Леви Меконахи, најстариот син на холивудскиот актер Матју Меконахи и манекенката и дизајнерка Камила Алвес Меконахи, полека го гради својот пат во светот на филмот. Роден е на 7 јули 2008 година во Санта Моника, Калифорнија, а денес има 18 години.
Иако растел во едно од најпознатите холивудски семејства, Леви не сака неговата кариера да се темели само на славното презиме. Неговиот прв голем актерски ангажман беше во филмот „The Lost Bus“, каде што го играше Шон, синот на ликот што го толкува неговиот татко.

 

View this post on Instagram

 

A post shared by Apple TV (@appletv)

Интересно е што Леви самиот се изборил за улогата. Кога дознал дека се бара млад актер на приближно негова возраст, го прашал татко му дали може да оди на аудиција. Метју на почетокот бил воздржан, но по неговото инсистирање му помогнал да сними аудиција. Потоа презел необичен чекор – го отстранил презимето „Меконахи“ од материјалот за аудицијата, за режисерот Пол Гринграс да го процени исклучиво според талентот.
Планот успеал. Гринграс го видел Леви на аудицијата и веднаш сметал дека тој е вистинскиот избор за улогата, а дури потоа дознал дека станува збор за синот на Метју Меконахи. Токму ова е еден од деталите со кои семејството сака да покаже дека младата ѕвезда не добила улога само поради славното презиме.
„The Lost Bus“ е драма инспирирана од вистинските настани за време на разорниот пожар Camp Fire во Калифорнија во 2018 година. Филмот ја следи приказната за возач на училишен автобус и наставничка кои се обидуваат да спасат 22 деца од пожарот. Во филмот, покрај Метју и Леви, се појавува и мајката на актерот, Кеј Меконахи, па снимањето се претворило во вистински семеен проект со три генерации пред камерите.

 

View this post on Instagram

 

A post shared by Levi McConaughey (@levimcconaughey)

Леви признава дека носењето на презимето Меконахи има и своја цена. Свесен е дека дел од јавноста може да смета дека добил предност затоа што е син на славен актер. Сепак, тој смета дека родителите можат да му отворат врата, но откако ќе влезе низ неа, останува на него да покаже што знае.
Метју, пак, се обидува да му помогне без да го притиска да стане негова копија. Во последните интервјуа актерот откри дека еден од најважните совети што му ги дал на Леви е да не се плаши од неуспехот. Според него, млад актер мора да научи да прифаќа одбивања и да продолжи понатаму.

 

View this post on Instagram

 

A post shared by Matthew McConaughey (@officiallymcconaughey)

Леви е најстарото од трите деца на Метју и Камила. Двојката ги има и 16-годишната ќерка Вида и 13-годишниот син Ливингстон. Неодамна целото семејство се појави заедно на црвениот тепих во Остин, каде што присуствуваа на специјална проекција на „The Rivals of Amziah King“. Леви особено го привлече вниманието поради неверојатната сличност со својот татко.
Младиот Меконахи во меѓувреме продолжува да работи на нови проекти. По „The Lost Bus“, тој е наведен и во актерската екипа на „Way of the Warrior Kid“, што покажува дека неговата актерска приказна допрва почнува.

The post 🎥 И НА ФИЛМ ГЛУМЕА ТАТКО И СИН Синот на Метју Меконахи оди по стапките на својот славен татко appeared first on plusinfo.mk.