Вчера напладне во тетовската полиција било пријавено дека на местото викано „Бакардан“, во близина на „Титов Врв“, има повредено лице.

Станува збор за 65-годишен државјанин на Словенија, кој паднал и се повредил додека скијал. Со ратрак-служба бил преземен од теренот и пренесен во Клиничкиот центар во Тетово, каде што му била укажана лекарска помош.

The post СЛОВЕНЕЦ ПОВРЕДЕН ПРИ СКИЈАЊЕ КАЈ „ТИТОВ ВРВ“ 65-годишникот паднал на местото Бакардан appeared first on plusinfo.mk.

Планинарот, кој бил спасен во саботата, како што наведува ЦУК, бил со група од 20 планинари од коишто десет биле и многу уморни, па и тие биле превезени, односно биле вратени долу на безбедно, со ратрак на „Ескимо“. Според информациите, колабрираниот планинар би бил во многу голема опасност ако групата самостојно го извлекувала при студеното време, бидејќи извлекувањето на неподвижниот човек би траело повеќе часови и би имало опасност од хипотермија.

Во неделата, пак, информира ЦУК, времето од сончево, за многу кратко време, се променило околу Титов Врв и групата од пет планинари била „поклопена“ од густа магла при што се изгубиле, иако биле и членови на планинарски клубови од Скопје и од Куманово.

„Според информациите, во својата 2о-годишна работа при зимскиот туризам, со неколку возила „ратрак“ фирмата „Ескимо Фрирајд“ несебично интервенира според можностите во планината и за спасување и извлекување планинари, скијачи и посетители на Шар Планина, што според податоците во една сезона во просек спасувала и извлекувала од различни животозагрозувачки ситуации по околу 50-ина луѓе“, нагласуваат од ЦУК.

ЦУК потсетува и апелира до планинарите и до посетителите на планините коишто се искачуваат на повисоките врвови в зима, да одат во групи, при што е пожелно да имаат планинарски водичи или искусни планинари со нив, а и да имаат превентивно минимални средства со нив за итни (кризни) персонални ситуации за нив. При тоа, од основно стратешко превентивно значење е да имаат мобилни телефони, а и други комуникациски уреди, потоа полни батерии за комуникациските уреди, а и дополнителни уреди за чување електрична енергија за дополнување на мобилните телефони, наведуваат од ЦУК.

Апелираат во кризна, односно животозагрозувачка ситуација, да побараат брзо локација каде што има сигнал и интернет, за побрзо да се јават на 112 во ЦУК, при што по јавувањето на 112 е пожелно да не ја менуваат многу локацијата, бидејќи во момент на јавувањето се земени координатите за нивната местоположба и да ги чекаат спасителите и да комуницираат по потреба со нив.

„Секако, и секогаш со себе е пожелно да имаат барем малку резерва храна и вода, а и некое дополнително парче топла облека и малу средства за палење оган зиме, односно при влажни услови“, додаваат од ЦУК.

The post СПАСЕНИ СЕ ШЕСТМИНА ПЛАНИНАРИ Густа магла ги „покрила“ кај Титов Врв appeared first on plusinfo.mk.

Во објавата тие велат дека бил запалена шпер плоча со што е направена штета од 5.000 денари, искорнати се десет прозорци во вредност од 15.000 денари, запален е агрегатот за струја од 3 киловати, со 10 литри бензин во него, во вредност од 20.000 денари и други елементи на ентериерот на кои им ја процениле вредноста.

Планинарите со вчерашната акција привремено ги затворија сите испокршени десет прозорци со плексан и дрвени даски со цел во кулата да не навлегува снег во зимскиот период. Целосната санација ќе се реализира наредната година во организација на Федерацијата за планинарски спортови.

The post ДЕМОЛИРАНА БИЛА И ВНАТРЕШНОСТА НА КУЛАТА НА ТИТОВ ВРВ Планинарскиот клуб објави колкави се штетите во ентериерот appeared first on plusinfo.mk.

„Источна страна на вториот кат, искршени две стакла и еден прозорец целосно откорнат“, пишува под објавата од планинарскиот клуб.

Станува збор за редок објект на таа височина во регионот. Тоа е цилиндрична камена градба, изградена во 1965 година, на надморска височина од 2,747 метри. Проектот го изработил архитектот Коста Поповиќ од Белград, а градбата му била доверена на планинарското друштво Љуботен од Тетово и на ГП „Бетон“.

Нејзина првична намена била да собира меторолошки податоци, но по кратка употреба за оваа намена, целосно е предадена на користење на планинарите. Во кулата три пати бил подметнуван пожар, и повеќе пати била реновирана.

Последен пат кулата е реновирана во 2014 година по иницијатива на планинарското друштво „Аргентус маунт“. Потребните материјали до 2.600 метри надморска височина биле транспортирани со ратрак, а потоа пеш или со коњи, поради непристапниот и стрмен терен. Притоа се монтирани нови прозорци и извршени се други градежни работи. Кулата е омилено место на планинарите, каде можат да се одморат и да се заштитат од силните ветришта, а од неа може да се ужива во величествениот поглед. И покрај тоа оваа кула често е цел на вандали.

The post КОМУ МУ ПРЕЧЕШЕ КУЛАТА НА ВРВОТ НА ШАР ПЛАНИНА? Вандализиран објектот на Титов Врв appeared first on plusinfo.mk.

Директорот на Центарот за управување кризи (ЦУК) Стојанче Ангелов, кој беше на местото на несреќата, преку видео изјава, информира дека вчера околу 17 часот на бројот 112 во ЦУК стигнала пријава од едно лице кое пријавило дека заедно со својот пријател планинар планинареле меѓу врвот Бакрдан и Титов Врв. Притоа лицата не успеале, како што рече, благовремено да се симнат од ова подрачје, се изгубиле поради настапувањето на ноќта и побарале помош.

Од ЦУК веднаш се известени МВР, ДЗС, Итната медицинска помош и Територијалната противпожарна единица од Тетово. Потоа полициски екипи и тим на пожарникари се упатиле на местото на несреќата.

– Половина час подоцна повторно се јавило истото лице и пријавило дека второто лице на кое му се слошило, паднало, се лизнало во некоја бездна за која немаше информации да пријави колкава е – изјави Ангелов.

Ангелов изјави и дека се работи за бездна која е длабока повеќе од 600-700 метри.

Образложи дека од МВР поради сериозноста на ситуацијата, дополнително се ангажирани специјалците од Единицата за брзо распоредување (ЕБР).

Ангелов појасни дека местото на кое дошле специјалците и другите полицајци, како и пожарникарите било со снег, кој бил замрзнат и било, како што рече, исклучително лизгаво.

– Малку подоцна на ова место самоиницијативно доаѓа и директорот на НП „Шар Планина”, Ибрахим, како и еден извонреден алпинист Надир, еден од нашите најдобри алпинисти со искуство во спасување. На ова место припадниците на ЕБР се обиделе да лоцираат каде се наоѓа повреденото лице, кое пропаднало во провалијата. Притоа старешината од ЕБР се упатил во оваа насока, од каде можел да има преглед, иако било ноќ, сепак имало полна месечина и имало одредена видливост. Но, движејќи се кон горната страна од каде можел добро да погледне, се лизнал и летнал во провалијата – изјави Ангелов.

Ангелов додаде и дека потоа лицето пропаѓало повеќе од 600-700 метри и завршило во провалијата.

Припадниците на ЕБР цело време довикувале и се обидувале да го добијат и првото првото лице кое паднало во провалијата и нивниот старешина. Подоцна старешината од ЕБР, кој бил изнемоштен, се јавил преку радио врска и кажал дека не знае каде се наоѓа, има повреди и оти е во состојба во која може да контактира.

Ангелов нагласи дека се работи за исклучително стрмно место, а Ибрахим и Надир се обиделе да пуштат јажиња за да можат сите заедно да се спуштат до местото и да ги најдат двете повредени лица. Јажињата не биле доволно долги.

– Надир одлучил сам со алпинистичка опрема да се спушти до подножјето на оваа провалија. Веднаш потоа се упатил со натчовечка храброст, во еден херојски чин низ оваа провалија и движејќи се надолу прво налетал на лицето кое прво паднало. Лицето било без свест, имало видливи повреди. Алпинистот Надир не можел да го почувствува пулсот, но во тоа време слушнал како довикува старешината од ЕБР и се упатил кон него, кој бил во непосредна близина, а не можел да го открие гласот. Ја забележал сијаличката од неговата радиостаница и потоа успел да дојде до него. Старешината можел да комуницира, немал скршеници на рацете и нозете, можел да стане, а Надир му помагал во движењето и се упатиле кон Горна Лешница – изјави Ангелов.

Ангелов додаде дека за тоа време се упатиле и други тимови од специјалците од ЕБР.

– Првото лице кое се повредило, се наоѓало погоре, на исклучително стрмно место, била донесена одлука да се извлече неколку часа подоцна, откако ќе се раздени со помош на хеликоптер. Припадниците на ЕБР успеале да го пресретнат Надир некаде над бачилото, Горна Лешница и да му помогнат на повредениот старешина да отидат до возилата кои биле веднаш до бачилото, каде чекале двајца доктори, а полицаецот е однесен до најблиската медицинска установа, во свесна состојба и во состојба да може да комуницира – додаде Ангелов.

Ангелов вели дека заедно со тим од ЦУК пристигнале на местото за подобро да ја координираат акцијата за извлекување на второто настрадано лице. Образложи дека поради маглата во Скопје, хеликоптерите не можеле да полетаат на првото разденување и морале да почекаат да се крене маглата.

– Во лоцирањето на повреденото лице, повторно помогна алпинистот херој Надир, хеликоптерот слетал во негова близина, специјалците од ЕБР го качија лицето во хеликоптер, кое не давало знаци на живот, но е однесено во Тетово каде го пречекала екипа на Итната медицинска помош, која констатирала смрт – изјави Ангелов.

Изрази благодарност до сите кои се вклучиле во оваа, како што рече, комплексна спасувачка акција. Напомена дека и началникот на СВР Тетово се лизнал набрзо по старешината од ЕБР,  но се задржал за некоја од карпите и е во добра здарвствена состојба.

The post НАДИР САМ СЕ СПУШТИ ВО БЕЗДНАТА ДЛАБОКА 600 МЕТРИ! Стојанче Ангелов раскажува за драматичното спасување на Титов Врв appeared first on plusinfo.mk.

-Пронајдени се двете лица кои беа исчезнати на падините на Шар Планина во реонот на Титив Врв. Едното лице, кое јави за несреќата, е пронајдено околу 20 часот и тоа од страната на Титов Врв и околу три часот е пренесено на Попова Шапка, а потоа и во болница. Заедно со него во болница е пренесен и началникот на СВР Тетово кој има телесни повреди. Со цел пронаоѓање на другото лице, екипа од специјалната единица на МВР беше упатена кон местото од другата страна односно преку Лешница и по неколку часови успеала да го лоцира и пронајде и второто лице кое паднало од карпа – информира на фејсбук ЦУК.

Акцијата за спасување почна синоќа  по добиен повик за итен случај на 112 откако  едниот од планинарите паднал од карпа во провалија.

The post ПРОНАЈДЕН Е ПЛАНИНАРОТ КОЈ ПАДНА ОД КАРПА НА ТИТОВ ВРВ Нема детали за неговата состојба appeared first on plusinfo.mk.

Како што објавија на Фејсбук од ЦУК, како последно известување РЦУК Тетово информира дека од страна на командирот на ТППЕ Тетово, кој се наоѓа на местото на настанот, е добиена информација дека е пронајден едниот планинар, кој е контактибилен и има лесни повреди на главата, а се врши претрага за пронаоѓање и на другото лице, кое според изјавата на пронајдениот планинар, паднало од карпа и е повредено.

– Според информациите, што последователно ги добивавме при координацијата на спасувачката акција е дека од МВР итно имаат упатено специјализиран тим со две теренски возила и дронови за ноќно извидување и претрага. Поточно, Регионалниот центар за управување со кризи РЦУК Тетово извести дека од страна на нашиот вработен кој се наоѓа на Попова Шапка е добиена информација дека две возила „Хамер” со седум припадници од специјалната единица на МВР, заедно со началникот на СВР Тетово се тргнати од Попова Шапка и се движат кон Титов Врв. Исто така и ТППЕ Тетово со теренско возило и пет добро обучени нејзини припадници се упатени на местото на настанот. Сега тие и дејствуваат на место на претрагата кај Титов Врв, објавија од ЦУК на фејсбук.

Конкретно, настанот пријавен на 112 хронолошки се развива како спасувачка акција кога едниот од двата планинара прво пријавува дека на Титов Врв, во реон 500 метри подолу, со неговиот другар оделе кон викендица и се изгубиле.

– На другарот му се слошило и бил во лоша здравствена состојба, па побарал помош итно да се реагира. Преку 112 во ЦУК е направен конференциски повик со полицијата во Тетово. Потоа, јавувачот на 112 повторно се јавил и известил дека неговиот пријател паднал од карпа во провалија и не знае каде е и во каква состојба е, а исто така информирал дека и тој е полесно повреден. Бил уплашен и збунет и не можел да информира за каква повреда станува збор – стои во фејсбук објавата на ЦУК.

Веднаш по добиената информација, ЦУК, практично преку Дежурниот оперативен центар во Регионалниот центар за управување со кризи РЦУК Тетово стапува во комуникација со Министерството за внатрешни работи – СВР Тетово и Полициска станица Попова Шапка со коишто по куса координација, со едно теренско возило на Центарот за управување со кризи со човек на ЦУК од Регионалниот центар за управување со кризи Тетово заедно со двајца полицајци од СВР Тетово се упатува кон Титов Врв на Попова Шапка.

Во меѓувреме било стапено во комуникација и координација со Територијално противпожарната единица на Тетово од каде што се упатени четири пожарникари и специјализирано теренско возило на местото на настанот, за да помогнат. Истовремено, од ЦУК преку РЦУК Тетово, е координирано со Брзата помош од Јавната здравствена установа ЈЗУ Тетово и е упатено и медицинско возило со комплетна екипа лекар и медицински персонал да го превземат повредениот.

– Спасувачите од ангажираните институции вложуваат максимални напори заради ниските температури или евентуалните посериозни повреди на лицата за коишто немамаме информација во која мера се повредени – објавија на фејсбук од ЦУК.

The post НОВА СПАСУВАЧКА АКЦИЈА НА ЦУК Се извлекуваат двајца планинари кај Титов Врв, едниот паднал од карпа appeared first on plusinfo.mk.

Во женска конкуренција победи Елена Ртоска од Прилеп со време од три  часа 6 минути и 51 секунда, што, исто така претставува рекорд.  Сања Најдовски со три часа 25 минути беше втора, додека Снежана Џуриќ со три часа 33 минути и 47 секунди трета. Ртоска во 2020 го имала рекордот од три часа и 43 минути

Планинарскиот клуб „Македон“ од Скопје и Федерацијата на планинарски спортови беа организатори на оваа трета по ред трка за скајранинг – екстремна форма на планинско трчање.

Трката почна на Попова Шапка кај манастирскиот комплекс на 1750 метри надморска височина преку Церипашина, до врвот Антени 2500 метри, врвот Бакардан и на крај Титов Врв.

– Карактеристика на патеката се 20 километри должина вкупно во два правца и 2000 метри денивелација искачување и спуштање.  Не мора да се трча цело време, дури и првите не трчаат цело време.  Пример Церипашина е многу стрмен успон и мора да се премине на брзо одење. Но времињата кои се постигнуваат се прилично сериозни и импресивно во планинарските кругови. Во летни услови на еден просечно подготвен планинар до Титов Врв му требаат и да отиде и да се врати околу 9 часа – велат од ПК „Македон“.

Учесниците на ваква трка треба да имаат големо планинарско искуство, специјална опрема со себе како што е јакна против ветер, фолија за заштита од студ, соодветна количина течности, храна и друго.

– Попатно има две освежителни точки една е на Антени на 2500 мнв, а втората е под Титов Врв. Таму секој натпреварувач има на располагање по половина литар течност и грицки, додека останатото сам го носи. На Титов Врв има контролор кој го регистрира нивното доаѓање и се враќаат назад и финишираат кај манастирскиот комплекс. Самото стартно бројче има чип се времето и се отчитува на финишот – објаснуваат од планинарскиот комплекс „Македон“.

Во соработка со Федерацијата на планинарски спортови, која е полноправен член на Светската скајранинг федерација, оваа трка претставуваше и државно првенство на С Македонија во скајранинг за 2021 година. Во 2019 година македонска репрезентација во скајранинг првпат настапи на европско првенство во Италија, а оваа година целта е настап на светското првенство кое ќе се одржи во месец јули на Пиринеите во Шпанија.

The post За 2 часа и 19 минути охриѓанец истрча од Попова Шапка до Титов Врв и назад (ФОТО) appeared first on plusinfo.mk.