На 59-годишна возраст денеска во Скопје ненадејно почина поетот, писател и преведувач Тихомир Јанчовски.

Јанчовски, кој беше и професор, музичар и издавач, е автор на над 30 книги, главно поезија, преводи, романи и една книга историја, за православното монаштво во Македонија.

На 23 јануари на својот профил на Фејсбук тој објави дека излезе од печат книгата „60 икони на Мајката Божја“ од Аријан де Сен-Марк, чиј уредник и преведувач е Јанчовски и кој најави промоција за еден месец.

Во 2024 Јанчовски одбележа 25 години творештво. Истата година со Бранислав Николов го создадоа поетскиот перформанс „Волкот на љубовта“. Избори од неговата поезија се преведувани и објавувани во различни литературни списанија, присутен е во голем број антологии. Преведуван е на англиски, француски, словачки, хрватски, албански, босански, грчки, германски, српски, полски, грузиски, персиски и италијански јазик.

Простувајќи се од Јанчовски, од Друштвото на писателите на Македонија (ДПМ) истакнаа дека тој „со својата автентичност и креативност останува еден од најомилените наставници на повеќе генерации средношколци во гимназијата „Орце Николов“, во меѓународното училиште „Нова“ и во Американската гимназија во Скопје“.

Јанчовски е дипломец на Катедрата за општа и компаративна книжевност на Универзитетот „Свети Кирил и Методиј“. Специјализирал во Будимпешта, на Катедрата за Средновековни студии на Централноевропскиот Универзитет. Магистрирал современа историја на УКИМ во 2010 година.

Од 2013 до 2016 година објавуваше колумни во Утрински весник, во рубриката „Рурбано“. Има издадено и книга колумни „Како ми скроија капа и други записи“ (декември 2018). Од 2021 година објавуваше колумни во месечникот „Економија и бизнис“.

The post НЕНАДЕЈНО ПОЧИНА ПОЕТОТ И ПРЕВЕДУВАЧ ТИХОМИР ЈАНЧОВСКИ Замина омилениот професор на генерации средношколци appeared first on plusinfo.mk.

Нашиот соговорник Тихомир Јанчовски кој неодамна одбележа 25 години од своето творење, овојпат, што би рекол тој – за „нешто сосема поразлично“ – за готвењето.
Вели дека готви од свои 16 години, а најдобар во оваа вештина бил кога имал околу 20-21.

„Учев да готвам сѐ и сешто од мајка ми, па знам да правам и манџи и мусака на многу начини, Имам бајалди (посно), сосови за шпагети (знам едно 10, бидејќи имам работено во италијански ресторан), а правам и одличен пијан лосос“, вели Тихо и додава дека всушност, рецептот за последново е ист за која било риба, но нему најмногу му се допаѓа кога е со лосос со оглед на тоа што, според него, „крапот е најтапа риба што постои“.

Вели дека имал интерес за готвење уште од мал, а како и повеќето од нас, најпрвин научил да подготвува јајца на сто начини.
Сепак, најмногу се сеќава на јајцата на масло кои му ги правела баба му кога сакала да го орасположи.

„Сега веќе нема такво кравјо масло како порано, па си правам јајца на путер. Омилени ми се пржените лепчиња со јајца и да смеам, а не смеам баш многу затоа што сега имам шеќер и притисок, мислам дека и цел леб малку ќе биде.
Баш сабајлево, после 3 години воздржување, си испржив скромно, само две кришки леб со едно јајце, малку вода и сол и ги изедов во сласт.

Најчесто ги јадам со сирење и со чај од липа, а убаво одат и со јогурт“, раскажува нашиот познат поет кој освен што е докажано вешт на зборови, е вешт и со кујнските алатки (за нас ново и недокажано, но му веруваме на збор).

Целиот текст прочитајте го на „Арт кујна“.

The post КОГА ЧОВЕК ОД ЗБОР ЌЕ ВЛЕЗЕ ВО КУЈНА Љубител е на чорби и пржени лепчиња, ги кара и месојадите и вегетаријанците и има најдобар рецепт за пијана риба appeared first on plusinfo.mk.

Во петок (21 јуни) со почеток во 19 часот, во Бифе Тафталиџе ќе се одбележи 25-годишното творештво на Тихомир Јанчовски, сметајќи од неговата прва поетска книга „Обични зборови“, објавена во далечната 1999 година.

Поради јубилејот од 25 години, бројка која кога се однесува на години поминати во брак, се нарекува сребрена свадба, организаторите го најавуваат и како СРЕБРЕН ДЕН, јубилеен поетски настан (слава).
Всушност, станува збор за мултимедијален настан во чие средиште ќе биде ретроспективно читање на поезијата на Тихомир Јанчовски, а бидејќи ќе се случува токму во веќе култното Бифе Тафталиџе, сигурни сме дека нема да биде здодевно.
Па дури и само да се прочитаат имињата на книгите, веќе е доволно интересно: од Обични зборови, Последно време, Староста може, а и не мора да се дочека, Од збор до збор, Игла и конец, Влакно на јазикот, The Noise of Loneliness, па дури и поетскиот роман Лидија или сѐ што знам за жените, сите наслови се доволно провокативни за да ве натераат да ги отворите и да ги зачитате.
Па уште и кога ви чита некој друг, а вие можете да ги затворите очите и само да слушате додека се ладите со некој освежителен џин-тоник…

А ќе читаат повеќемина пријатели на авторот меѓу кои, Зоран Тортевски, Миро Масин, Лидија Јанчовска, Саша Шотаровски, …

Повеќе за ова прочитајте ТУКА.

The post СРЕБРЕНА СВАДБА Тихомир Јанчовски и неговото вдахновение ќе одбележат 25 години заедништво appeared first on plusinfo.mk.