Во несреќата со тешки телесни повреди се здобил возачот Б.П., а со телесни повреди се здобиле сопатниците од возилото „опел зафира” С.М.(32) и Д.М.(51), двајцата од Крива Паланка, констатирани во Општа болница Куманово. Извршен бил увид од увидна екипа од ОВР Крива Паланка.

The post ТЕШКА СООБРАЌАЈКА НА ПАТОТ КУМАНОВО-КРИВА ПАЛАНКА Се судриле „фиат“ и „опел зафира“ appeared first on plusinfo.mk.

Димитриеска Кочоска посочи дека оваа влада во ниту еден момент не знае да се справи и управува со економијата и дека високите стапки на раст над 4% БДП не можеше да ги постигне ни во 2017-2019 кога немаше криза, не пак сега, а бидејќи неспремни влеговме во кризата и уште во 2021 влеговме со повисока стапка на инфлација од очекуваната, сега ценовните шокови уште полошо ќе се одразат во 2022 година.

– Ние уште во јануари зборевме за таа инфлација, тоа се провлекуваше до средина на летото кога цените почнаа да растат, а крајот го видовме како цената на струјата галопирачки порасна и тоа негативно влијаеше а компаниите. Ценовните шокови кои се случија негативно влијаеа на компаниите. Во момент кога се ова се случуваше и кога се знаеше дека ќе е лошо и за компаниите и граѓаните, владата наместо да размислува за замрзнување на одредени цени и корекции уште во мај, им беше поважно да ги шминкаат работите. Генерално помина година каде растеа непродуктивни трошоци, се размислуваше на приказни, но не се размислуваше за граѓаните и компаниите и тоа сега ќе значи многу тешка економија – изјави Димитриеска Кочоска.

Таа истакна дека порастот на цените ќе доведе до црно сценарио со сметки повисоки од 6-7 пати за компаниите кои тешко дека ќе излезат на крај размислуваат за затворање, додека тие кои имале акумулирано придобивки можеби ќе да ја пребродат кризата, но тешко дека ќе може да реинвестираат бидејќи повисоката цена на електричната енергија им ја истиснува таа можност.

– Апсурдно е тоа што Ковачевски е апсурдно кажа дека било добро што не пораснала цената на електричната енергија за 25%, пораснала само 9,5, кога и ова е шок за граѓаните, а знаеме и дека цените се пораснати, има инфлација, граѓаните немаат примања. Да живеете во вакви услови со повисоки сметки, пораснати цени, едвај ќе врзуваат крај со крај – изјави Димитриеска Кочоска.

Таа додаде дека не можеме да бидеме оптимисти за оваа година затоа што владата предводена од СДСМ ниту работи, ниту се обидува да работи а тоа го гледаме по катастрофалната реализација на капитални инвестиции.

– Не гледам од каде се толку оптимисти во владата затоа што во делот на капитални инвестиции ниту знаат а да реализираат ниту се обидуваат, оти таму имаат катастрофална реализација. Од друга страна го дотепаа приватниот сектор и нема да има простор за реинвестиција ниту ќе размислуваат компаниите за зголемување на плати. Во исто време личната потрошувачка не може да се реализира како што планираа бидејќи инфлацијата ги јаде. И експертите не веруваат дека ќе имаме инвестиции. Власта ниту има стратегија, ниту план, прават купи ден помини, и во бројките и планирањата гледаат само пиар и ништо друго – потенцираше Димитриеска Кочоска.

Таа на крај посочи дека владата не покажува интерес да им помогне на компаниите и да ги отвори стоковите резерви бидејќи кога ќе заврши замрзнувањето на цените ќе следи нов ценовен шок, а тоа ќе се одрази да не очекува премногу тешка година.

The post НÈ ОЧЕКУВА ТЕШКА ЕКОНОМСКА ГОДИНА Димитриеска Кочоска вели со зголемувањето на цената на електричната енергија граѓаните едвај ќе врзуваат крај со крај appeared first on plusinfo.mk.

Шолц рече дека граѓаните на последните избори се одлучиле за развој и оти развојот треба да успее во услови на пандемија.

Презентирајќи ја програмата на новата влада, тој истакна дека пред неа стојат одлуки за големи насоки, важни за иднината.

– Новата влада ја презема должноста во тежок период, кога станува збор за пандемијата. Преголем број инфекции, драматичен трансфер на пациенти од одделенијата за интензивна нега, постојано нови вести за нови соеви. Свесен сум дека е тешко во таа ситуација да не се изгуби вербата во иднината… Денеска од ова место им порачувам на граѓаните дека ќе биде подобро, решително ќе се бориме со пандемијата, ќе ја добиеме таа борба и ќе ја надминеме кризата – истакна Шолц.

Тој рече дека ситуацијата е тешка, но дека постои решение.

– Знаеме дека по 20 месеци од пандемијата вирусот ги сака контактите и затоа е важно тие да се намалат во зима. Треба редовно да се тестираме и да ги намалуваме контактите, но најважно е граѓаните да се вакцинираат – рече канцеларот, додавајќи дека само на тој начин може да се надмине четвртиот бран.

Шолц посочи дека досега се дадени 19 милиони вакцини и апелираше до граѓаните сите да учествуваат во борбата против пандемијата. Тој смета дека е можно до крајот на месецот да се постигне целта од 30 милиони вакцини, што, како што рече, би било чекор кон победа на пандемијата.

The post ПРВО ОБРАЌАЊЕ НА ШОЛЦ ВО БУНДЕСТАГОТ Нѐ чека тешка битка со пандемијата, мораме веднаш да реагираме appeared first on plusinfo.mk.

Но, тоа не е сè: според новата студија која сè уште не е научно потврдена, се чини дека коронавирусот директно ги инфицира масните клетки. Притоа, во тешки случаи на ковид-19 воспалението директно се јавува во масните клетки, пишува Дојче веле.

– Податоците од нашата студија сугерираат дека инфекцијата на масното ткиво и поврзаниот инфламаторен одговор може да бидат една од причините зошто дебелите луѓе имаат толку сериозен тек на болеста кога се инфицирани со САРС-КоВ-2 – рече Кетрин Блиш, професор на медицинскиот центар на Универзитетот Стенфорд и водечки автор на студијата.

Овие наоди не се навистина нови, бидејќи другите патогени како вирусот на грип се чини дека сакаат да се „гнездат“ во телесните масти. „ACE2“ рецепторите служат како порта за влез на новиот коронавирус САРС-КоВ-2 во клетките. И тие се појавуваат во масните клетки во повисоки концентрации отколку во другите клетки, дури и повисоки отколку во ткивото на белите дробови.

Блиш и нејзиниот тим ги испитувале масните клетки на пациентите кои починале од ефектите на ковид-19. Се покажало дека коронавирусот многу ефикасно ги користи масните клетки како резервоар за „скривање“ и на тој начин го надмудруваат нашиот имунолошки систем.

Зголемен ризик од пост-коронарни нарушувања

И мастите во човечкото тело не се ограничени само на оние места што ги гледаме на прв поглед – тоа е средина која ја има во многу внатрешни органи. Истражувачите открија дека инфицирањето на масните клетки со вирусот САРС-КоВ-2 активира еден вид воспалителна каскада. Почнувајќи со маснотиите, може да се прошири на други внатрешни органи во текот на подолг временски период.

Бидејќи на тој начин се пренесува на целото тело, ова, според наодите од оваа студија, може да го зголеми ризикот пациентите да страдаат од пост-коронарни симптоми на ковид-19 и месеци по закрепнувањето од првата инфекција.

– Ако масните клетки се резервоар за вирусни инфекции, дебелината може да придонесе не само за тешка акутна болест, туку и за долгорочен синдром на ковид – се вели во студијата.

Бидејќи луѓето со прекумерна тежина се изложени на зголемен ризик од тешка болест и долгорочен ковид, ова може да влијае и на стратегиите за вакцинација и методите на лекување, бидејќи телесните масти сè уште не се земени во предвид во постоечките третмани за болеста.

Можни методи на лекување на долгорочен ковид

Истражувачите откриле дека вирусот реагира и на антивирусна терапија (со ремдесивир) во масните клетки. Дополнително, може да се тестираат насочени лекови кои го намалуваат воспалението на масното ткиво. Истражувачите сугерираат дека салицилатите би можеле да ја преземат оваа задача. Најпознатиот претставник на салицилатите е ацетилсалицилна киселина, или „ASA“ или аспирин. Салицилатите имаат аналгетски и антиинфламаторни својства, ја намалуваат треската и спречуваат згрутчување на крвта.

Врз основа на новите резултати од истражувањето, исто така е важно да се разговара дали луѓето со прекумерна тежина се изложени на ризик и соодветно да им се даде приоритет, на пример кога станува збор за вакцинацијата.

Вознемирувачка дебелина

Од почетокот на пандемијата, некои студии покажаа дека многу пациенти од групата на најтешко погодени биле дебелите луѓе. Првата мета-анализа беше објавена во август 2020 година, за неа истражувачи од целиот свет собраа податоци од 399.000 пациенти. Ова покажа дека дебелите луѓе со корона инфекција имале 113% поголема веројатност да завршат во болница, 74% поголема веројатност да завршат на интензивна нега и 48% поголема веројатност да починат од ковид-19.

Кај овие лица, многу фактори често се „спојуваат“ во сериозна болест. Да речеме, маснотиите на стомакот ја притискаат дијафрагмата која пак ги притиска белите дробови. Ова го ограничува протокот на воздух, така што го намалува волуменот на белите дробови.

Дополнителни фактори

Покрај тоа, луѓето со прекумерна тежина често имаат ослабен имунолошки систем, хронично воспаление и зголемена склоност кон тромбоза. Ова може да стане ризик во случај на корона ако малите крвни садови и капилари во белите дробови се затнат со згрутчување на крвта.

Покрај тоа, висок крвен притисок, срцеви и белодробни заболувања и дијабетес се многу чести кај дебелите луѓе. Сите овие се дополнителни фактори кои можат да го влошат текот на болеста.

Затоа, луѓето со прекумерна тежина треба да бидат особено заштитени од инфекции. Бидејќи досега има многу малку податоци за тоа како да се третираат дебелите пациенти со ковид-19, меѓу другото затоа што овие луѓе често се исклучени од клиничките студии. Со оглед на резултатите од овие студии, би било добро да се вклучат луѓе со висок индекс на телесна маса (БМИ) во идните студии за ковид-19.

The post ЗОШТО КОРОНАТА СИЛНО ВЛИЈАЕ НА ДЕБЕЛИТЕ Една нова студија го открива ризикот од тешка форма на ковид-19 appeared first on plusinfo.mk.

Истражувањето сугерира дека тешката инфекција со коронавирус може да предизвика значително долгорочно оштетување на здравјето и укажува на важноста на вакцинацијата.

Зголемен ризик од смрт забележан особено кај оние под 65 години

Студијата покажа дека зголемен ризик од смрт е забележан особено кај популацијата помлада од 65 години, а само 20 отсто од пациентите кои заздравиле од тешка форма на ковид-19 починале од последици типични за ковид, како што е респираторна инсуфициенција, пишува „Гардијан“.

– Нашата претходна студија покажа дека пациентите со тешка форма на ковид-19 кои успеале да се опорават имале значително поголем ризик од хоспитализација во следните шест месеци – рече водечкиот автор на студијата, професорот Арч Мајнус од Универзитетот во Флорида.

– Со новата студија, го проширивме нашето знаење за да го истражиме ризикот од смрт една година по опоравувањето од тежок ковид – вели професорот.

Значително поголеми шанси за смрт во годината по хоспитализацијата поради тешка форма на ковид-19

Истражувачите ги проучувале електронските здравствени досиеја на 13.638 пациенти кои биле подложени на ПЦР тестирање за ковид во здравствениот систем на Универзитетот во Флорида, при што 178 пациенти имале тешки симптоми на болеста, 246 покажале благи или умерени симптоми на ковид-19, а останатите биле негативни.

Сите пациенти вклучени во студијата закрепнаа од болеста, а научниците продолжија да го следат нивното здравје и после тоа.

– Нашето истражување покажа дека во наредната година се забележани значително поголеми шанси за смрт кај пациентите кои ја надминале тешката форма на ковид-19 (за која биле хоспитализирани) Шемата беше особено честа кај пациенти помлади од 65 години. – се вели во студијата.

Имајќи предвид дека смртните случаи често следеле долго по надминување на инфекцијата, многу е веројатно ниту семејството ниту нивните лекари никогаш да не ги поврзале со ковид-19, покажа истражувањето.

– Треба да бидеме повнимателни во обидот да спречиме голем број тешки форми на болеста – велат истражувачите

Повеќето смртни случаи кои се случиле во рок од една година откако пациентите се заздравиле од тешката форма на ковид-19 не биле поврзани со вообичаените компликации што ја придружуваат болеста. Имено, 80 отсто од ваквите смртни случаи настанале од повеќе причини кои лекарите обично не ги поврзуваат со коронавирусот.

Податоците укажуваат дека во периодот од една година по хоспитализацијата поради ковид-19, севкупната здравствена состојба на пациентите се влошила и имале ослабен имунитетот, што ги направило поподложни на развој на разни други болести.

– Со оглед на тоа што сега знаеме дека постои значителен ризик од смрт по нешто што би можеле да го сметаме за непризнаена компликација на ковид-19, треба да бидеме уште повнимателни во нашите напори да спречиме голем број тешки форми на ковид-19 – кажа Мајнус.

– Ризик од тешка инфекција и надеж за успешно лекување и излекување по хоспитализацијата? Се чини дека ова не е крајна или целосна слика за негативниот исход на инфекцијата со коронавирус. Во овој момент, нашата препорака е да се преземат превентивни мерки, вклучително и вакцинација, со што ќе се спречи развој на потешки форми на ковид-19 – вели професорот.

The post НОВА СТУДИЈА ПОТВРДУВА Тешка форма на ковид ги удвојува шансите за смрт во следната година appeared first on plusinfo.mk.

Ако продолжи практиката на развлекување на тендерите за државните инвестиции и услови во кои нема да можат да конкурираат домашните градежни компании, нема да има никаков раст во градежништвото кое е еден од носечките столбови во земјата, бидејќи годинава ќе биде далеку потешка од претходната, вели претседателот на Здружението за градежништво при Стопанската комора Андреа Серафимовски.

– И покрај тоа што се мислеше дека градежништвото успешно се справува со коронакризата, годишните резултати на компаниите покажуваат драстичен пад на обемот на работа лани и намалување на профитите. Почетокот на годината не е ништо подобар. Веќе ги загубивме првите три месеци не само поради временските услови, туку и поради доцнењето и одлагањето на тендерските постапки. Сите најавени капитални инвестиции доцнат што пак ќе значи и задоцнет почеток на изведбата и одложена сезона за градежниците – вели Серафимовски.

Тој смета дека државата ќе треба да ги помогне градежните компании со давање на работа не како подизведувачи, туку како главни изведувачи на капиталните проекти кои за да се реализираат треба добро да бидат подготвени.

– Доволно е да се забрзаат тендерските постапки за главните инвестициони активности на државата и притоа да им се даде можност на домашните компании да бидат изведувачи, а не подизведувачи. Но, како што реков, практика е да се доцни со најавените инвестиции. Тие што требаше да стартуваат во јануари не се подготвени, а тие од втората половина на годината, не се знае кога ќе бидат готови за реализација. Така градежниците се оставени да чекаат, а обемот на нивната работа да се намалува од квартал во квартал – вели тој.

Според градежниците, и во пандемијата државата не ги заштити компаниите од овој сектор како што тоа го направија земјите од регионот (Србија и Бугарија) и пошироко.

– Секаде во регионот државите со законски мерки или на друг начин не дозволија да работат странски фирми на нивните проекти, туку предност им дадоа на домашните компании за да излезат подобри во пандемијата. Кај нас, пак, е обратно. Експресните патишта и автопатите ги градат странски фирми, а домашните во некои и не се подизведувачи. Браните за наводнување, пак, се посебен проблем. За нив тендерите траат со месеци зашто се направени така да не можат да конкурираат домашни компании, па тендерите се поништуваат бидејќи никој не се јавил. А тие се лесни за изведба и за нашите компании кои имаат долга традиција во градењето. Да потсетам само дека две мали брани се доволна референца домашна компанија потоа да може да конкурира и на странски тендери, но на тоа никој не мисли – вели Серафимовски.

Градежниците кои градат станбени објекти, пак, се жалат дека пандемијата влијае негативно на нивната работа, а посебно влијаеше и мораториумот за градба во некои од општините.

– Градежниците се за урбано живеење во здрава животна средина, но предолгото траење на ревидирањето на ДУП-овите, направи проблем за нив. Сега кога мораториумот е симнат за општина Центар на пример, сметам дека не треба слепо да се одобрат старите урбанистички планови, туку треба да се одобрат старите ДУП-ови кои не се штетни, додека сето она што би значело узурпација да се преиспита, бидејќи повторувам потребно е да се обезбеди урбано живеење во здрава средина и со сите удобности за граѓаните – вели Серафимовски.

Податоците на Државниот завод за статистика исто така го покажуваат трендот на намалување на обемот на работа во градежништвото. Во јануари се издадени 199 одобренија за градење, што е за 24,6 отсто помалку во однос на истиот месец од претходната година. Предвидената вредност на објектите изнесувала 2.016.567.000 денари, што е за 40,9 отсто помалку во однос на истиот месец од претходната година. Предвидена е изградба на 182 станови, со вкупна корисна површина од 17.325 метри квадратни. Во споредба со јануари 2020 година, бројот на предвидени станови за градба е намален за 68,1 отсто, додека нивната корисна површина била помала за 63,8 отсто. Од вкупниот број издадени одобренија за градење, 105 се наменети за објекти од високоградба, 38 за објекти од нискоградба и 56 за објекти за реконструкција.

The post Градежниците очајни: Дајте ни да градиме хидроцентрали дома за да бидеме конкурентни и надвор! appeared first on plusinfo.mk.

Како што посочи на прес-конференција во Владата, реализацијата на приходите во изминатата 2020 година е во рамките на очекувањата и е 96,7 отсто, кај даноците  и придонесите е реализирано 99,5 отсто. Кај даноците е реализирано 99,05 на годишно ниво, а кај придонесите 102,3 отсто во споредба со планот. Капиталните расходи и покрај кризата достигнаа ниво од 80 отсто на реализација во однос на планираното, вкупниот буџетски дефицит е 8,1 проценти наместо планираните 8,5 проценти.

– Изминатата 2020 година беше тешка, но успеавме и 2021 ќе биде тешка, но ќе успееме. Годината што помина беше исклучително тешка од здравствен, економски и социјален аспект во целиот свет и кај нас. Се случи најголемата светска економска криза и здравствена криза на светско ниво. Во 2009 година на светско ниво БДП контрахираше околу 0,1 процент, а во 2020 година 4,4 проценти. Кај нас во 2009 година имаше негативен раст од 0,4 проценти, а во 2020 година според планираното падот на БДП е 4,4 проценти што е околу 11 пати повеќекратен ефект врз нашата економија – рече Бесими.

Со сите четири досегашни пакети на антикризни мерки, потенцира, во нашата економија се вбризгаа околу една милијарда евра за претходната година и за годинава што следи или околу 10 проценти од БДП.

– Обезбедивме директна финансиска поддршка за околу 500 илјади најпогодени граѓани од кризата, придонесовме за зачувување на преку 100 илјади работни места во преку 20 илјади претпријатија погодени од кризата со финансирање  на дел од платата двапати по три месеци во текот на годината. Обезбедивме и бескаматни поволни кредитни линии за мали и средни претпријатија, бесплатни тестови, издвоени беа средства за вакцини, за поддршка на медицинскиот персонал,… Позитивниот импакт од сето тоа што го правевме не охрабрува да делуваме и понатаму – рече Бесими.

Ако падот во вториот квартал од 2020 година беше 14,9 проценти, додаде, во третиот квартал падот на БДП беше ублажен на 3,3 проценти.

– Бруто инвестициите кои во вториот квартал имаа пад од 34,4 проценти во третиот квартал имаа раст од 4,2 проценти споредено со 2019 година кога немаше Ковид. Бруто инвестициите, пак, бележат раст од 77 проценти што значи огромен и значаен одговор на приватниот сектор на кредибилноста на политиките на Владата. Падот на потрошувачката во третиот квартал е ублажен на само 1,2 проценти за разлика од падот од 9,1 отсто во вториот квартал. Тоа се должи на високиот раст на јавната потрошувачка во третиот квартал – посочи Бесими.

Нагласи дека бројките во економијата се охрабрувачки и во четвртиот квартал од 2020 година и додаде дека во октомври извозот бележи раст од 5,6 проценти, искористеноста на капацитетите во преработувачката индустрија достигна ниво на 68,5 проценти во ноември и се доближува на процентот пред кризата кога била 71,4 проценти.

The post Бесими: Изминатата 2020 година беше тешка, но успеавме и 2021 ќе биде тешка, но ќе успееме appeared first on plusinfo.mk.

Говорејќи на онлајн прес-конференција од седиштето на СЗО во Женева, Тедрос предупреди дека ќе има застои и нови предизвици, наведувајќи ја како пример појавата на нови видови на коронавирусот, но повика и да им се пружи помош на луѓето на кои им е тешко и понатаму да се борат, затоа што се уморни од пандемијата.

Тој додаде дека СЗО тесно соработува со научници од целиот свет за подобро се сфатат промените на вирусите и нивното влијание.

Во врска со ова, Тедрос ја истакна важноста од зголемување на капацитетот за геномско секвенционирање ширум светот, како и споделување информации со Агенцијата за здравство на ОН и други земји.

Нов вид на коронавирус, кој е откриен во Велика Британија и Јужна Африка и кој се чини дека е позаразен, предизвика загриженост низ целиот свет и доведе до воведување нови ограничувања за патувања овој месец.

The post Тедрос: Во следната година ќе има застои и нови предизвици appeared first on plusinfo.mk.

Тој објаснува дека новата состојба се јавува кај децата две недели до еден месец, откако го прележале ковод-19 или пак имале контакт со заболен.

– Се работи за болест кој зафаќа два или повеќе системи најчесто кожни, но може да бидат зафатени и внатрешните органи како срцевиот мускул. Може да ги зафати и бубрезите црниот дроб пореметување на хемостазата како појавување на тромб. Клиничката слика е тешка. Првиот случај беше во средината на јули до сега имаме седум дечиња Последните дечиња беа дојдени за краток временски период. Ниту еден не е ПЦР позитивен тест. Кај 4 од нив имаше позитивна епидемиолошка анкета и имаа антитела, што значи дека биле во контакт со лице кое имало ковид – вели Фидановски.

Тој вели дека нема специфична терапија за лекување тука има поголема палета на лекови кои помагаат во овие случаи.

Министерот за здравство Венко Филипче денеска изјави дека е испратен  стручен надзор во приватната болница во која се забележала оваа појава кај децата.

The post Д-р Фидановски: Децата кои прележале ковид-19 развиваат тешка постковид клиничка слика appeared first on plusinfo.mk.

Нова тажна вест од светот на фудбалот, почина Папа Буба Диоп, фудбалерот кој испиша историја со селекцијата на Сенегал со нивното прво учество на Светските првенства во 2002 година.

Тој го постигна единствениот гол со кој Сенегал направи сензација победувајќи ја тогаш Франција која беше актуелен светски првак.

Диоп денеска починал по долга борба со сериозна болест.

Тој беше еден од најславните фудбалери на Сенегал, играше за дури четири англиски тима, Фулам, Портсмут, Вест Хем, а кариерата ја заврши во Бирмингем.

The post Почина еден од хероите на сенегалскиот фудбал appeared first on plusinfo.mk.