува домашната сорта „Охридска цреша“ која од 2017 година е првиот регистриран назив со заштитена географска ознака.

The post Производителите ќе конкурираат за заштита на називите на нивните производи appeared first on plusinfo.mk.