Вака вели адвокатот Тони Менкиновски за ТВ Алфа.

Бугарија има рок до 16-ти декември да состави документација од преземените мерки и резултати од спроведувањето на заклучоците на Советот на Европа. Тоа ќе биде разгледано на следниот состанок во март идната година. Тука адвокат Менкиновски го издвојува заклучокот дека без ефективни резултати, можно е да биде доведено во прашање членството на Бугарија во Советот на Европа, бидејќи со непочитување на одлуките на Судот за човекови права не се почитува ниту Конвенцијата која е услов за членство.

– Ние кога зборуваме како Македонци, имаме исто така Обединети Нации и други организации кои исто така се битни, каде ние можеме да продолжиме ако Бугарија биде исклучена од Совет на Европа. Ако Бугарија биде исклучена од Совет на Европа тоа е многу голема работа бидејќи Бугарија се става на еден пиедестал дека за непочитување на владеење на правото, на основните на човекови права и непочитување на демократски принципи. Ако биде исклучена тоа покажува и една многу погрешна политика која ја водела Бугарија во изминативе години – вели адвокатот Менкиновски.

Според извештаите уште пред повеќе од 10-тина години од Советот на Европа Бугарија треба да го отвори Уставот за признавање на малцинствата меѓу кои Македонците и нивно запишување во највисокиот правен акт.

Со одлуката на Комитетот на министри, според македонското здружение ОМО „Илинден“ Пирин на Бугарија ѝ се стеснува просторот за маневр во врска спроведувањето на одлуките од европските институции.

The post НЕ НИЕ, БУГАРИЈА Е ТАА КОЈА ТРЕБА ДА ГО СМЕНИ УСТАВОТ Адвокатот Менкиновски ги коментира извештаите на Советот на Европа appeared first on plusinfo.mk.

Собирот е најавен под името „Сончева револуција“.

Менкиноски доби пријава затоа што го развеа знамето со сонцето од Кутлеш во Охрид, во знак на поддршка на осудените за случајот „27 април“.

Процесот против него се води по пријава од СВР Охрид, каде што тврдеа дека наредбата за прогон на Менкиноски е дојдена од кабинетот на министерот за внатрешни работи Оливер Спасовски.

Судското рочиште е закажано за 16 јуни во Охрид, каде во охридскиот суд ќе му се суди за нарушување на јавен ред и мир иако никој во Охрид не пријавил дека е нарушен јавниот ред и мир.

Менкиноски е адвокат кој без пари со години ги брани Македонците од Бугарија во Стразбур каде учествувал во 16 пресуди против Бугарија.

The post ВО 18 ЧАСОТ „СОНЧЕВА РЕВОЛУЦИЈА“ ПРЕД ПАРЛАМЕНТОТ Најавен масовен собир за поддршка на адвокатот што го развеа знамето со сонцето од Кутлеш appeared first on plusinfo.mk.

Ова за Плусинфо го потврди д-р Ѓорѓи Чакарјаневски, кој целиот научен век поминат во Институтот за национална историја го поиминал проучувајќи го периодот на бугарската окупација на Македонија.

– Треба да им поставите прашање на бугарските историчари, зошто не беа депортирани Евреите од Бугарија, но затоа на Германците им беше испратено речиси целото еврејско население од Македонија, Тракија и од југозападна Србија. Црковните великодостојници успеваат да извршат притисок врз властите во Софија, да не се депортираат Евреите во германските логори на смртта. Но тоа важело само за Бугарија, не и за окупираните територии во Втората светска војна – вели Чакорјаневски.

Инаку, Чакарјаневски во колумната објавена во март годинава на Плусинфо, детално го опишува и пропагандистичкото делување на бугарската окупациска власт во Македонија, вклучително и односот кон еврејското население. Таму тој открива неколку наслови во весниците контролирани од бугарската власт, како оној објавен во 1941 година: „Ограничувања на лицата од еврејско потекло – Наредба на министер Габровски”. Подоцна Чакарјаневски ја објавува и изјавата на министерот за внатрешни работи и народно здравје на Бугарија, Петар Габровски, кој говори за т.н. еврејско прашање.

„Мерките кои се преземени до сега во врска со еврејското прашање беа навремени и со резултати, но недоволни и затоа тоа прашање треба да биде конечно решено. Европското (еврејското) прашање, е живо прашање и не може да се разреши само со една наредба”, изјавил во 1942 година Габровски, за весникот „Целокупна Бугарија“, којшто се печател во Скопје.

Не ги праќајте Евреите во гасни комори повторно

Поводот за проверката на историските факти ни го даде поранешниот претседател на Еврејската заедница во Македонија, Виктор Мизрахи, со неговото отворено писмо до јавноста, во кое тој им се обраќа на премиерот Димитар Ковачевски, на вицепремиерот Бојан Маричиќ, на министерот за надворешни работи Бујар Османи, како и на професорите Денко Малески и на Катерина Колозова, апелирајќи да не учествуваат во промената на историјата и да не ги прогласуваат Македонците одговорни за депортацијата на македонските Евреи во Треблинка.

„Само по последната Илинденска епопеја, во НОБ дадовме преку 25.000 жртви, од кои 7.144 евреи. Заедно крвариме од секогаш, од Илинден и Рафаел Камхи до депортацијата на 7.144 евреи. А таа депортација ја изврши царска Бугарија, Филов, Габровски и Белев… не бугарскиот народ. Тие беа окупатори и фашисти, а не администратори. Ниту еден од депортираните не преживеа. Колозова и Малески, Османи, Ковачевски, Маричиќ, пратеници, бугарските војски не беа ослободители, а Евреите не ги депортираа Македонци“, напиша, меѓу другото, Мизрахи.

Негирањето на холокаустот е кривично дело

Разгорување на расна и на национална омраза е кривично дело, а тука влегува и негирањето на холокаустот на Евреите во Втората светска војна, уверува адвокатот и експертот за човекови права Тони Менкиновски.

– Праксата на Европскиот суд за човекови права во Стразбур покажала во многубројни случаи дека негирањето на фашизмот и на холокаустот поттикнува омраза и нетолеранција. Со оглед на историскиот контекст на засегнатите држави, негирањето на фашизмот и на холокаустот, макар и маскирано, како непристрасно историско истражување, треба да се гледа како конотација на антидемократска идеологија и антисемитизам. Ова Европскиот суд за човекови права го утврдува во предметот Перинчек против Швајцарија. Европскиот суд за човекови права утврдил дека негирањето на реалноста на злосторствата против човештвото, како на пример фашизмот и холокаустот, имало за цел да го рехабилитира национал-социјалистичкиот режим и да ги обвини самите жртви за фалсификување на историјата – вели Менкиновски.

Тој додава дека таквото негирање, според Европскиот суд за човекови права, претставува еден од најсериозните облици на поткопување на темелните вредности на Европската конвенцијата за човекови права.

Со „Бугарски железници“ до Треблинка

Во Музејот на холокаустот на македонските Евреи во Скопје изложен е вагонот на „Бугарски железници“, како потсетник на возот со кој биле депортирани македонските Евреи во Треблинка.

На 11 март 1943 година, 7.144 македонски Евреи од Скопје, Битола и Штип се депортирани во логорот на смртта Треблинка, што претставува и еден од највисоките проценти на депортирани Евреи во светот, ако се земе в предвид дека вкупната бројка на еврејското население во Македонија не била многу поголема.

Улогата на бугарските власти во депортацијата на Евреите ја истражувал и самиот Симон Визентал, славниот ловец на нацисти, кој делумно работел и на нивно откривање по војната.

The post ВНИМАВАЈТЕ, НЕГИРАЊЕТО НА ХОЛОКАУСТ Е КРИВИЧНО ДЕЛО Македонските Евреи во логорот на смртта ги однеле Бугарите, никој друг! appeared first on plusinfo.mk.

Согласно предложените измени на Законот за помилување, претседателот на државата нема да може да помилува лица пред тие да бидат правосилно осудени. Работната група на Министерството за правда веќе го достави предлогот за новиот закон до Владата, а се очекува наскоро да влезе и во собраниска процедура.

За разлика од актуелното законско решение, со новиот закон практично се брише аболицијата, правно средство што е во доменот на дискреционите права на претседателот. Односно, претседателот нема да може да аболира ниту едно лице додека постапката што се води против него не е правосилна.

– Со новиот закон, помилувањето ќе биде возможно само по молба на осудено лице. Помилувањата ќе бидат разгледувани од петчлена комисија, која преку избрани кандидати пријавени на оглас ќе биде составена од Министерството за правда, а потоа ќе му бидат препраќани на претседателот – вели нашиот извор во комисијата која ги подготвувала предлозите за новиот закон.

Претседателот ќе може да оформи своја советодавна комисија, но ниту едно лице нема да може да биде помилувано без претходно одобрение од комисијата што ќе ја формира министерството.

Историја на аболицијата

Во историјата на независна и суверена Македонија, забележани се три политички случаи на аболирање од страна на претседателот. Прво, Борис Трајковски ги аболираше министерката за внатрешни работи Доста Димовска и началникот на управата за оперативна техника во МВР, Александар Цветков, од обвинувањата што произлегоа од аферата „Големо уво“. Потоа, Бранко Црвенковски го аболираше во рана фаза од постапката Зоран Заев, тогашен градоначалник на Струмица за обвинувањата од аферата „Глобал“. Последниот чин на аболирање беше изведен од Ѓорге Иванов, кој со една одлука помилува 50 лица опфатени во прислушуван материјал, презентиран од опозицијата. По критиките од јавноста, Иванов ја повлече одлуката за аболиција.

– Идејата за исклучување на аболицијата пред почетокот или во текот на постапката, претставува обид за намалување на политичкото влијание врз судската власт. Јавноста е изморена од политички помилувања, искористени за политички цели – вели професорот по кривично право Гордан Калајџиев за Плусинфо.

Сепак, доколку предлозите поминат во Собрание, тогаш претседателот на државата нема да биде во можност да помилува, на пример, ни некој политичар. Таков беше примерот со Заев кој извесно време по аболицијата од Црвенковски, стана лидер на партија и со објавување на прислушкувани разговори го симна од власт Никола Груевски. А тоа пак доведе до нова и досега најголема аболиција од тогашниот претседател Иванов. Прашање е дали политичката кариера на Заев ќе се движеше кон лидерство и премиерска позиција, доколку беше суден за „Глобал“ или останеше во притвор подолг временски период.

– Од тој аспект секогаш постои ризик. Сепак, секој претседател ќе тргне да ги аболира своите сопартијци, затоа за мене е поприфатливо новото решение – додава Калајџиев.

Претседателот Стево Пендаровски неодамна појасни дека по инцијатива на Министерството за правда новиот закон за помилување е во подготовка веќе неколку месеци.

– Имавме неколку контроверзни ситуации изминативе 20 години, дали од политички причини или не знам од кои други причини, некој некого помилувал во рана фаза на постапката. Треба да се остави судскиот систем да ја истера постапката, да се соочат аргументите на обвинителството и на одбраната и на крајот ако смета претседателот кога ќе заврши целата постапка и таа пресуда стане правосилна дека има некаков простор за корекција на таа пресуда, тогаш е дозволено да „влезе“ во процесот, а не првиот, вториот или третиот ден да пресуди и да рече „Нема да има постапка понатаму“,  со што практично де факто се дерогира целокупниот правосуден систем – рече Пендаровски.

3.000 луѓе лежат по затворите

Спротивно мислење од професорот Калајџиев има адвокатот Тони Менкиновски, кој новиот закон за помилување го нарекува сиромашен.

– Мислам дека е катастрофа во законот да се стави дека комисија која ќе биде формирана од Министерството за правда ќе работи на списокот со помилуваните, а потоа нивната одлука само ќе биде парафирана од претседателот. Во комисијата ќе членуваат правници, но не и претставници на судската власт – вели Менкиновски.

Сепак, најголемиот проблем според адвокатот, е тоа што новиот закон многу лошо ќе се одрази врз ресоцијализацијата на затворениците. Тој смета дека осудените лица треба да имаат одредена шанса за напредок, како и шанса за ресоцијализација во општеството.

– Во моментов има околу 3.000 луѓе во затвор. Ним им е потребен некаков напредок, некакви параметри за да бидат помилувани. И тука мислам на содржинскиот аспект на предизвикот, а не на самата процедура – додава тој.

Менкиновски открива дека Македонија има извонредно висок процент на повратници во затворите, бидејќи според официјалните бројки дури 70 отсто од затворениците се враќаат во затвор по втор пат.

– Тоа значи дека на тие луѓе им е подобро во затвор. Тука е најодговорна државата, која 30 години прави големи грешки со т.н. реформи. Системот што беше на сила за време на бивша Југославија беше одличен. Истиот систем уште во 80-тите беше преземен од Данска, Шведска и од Норвешка – тврди Менкиновски.

Тој смета и дека е голема грешка на претседателот да му се одземе дискреционото право на аболиција. Според него, решение би можело да биде измена во постојниот закон, со која ќе биде предвидено одлуката за аболиција претседателот да ја образложи пред Врховниот суд, со што би бил обезбеден надзорот во неговата работа.

Акт на милост

Адвокатот Звонко Давидовиќ вели дека секој министер за правда се обидува да направи некакви реформи во судството, а крајниот резултат е многу лош.

– Помилувањето е акт на милост. Не смеете на претседателот да му го одземете тоа право. Секаде во светот претседателот или монархот има право на аболиција. И зошто да се ограничи неговото право на периодот по завршувањето на правосилната постапка – прашува Давидовиќ.

Тој додава дека не може туку-така да се укинува аболицијата. Според него, секоја реформа мора да се темели на некакво истражување, а не на некакви ад хок решенија. Давидовиќ тврди и дека не смее единствениот аргумент на предлагачот на новиот закон, кога е во прашање укинувањето на аболицијата, да биде политичкото влијание.

The post ПОМИЛУВАЊЕТО – ЖРТВА НА ЛОШАТА ПРАКСА Петчлена комисија ќе добие претседателски овластувања appeared first on plusinfo.mk.

Камчев денеска бил спроведен на преглед на Кардиологија, а потоа бил вратен во затворот во Шутка. Адвокатот на Камчев,Тони Менкиновски, тврди дека неговиот клиент се чува во супстандардни услови, во тесна келија, без пристап до дневна светлина и со ограничени количества на санитарна вода.

Одбраната бара независни институции да извршат увид во затворот и самите да се уверат дека врз Камчев се врши тортура, поради што здравјето му е влошено.

The post Затворските власти тврдат дека Камчев е во одлична здравствена состојба appeared first on plusinfo.mk.

Тој беше уапсен откако Агенцијата за национална безбедност (АНБ) дошла до сознанија дека тој наводно се обидувал да побегне од земјава.

Камчев ја издржува притворската мерка во затворот во Шутка од неделата.

Неговиот адвокат Тони Менкиновски се жалеше на мерката и обвини дека се прави политичка хајка врз бизнисменот кого го апсат, додека тој донира во пандемијата.

The post Кривичен суд ја отфрли жалбата на Камчев, останува во притвор appeared first on plusinfo.mk.

„Тони Менкиновски е адвокат со повеќедецениско искуство. Освен тоа што во моментот е адвокат на бизнисменот Јордан Камчев, тој бил и адвокат на Зоран Заев во случајот ‘Поткуп’, со снимката каде што целата јавност виде дека Зоран Заев бара мито од 200.000 евра, евро за црквата-евро за Вицето, истата таа снимка која судот на Заев ја забрани. Водејќи се по оваа лажна прес конференција, би запрашале кој ‘грев’ е поголем, тоа што Менкиновски е адвокат на бизнисменот Камчев, или тоа што го бранел криминалот на Зоран Заев во случајот ‘Поткуп’?“, с енаведува во реакцијата на ВМРО-ДПМНЕ.

Партијата објави фотографии од рочиште на кои се гледаат адвокатите на Заев.

„Но она што треба да се разјасни е следново: По аналогијата на СДСМ прашуваме дали апсењето на Камчев е лична освета на Заев поради случајот Рекет каде е компромитирано целото СДС? Што знае Камчев за парите од рекетот, а поради што се плаши Зоран Заев? Колку средби имал Заев со Јордан Камчев, и дали на нив е зборено за пари? Дали Камчев знае точно каде се отидени парите од рекетот за кој првоосудениот Бојан Јовановски рече дека треба да се бараат во Струмица, кај Вице и Зоран Заев?“, прашува ВМРО-ДПМНЕ.

The post ВМРО-ДПМНЕ: Адвокатот на Камчев го бранеше Заев во „Поткуп“ appeared first on plusinfo.mk.

– Ова што се случува е очекувано и има основа во Резолуцијата на Советот на министри каде што се бара до јуни 2021 година во Бугарија да бидат регистрираат сите македонски организации каде што е нагласена етничката припадност во овие организации. Софија ја манипулира ситуацијата и врши притисок врз Македонија и Македонците во Бугарија при што објавува нескриена агресија, што асоцира на 1941 година, при што наведува дека правата на Бугарите во Македонија се загросени и дека тие ќе ги искористат сите меѓународни алатки да извршат агресија врз земјава.Тоа фактички е порака за Македонците во Пиринскиот дел за да се откажат од сопствените права – вели Менкиновски.

Поради ваквото однесување, додава тој, Софија се соочува со можност да биде исфрлена од Советот на Европа.

-Тоа е главниот проблем на Бугарија – вели адвокатот.

Според него,  Владата треба овој проблем да го крене на меѓународно ниво и тоа пред се во  НАТО каде што е членка.

Менкиновски вели дека сега треба добро да се прочитаат договорите на земјава со Бугарија и Грција и да се види дали земјава се откажала од правата на Македонците во овие земји.

The post Менкиновски: Главен проблем на Софија се Македонците и нивните права во Бугарија appeared first on plusinfo.mk.