По објавувањето на текстот „НА ДЕЖУРСТВО БЕЗ ТОПЛОМЕР, БЕЗ МЕРАЧ ЗА ПРИТИСОК! Лекарите во Поликлиника Ѓорче Петров оставени на цедило“ на Плусинфо, остра реакција пристигна од д-р Каролина Ристова Стефановска, вработена во ноќната служба во поликлиниката, која вели дека тврдењата на матичните лекари дека се оставени на цедило за време на дежурствата се „лажги со опашки“.

Во однос на примерот наведен во текстот со пациентката Симона, на која, иако неколкупати му потенцирала на дежурниот лекар дека е бремена, ѝ била припишана терапија која не е препорачана за трудници, д-р Ристова-Стефановска вели дека искрено жали за направениот пропуст, но дека сепак мора да се потенцира дека во тој момент на дежурство биле матичните лекари, а не редовно вработените лекари во ноќната служба.

Во продолжение ви ја пренесуваме реакцијата на д-р Каролина Ристова Стефановска во целост:

„Јас како вработен лекар во оваа ноќна служба можам да истакнам дека работиме во одлични технички и просторни услови и дека имаме соодветна апаратура неопходна за нашата служба. Работиме секој работен ден од 19:30 до 07:30 часот, викенди и празници. Во вашиот текст, во изјава на матичен лекар од подрачјето на Ѓорче Петров е наведено дека немаме ни апарат за притисок, ни пулсметар, ни топломер. Одговорно тврдам дека ова не е вистина. Ниту еден пациент не е вратен непрегледан. Во поглед на наведената пациентка Симона, во разговор со нејзиниот сопруг ни беше кажано дека таа дошла на преглед околу 17 часот во тек на саботното дежурство на матичните лекари, каде според нив е даден погрешен лек кој не е соодветен за трудници. Сакам јавно да се оградам во мое име и во име на останатите мои двајца колеги кои ја покриваме ноќната служба во врска со направениот пропуст со припишаниот лек. Ги замолувам колегите матични лекари да си се обратат кај своите координатори за решавање на нивните постоечки проблеми, но никако со тоа не смее да се случи и ние како дежурна служба да бидеме вовлечени во нивниот проблем. Значи, да бидеме појасни, ние лекарите од ноќната служба во Поликлиника Ѓорче Петров не сме доведени на цедило, како што е наведено во текстот, и ги имаме сите неопходни услови за работа и соодветна апаратура“, пишува д-р Каролина Ристова Стефановска.

Како што претходно, во неформален разговор со д-р Ристова-Стефановска ни беше објаснето, дел од матичните лекари од територијата на Општина Ѓорче Петров редовно ротираат и дежураат во Поликлиника Ѓорче Петров.

НА ДЕЖУРСТВО БЕЗ ТОПЛОМЕР, БЕЗ МЕРАЧ ЗА ПРИТИСОК! Лекарите во Поликлиника Ѓорче Петров оставени на цедило

The post „МАТИЧНИТЕ ЛЕКАРИ САМО СЕ ЖАЛАТ, А ИМААТ СЀ ШТО ИМ ТРЕБА“ Вработени во Поликлиника Ѓорче Петров тврдат дека состојбата е далеку од ужасна appeared first on plusinfo.mk.

Температурата на телото веднаш по будењето може да ви открие дали e сè во ред со тироидната жлезда и дали работи правилно.

Овој начин на проверка на активноста на тироидната жлезда бил откриен пред околу 50 години од доктор Брода Барнс, американски доктор, во неговата книга за активностите и неактивностите на тироидната жлезда, односно ендокрините дисфункции.

Тој ја прогласил температурата на телото за моќен сојузник во откривањето на овој проблем и смислил едноставен тест што можете да го направите дома, во кревет, веднаш по будењето.

Тест Барнс

Подготовката за тестот започнува навечер, пред спиење. Подгответе термометар и протресете го така што температурата што ја покажува да е пониска од 35 степени Целзиусови.

Утрото, откако ќе се разбудите, измерете ја температурата (најдобро е да ставите термометар под пазувите, на гола кожа и да го држите околу 10 минути). Температурата што ќе се прикаже на термометарот по мерењето се нарекува „утринска базална температура“. Запишете ја веднаш за да не заборавите колку е голема.

Направете го тестот 3 дена по ред за да бидете сигурни во неговите резултати.

Резултати од тестот

1. Ако температурата на термометарот е помеѓу 36,5 Ц и 36,8 Ц – штитната жлезда работи

2. Ако температурата на термометарот е пониска од 36,5 Ц – таа е намалена (симптоми на намалена функција на тироидната жлезда се депресија, недостаток на енергија, замор, инфекции, хронична главоболка, недостаток на меморија и концентрација, губење на косата итн).

3. Ако температурата на термометарот е повисока од 36,8 Ц – тироидната жлезда работи забрзано или е присутна инфекција во телото.

Затоа, ако температурата е под или над нормалните вредности, консултирајте се со доктор за да ја потврдите дијагнозата и да добиете стручен совет.

Температурата може да варира поради заразни болести, кај жени кои се во менопауза или имаат менструација. Затоа, направете го овој тест кога сте здрави и кога немате менструација.

The post САМИ ПРОВЕРЕТЕ ЈА ШТИТНАТА ЖЛЕЗДА Алатката за дијагноза се вика – топломер appeared first on plusinfo.mk.