Семејно насилство со телесна повреда отсега ќе се гони по службена должност, без да мора жртвата да поднесе пријава против насилникот, предвидуваат измените на Кривичниот законик што група пратеници од ВМРО-ДПМНЕ ги предложија во Собранието.

Во предлог-измените се наведува дека се врши доусогласување на Кривичниот законик со Истанбулската конвенција, преку редефинирање на кривичното дело Телесна повреда од член 130, од каде се отстранува гонењето по предлог во случаите кога делото е сторено при вршење родово базирано насилство, насилство врз жена и семејно насилство, при насилство од омраза или при насилство кон лице кое е посебно ранливо поради неговата возраст, тешки телесни или душевни пречки или бременост. Овој облик на делото ќе се гони по службена должност.

Со измената се бришат зборовите во членот 130 кои предвидуваат дека делото се гони по предлог.

Според овој член, кој има наслов Телесна повреда, тој што друг телесно ќе го повреди или ќе му го наруши здравјето, ќе се казни со парична казна или со затвор до 3 години, а ако делото го стори при вршење семејно насилство, ќе се казни со затвор од 6 месеци до 3 години. Според член 131, пак, ако се работи за тешка телесна повреда, сторителот ќе се казни со затвор од 6 месеци до 5 години, ако тешката повреда е при семејно насилство казната е од една до 5 години затвор, ако животот на жртвата е доведен во опасност казната е од една до 10 години затвор, а ако поради тешката телесна повреда повредениот умре, сторителот ќе се казни со затвор најмалку една година, без горна пропишана граница на затворската казна.

Измените на Кривичниот законик следуваат откако Уставниот суд му наложи на Собранието да ги анулира штетните последици од измените на КЗ што се случија есента 2023 година, кога со измени во членот 353 за злоупотреба на службената положба и овластувања се овозможија да застарат повеќе кривични дела против поранешни функционери. Освен ова, во текстот на законските измени се опфатени и построги казни за кривични дела во сообраќајот, затворски казни за одмаздничка порнографија, казни за родителите чии деца питачат итн.

КОЈ ВОЗИ ПРЕБРЗО, ПИЈАН ИЛИ ДРОГИРАН, ЌЕ ОСТАНЕ БЕЗ АВТОМОБИЛ Возилата ќе се одземаат трајно под строго определени услови

The post СЕМЕЈНОТО НАСИЛСТВО СО ТЕЛЕСНА ПОВРЕДА ЌЕ СЕ ГОНИ ПО СЛУЖБЕНА ДОЛЖНОСТ Нема да се чека на пријава од жртвата, обвинител веднаш ќе постапува appeared first on plusinfo.mk.

Mомче добило тешки телесни повреди откако било нападнато со дрвен предмет во насилна пресметка кај кавадаречкото село Марена, едно . Напаѓачот, 40-годишниот Р.А. од истото село, бил веднаш приведен од полициските службеници, јави СВР Велес.

Според соопштението од полицијата, инцидентот се случил во местото викано Краиште, каде се скарале две групи жители на селото. Од една страна биле тројца млади мажи на возраст од 21, 19 години и еден малолетник, а од другата страна Р.А. и неговата 38-годишна сопруга Ш.А. Во пресметката, Р.А. го удрил 21-годишниот А.А. со дрвен предмет и му нанел повреди кои биле потврдени во Општата болница во Кавадарци.

Притоа, предметот бил пронајден и одземен, а Р.А. бил задржан во полициската станица

Малку порано истиот ден, во 16:40 часот, било пријавено и дека во село Криволак, 52-годишен маж физички нападнал 18-годишна девојка од Прилеп.

„По документирање на настанот, ќе биде поднесен соодветен поднесок“, додадоа од СВР Велес.

The post СЕ СТЕПАЛЕ СЕЛАНИ ВО КАВАДАРЕЧКО, ПОВРЕДЕНО Е МОМЧЕ Го удриле со дрвен предмет и му нанеле повреди appeared first on plusinfo.mk.

16-годишник од Штип заработи кривична пријава поради сомнение за сторено кривично дело „тешка телесна повреда“.

Инцидентот се случил на 21 август 2025 година во село Карбинци, општина Карбинци, кога малолетник бил физички нападнат.

Според полицијата, пријавениот употребил т.н. боксирач, со што му нанел тешки телесни повреди на жртвата.

Случајот е пријавен и ќе продолжи со истрага, а надлежните институции ќе преземат соодветни мерки за заштита на малолетникот и правната постапка против напаѓачот.

The post ТИНЕЈЏЕР СО БОКСИРАЧ НАПАДНАЛ МАЛОЛЕТНИК Кривична пријава 16-годишно момче од Карбинци appeared first on plusinfo.mk.

Осомничен скопјанец заврши под истрага поради тешко кривично дело – нанесување тешка телесна повреда врз жена со која претходно имал лични недоразбирања. Основното јавно обвинителство Скопје информира дека на 23 август попладне, пред угостителски објект во населбата Автокоманда, тој ја нападнал оштетената на брутален начин.

Според истрагата, најпрво започнал грубо да ја навредува, а потоа зел пластична гајба полна со стаклени шишиња и со замав ја удрил жената по главата. Од ударот оштетената почнала обилно да крвари и зашеметена успеала да повика полиција. Таа веднаш била пренесена со Брза помош во болница, каде што лекарите констатирале тешки телесни повреди.

„Имајќи го предвид начинот на сторување на кривичното дело и опасноста по животот и здравјето на жртвата, јавниот обвинител предложи до судот определување на повеќе мерки на претпазливост,“ велат од Обвинителството.

На осомничениот му се бараат мерки како забрана за приближување и контакт со жртвата, привремено одземање на патната исправа и обврска за редовно јавување кај службено лице.

Обвинителството потенцира дека ваквите мерки се неопходни за заштита на оштетената од можно ново загрозување на нејзината безбедност и живот.

The post ЈА УДРИЛ ПО ГЛАВА СО ГАЈБА ПОЛНА СО ШИШИЊА Брутално претепана жена во Автокоманда, осомничениот под мерки appeared first on plusinfo.mk.