Албанскиот премиер Еди Рама учествуваше на Самитот ЕУ-Западен Балкан кој се одржа во Тиват, Црна Гора. Во своите официјални изјави Рама истакна дека земјите од Западен Балкан не треба да останат во „чекалната“ на Европската Унија, нагласувајќи ја потребата од поинтензивна политичка динамика за забрзување на европската интеграција.

На маргините на самитот, премиерот изјави дека верува дека пораките од регионот конечно се слушнати и дека е време да се воспостави нов ритам во односите со ЕУ.

На новинарско прашање кога Албанија би можела да се приклучи на Унијата, Рама одговори отсечно:

„Три работи не можат да се предвидат: Бог, секс и ЕУ“, алудирајќи на тоа дека не може точно да одговори кога Албанија ќе биде примена во европското семејство.

The post 🎥 ЕДИ РАМА ОТКРИ ШТО ИМААТ ЗАЕДНИЧКО ГОСПОД, СЕКСОТ И ЕУ Го прашаа кога Албанија ќе влезе во ЕУ appeared first on plusinfo.mk.

Според списокот на учесници, во Тиват пристигнаа претседателот на Европскиот совет Антонио Кошта (Antonio Costa), претседателката на Европската комисија Урсула фон дер Лајен (Ursula von der Leyen) и претседателката на Европскиот парламент Роберта Мецола (Roberta Metsola), заедно со низа премиери и претседатели на земјите-членки на ЕУ.

Меѓу учесниците се и претседателот на Франција Емануел Макрон (Emmanuel Macron), канцеларот на Германија Фридрих Мерц (Friedrich Merz), премиерката на Италија Џорџа Мелони (Giorgia Meloni), како и премиерите на Шпанија Педро Санчез (Pedro Sánchez), на Полска Доналд Туск (Donald Tusk), на Хрватска Андреј Пленковиќ (Andrej Plenković), на Грција Константинос Тасулас (Konstantinos Tasoulas) и на Португалија Луиш Монтенегро (Luís Montenegro).

Присутни се и лидери од северна и источна Европа, меѓу кои премиерката на Данска Мете Фредериксен (Mette Frederiksen), премиерот на Луксембург Лук Фриден (Luc Frieden), претседателот на Литванија Гитанас Науседа (Gitanas Nausėda), претседателот на Романија Никушор Дан (Nicușor Dan), како и премиерите на Естонија Кристен Михал (Kristen Michal) и на Словачка Роберт Фицо (Robert Fico).

На самитот учествуваат сите лидери од Западен Балкан, меѓу кои се претседателот на Црна Гора Јаков Милатовиќ (Jakov Milatović) како домаќин, претседателот на Србија Александар Вучиќ (Aleksandar Vučić), премиерот на Албанија Еди Рама (Edi Rama), премиерот на Македонија Христијан Мицкоски (Hristijan Mickoski), како и членот на Претседателството на Босна и Херцеговина Денис Беќировиќ (Denis Bećirović).

На собирот присуствува и генералната секретарка на Советот на ЕУ Тереза Бланше (Thérèse Blanchet), како и претседателката на Европскиот парламент Роберта Мецола (Roberta Metsola).

Самитот во Тиват се оценува како еден од најзначајните политички настани во регионот, на кој Црна Гора се очекува да го демонстрира својот организациски капацитет како домаќин на големи меѓународни собири.

The post КОЈ СЀ УЧЕСТВУВА НА САМИТОТ ВО ТИВАТ? Црна Гора уверена дека ќе испише историја appeared first on plusinfo.mk.

Црна Гора е на чекор да стане членка на Европската Унија. Целта на земјата е до 2028 година да го изоди европскиот пат.

Ова се пораките од европските челници за балканската земја која е најнапред во преговорите. На самитот ЕУ-Западен Балкан во Тиват беше испратена и пораката дека ЕУ мора да презеде конкретни чекори за проширувањето да биде пример за другите земји во регионот.

– Кога Црна Гора ќе стане членка на Европската Унија, тоа ќе биде доказ дека европскиот пат има смисла, дека реформите носат резултати и дека регионот има свое место во европското семејство – изјави претседателот на Црна Гора Јаков Милатовиќ по средбата со првиот човек на Европскиот совет Антонио Кошта.

Во разговорот со Кошта, беше нагласено дека земјата треба да продолжи со реформите, зајакнување на владеењето на правото, функционалноста на институциите, изборните реформи и со борбата против корупцијата.

„Тука сме поради Црна Гора“

Претседателот на Франција Емануел Макрон исто така навести скоро членство на Црна Гора:

– Причината за нашето пристигнување е проширувањето на нашата нова членка Црна Гора. Сите сме на страната на Црна Гора за да ѝ помогнеме да се интегрира што е можно поскоро.

Германскиот канцелар Фридрих Мерц, пак, изјави:

– Европската Унија мора да покаже дека има волја и е подготвена за проширување, а за тоа ќе разговараме денеска. Овој дел од Европа е дел од ЕУ во перспектива, и ако не сме приклучиле на ниту една земја 13 години, можеме да кажеме дека ЕУ направила некои свои грешки.

„Ние во европарламентот сакаме проширување“

Претседателката на Европскиот парламент, Роберта Мецола, изјави дека процесот на проширување е инвестиција во иднината и во просперитетот и дека „ние во Европскиот парламент сме големи застапници на овој процес“.

Мецола истакна дека е важно граѓаните на Црна Гора и регионот да ги видат конкретните пораки што доаѓаат од самитот.

Кој ќе ги исполни условите, ќе влезе

Претседателката на Европската комисија, Урсула фон дер Лајен, изјави дека Црна Гора постигнува одлични резултати и дека е блиску до целта да стане членка на Унијата.

– Мора да ги разбереме придобивките од членството бидејќи тоа носи многу корисни работи. Црна Гора е импресивна и постигнува одлични резултати. Продолжете по тој пат и ние сме тука да ве поддржиме. Мислам дека сте блиску до целта.

Таа нагласи дека ова е процес базиран на заслуги.

– Кој ќе ги исполни условите ќе биде дел од ЕУ – заклучи таа.

Загреб има неколку отворени прашања

Хрватскиот премиер Андреј Пленковиќ на прес-конференција во рамките на самитот изјави дека Црна Гора постигнала најголем напредок во процесот на европска интеграција меѓу земјите од регионот, но дека постојат отворени билатерални прашања.

– Првото очекување (од Загреб) е обештетување на затворениците во логорот во Бока Которска. Сакаме билатерален договор за тоа – рече Пленковиќ.

Зборувајќи за други отворени прашања, тој ги спомена имотно-правните барања на семејствата од Хрватска, прашањето за спомен-плочата во Мориње, училишниот брод „Јадран“, како и прашањето за границата меѓу двете земји.

The post ЦРНА ГОРА ЌЕ ВЛЕЗЕ ВО ЕУ ДО 2028 ГОДИНА Тука сме поради новата членка, вели Макрон appeared first on plusinfo.mk.

Грчката поддршка за ЕУ перспективата на Западен Балкан, како прашање од национален интерес, ја повтори и истакна претседателот на Грција Константинос Тасулас при пристигнувањето на Самитот ЕУ – Западен Балкан во Тиват, потенцирајќи дека сакаат на север да имаат европско институционално опкружување, јави дописничката на МИА од Атина.

– Како што е познато, Грција, веќе со децении, од 2003 година, цврсто ја поддржува европската перспектива на Западен Балкан. Тоа е и прашање од национален интерес. Грција сака на своите северни граници да има ЕУ-институционално опкружување и затоа и денеска ќе имам можност да ја изразам таа поддршка, која веќе од јуни 2003 година беше изразена со Декларацијата од Солун, каде што започна патот на земјите од Западен Балкан кон Европа, порача Тасулас.

The post САКАМЕ ЕВРОПСКИ ЗЕМЈИ НА НАШАТА СЕВЕРНА ГРАНИЦА Во Тиват силна поддршка од Грција за проширувањето на ЕУ appeared first on plusinfo.mk.

The post 🎥 ПРОЦЕСОТ НА ПРОШИРУВАЊЕ Е ЖИВ, МНОГУ СУМ ЗАДОВОЛЕН ОД РАЗГОВОРИТЕ Мицкоски од Самитот во Тиват appeared first on plusinfo.mk.

Од Самотот ЕУ-Западен Балкан, што се одржува во Тиват, Црна Гора, нема да произлезе заедничка декларација, како што беше случај на досегашните самити, а причината за тоа не се познати, објави регионалната телевизија Ен-1, повикувајќи се на дипломатски извори

„Тиватска декларација нема да има, а причините за ова засега се непознати“, објави репортерот на Ен-1.

Според најавите, дискусиите на самитот се фокусираат на политиката на проширување на ЕУ, регионалната стабилност и понатамошната интеграција на Западен Балкан во ЕУ.

Медиумите објавија дека постои француско-германски нон-пејпер. Документот вчера го објави Ројтерс, а во него се споменува постепено приклучување на земјите-кандидатки кон Европската Унија, но останува да се види дали и тој ќе биде усвоен.

Францускиот претседател Емануел Макрон и претседателката на Европската комисија, Урсула фон дер лајен, имаа билатерална средба пред почетокот на самитот.

Претседателот на Европскиот совет, Антонио Кошта, објави на социјалната мрежа Икс дека е воодушевен што ја завршил својата посета на Западен Балкан во Тиват.

Во неделите пред самитот, неколку лидери на ЕУ предложија реформи во процесот на пристапување во ЕУ за да се прилагоди на кандидатурата на Украина, како и на долгогодишните кандидатури за членство на Западен Балкан.

The post ОД САМИТОТ ВО ТИВАТ НЕМА ДА ПРОИЗЛЕЗЕ ЗАЕДНИЧКА ДЕКЛАРАЦИЈА Може само да биде официјализиран француско-германскиот нон-пејпер appeared first on plusinfo.mk.

Резервација од околу 36.000 евра за луксузно сместување на 45 лица отвори нови прашања околу групата српски државјани, поддржувачи на српскиот претседател Александар Вучиќ, на кои оваа недела им беше забранет влез во Црна Гора.

Настанот крена прашина пред почетокот на самитот ЕУ-Западен Балкан во Тиват. Самитот е во тек.

Црногорски „Вијести“ објави дека истражителите се обидуваат да утврдат кој ја организирал акцијата и каде требало да бидат сместени сите 87 патници кои во Тиват пристигнале со чартер лет од Белград.

Резервацијата била платена однапред

Според информациите на весникот, договорот бил склучен меѓу туристичката агенција „Хепи Тревел“ од Бијелина и компанијата што управува со комплексот Луштица Беј.

Резервацијата важела за периодот од 3 до 5 јуни.

Наводно биле уплатени и околу 10.500 евра аванс.

Полицијата проверува уште една трага

„Вијести“ објави дека пензионираниот припадник на српската жандармерија Саша Лазиќ наводно бил поврзан со организацијата на сместувањето.

Заедно со уште две лица пристигнал во Црна Гора ден пред депортацијата на групата.

Истражителите проверуваат и дали во организацијата бил вклучен познат бизнисмен од Будва.

Каде требало да престојуваат останатите?

Една од главните дилеми е каде требало да бидат сместени преостанатите 42 лица од групата.

Црногорските служби досега не соопштија детали за тој дел од истрагата.

Од компанијата „Луштица Беј“ соопштија дека резервацијата била направена преку туристичка агенција и дека тие немале директен контакт со лицата кои се предмет на полициската истрага.

„Не беа криминалци“

Безбедносните служби на Црна Гора претходно соопштија дека групата од 87 српски државјани била вратена во Белград затоа што претставувала безбедносен ризик.

Според нив, дел од лицата биле евидентирани за кривични дела и прекршоци со елементи на насилство.

Српскиот претседател Александар Вучиќ ги отфрли таквите тврдења.

– Тие немаа оружје, немаа ништо навредливо или опасно – изјави Вучиќ.

The post ПОЗНАТО КАДЕ ТРЕБАЛО ДА БИДАТ СМЕСТЕНИ ПОДДРЖУВАЧИТЕ НА ВУЧИЌ ВО ТИВАТ Кој платил аванс од 10.500 евра за 45 од 87 лица? appeared first on plusinfo.mk.

На самитот ЕУ-Западен Балкан што се одржува во Тиват, Црна Гора, Брисел планира да им понуди некои претпристапни бенефиции на земјите-кандидатки од Западен Балкан, а прва се очекува да биде пристап до бесплатен роаминг со земјите на ЕУ.

Оваа вест се очекува денеска во Тиват официјално да ја соопшти претседателката на Европската комисија Урсула фон дер Лајен.

Исто така, Франција и Германија ги здружија силите за да презентираат опции за оние земји-кандидатки во регионот кои веројатно нема да се приклучат на блокот на краток рок, вклучително и учество на состаноци како набљудувачи и нудење пристап до единствениот пазар.

– Постои јасен моментум за проширување. Црна Гора почна да го подготвува својот договор со ЕУ, Албанија напредува во процесот, а и Молдавија и Украина ја отклучија првата рунда преговори – рече претседателот на Европскиот совет, Антонио Коста, кој ги посети земјите-кандидатки низ регионот во изминатите денови.

Францускиот претседател Емануел Макрон и германскиот канцелар Фридрих Мерц ќе бидат меѓу лидерите на ЕУ кои ќе учествуваат на денешниот самит во Тиват, на кој се очекува 27-те земји-членки да дојдат до консензус за тоа колку далеку и колку брзо треба да оди процесот на приклучување на нови членки во блокот.

Ниту една нова членка не е примена откако Хрватска се приклучи во 2013, но во услови на политичка и економска неизвесност, земјите-кандидатки го зголемуваат притисокот да ги отворат вратите.

Црна Гора, која има нешто повеќе од 600.000 жители, има големи надежи дека ќе стане 28. членка на ЕУ до 2028 година. Нејзината апликација беше поднесена до Брисел во 2008.

– Дојдовме до позиција каде што уживаме целосна поддршка од земјите-членки и како предводник меѓу земјите-кандидатки, ние сме на добар пат да се приклучиме кон европското семејство во предвидениот временски рок – изјави премиерот на Црна Гора, Милојко Спајиќ.

The post БРИСЕЛ ЌЕ „ЧЕСТИ“ БЕСПЛАТЕН РОАМИНГ ЗА ЗЕМЈИТЕ-КАНДИДАТКИ? Во Тиват се отворa пакет претпристапни бенефиции appeared first on plusinfo.mk.

Премиерот Христијан Мицкоски, кој учествува на Самитот Европска Унија – Западен Балкан во Тиват, синоќа присуствуваше на вечерата што за учесниците ја организираше претседателот на Црна Гора, Јаков Милатовиќ.

Мицкоски на Фејсбук објави дека пред вечерата имал средба со Денис Беќировиќ, член на Претседателството на Босна и Херцеговина.

– Разменивме мислења за актуелните состојби во регионот, како и регионалната соработка и европската перспектива на земјите од Западен Балкан. Ваквите средби се добра можност за зајакнување на меѓусебното разбирање и продлабочување на соработката меѓу нашите држави, наведува Мицкоски.

Самитот во Тиват се одржува во хотелот „Regent Porto Montenegro”, каде што лидерите денеска разговараат за актуелни прашања поврзани со европската интеграција на земјите од регионот и соработката со Европската Унија.

По завршувањето на Самитот во 15:30 часoт е предвидена заедничка прес- конференција.

На Самитот му претходеше турнејата на претседателот на Европскиот совет, Антонио Кошта на земјите од Западен Балкан, во рамки на која се сретна со лидерите од регионот, а денеска ќе биде копретседавач на самитот ЕУ – Западен Балкан во Тиват.

Кошта на 2 јуни беше во посета на Скопје, каде се сретна со Мицкоски, а потоа одржаа и заедничка прес-конференција на која премиерот посочи дека македонската позиција е јасна – „остануваме цврсто определени кон европскиот пат, не бараме привилегии, не бараме олеснети правила, не бараме нешто што не им припаѓа на другите, бараме принципи и нормално кредибилен и предвидлив процес, бараме процес во кој реформите, трудот, заслугите, и исполнетите обврски ќе бидат вистински вреднувани“

– Во изминатиот период работиме посветено на реформската агенда, на јакнење на институциите, на стабилизирање на економијата, на привлекување на инвестиции, на подобрување на јавните услуги и на создавање на систем што ќе биде поефикасен, поправеден и поблиску до граѓаните – рече Мицкоски на прес-конференцијата во Скопје.

Премиерот потенцира дека Европа била најсилна тогаш кога покажувала визија, политичка храброст и доследност кон сопствените вредности. Кога била простор на можности, правда и предвидливост.

– Верувам и дека достоинството, идентитетот и принципиелноста не треба да се пречка за европската перспектива-тие се нејзин составен дел – рече Мицкоски.

Кошта, пак повтори дека усвојувањето на договорените уставни измени останува единствениот начин за формално започнување на пристапните преговори на земјава со ЕУ.

– Тоа е единствениот начин за отклучување на целосните придобивки од членството во Европската унија за граѓаните на Северна Македонија, тоа значи Македонците. Таа останува најголемиот инвеститор и најважен трговcки партнер. Остануваме да ве поддржиме и политички и финансиски, но на крајот моќта да ја обликувате вашата иднина е во ваши раце – изјави Кошта.

Според него, единствениот начин да се постигне напредок кон европската интеграција е преку конструктивен дијалог со соседите, преку преземање прагматични чекори за градење доверба и спроведување на неопходните реформи. – Она што било договорено во 2022 година треба да се испорача и ништо повеќе од тоа – рече тој додавајќи дека треба да се отворат и затворат кластерите чекор по чекор и дека тоа е процес кој се заснова на заслуги.

Во рамки на европската турнеја Кошта ги посети и Сараево, Тирана, Приштина, Белград, а ја заокружи со посета во Црна Гора, а денеска ќе биде копретседавач на самитот ЕУ – Западен Балкан. Главната тема на овој самит е „Заедничкиот просперитет и стабилност на ЕУ и Западен Балкан“.

The post ПРЕМИЕРОТ МИЦКОСКИ НА САМИТОТ ЕУ- ЗАПАДЕН БАЛКАН ВО ТИВАТ Во фокусот проширувањето на Унијата appeared first on plusinfo.mk.

Тиват утре ќе биде домаќин на Самитот ЕУ – Западен Балкан, на кој се очекува да учествуваат лидерите на Европската Унија и на шесте земји од регионот, во обид да се даде нов поттик на процесот на европска интеграција и на соработката меѓу Брисел и Западен Балкан.

Самитот доаѓа непосредно по балканската турнеја на претседателот на Европскиот совет Антонио Кошта, кој во изминатите недели ги посети земјите од регионот и разговараше со државните и владините претставници за европската перспектива на Западен Балкан, реформските процеси и спроведувањето на Планот за раст на ЕУ за регионот. Посетите беа оценети како подготовка за разговорите што ќе се водат во Тиват, каде што проширувањето на Унијата повторно ќе биде меѓу главните теми.

Според најавите, лидерите ќе разговараат за напредокот на земјите кандидати, економската интеграција на регионот со европскиот пазар, безбедносните предизвици и геополитичките случувања што влијаат врз Европа. Посебно внимание се очекува да биде посветено на Планот за раст на Западен Балкан, преку кој ЕУ обезбедува финансиска и реформска поддршка за земјите од регионот.

Во пресрет на собирот, грчкиот премиер Кирјакос Мицотакис денеска престојуваше во Софија на средба со бугарскиот претседател Румен Радев, каде што во фокусот се билатералните односи, прашања од заемен интерес и европската агенда. По разговорите и заедничката прес-конференција, Мицотакис ќе отпатува за Тиват, каде што вечерва ќе присуствува на свечена вечера организирана од црногорскиот претседател Јаков Милатовиќ за лидерите од Европската Унија и Западен Балкан по повод националниот празник на Црна Гора и во пресрет на утрешниот самит.

Поради присуството на голем број високи државници, црногорските власти воведоа засилени безбедносни мерки. Во деновите пред самитот на дел од српските државјани не им беше дозволен влез во земјата, откако безбедносните служби ги означиле како потенцијален ризик за јавниот ред и безбедноста на настанот. Потегот предизвика реакции во Србија и дополнително го привлече вниманието кон безбедносниот аспект на собирот.

Домаќини на самитот ќе бидат претседателот на Црна Гора Јаков Милатовиќ и претседателот на Европскиот совет Антонио Кошта, а меѓу учесниците се очекуваат и претседателката на Европската комисија Урсула фон дер Лајен, како и лидерите на земјите членки на ЕУ и на државите од Западен Балкан. Потврдено е дека ќе присуствуваат и лидерите на Франција Емануел Макрон, и на Германија Фридрих Мерц.

Организаторите најавуваат дека средбата треба да испрати порака за заедничка стабилност, просперитет и европска иднина на регионот.

The post ТИВАТ ВО ФОКУСОТ НА ЕВРОПА Лидерите на ЕУ и Западен Балкан се собираат во Црна Гора appeared first on plusinfo.mk.