Не е згрешено знамето, па сменето, туку едноставно снимена е замената на знамињата, односно во прилогот на Топ чанел, злоупотребен е моментот кога е заменето знамето на ЕУ кое стои до државното за да се стави знамето на државата од каде доаѓа гостинот, во случајот премиерот на Косово, објави денеска македонската Влада како реакција на информацијата објавена од албанската телевизија „Топ Чанел“ според која „Курти вчера за малку ќе бил пречекан со знамето на Европската унија, наместо со тоа на Косово“.

„Во врска со информацијата објавена од „Топ Чанел“, сакаме да истакнеме дека се работи за класична лажна вест. Обидот за намерно создавање забуна е повеќе од очигледен и нема да помине кај ниту еден свесен граѓанин. Имено, ако внимателно се гледа видеото, јасно може да се забележи дека се работи за промена на постојното знаме на ЕУ, кое беше таму на претходната прес-конференција, со ново знаме за настанот што следеше подоцна со косовскиот премиер. Овој вид на т.н. известување претставува класичен обид за релативизација на сите скандали и пропусти на претходната влада. Аматеризмот кога се грешеа знамиња на држави или се поставуваа наопаку не е, ниту може да биде случај сега со оваа извршна власт“, се наведува во реакцијата на Владата.

Оттаму ги замолуваат медиумите пред да објавуваат вакви сензационалистички дезинформации и лажни вести, да ги проверат фактите. Во спротивно, тие стануваат дел од нечесната и валканата политичка битка на ретроградните сили кои доживеаа катастрофален пораз на изборите, се додава во реакцијата на Владата.

The post ЛАЖНА ВЕСТ Е ДЕКА ЗНАМЕТО НА КОСОВО БИЛО ЗГРЕШЕНО Владата го демантира Топ чанел appeared first on plusinfo.mk.

Ако на овие избори повторно се избира претставникот од етички аспект, нема причина Албанците да бидат алиби за изборен процес и ќе инсистираме овие да бидат последни избори на ваков начин, да се смени Уставот и претседателот да биде избран во парламентот со две третини од гласовите – изјави претседателскиот кандидат Бујар Османи во настап на ТВ Топ чанел.

Тој оценил дека начинот на избор на претседател во Северна Македонија е погрешен бидејќи во мултиетничките општества, каде што изборите се моноетнички, многу заедници се исклучени, што, како што вели, носи незадоволство кон претседателот и како последица на тоа криза, бидејќи не е прифатен од дел од населението.

– Ние работиме за заедничка држава, господари сме во сопствената куќа. Ние не сме малцинство, ние ја водиме државата. Ова е пристап кој е погрешно разбран и во Косово и во Албанија. Не ни треба покровителство, ние сме господари во својата куќа. Пред 20 години бевме исклучени. Во институциите во 2001 година бевме 0,2 Албанци, денес сме околу 25 проценти. Не ја преземаме претседателската функција за да покажеме доминација. Тоа не е забранета област. Претседателот, кој ја има улогата на обединувач, треба да го изберат сите заедно – вели Османи.

The post „НИЕ НЕ СМЕ МАЛЦИНСТВО, НИЕ ЈА ВОДИМЕ ДРЖАВАТА“ Османи објаснува зошто претседателот треба да се бира во Собранието appeared first on plusinfo.mk.

Според албанските медиуми луѓето се по потекло од Скадар и се уапсени во Валона.

Истрагите за осомничените лица кои се вмешани во настанот продолжуваат.

Вработените кои биле присутни во зградата во моментот на тешкиот инцидент се сослушани оти истражителите ги сметаат за сведоци.

Првичните информации говорат дека истрагата ќе се однесува на обвинението за „убиство во квалификациски околности“ на штета на Пал Кола вработен од обезбедувањето.

Një ngjarje e rëndë është shënuar në orët e para të mëngjesit pranë godinës së televizionit Top Channel. Syri TV sjell pamjet e pasojave të sulmit me armë. pic.twitter.com/a6G2rlcCqR

— Syri Tv (@SyriTelevizion) March 27, 2023

Адвокатката Ардита Соколи за Albanian Post објаснува дека една од причините зошто можеби е одлучена истрагата по ова обвинение е затоа што сторителите „ги загрозиле животите на многу луѓе“.

Според неа, ова обвинение е казниво со затвор најмалку дваесет години или доживотен затвор.

Во нападот пукано е најверојатно со калашников, а другите куршуми кон зградата на Топ чанел (вкупно 25), освен што ја оштетиле главната фасада на телевизијата, ги загрозиле животите и на другите вработени.

ВООРУЖЕНИ ДО ЗАБИ ПУКАЛЕ КОН ТЕЛЕВИЗИЈАТА Убиен е вработен во албанската Топ чанел

The post ГОЛЕМО АПСЕЊЕ ВО ВАЛОНА Приведени двајца од напаѓачите врз албанската Топ чанел appeared first on plusinfo.mk.

Во инцидентот што се случил околу 1 часот по полноќ, убиен е Пали Кола (60), вработен во обезбедувањето на телевизиската куќа во Тирана.

Возило „Ренџ Ровер”, за кое се верува дека им припаѓало на напаѓачите е пронајдено запалено.

Експресно реагираше албанскиот претседател, Бајрам Бегај, кој настанот го оцени за тежок инцидент и побара од надлежните брзо расветлување на случајот, изразувајќи притоа сочувство до семејството на настраданиот.

The post ВООРУЖЕНИ ДО ЗАБИ ПУКАЛЕ КОН ТЕЛЕВИЗИЈАТА Убиен е вработен во албанската Топ чанел appeared first on plusinfo.mk.

Албанскиот премиер Еди Рама на виртуелниот Самит за западен Балкан, не штедеше критики кон ЕУ и рече дека иако самата ЕУ зборува за гаснење на национализмите на Балканот, всушност тоа ги покажува нивните национализми што го попречуваат процесот на интеграција за Албанија и земјите од Западен Балкан, пренесува Топ чанел.

– Како прво, би сакал да ви се заблагодарам многу искрено за почетокот и поддршката за сето ова време на овој процес и за вашата силна и непоколеблива посветеност кон нашиот регион. Знам дека не ви се допаѓаат пофалби, но всушност сметам дека процесот што го започнавте навистина беше многу важен за одржување во живот на она што, патем, го гасне ЕУ, пламенот на надежта за иднината – рекол меѓу другото Рама.

Зборувајќи за тоа, додал тој, мислам дека е многу важно да имаме повеќе авторство во процесот, онолку колку што е важно така да процесот се комбинира со зголемените напори на Комисијата, засновани на новиот економски и инвестициски план.

– Тажно е и секој знае дека во меѓувреме, процесот на европска интеграција на целиот регион во ЕУ, кој некогаш се гледаше и беше прикажан како вистински начин за потчинување на балканските национализми, сега се претвори во процес потиснат од национализмите на ЕУ. Понекогаш тука а понекогаш таму, национализмите во ЕУ значително го комплицираат нашето европско патување и играат спротивна улога. Сепак, како што легендарниот Доналд Трамп велеше: „Ова е тоа што е“, така што треба да одиме напред со она што го имам –  посочил Рама.

The post Рама до ЕУ: Национализмот кај вас го комплицира нашето европско патување appeared first on plusinfo.mk.

Гостувајќи во емисијата „Опен“ на телевизијата Топ чанел уште обвини дека Владата не се справила соодветно со пандемијата.

– Нема добро менаџирање со сотојбата од страна на Владата. Бројките не покажуваат ништо. Владата лаже со бројки. Владата лажеше за жртвите од Ковид-19. Мерките не спречија ништо. Зошто, вирусот не останува на улица од пет до 17 и 30 часот? Владата прави пропаганда и не бара прошка за тоа дека овој вирус не најде неподготвени и не успеавме да се справиме со оваа состојба. Владата не соопшти колку починаа во јануари и февруари  рече Круемади, која е сопруга на шефот на државата Илир Мета.

Таа го коменираше и приближувањето на Мета и Рама или како што ја нарекуваат „пролетта меѓу Мета и Рама“.

– Не им е грижа на Албанците дали седнале или станале премиерот и претседателот. Тие сакаат да работат за да ги прехранат своите семејства. Јас како Моника Круемади и ЛСИ како партија не го признаваме Парламентот. Јас не ги земам во предвид изјавите на љубов меѓу Мета и Рама. Ова прашање треба да му го поставите Илир Мета – изјави Круемади.

Таа додаде дека е навикната на „маслиновото гранче и ножевите во грб од Еди Рама“.

– Албанците не се заинтересирани за столчето на Круемади или на друг политичар . Во последните два месеца, 60.000 Албанци ги загубија своите работни места. За тоа треба да се дискутира, а не за љубовта во односите меѓу Рама и Мета – рече Круемади.

Според официјалните податоци на Министертвото за здравство во Албанија од вкупно заразените 820 починати се 31 лице

The post Круемади: Владата лаже со бројките на починати од ковид-19 appeared first on plusinfo.mk.