Тимот Европа повторно е освојувач на Лејвер Купот, откако во Лондон го совлада Тимот на светот со убедливи 13:5.

Минатата година во Сан Франциско славеше Тимот на светот со 15:9, но Европа сега успеа да го врати трофејот во свои раце.

Решавачкиот поен го донесе Александер Зверев, кој во последниот меч го совлада Лернер Тиен со 2:0 во сетови, 7:6(3), 6:3.

Германецот одигра сигурно во клучните моменти, го доби првиот сет во тај-брејк, а потоа во вториот сет направи доволно за да ја запечати победата и да го потврди триумфот на европскиот тим.

Пред Зверев, Флавио Коболи и Јакуб Меншик ја отворија програмата во неделата со победа во двојки. Тие ги совладаа Алекс де Минаур и Тејлор Фриц со 7:5, 6:3 и му донесоа три важни поени на Тимот Европа.

Европа во последниот ден влезе со предност од 7:5, а бидејќи неделните мечеви носат по три поени, тимот на Јаник Ноа знаеше дека му се потребни две победи за да го обезбеди трофејот. Тоа и го направи – прво преку Коболи и Меншик во двојки, а потоа и преку Зверев.

За Јаник Ноа ова е прв трофеј како капитен на Тимот Европа. Тој ја презеде капитенската функција во 2025 година, а ова беше второ учество на Европа под негово водство.

Лејвер Купот годинава се играше од 25 до 27 септември во „О2 Арена“ во Лондон, а со триумфот Европа стигна до својот шести трофеј во историјата на натпреварувањето.

The post 📽️ ЗВЕРЕВ ГО ЗАДАДЕ ЗАВРШНИОТ УДАР Тимот Европа повторно го освои Лејвер Купот appeared first on plusinfo.mk.

Тенискиот ас Александер Зверев не знаел дека го освоил САД Опен откако Бен Шелтон го испратил последното топче во аут, па мирно се вратил на основната линија како мечот да продолжува.

Колегата Карлос Алкараз го праша што му се вртело низ главата во тој момент, а Германецот одговори со самоиронија – ништо.

Средбата на двајцата тенисери на тренингот на Тим Европа пред Лејвер купот во Лондон донесе една од најсмешните приказни од последниот гренд слем во сезоната.

Алкараз го гледал финалето од дома и не можел да разбере зошто Зверев, откако го освоил шампионскиот поен, се вратил на основната линија како да треба да игра уште еден гем.

– Гледав од дома и си велев: „Што се случува?“ – му рече Алкараз.

Одговорот го насмеа Шпанецот.

– Немав апсолутно ништо во главата. Тоа помага. Кога си глупав, помага – се пошегува Зверев.

Зад шегата, сепак, стоела необична забуна. Зверев во завршницата погрешно го следел резултатот и воопшто не сфатил дека сервира за својата прва титула на САД Опен.

– Мислев дека е 4:1. Да знаев дека е 5:2, сигурно ќе бев многу нервозен – призна Германецот.

Токму затоа по последниот поен не прославил веднаш. Шелтон испратил топче во аут, а Зверев тргнал назад кон основната линија, подготвувајќи се како мечот сè уште да трае. Дури реакцијата од неговиот тим му покажала дека штотуку станал шампион.

Зверев го освои финалето против Шелтон во четири сета, а сега двајцата со Алкараз се соиграчи во Тим Европа на Лејвер купот, кој почнува в петок во Лондон.

 

View this post on Instagram

 

A post shared by Laver Cup (@lavercup)

The post 📽️ ЗВЕРЕВ НЕ ЗНАЕЛ ДЕКА СТАНАЛ ШАМПИОН, АЛКАРАЗ ГО ПРАША ШТО МУ Е „Кога си глупав, тоа помага“ appeared first on plusinfo.mk.