Шеесет и петгодишен жител на Арачиново бил приведен вчера во Липково откако со товарно возило превезувал дрва без жиг, а потоа не застанал на полициски знак и се обидел да побегне.

„Вчера во 18 часот, полициски службеници од СВР Куманово го лишија од слобода Џ.А. (65) од село Арачиново“, соопшти МВР.

Според полицијата, Џ.А. бил забележан додека управувал товарно возило во Липково.

„Тој во село Липково управувал товарно возило во кое превезувал дрва без жиг и не застанал на даден знак ‘стоп’ од полициски службеници и се обидел да побегне“, наведува МВР.

Џ.А. бил приведен и однесен во полициска станица.

„По целосно документирање на случајот против него ќе следува соодветна пријава“, соопшти полицијата.

The post ПРЕВЕЗУВАЛ ДРВА БЕЗ ЖИГ, СЕ ОБИДЕЛ ДА ПОБЕГНЕ Арачиновец приведен во Липково appeared first on plusinfo.mk.

Две лица се повредени во сообраќајна несреќа што утрово се случила кај селото Тајмиште, кичевско, во која учествувале патничко и товарно возило.

Од Министерството за внатрешни работи информираат дека несреќата била пријавена денеска, 13 август 2026 година, околу 8 часот во ОВР Кичево.

Според првичните информации, во сообраќајката со повреди се здобиле едно машко и едно женско лице, кои се наоѓале во патничкото возило. Двајцата биле пренесени во болницата во Кичево.

На местото на несреќата е полициска екипа која врши увид за утврдување на причините и околностите под кои дошло до судирот.

Од МВР најавуваат дека по завршувањето на увидот се очекуваат повеќе информации за несреќата.

The post АВТОМОБИЛ СЕ СУДРИ СО КАМИОН КАЈ КИЧЕВО Две лица повредени и пренесени во болница appeared first on plusinfo.mk.

Вчера во Македонски Брод, полицијата го лишила од слобода З.Х. (31) од Република Албанија, осомничен за давање поткуп. Инцидентот се случил околу 13:50 часот, при рутинска сообраќајна контрола на товарно возило „ман“ со албански национални ознаки.

Полицајците забележале пари во патната исправа што осомничениот ја приложил за увид. По постапувањето, јавен обвинител бил известен, а З.Х. останал задржан во полициската станица додека трае целосното документирање на случајот. Се очекува наскоро да биде поднесена соодветна пријава против него.

The post САКАЛ ДА ПОТПКУПИ ПОЛИЦАЈЦИ, А ТИЕ ГО ПРИВЕЛЕ Албанец фатен со пари во патната исправа appeared first on plusinfo.mk.

Со положување цвеќе пред споменикот подигнат во чест на загинатите бранители во Волково, Општина Ѓорче Петров денеска беа одбележани 24 години од загинувањето на македонските бранители, припадници на резервниот состав на Армијата кои загинаа на 10 август 2001 година кај месноста Љуботенски бачила.

Венци со цвеќе пред споменикот на паднатите бранители во село Волково положија делегација на Влада предводена од министерот за правда Игор Филков и министерот за дигитализација Стефан Андоновски; делегација од Министерството за одбрана и Генералштабот на Армијата предводена од директорот на Генералштабот, бригаден генерал Орце Јордев; делегација на Претседателот на Република Македонија и делегација од Општина Ѓорче Петров предводена од градоначалникот Александар Стојкоски и Советот на Општината, делегација од МВР, Единица за брзо распоредување, од Полициската станица Ѓорче Петров.

Со положување цвеќе пред споменикот подигнат во чест на загинатите бранители во Волково, Општина Ѓорче Петров денеска беа одбележани 24 години од загинувањето на македонските бранители, припадници на резервниот состав на Армијата кои загинаа на 10 август 2001 година кај месноста Љуботенски бачила.

Венци со цвеќе пред споменикот на паднатите бранители во село Волково положија делегација на Влада предводена од министерот за правда Игор Филков и министерот за дигитализација Стефан Андоновски; делегација од Министерството за одбрана и Генералштабот на Армијата предводена од директорот на Генералштабот, бригаден генерал Орце Јордев; делегација на Претседателот на Република Македонија и делегација од Општина Ѓорче Петров предводена од градоначалникот Александар Стојкоски и Советот на Општината, делегација од МВР, Единица за брзо распоредување, од Полициската станица Ѓорче Петров.

Во знак на длабока почит и трајно сеќавање присуствуваа и положија цвеќе и членови на семејствата на загинатите бранители, како и бројни делегации, меѓу кои и на Здружението на бранители на Македонија и Здружението на борци на Општина Ѓорче Петров.

Градоначалникот на општина Ѓорче Петров, Александар Стојкоски, порача дека денес се навршуваат 24 години од херојската жртва на Томе Димоски, Ивица Златевски, Раде Јанковски, Томислав Настевски, Ацо Ангеловски, Томе Бадаровски, Гоце Чанкуловски, Бранко Јанев и Марјанчо Бошковски, храбрите македонски бранители кои ги положија животите за татковината.

– Поминаа 24 години, но тагата не стивна, таа се уште живее во срцата на нивните најблиски. Тоа е болка што ја чувствуваме сите, како луѓе и како народ, болка што прерасна во национална гордост. Тие не се само имиња – тие се нашата колективна совест, нашиот завет и нашиот обврзувачки спомен – порача Стојкоски.

Во нивна чест свежо цвеќе претходно беше положено и пред споменикот на херојот Томислав Настевски во Ѓорче Петров.

На 10 август 2001 година со воено товарно возило на патот кон месноста Љуботенски Бачила при активирање на мина животот го загубија осум припадници на резервниот состав на Армијата: Томе Бадаровски, Гоце Чанкуловски, Бранко Јанев, Томислав Настевски, Марјанчо Бошковски, Ивица Златевски, Томе Димовски и Раде Јанковски.

На овој ден се оддава почит и на Ацо Ангеловски кој во 2000 година загина во Арачиново при вооружен напад врз полициска патрола.

Мицкоски: Почит и слава за хероите од Љуботен

По повод 24 години од загинувањето на македонските бранители, припадници на резервниот состав на Армијата кај месноста Љуботенски Бачила, премиерот Христијан Мицкоски објави порака дека „Македонија се потпира на влогот на овие луѓе и нивното дело“.

– Почит и слава за хероите од Љуботен. Само со вистина, почит и искрена желба за помирување можеме да изградиме општество каде вакви трагедии нема да се повторат. Нека е вечна нивната жртва за татковината. Македонија се потпира на влогот на овие луѓе и нивното дело – напиша претседателот на Владата на Фејсбук.

На 10 август 2001 година, на патот кон месноста Љуботенски Бачила со воено товарно возило, при активирање на мина животот го загубија осум припадници на резервниот состав на Армијата: Томе Бадаровски, Гоце Чанкуловски, Бранко Јанев, Томислав Настевски, Марјанчо Бошковски, Ивица Златевски, Томе Димовски и Раде Јанковски.

На овој ден му се оддава почит и на Ацо Ангеловски кој во 2000 година загина во Арачиново при оружен напад врз полициска патрола.

The post 📷 ПОЧИТ И СЛАВА ЗА ХЕРОИТЕ ОД ЉУБОТЕН Одбележани 24 години од загинувањето на припадниците на Армијата appeared first on plusinfo.mk.

Дваесетгодишен скопјанец е лишен од слобода откако бил фатен како управува товарно возило со повеќе од двојно поголема брзина од дозволената, на патот меѓу Прилеп и Крушево.

Како што соопшти МВР, инцидентот се случил на 18 јуни 2025 година, околу 10:00 часот, кај местото викано „Стопанство“. Полициските службеници од ОВР Крушево, при редовна сообраќајна контрола, го запреле возилото „дачиа“ со скопски регистарски ознаки, кое се движело со брзина од 121 километар на час на делница каде што максимално дозволената брзина е 50 км/ч.

– Возачот С.А. (20) од Скопје е приведен во полициска станица. По целосно документирање на случајот, против него ќе биде поднесена пријава по член 297-а од Кривичниот законик – за безобѕирно управување со моторно возило – соопшти МВР.

The post ВОЗЕЛ КАКО НА ФОРМУЛА ПА ЗАВРШИ ВО ПОЛИЦИЈА Скопјанец фатен со 121 км/ч каде што е дозволено 50, веднаш е приведен appeared first on plusinfo.mk.

Камион со скопски регистарски ознаки денеска излета од патот Кавадарци-Прилеп и падна во дол во близина на селото Раец. Според очевидци, возачот и совозачот биле извлечени од случајни минувачи и мештани, кои веднаш притрчале на помош.

На снимка испратена до порталот „24инфо“, се гледа како двајцата мажи успеваат да излезат од превртениот камион. За среќа, и покрај драматичниот пад, тие не се здобиле со повреди.

Причините за несреќата засега не се познати, а надлежните служби ќе спроведат истрага за утврдување на околностите под кои се случил инцидентот.

The post 📽️ КАМИОН ИЗЛЕТА ОД ПАТОТ КАЈ ПЛЕТВАР Возачот и совозачот преку прозор излегле од превртеното возило appeared first on plusinfo.mk.

Несреќата во полиција е пријавена околу 01:05 часот.

Според првичните информации во сообраќајната несреќа учествувале товарно возило и автомобил. Повредено е едно лице, велат од МВР.

Сообраќајот на магистралниот пат е во прекин, а истиот се пренасочува.

Од МВР додаваат дека по завршување на увидот ќе излезат со повеќе информации.

The post ЕДНО ЛИЦЕ ПОВРЕДЕНО ПРИ СУДАР НА КАМИОН И АВТОМОБИЛ Патот Прилеп-Битола во прекин поради несреќа appeared first on plusinfo.mk.

Градоначалникот на Општина Зелениково, Коста Маневски, со своите соработници веднаш излегле на терен и направиле соодветно одбележување на оштетениот мост што претставува потенцијална опасност за движење на возилата и пешаците коишто поминуваат по него.

„Од страна на Секторот за операции и координација (СОК) на ЦУК во координација со Градоначаникот на Општина Зелениково се известени Јавното претпријатие за оддржување на магистралните и регионалните патни правци се со цел за превземање на мерки и активности во нивната надлежност. Посочено им дека е потребно итно да се излезе на местото на настанот за да се постави соодветно одбележување и сигнализација, а во најкраток можен рок да се изврши санација на оштетената ограда се со цел да не дојде до несакни последици врз возилата и населението. Тоа е и направено. Екипата на ЈП за одржување на магистралните и регионалните патни правци во моментот се на терен, вршат увид и постапуваат соодветно нивните надлежности. Инаку, за сега, според информациите од терен, нема жртви при настанот“, соопштија од ЦУК.

The post ТОВАРНО ВОЗИЛО ГО ПРОБИЛО МОСТОТ КАЈ ЗЕЛЕНИКОВО-ТАОР Од ЦУК велат дека нема жртви appeared first on plusinfo.mk.