Во рамки на групацијата Tessa Group започнува ново поглавје во енергетиката под брендот – Tessa Energy. Овој чекор не е само промена на имиџот, туку пред се симбол на обединетост, визија и континуиран напредок – соопшти групацијата Tessa Group.

„Како енергетски столб на групацијата, Tessa Energy е посветена на создавање еколошки, ефикасни и економични решенија кои придонесуваат за подобар квалитет на живот и чиста животна средина.

Водечки „мотор” на Tessa Energy e Energy Ecolink, топланата која ги снабдува жителите на општините Чаир и Бутел, започнувајќи нова ера на енергетска стабилност, сигурност и одржлив развој во Скопје.

Оваа есен Energy Ecolink влезе целосно подготвена пред официјалниот старт на грејната сезона и на своите корисници им обезбеди сигурно и топло домување, затоа што топлината не е луксуз, туку секојдневна потреба во период кој им претстои. Компанијата е посветена на постојан развој и иновации за да одговори на потребите на пазарот и да ги надмине очекувањата на своите корисници.

Со новата инвестиција во вредност од над 2 милиони евра кои беа инвестирани во Tessa Energy, Скопје добива нова когенеративна гасна постројка за комбинирано производство на топлинска и електрична енергија. Проектот предвидува приклучување на опремата на гасоводната мрежа со која управува Energy Ecolink (поранешна Топлана Скопје Север АД Скопје).

Со оваа инвестиција се планира создавање на одржлив и еколошки извор на електрична енергија, како и проширување на постоечките капацитети, со што ќе се овозможи подобрување на квалитетот на услугата кон граѓаните, намалување на цената на топлинската енергија, и позитивно влијание врз намалување на загадувањето на воздухот во градот Скопје“ – се вели во соопштението на Tessa Group.

The post СТАРТУВА НОВА ТОПЛАНА ЗА ЧАИР И БУТЕЛ Tessa Energy – ново поглавје во енергетиката appeared first on plusinfo.mk.

Според информациите до кои дојде Плусинфо, поради студените радијатори вчера училиштата во општините Чаир и Бутел го прекинале наставниот процес и ги ослободиле учениците уште од вториот час. Денеска, како што нѐ информираше градоначалникот на Бутел, Дарко Костовски, најзасегнати се училиштата и градинките кои се затоплуваат токму од топланата „Скопје-Север“.

– „Петар Здравковски – Пенко“ и клонот на „11 Октомври“ веќе втор ден немаат греење и затоплување на објектите. Освен тоа, и граѓаните од зградите во Скопје-Север се без греење. Ние сме најзагрижени за училиштата и за градинките, се надеваме дека во најбрз можен рок ќе биде надминат овој проблем. Општината Бутел редовно ги исполнува обврските кон топланата „Скопје-Север“. Овие денови функциониравме во исклучително тешки услови. Во градинката се обидуваме да го загрееме објектот со помошни тела, бидејќи е најнеопходно, а во основните училишта организиравме скратена настава – објаснува градоначалникот Костовски.

За да ја надмине финансиската криза, топланата „Скопје-Север“ побарала наместо со гас, греењето да продолжи со мазут, но Град Скопје не дозволил, објаснуваат од општината Бутел. Поради тоа што топланите немаат филтри, а гасот е достапен на пазарот, Министерството за животна средина забранило тие да користат мазут или дизел како гориво.

Граѓаните од овие две општини велат дека студот е неподнослив и за домаќинствата. Тие редовно ги плаќаат сметките, а  често се случува да имаат прекин на парното греење. Некои од нив имаат мали деца, а некои и стари и болни членови на семејствата. Тие се снаоѓаат како знаат и умеат, користат греалки, но тоа значи дека плаќаат и повисоки сметки за струја.

Утрово ЕСМ ги извести граѓаните на Скопје дека испораката на топлинска енергија тече непречено и дека така и ќе продолжи и во следниот период. За месец декември е обезбеден природен гас од „Макпетрол пром-гас“ и топлинска енергија од ТЕ-ТО. Компанијата продолжува со практиката за набавка на природен гас во покуси временски периоди, поради финансиски подобрите услови.

Решен е проблемот и со парното во „Скопје-Север“, соопштија од дирекцијата на ова акционерско друштво. Одборот на доверители денеска напладне му даде зелено светло на директорот Богољуб Макревски, кој е водач на стечајната постапка на матичната компанија, да потпише техничко-деловна соработка со ЕСМ.

Според нив, во текот на денот се очекува да се форматира договорот за премин на Топланата од приватно во државно управување, а во меѓувреме да се снабди со природен гас за најдоцна утре да има парно греење во подрачјето на Чаир и на Бутел.

The post „СКОПЈЕ-СЕВЕР“ ТРЕТ ДЕН ГИ СМРЗНА ЧАИР И БУТЕЛ Проблемот решен, ЕСМ ја презеде и обезбеди гас appeared first on plusinfo.mk.

Еве што напиша здружението во реакцијата:

„Наместо одговор на легитимно поставено новинарско прашање за работата на топланата Скопје, Север, директорот Куштрим Рамадани упати груби навреди и омаловажувања кон новинарката Катерина Додевска од МКД.мк. Во телефонски разговор помеѓу колешката Додевска и директорот Рамадани, поврзан со тема околу дозволите на оваа топлана, Рамадани на груб начин со недоличен речник ја пцуе новинарката со зборовите Пи*ка ти материна… матер ти е*ам!

ЗНМ алармира дека ваков однос кон новинарите и медиумските работници од страна на одговорни лица е недозволив и непримерен. Лична пресметка со новинарите или медиумските работници во ниту еден случај не може да биде оправдана и затоа овој однос може да води кон самоцензура. Ваквиот однос претставува и притисок на слободата на информирањето на јавноста и загрозување на јавниот интерес.

Директорот Рамадани исто така, според разговорот објавен на Мкд.мк, се заканува со тужба на новинарката Додевска без никаква основана причина што дополнително говори за нискиот капацитет за професионална комуникација.

ЗНМ стои на располагање на колешката Додевска за бесплатна правна помош и за застапување на суд во врска со овој случај“, се вели во соопштението.

The post ЗНМ БАРА РАМАДАНИ ВЕДНАШ ДА СИ ПОДНЕСЕ ОСТАВКА Директорoт упати груби навреди и омаловажувања до новинарката на МКД appeared first on plusinfo.mk.

Рамадани во изјава за МИА рече дека не знае дали решението што го добиле е согласно закон и најави дека ќе го обжалат.

Министерот за економија Крешник Бектеши претходно изјави дека во законот е предвидена можност да се користи алтернативно гориво за производство на топлинска енергија, односно мазут или дизел, но, како што порача, кога ќе се користи да се запазат процедурите во државава.

– За нас е приоритет да не се доведеме во таква ситуација да треба да користиме алтернативно гориво за Исток и за Запад, со кои ние менаџираме како држава преку ЕСМ. Во делот на Скопје Север има Инспекторат за животна средина ако во случај работи со мазут или со дизел освен природен гас да ги проверат нивните лиценци и процедурите како ги ставиле овие енергенси во функција – рече Бекшети, на новинарско прашање.

Како што соопшти Бектеши, на Скопје Север им се понудени две опции, да се склучи договор за деловно техничка сораотка или за закуп, по примерот со топланите Скопје Исток и за Скопје Запад, но нема повратен одговор од раководството.

The post ТОПЛАНАТА „СКОПЈЕ СЕВЕР“ ДОБИ ЗАБРАНА ДА РАБОТИ НА МАЗУТ Директорот се сомнева дека решението е согласно законот appeared first on plusinfo.mk.

Обезбедени се финансиски средства за набавка на гас за топланата Скопје Север за следните 10 дена, потврди првиот човек на топланата Куштрим Рамадани.

Во изјава за МИА, Рамадани изрази очекување дека во следниот период ќе се најде заедничко прифатливо решение за да се надмине проблемот со парно греење.

– Се надевам дека ќе се најде заедничко прифатливо решение. Бевме на средба во Регулаторната комисија за енергетика каде присуствуваа и претставници од ЕСМ – изјави Рамадани.

Без парно греење останаа домаќинства, училишта, градинки, здравствени установи од Чаир, Бутел и Топанско поле поради тоа што не беше потпишан договорот за деловно техничка соработка меѓу топланата Скопје-Север и АД ЕСМ.

The post СКОПЈЕ СЕВЕР ЌЕ ИМА ПАРНО ЗА СЛЕДНИТЕ 10 ДЕНА Привремено е решен проблемот, најдени средства за набавка на гас appeared first on plusinfo.mk.

– Веќе е пристигната една понуда од компанијата „Макпетрол” за потребните количини за ноември, меѓутоа очекуваме уште неколку други понуди. Ќе видиме, која ќе биде најконкурентната, таа ќе биде прифатена. Гасот којшто треба да се добие во понудите за наредниот период, ќе биде гас којшто е потребен за топланите Исток и Запад,  вклучително и Север доколку се склучи договорот, но исто така и за работа на приватната централа ТЕ-ТО за да се стави во функција од ноември, со цел да се произведе повеќе електрична енергија, да го зацврстиме електроенергетскиот систем во државата, но исто така и да добиеме топлинска енергија, којашто ќе задоволи 60 проценти од топлинската енергија што е потребна за загревање на градот Скопје – изјави денеска директорот на ЕСМ Васко Ковачевски.

Овој енергенс засега се купува месец за месец, односно до 20-ти во месецот се прибираат понудите за наредниот месец. Владини извори брифираат дека доколку се добие понуда за шест месеци со прифатлива фиксна цена, тогаш може да се склучи и договор за шест месеци.

– Ако постигнеме цена која ќе биде фиксна и ќе одговара на пресметките за производство на електрична и на топлинска енергија, тогаш може да потпишеме таков договор – велат владини извори.

Посочуваат дека има две посериозни компании кои за два до три дена би доставиле понуди. Од едната компанија не е исклучена можноста да достави понуда за шест месеци.

Во однос на топланата Скопје-Север која најавува дека ќе има греење за уште неколку дена и бара помош од Владата, директорот на ЕСМ вели дека оваа топлана уште ги нема завршено формално-правно работите.

– Известена е компанијата и очекуваме дека до почнување на новиот договор за деловна техничка соработка, претходните должничко-доверителски односи ќе ги завршиме и ќе можеме да влеземе во нов циклус. Очекувам нашите колеги од Топлана Север да си ја завршат прво својата обврска и потоа да може да обезбедуваме парно греење за околу 500 домаќинства и други потрошувачи во овој дел на градот Скопје – изјави Ковачевски.

Со компаниите што ги понуди лидерот на ВМРО-ДПМНЕ за набавка на енергенси, досега нема ништо конкретно. Едната компанија, со чии претставници министерот за економија имаше средба во Белград, досега нема доставено никаква понуда. Се работи за компанијата „ПГО” која доставила само предлог договор за соработка, но не и понуда. Никаков исход нема ниту со втората компанија. Станува збор за компанија од Република Српска.

The post САМО МАКПЕТРОЛ ДАЛ ПОНУДА ЗА ПРИРОДЕН ГАС Од ЕСМ чекаат уште две-три компании да понудат за да се одбере најконкурентната appeared first on plusinfo.mk.

Топланата набавила гас по пазарна цена од А.Д. „Макпетрол“, но предуредува дека ако државата не го субвенционира гасот, овој дел од Скопје ќе се грее до крајот на годината.

По сегашните цени на гасот Топланата годишно треба да плати 125 милиони денари за природен гас но Регулаторната комисија за енергетикаим признава 65 милиони денари, што значи дека доколку нема сувбвенции топланата нема да може да работи по Нова година.

Одговорите во Топланата велат дека имаат долгови од стрнаа на институциите, општините, градот Скопје, училиштата како и од граѓани.

Парно за овој дел од Скопје ќе има и утре според временските услови и правилникот за испорака на топлина.

Остатокот од Скопје денеска немаше топлинска енергија. ЕСМ и  „Адора инженеринг“ преговараат  за топланите Исток и Запад.

Од ЕСМ уверуваат дека скопјани ќе добијат парно греење со почетокот на грејната сезона а тоа е 15 октомври.

Законските прописи предвидуваат дека грејната сезона може да започне од 1 октомври  доколку прогнозираната средна надворешна температура за наредниот ден е еднаква или помала од 12⁰С, според податоците од Управата за хидрометеоролошки работи. Конечната одлука за испорака на топлинска енергија во деновите пред официјалниот старт на грејната сезона, односно 15 октомври, ја носи Регулаторната комисија за енергетика.

The post НЕ ГИ ПЛАТИЛЕ СМЕТКИТЕ ЗА ПАРНО, АМА ДЕНЕСКА ДОБИЈА ТОПЛИНА Топланата Скопје Север ги затопли жителите на Бутел и Чаир appeared first on plusinfo.mk.

Договорот за реализација на деловно техничка соработка има за цел да се обезбеди топлинска енергија за снабдување на жителите на Град Скопје.

Владата денеска донесе и Одлука со која се одобруваат текстовите на договорите со БЕГ и со топланата Скопје Север АД – Скопје и со која се одобрува работењето на Управниот одбор и на Надзорниот одбор на АД Електрани на Северна Македонија во државна сопственост, со БЕГ и со Друштвото за снабдување со пареа и топла вода Скопје Север АД – Скопје.

The post ВЛАДАТА СО НОВА ОДЛУКА Управувањето со топланата Скопје Север го презема ЕСМ appeared first on plusinfo.mk.

До РКЕ, како што вели Бислимоски, веќе е поднесено барање од ГЕС за што Регулаторот издал решение за прекин на постапка што е обжалено на Управен суд и во моментов се чека одлука од Судот.

– Во изминатиот период имав комуникација со претставници од ГЕС и Балкан енерџи груп (БЕГ) и сметам дека ќе се најде компромисно решение, пред сѐ, за мрежата која сега е дадена на користење на ГЕС, но за неа претходно има договор за користење во период од 35 години со БЕГ што започна да се применува од 1 јануари 2013 година. За онаму каде ГЕС ќе ни покаже дека има свои основни средства може да добие лиценца. Тоа најбрзо би можело да се случи за Скопје Север, а потоа и во делот на Железара, односно за Енергетика. За тоа помеѓу себе треба да се договорат ГЕС и Енергетика која е во сопственост на Електрани на Северна Македонија (ЕСМ) – изјави Бислимоски.

Тој нагласи дека треба да се најде соодветен начин на кој тие средства би се дале на користење на ГЕС.

– Во Скопје Север имаме компанија која функционира со огромни загуби и нема ни финансиски средства да ги покрива трошоците за набавка на природен гас. И во текот на минатата грејна сезона и во текот на оваа грејна сезона ова претпријатие имаше сериозни проблеми во овој дел. Како Регулаторна комисија за енергетика неколку пати го замоливме снабдувачот со природен гас „Макпетрол хром гас“ да им излезе во пресрет, пред сѐ, заради граѓаните – рече Бислимоски.

Тој нагласи дека топланата во Скопје Север има огромен потенцијал за нови потрошувачи, бидејќи во голем дел од зградите во Скопје Север и во Тоопанско Поле веќе има постоечка инфраструктура.

– Верувам дека ќе има голем број корисници кои ќе се приклучат на организираниот систем за греење и со тоа ќе придонесат за намалување на своите трошоци и за намалување на загадувањето во Град Скопје – потенцира Бислимоски.

The post Градски енергетски системи ќе ги грее Скопје Север и Автокоманда? appeared first on plusinfo.mk.