Спасени се две лица чиј чамец се преврте денеска во Мавровското Езеро.

Директорот на ЦУК, Стојанче Ангелов јави дека лицата се извлечени и се наоѓаат во возилото на итната медицинска помош.

• СЕ ПРЕВРТЕ ЧАМЕЦ ВО МАВРОВСКОТО ЕЗЕРО, ВОДЕНАТА СТРУЈА ВЛЕЧЕ 2 ЛИЦА КОН ХИДРОЦЕНТРАЛАТА Се ангажира полициски хеликоптер за да ги извлече

Тој претходно објави дека двете лица од превртениот чамец успеале да го превртат и да вратат чамецот во нормална позиција, после што успеале да се вратат во него и очекуваат да бидат извлечени од Тигрите.

Тигрите на местото пристигнаа со полициски хеликоптер. Тие со чамец тргнаа кон двете лица кои, во тој момент, се потпираа на нивниот превртен чамец.

The post 🎥 СПАСЕНИ СЕ ДВЕТЕ ЛИЦА ЧИЈ ЧАМЕЦ СЕ ПРЕВРТЕ ВО МАВРОВСКОТО ЕЗЕРО Ќе им биде укажана лекарска помош appeared first on plusinfo.mk.

Планинарот сега е во комплексот клиники „Мајка Тереза“ во Скопје.

Како што е соопштено, попладнево полицијата добила пријава дека планинар бил повреден на Осоговски Планини кој не може да се движи.

„Веднаш по добиената пријава, Алпинистичкиот тим на САЕ Тигар со хеликоптер пристигна на местото на несреќата, го подготви повреденото лице за транспорт и со хеликоптерот од Хеликоптерската единица за полициски намени го пренесе до хелиодромот во Комплекс клиники „Мајка Тереза” во Скопје каде што е предадено за укажување лекарска помош“, се наведува во соопштението.

The post 🎥„ТИГРИТЕ“ СПАСИЈА ПОВРЕДЕН ПЛАНИНАР НА ОСОГОВСКИТЕ ПЛАНИНИ Со хеликоптер на МВР е пренесен во Клинички центар appeared first on plusinfo.mk.

Како што соопшти МВР, денеска (31.08) околу 08 часот полициски службеници од Одделот за криминалистичка полиција- Сектор за недозволена трговија со дрога и оружје и Специјалната антитерористичка единица „Тигар“ го приведоа С.А. (34) од Арачиново, кој избегал од затворот КПУ „Идризово“, а е осуден на затворска казна од 12 години поради извршено кривично дело убиство.

На автопатот „Пријателство“, по претходно добиени оперативни сознанија, сопрено е возило „форд“, управувано од Б.Р. (47) од Арачиново, кој е исто така осудено лице што издржува казна затвор во КПУ Идризово, но бил ангажиран да работи надвор од затворот.

Во возилото како сопатник бил С.А., кој е приведен и ќе биде предаден на КПУ „Идризово“. Известен е јавен обвинител и Одделот за сузбивање на организиран и сериозен криминал заради утврдување на други лица инволвирани во бегството на С.А. од затворот.

The post „ТИГРИТЕ“ ФАТИЈА ИЗБЕГАН ЗАТВОРЕНИК ОСУДЕН НА 12 ГОДИНИ ЗА УБИСТВО Ќе се истражува кој сѐ му помогнал во бегството од Идризово appeared first on plusinfo.mk.

Муареми, кој бил со четирицикл, се обидел да избега и притоа удрил во службено возило на МВР, но набргу бил совладан од полициски службеници и лишен од слобода. При тоа, кај него е пронајден и одземен пиштол „валтер” и рамка со 15 куршуми. И.М. ќе биде предаден на надлежното обвинителство.

The post „ТИГРИТЕ“ ВО ГРЧЕЦ УАПСИЈА НАРКОДИЛЕР Се обидел да избега со четирицикл appeared first on plusinfo.mk.

– При претресите извршени кај И.А. во село Визбегово, скопско, кај Г.М.(31), кај А.Р. и кај Б.З.(31), тројцата на подрачјето на Чаир, кај Н.А. на подрачјето на Бит Пазар и кај Б.Ш. на подрачјето на Аеродром, биле пронајдени и одземени пиштол и рамка со 14 куршуми, пиштол „Астра” калибар 6,35 мм и рамка со 5 куршуми, пиштол „Смит и Весон” калибар 9 мм и 2 рамки со 32 куршуми, пиштол „глок” калибар 9 мм и рамка со 17 куршуми, дрон со мемориска картичка и контролор за летање и други предмети поврзани со кривични дела – соопшти портпаролот на МВР, Сузана Прањиќ Талевска.

Четирите лица се приведени во полициска станица, а за Г.Б. и Б.З. е пуштен централен распис. Во координација со Јавен обвинител, по документирање на случајот ќе следуваат поднесоци.

The post „ТИГРИТЕ“ ПРАТЕНИ ВО ГОЛЕМА АКЦИЈА Полицијата уапси опасна група осомничена за убиства (ВИДЕО) appeared first on plusinfo.mk.

Тој посочи и пример за еден кандидат Албанец, кој ги поминал сите тестови за да стане дел  од единицата „Тигар“, но сѐ паднало во вода поради тоа што не знаел да плива.

– Од сите кандидати што се појавија, само еден беше Албанец. Тој ги почна тестовите и стигна до прелиминарните проверки, но бидејќи не знаеше да плива, не можеше да продолжи. Тука нема импровизации и никако не можете да направите некакви отстапки“, рече Спасовски.

Тој најави дека најдоцна до март следната година униформите на полицајците ќе бидат двојазични – на македонски и на албански јазик.

– Се спроведуваат сите процедури од март 2023 година полициските униформи да бидат на два јазика. Оваа регулатива стапи во сила осмиот ден откако беше донесена и ќе почне да се применува најдоцна една година од влегувањето во сила, поточно најдоцна на 26 март 2023 година – објасни Спасовски.

The post ВО „ТИГРИТЕ“ ИМАШЕ ЕДЕН АЛБАНЕЦ, АМА НЕ УСПЕА ОТИ НЕ ЗНАЕШЕ ДА ПЛИВА Спасовски најави двојазични полициски униформи најдоцна до март appeared first on plusinfo.mk.

Денеска се одржа оперативно-тактичка вежба на Специјалната антитерористичка единица „Тигар“ насловена „Перон 192“, а по повод презентација на новиот полигон за обука, во рамки на стрелиштето во касарната „Илинден“ во Скопје, кое претставува и база за подготовки на САЕ ТИГАР.

– Откако пред година и половина беше оспособен просторот за реализација на модерното стрелиште за гаѓање, како дел од полигонот за урбана борба, во чиј состав влегува Куќата за гаѓање и автобусот за вежби, после 41 година се наметна потребата од доопремување на полигонот за работа на тубуларни системи со елементот за обука и вежба за решавање на кризна ситуација во воз. За таа цел, по примерот на европските полиции, беше неопходно да бидат поставени вагони кои би ја доловиле ситуацијата што поблиску до реалноста, а со чија помош припадниците на Специјалната антитерористичка единица ТИГАР ќе можат практично да вежбаат за вакви ситуации. За комплетирање на овој сегмент од полигонот за обука, заслужни се неколку општествено-одговорни фирми, кои ја препознаа потребата да биде докомплетиран и овој сегмент – соопштија од МВР.

Министерот Оливер Спасовски додели плакети за благодарност на Македонски железници Транспорт, Македонски железници Инфраструктура, ФАКОМ Доо Скопје и РАПИДБИЛТ- Куманово. Тој врачи и плакета за долгогодишен особен придонес во промоцијата на професионализмот во Министерството за внатрешни работи на началникот на Одделот за специјални полициски операции, Бранко Трајановски.

The post ТИГРИТЕ ДОБИЈА ВАГОН Ќе се обучуваат за кризни ситуации во возови appeared first on plusinfo.mk.

Амблемите, нагласи тој, нема да бидат двојазични за централните служби и единиците кои се на ниво на држава.

– Таму каде што на локално ниво се работи, значи за амблемите на униформа на локално ниво во градови каде што официјалниот јазик е албанскиот јазик. Значи, на централните служби кои се однесуваат за цела држава нема никаква промена да има во делот на униформите, сходно на тоа и на единицата „Тигар“ и на „Единицата за брза распределба“, рече Спасовски во одговор на новинарско прашање.

Тој додаде дека се остава период од една година за имплементација заради тоа што има постапка за трошењето на буџетските пари.

– Не може да се влезе во продавница и да купите нешто веднаш, туку треба да се спроведат постапки – тендери, јавни набавки, да се набави тоа што треба да се набави во делот на амблемите и затоа се остава таков период во којшто ќе може да имаме подготовка и активирање – рече министерот Спасовски.

Тој рече дека донесената Уредба произлегува од Законот за употреба на јазиците.

– Ние моравме тие чекори да ги запазиме и затоа се промени легислативата во овој дел. Имавме година дена период на усогласување за да се спроведат постапките. Значи, тоа е нормална работа која што се спроведува, не е ништо ново посебно во овој дел што би предизвикало какви било други проблеми – нагласи министерот за внатрешни работи.

The post УНИФОРМИТЕ НА „ТИГРИТЕ“ НЕМА ДА БИДАТ ДВОЈАЗИЧНИ Уредбата ќе важи само за службите на локално ниво appeared first on plusinfo.mk.

Триесетгоднишникот е баран со потерница за повеќе сторени кривични дела меѓу кои и два обиди за убиство.

Како што информираа од Министерството за внатрешни работи, криминалецот бил уапсен ноќеска во 01.40 часот во месноста Лавчани на територија на Белес, во акција на полициските специјалци и координација со АНБ. Тој ќе биде предаден на надлежното обвинителство.

The post „ПАДНА“ РЕКЕТАРОТ ОД БАТИНЦИ Тигрите го уапсија „Малиот Репки“ appeared first on plusinfo.mk.

Ова го изјави денеска Наум Стоилковски, портпарол на ВМРО-ДПМНЕ.

Тој реагираше што нема одговор дали на фотографиите, доставени од свиркачи во полицијата, е службениот автомобил на командирот на полициските Тигри, Митко Даневски. Станува збор за фотографии од камери, на коишто стои часот кога минува идентично возило по кое е направена страотна потера на Водно се до скопските улици.

– Молкот од МВР потврдува дека ова е возилото, нивно службено возило? – изјави Стоилковски.

Според свиркачите, потерата почнала од 1,35 часот, по автомобил „шкода октавија“, со бела боја, со затемнети стакла, која што била паркирана на земјениот пат свртена кон шумата. Наместо да излезе да се легитимира, возачот, заедно со женско лице, избегал со возилото кон кружниот тек Сопиште, а потоа надоле кон Припор па кон улица Мариовска. Фотографиите се направени токму по тоа движење и покажуваат идентичен автомобил, бела „шкода октавија“, со затемнети стакла. Тоа се фотографии од видео-надзор по опишаната патека.

– Доколку МВР и ЈО се одважат пред сѐ погласните прозивки во јавноста дека Даневски ужива заштита poради неговата крвна врска со обезбедувањето на Заев, но и со висок функционер од Делчево, ќе застанат пред прозивките. Но, за тоа ќе мора да одговорат каде се видео снимките од „Паметен Град“, дали Даневски има исто вакво службено возило, дали Даневски вечерта го зел службеното возило, дали било кај него во моментот на потерата – вели Стоилковски.

Ваков случај, во кој што има тројца повредени полицајци, при што полициски службеник завршил на операција, со последици  и со подолго здравствено отсуство, не смее да се сведе на непознат сторител, вели тој.

– Или МВР на Спасовски е неспособно да изврши задачи, или случајот се крие. Помина цела недела од случајот, а нема информации, само и само затоа има сѐ погласни упатувања дека станува збор за криење на командирот на Тигрите, пoради неговата врска со Зоран Заев. Доколку е така, а сѐ поочигледно е дека е така, Македонија со Заев тоне во тешка диктатура со неказнето аздисување на луѓе од безбедносниот систем, аздисување и самоволие на Спасовски, на Заев, чиишто желби се посилни од закон и норми! – заклучи Стоилковски.

The post ДАЛИ ВМРО-ДПМНЕ ГО ИМА „В ЏЕБ“ КОМАНДИРОТ НА ТИГРИТЕ? Симптоматичен молк на МВР за потерата по фраерот од Водно appeared first on plusinfo.mk.