Во несреќата со тешки телесни повреди се здобил Ч.Р., констатирани во Клиничка болница Штип.

Извршен бил увид од увидна екипа од СВР Штип.

The post СУДАР НА „ТОМОС“ И „МАТИЗ“ Возачите имале 70 и 73 години appeared first on plusinfo.mk.

– Тие беа трите услови – околу употребата на името, прашањето на имотите во дијаспората и сослужувањето со Украинската црква. Не се толку тешки тие работи, мислам дека со разговори може да се решат тие прашања – вели владиката Пимен.

Владиката вели дека, колку што знае, од нашата црква не се бара да го промени сопствениот Устав и да не се нарекува Македонска црква.

– И навистина не смееме да ја изгубиме таа придавка од нашето име. Ние секогаш ќе си бидеме Македонска православна црква, кој како сака нека нѐ ословува. Значи, не се бара од нас, бараме колку што сум информиран јас, да направиме промена на Устав и да го промениме ние нашето име, туку само во меѓусебните релации да го користиме, кога се обраќаме до Цариградскта патријаршија, да се обраќаме како Охридска архиепископија – вели владиката.

Тој истакнува дека и нему не му е познато зошто е ригиден ставот на МПЦ-ОА кон признавањето на Украинската црква и зошто Светиот синод би имал потреба да анализира. Можеби, вели, затоа што има извесен однос на сочувство кон Руската црква, но смета дека и тоа прашање е решливо.

За прашањето на отстапувањето на имотите во дијаспората, г. Пимен вели дека тоа се имоти на црквата изградени од дијаспората, некои цркви се стари и еден век, за разлика од Украинската црква која нема имоти во дијаспората. Но, нагласува, и тоа не се бара изрично.

– Можеби изгледа прифатливо сега во неколкуте години кога многу Украинци се раселија низ светот некој да им даде црковни имоти. Но за нас тоа е неприфатливо нешто што се градело во минатото да се даде како на тацна. И ниедна црква не би дала свој имот. Архиепископот даде дообјаснување дека доколку сите други цркви би прифатиле да ѝ ја отстапиме дијаспората на Цариградската патријаршија, дека и ние би се вклучиле во тоа. Но, не е до толку страшно прашањето, затоа што не се бара отстапување на имотот. Се бара само начин како би им се признала нивната чест во православниот свет, на прво место. И верувам дека понатаму ќе ги разрешиме сите прашања и ќе бидат надминати – нагласи епископот европски, г. Пимен.

Европскиот владика беше дел од државно-црковната делегација, којашто ја предводеше шефицата на државата Гордана Сиљановска-Давкова, а која на 24 Мај, на празникот на Св.Кирил и Методиј, се поклони на гробот на св. Кирил во базиликата „Св. Климент“ во Рим. Претседателката Сиљановска-Давкова порача дека Свети Кирил е значаен бидејќи нè обединува со словенските народи.

ТРИТЕ УСЛОВИ НА ЦАРИГРАДСКАТА ПАТРИЈАРШИЈА Бараат од нас да се откажеме од името, предупреди поглаварот Стефан

The post БАРАЊАТА ОД ЦАРИГРАД НЕ СЕ ТОЛКУ ГОЛЕМИ Никој од нас не бара да го смениме Уставот и да го смениме името – владиката Пимен контра архиепископот Стефан appeared first on plusinfo.mk.

The post НЕСРЕЌА ВО ПРИЛЕПСКО НЕБРЕГОВО Паднал од мотор и починал appeared first on plusinfo.mk.

Тој објаснува дека во комуникацијата со елинските цркви нема да може да се користи името МПЦ-ОА, па токму за таа цел е формирана Комисија за разгледување на ова прашање.

– Агендата на оваа Комисија е прво да го проучи случајот со Украинската православна црква која доби Томос од Вселенската патријаршија, иако е непризната од Руската православна црква – вели владиката Петар и додава дека МПЦ е под притисок да го признае постоењето на Украинската православна црква.

Владиката Петар вели дека настојувањата за признавање доаѓаат од Вселенската патријаршија иако од МПЦ при првото сослужување со патријархот Вартоломеј било побарано да нема претставници од таа црква што било и испочитувано.

За владиката Петар е беспредметно условувањето на томосот за МПЦ со признавање на Украинската православна црква. Тој вели дека условувањата дошле подоцна, по заедничкото сослужување.

– Немаме никаква дискустија дека ние имаме синодален документ од Вселенската патријаршија за заедничко сослужување во кој има три услова. Едниот услов е да го користиме името Охридска архиепископија во секоја комуникација со другите помесни православни цркви. Ние сме се изјасниле како архиереи дека тоа не може да важи на територијата на Македонија – вели владиката Петар потврдувајќи дека не се откажуваат од името МПЦ-ОА по ниедна цена, но прифатливо е и името Јустинијана прима.

Практично МПЦ-ОА е на ставот дека треба да има двојна формула за употребата името на Македонската православна црква – Охридска архиепископија.

Вториот услов, вели владиката Петар, е дека не смее да се употребува името ни за внатрешна употреба, а јурисдикцијата на црквата, според третиот услов, се ограничува само на територијата на Република Северна Македонија, но не и во дијаспората.

– Каде настанаа проблемите? Кога не се продолжија разговорите меѓу нашата Комисија со Комисијата на Цариградската патријаршија. Главниот човек одговорен што Цариградската патријаршија ни ги прави тие условувања е епископот Партениј од Бигорскиот манастир, кој ја советува Цриградската патријаршија дека името МПЦ е национализам. Но, Партениј не е дел од Комисијата и преговорите и неговото мислење нема тежина со Синодот на архиереите на МПЦ-ОА – вели митрополитот Петар.

Владиката вели дека во однос на проблемот со Украинската православна црква е компликуван и дека за нејзиното признавање од наша страна е потребно да се разреши спорот помеѓу Руската православна црква, Московска патријаршија, под чија јурисдикција е формирана, и Цариградската патријаршија која ѝ додели томос за автокефалија.

The post „ЕДЕН НАШ ЕПИСКОП ЈА СОВЕТУВА ВСЕЛЕНСКАТА ПАТРИЈАРШИЈА ДЕКА ИМЕТО МПЦ-ОА Е НАЦИОНАЛИЗАМ“ Владиката Петар откри со што нѐ уценува Цариград appeared first on plusinfo.mk.

„Ваша Светост, честитајќи Ви за Вашиот именден, дозволете ми уште еднаш да Ви посакам мирно патријархување на престолот на Вселенската патријаршија, од која трпеливо и смирено ја очекуваме долгоочекуваната радосна вест, Томос за нашата Помесна православна црква“, се наведува во телеграмата.

Македонскиот Архиепископ во честитката и поздравот од, како што наведува, богоспасуваната Охридска Архиепископија, на Вселенски Патријарх г. г. Вартоломеј му посакува вечна заштита, трезвеност на духот, сила на волјата, утеха и поддршка од Богородица, многу здравје и долг живот.

„Смирен и најсакан архипастире и богољубив Претстојателу на првопрестолната Мајка Црква, даруван со благодат Патријарх на маченички осветената катедра на Константинопол, дозволете ми на денот на Вашиот небесен покровител, светиот апостол Вартоломеј, лично и во името на нашата помесна Црква, да Ви честитам за Вашиот именден и радувајќи се со Вас, да Ви посакаме вечна заштита од Вашиот небесен покровител, трезвеност на духот, сила на волјата, утеха и поддршка од Богородица, многу здравје и долг живот“, наведува г.г. Стефан во телеграмата.

Телеграмата била прочитана на неделната Света литургија во Сечесниот патријаршиски храм на Светиот Великомаченик Георгиј Победоносец во Фанар, каде претставник на архиепископот Стефан бил митрополитот тетовско-гостиварски г. Јосиф. Со благослов на надлежниот Високопреосветен митрополит дебарско-кичевски г. Тимотеј на литургијата присуствувале и претставници на монашката заедница од свештените Обители Бигорски, Рајчица и Пречиста, предводени од епископ Антаниски г. Партениј.

Во неделно обраќање по повод својот именден, како што објави Вселенската патријаршија на својата официјална страница, Вартоломеј направил осврт на поголемите настани што на црковен план ја одбележаа годишнината од минатиот именден. Меѓу другото, тој го истакнал и враќањето на Охридската архиепископија во канонско единство со православниот свет.

„Мината година ја примивме во семејството на канонските цркви и Охридската архиепископија, порачал Вартоломеј, кој потоа забележал дека по прифаќањето на нашата Црква, уследиле и некои неканонски дела во рамките на интерправославните односи“.

Патријархот Вартоломеј во беседата се осврнал и на војната во Украина.

„Разбирливо е дека во последниов едногодишен период, од јуни минатата година или поскоро од избувнувањето на несветата и разорителна војна во Украина, го следиме развојот на настаните, се молиме за враќање на мирот и во секоја прилика ја осудуваме руската агресија во независна и суверена држава, спротивно на секоја смисла на меѓународното право и на етичкиот поредок. Плачеме со расплаканите сопруги и мајки на римските и украинските војници кои паднале на полињата на битките“, порачал Вартоломеј.

The post СМИРЕНО ГО ЧЕКАМЕ ТОМОСОТ Архиепископот Стефан му упати честитка на Вартоломеј appeared first on plusinfo.mk.

Како што јави дописникот на МИА од Софија, според овие написи, Синодот на БПЦ смета дека МПЦ-ОА треба да се нарекува „Православна црква во Република Северна Македонија”.

Според медиумите, бугарскиот патријарх Неофит во своите диптиси на Божик ќе го вклучи и името на архиепископот охридски и македонски г.г. Стефан, но како „архиепископ скопски Стефан”, бидејќи БПЦ „не ја признава титулата со која што вселенскиот патријарх Вартоломеј ги прими во литургиско сослужување архиепископот Стефан и МПЦ”.

Бугарскиот црковен сајт doxologiainfonews.com наведува дека Синодот на БПЦ го оспорува името на Македонската православна црква – Охридска архиепископија, бидејќи според Статутот на БПЦ „правен наследник на Охридската архиепископија е Бугарска патријаршија”.

На заседанието на Синодот, не било разгледано прашањето за признавање на автокефалноста на Православната црква на Украина доделена од Вселенската патријаршија.

Медиуми во Софија ги критикуваат ваквите ставови на членовите на Синодот на БПЦ оценувајќи дека тие најверојатно се усвоени под влијание на раководителот на Одделот за надворешни работи на Московската патријаршија, митрополитот волоколамски Антониј, кој минатата недела престојувал во посета на Софија и неколку епархии во Бугарија. Според овие написи, митрополитот волоколамски Антониј воедно на неколку митрополити од бугарскиот Синод „им дал инструкции” да не ја признаваат Православната црква на Украина и томосот за нејзина автокефалност издаден од вселенскиот патријарх Вартоломеј.

Дописникот на МИА од Софија јави дека се очекува Бугарската патријаршија да излезе со официјално соопштение за заседанието на Синодот и за донесените одлуки.

Инаку, по одлуката на Вселенската патријаршија за примање во канонско единство на МПЦ-ОА, БПЦ во јуни годинава реши да ја признае нашата Црква и да влезе во канонско единство со неа.

The post БПЦ ЈА ПРИЗНА АВТОКЕФАЛНОСТА НА МПЦ-ОА, НО НЕ И ИМЕТО? Патријархот Неофит ќе го спомнува г.г. Стефан како „архиепископ скопски“ appeared first on plusinfo.mk.

Во однос на името со кеое нашата црква ќе биде заведена во диптихот на православните цркви г.г. Стефан вели:

-Станува збор за еклисиолошкото име со кое секоја Помесна Црква е заведена во општиот православен список, наречен диптих. Вообичаено тоа е името на центарот, или на градот-полис на територија што ја зазема Црквата, или на историската катедра, со посочување на современата територија каде што се простира јурисдикцијата во дадениот момент. Секако, историски, јурисдикциската територија се менувала во зависност од околностите, што исто така требало да е потврдено и озваничено со документ од меродавниот орган, а не со еднострана иницијатива. Во оваа смисла, Грчката православна црква е заведена со еклисолошкото име – Атинска Архиепископија и нејзината територија се протегала во границите на тогашната Грчка држава. И друго појаснување во оваа насока: името на Црквата никогаш не изразува етничка припадност. Православието не познава „ни Елини, ни Јудејци…, ни варварин, ни скит, ни роб, ни слободен, а сѐ и во сѐ е Христос“ (Кол. 3,11). Всушност, Христос сите „нѐ откупи за Бога од секое колено, јазик, народ и племе“ (Откр. 5,9). Верувам, во овој контекст, дека никој нема потреба ниту интерес за мешање во нашите внатрешни работи и внатрешното уредување, особено ако јасно се изразени и потврдени позициите.

Тој, како што вели, „верува дека никој нема потреба ниту интерес за мешање во нашите внатрешни работи и внатрешното уредување, особено ако јасно се изразени и потврдени позициите“.

Архиепископот Стефан изразува надеж дека обзнанувањето на Томосот за автокефалност ќе биде доделен во многу блиско време.

Поглаварот на МПЦ-ОА говори и за односот на Синодот кон Францускиот предлог.

The post НЕ СЕ БОРИМЕ ЗА ИСТОРИСКАТА СЛАВА НА ОХРИДСКАТА АРХЕПИСКОПИЈА Г.г. Стефан вели дека црквата нема ниту територијални претензии appeared first on plusinfo.mk.

Сепак, за да ја заокружиме приказната со испишувањето истории, потребни сè уште неколку работи. Прво, „големиот“ Макрон треба да се смилува на нашата малост (но и глупост!) со некаков негов личен томос наследен веројатно од времето на Франките или Меровинзите, зашто тој, Макрон, да ти бил (велат) европски страв и трепет за томоси. Потоа треба и Бугарија да ни го даде нивниот паспорт односно томосче за нашето патување кон ЕУ. Ако тоа го нема, државната историја останува со цела празна страница, до некое догледно или недогледно идно допишување. И не само државата, секој од нас поединечно останува без томосот за личниот идентитет како паспорт за влез во вечноста викана Европска унија. А малите умови во малите земји/„малите“ култури – ние сме нагледен пример за тоа – без таков томос како и да ги нема. Како и да немале историја, култура, образование …, како да не живееле ако друг не им признае дека живееле, како да не граделе, пишувале, сликале, пееле, играле … ако за тоа не добијат томос од другите. За таков томос сме подготвени на сè, па дури на народот, на гласачите, на граѓанинот да му сугерираме да се откаже од име, од црква, од националност, од идентитет … од сè. За таков томос вреди граѓанинот да биде и гладен и жеден, да живее со 300 евра минимална плата, секојдневно да му ја покачуваат цената на горивата, да му ги земаат печките на дрва бидејќи загадувале и да му дадат инвертери а потоа струјата да отиде до небеса, да увезуваат масло за јадење а потоа да го извезуваат во соседни држави … итн. Сето тоа е запишано во томосите што секојдневно ги добиваме со амин на власта! Но таа иста власт умее да врачи и локални провинциски томоси на одделни персони, па така Георгиевски и Бучковски го добиле томосот за толкување на бугарските ставови, Заев за историјата и еве сега за опшеството за сите, оној Бислимовски петта година не го вади енергетскиот томос од џебот … Сè томосџија до томосџија!

Тие локални квазитомоси се темелат на лажни или полувистинити квалификации, на извртени тези и квазиаргументација, на хистеризирана и во основа дилетантска „надградба“ на одредени поими со цел нештата да се сатанизираат докрај, да се постигне посилен ефект меѓу народот и поен за нивната политичка опција при што другите ќе бидат црни ѓаволи. Затоа тој ист народ ќе биде држен во елементарна неинформираност и неукост, па и непросветеност, а реалноста видена низ розовиот симулакрум на власта и нејзините верни чувари ќе му ги прикажува состојбите во нивната граничност, во директната спротивставеност на „или-или“, на црно-бело, при што по правило само „нашата“ опција е онаа правилната, демократската, проевропската? Е па нели токму „нашиве“ тој томос го добија за само нивната „борба“, за само нивното шетање по улиците, фрлањето боја по оној немушт кич, демолирањето на една јавна канцеларија во центарот на градот … Но тој џокер-томос им го дава правото и за сегашните лекции на/за Ламбе, за неморалот и одбивањето да го работат тоа за што се (пре)платени, за правото и правдата да отвораат фашистички „културни“ клубови низ земјата со оправдување дека нема „забранети теми“ односно дека можеме да подведеме под сомнеж баш сè? Или тоа им е резервен томос дека „нема забранети теми“, што му доаѓа исто како кога велат „нема недопрливи поединци“, ама сепак знаат дека – има?!

А ние без томос – да го парафразирам Геровски – без оглед што тој филм баш и не сме го гледале, сега мораме да го гледаме. Згора на тоа, мора и да ни се допадне! Без оглед што оваа Македонија од 1945 година наваму опстојува и се развива со единствениот вистински Томос граден врз темелот на просветителството – науката, образованието, културата итн. – прескокнувајќи вековна заостанатост и провинциска зачмаеност. Секако дека од оваа релативизаторска и затупавена дистанца тоа звучи патетично, но генерации и генерации се вградени во просветителските темели на тој томос наречен државност за да денес допуштаме ваков ретрограден срам.

Но, изгледа сепак човек на човека му е томос, без оглед како тоа парче хартија се викало во реалноста.

Извор: Теодосиевски уметност

The post Човек на човека му е – Томос appeared first on plusinfo.mk.

Овие прашања буквално висат во воздух по вчерашната историска заедничка литургија на архијерејите на МПЦ-ОА со вселенскиот патријарх во Истанбул, по којашто македонската јавност очекуваше да ѝ бидат расчистени недоумиците и да ѝ станат работите појасни.

Но, очигледно, освен тоа што расколот е залечен и поднесена е одлуката за кревање на шизмата, главните прашања и понатаму ќе останат неодговорени:

Каков е моменталниот статус на МПЦ-ОА? Освен тоа што црквата е повторно дел од канонското единство, дали сега таа е автономна или автокефална црква? Ако сега сите очи се вперени кон вселенскиот патријарх и ако очекувањата се тој да ни издаде Томос за автокефалија, тогаш чуму беше издавањето на ист таков Томос од страна на српскиот патријарх Порфириј? Можно ли е случајот со МПЦ-ОА да биде еден од ретките кога за една православна црква се издаваат двојни томоси? Дури и да биде така, ништо суштински не би се сменило, оти кај Русите, на пример, постојат слични случаи со двојни томоси, како што е примерот со Полската православна црква.

Како што во моментов стојат работите, МПЦ-ОА е автокефална црква за Српската православна црква (СПЦ) и за Руската православна црква (РПЦ), додека, пак, Вселенската патријаршија и дел од останатите православни цркви (сѐ уште не е одредено кои цркви), дефинитивно не ја сметаат за автокефална, оти се убедени дека само Цариград може да доделува Томос за автокефалија и не ѝ признаваат такво право на СПЦ.

Од друга страна, пак, за време на денешната богослужба на МПЦ-ОА со Вселенската патријаршија во црквата „Св. Тројца“ на плоштадот Таксим во Истанбул, и самиот македонски архиепископ направи еден неочекуван потег, давајќи му до знаење на православниот свет дека МПЦ-ОА е автономна црква, а не автокефална. Оти, ако ја сметаше МПЦ-ОА за автокефална црква, тогаш за време на службата ќе ги спомнеше сите поглавари на сите православни цркви, но наместо тоа, архиепископот Стефан го спомна само вселенскиот патријарх Вартоломеј, назначувајќи го како свој надреден, а прогласувајќи ја МПЦ-ОА за автономна црква под јурисдикција на Цариград.

Во поглед на добивањето Томос за автокефалија од страна на Цариград, засега не може да се предвиди кога би се случил таквиот чин. Теоретски, статусот-кво може да трае и до недоглед, а во пракса може да се реши уште пред да се вратат нашите архијереји од Истанбул во Скопје. Најголемиот проблем и натаму ќе остане името на црквата, односно отстранувањето на „тоа на М“ од името на МПЦ-ОА, кое премногу им боде очи на вселенскиот патријарх Вартоломеј и на Грчката православна црква (ГПЦ).

Дека нашите владици вчера не беа воопшто затечени од текот на настаните во Цариград и дека сѐ се одвивало според планот, сведочи и соопштението на архиепископот г.г. Стефан од 6 јуни, во коешто беше најавено сето тоа што се случуваше на историската заедничка литургија на Педесетница.

„Известуваме дека во наредниот период, при официјалната посета на Фанар за Педесетница, што со голема радост ја очекуваме и кога ќе биде официјализирано нашето прифаќање во сеправославното литургиско и канонско единство, претстои да биде известена Вселенската патријаршија за решението на СПЦ за да бидат затворени сите управни прашања меѓу двете цркви. Изразуваме полноцрковна надеж, во иднина, односно кога за тоа ќе биде одлучено, да се пристапи кон финализирање на нашето црковно прашање и со издавање на општопризнат Томос од страна на вселенскиот патријарх Вартоломеј, согласно неговите законски и историски принадлежности“, наведено е во соопштението од Кабинетот на поглаварот г.г. Стефан.

The post САМО ГОСПОД ЗНАЕ КАКВА КАПА НИ КРОИ ЦАРИГРАД Сега барем не сме расколници, а дали сме автокефални ќе дознаеме наскоро! appeared first on plusinfo.mk.

„Денеска, архиепископ г.г. Стефан на македонски јазик богослужеше заедно со Вселенскиот патријарх г.г. Вартоломеј и архиереите на вселенската патријаршија. Нашата црква е во канонско единство во православниот христијански свет. Благодарност до Вселенскиот Патријарх г.г.Вартоломеј“, напиша претседателот.

Благодарност до Вселенскиот патријарх Вартоломеј за приемот на Охридската архиепископија во канонско единство со другите православни цркви, изрази попладнево и министерот за надворешни работи Бујар Османи, кој присуствуваше на заедничката литургија во Истанбул.

„Со ваквиот чекор се отстранува повеќедецениската изолација и се отвара патот за добивање автокефалност во периодот што следи“, напиша Османи на Фејсбук.

The post НА МАКЕДОНСКИ СЕ БОГОСЛУЖЕШЕ ВО ИСТАНБУЛ Се отвора патот за добивање автокефалност appeared first on plusinfo.mk.