Иако пред руската инвазија на Украина, рафинеријата на Лукоил во Италија увезувала нафта од различни земји, во моментов 93 отсто од нафтата што ја преработува е од руско потекло. Со други зборови, не е претерано да се каже дека поради некоја причина рафинеријата на Лукоил во Италија е специјализирана за бизнисот со руската нафта, што е невообичаено во ситуација кога, наводно, ЕУ подготвува ембарго на нафта за увоз од Русија.

Интригантната рафинерија на Лукоил се наоѓа на Сицилија и е на една од подобрите европски позиции за извоз во странство. Инаку, тоа е огромна рафинерија, петта по големина во Европа. Помалку е познато дека САД го санкционирале увозот на руска сурова нафта, но не и нафтени деривати, така што се е легално. Во исто време, поради некоја причина, дури ни САД не го санкционираа Лукоил, иако е втора по големина компанија во Русија во бизнисот со нафта и гас, по Газпром. Тоа навистина не е кажано, но впечаток е дека Лукоил не е под санкции токму затоа што се наоѓа во Италија, земја оптоварена со огромни јавни долгови, кои не можат да дозволат натамошна економска дестабилизација, особено не во енергетиката, т.е. најважната национална рафинерија.

Како и да е, откако рафинеријата на Лукоил на Сицилија ја преработува руската нафта во деривати, тие легално стануваат италијански деривати кои, очигледно, немаат никаква врска со руската нафта, иако се 93 отсто од руско потекло. Затоа, рафинираните нафтени продукти се истураат без ограничување во танкери кои ги транспортираат до складиштата на Ексон и Лукоил во Њу Џерси и Тексас.

За да биде приказната поинтересна, Лукоил како руска компанија сè уште има бензински пумпи дури и во САД и ги дистрибуира своите производи во 11 американски држави. Повеќето од 230 станици на Лукоил во САД се франшизи, а не физички имоти на Лукоил.

Американското Министерство за финансии одби да коментира за увозот на деривати од Италија кои се произведени од руска нафта.

The post ДУПКА ВО САНКЦИИТЕ? Американците во своите автомобили точат руско гориво (ВИДЕО) appeared first on plusinfo.mk.

ЕУРОСУПЕР БС-95 ќе чини 89 денари за литар, ЕУРОСУПЕР БС-98 ќе биде 91,50 денари за литар, цената на ЕУРОДИЗЕЛ БС (Д-Е V) ќе изнесува 98,50 денари за литар, на екстра лесното масло за горење (ЕЛ-1) 96,50 денари за литар, а на мазутот М-1 НС 52,978 денари за килограм.

Со оваа Одлука, според РКЕ, се врши зголемување на малопродажните цени на нафтените деривати во просек за 0,75 отсто во однос на вчерашната одлука.

Ова се максималните цени на нафтените деривати од 00:01 часот на 27 август 2022 година. Трговците на големо и на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

The post НЕМА ПРОМЕНА НА ГОРИВАТА До понеделник ќе точиме по иста цена appeared first on plusinfo.mk.

Како што информираат од МВР, констатирано е дека во двата објекти малолетници биле послужувани со алкохол за што ќе биде поднесена пријава по член 204 од Кривичниот законик. Во едниот објект констатирана е зголемена бучава и поднесено е барање за поведување на прекршочна постапка по член 8 од Законот за прекршоци против јавен ред и мир.

Исто така, во објектите биле констатирани и неправилности од Државниот пазарен инспекторат, соопштија од МВР.

The post ГОЛЕМА АКЦИЈА ВО БИТОЛА Угостители точеле алкохол на малолетници appeared first on plusinfo.mk.

Новата цена на моторниот бензин ЕУРОСУПЕР БС – 95 ќе изнесува 71 денар за литар, а 73,5 денари на ЕУРОСУПЕР БС -98, додека литар дизел гориво ЕУРОДИЗЕЛ БС (Д-Е V) ќе се продава по 62 денара. Се намалува и цената на мазутот М-1 НС за 0,195 денари за килограм и ќе изнесува 36,681 денари.

Цената на екстра лесното 1 (ЕЛ-1) не се менува, односно останува 62 денари за литар.

Намалувањето на малопродажните цени на нафтените деривати во просек е за 0,54 проценти во однос на Одлуката на РКЕ од 9 август годинава.

Од РКЕ наведуваат дека во изминатиот седумдневен период сите референтни цени на светските берзи во просек бележат намалување: бензинот за 2,104 проценти, дизелот за 1,735 проценти, екстра лесното масло за 1,873 проценти и кај мазутот намалувањето е за 1,975 проценти. Во истиот период курсот на денарот во однос на доларот е повисок за 1,086 проценти.

The post ДОБРА ВЕСТ ЗА ВОЗАЧИТЕ Од полноќ ќе точиме поевтино гориво appeared first on plusinfo.mk.