Навед Акрам, осомничениот за масовното пукање што се случи во неделата на плажата Бонди во Сиднеј, е обвинет за вкупно 59 кривични дела, вклучувајќи 15 обвиненија за убиство и едно обвинение за извршување терористички акт, соопшти полицијата на Нов Јужен Велс.

Вториот вооружен напаѓач, неговиот татко, Саџид Акрам (50), беше убиен во престрелка со полицијата на местото на настанот.

Во нападот загинаа 15 лица, а десетици беа повредени. Целта беше еврејската заедница во Австралија, а пукањето се случи за време на настанот по повод првата ноќ на Ханука.

Тоа беше најсмртоносното масовно пукање во Австралија од 1996 година.

Десетици обвиненија и судење од болничка соба

Покрај обвиненијата за убиство, Акрам е обвинет за 40 обвиненија за нанесување тешки телесни повреди со намера за убиство, како и јавно прикажување на симболот на забранета терористичка организација.

Тој претрпел сериозни повреди за време на нападот, а првото судско рочиште се одржало во неговата болничка соба, соопшти судот на Нов Јужен Велс.

Случајот е одложен до април 2026 година.

Полицијата чека лековите да поминат

Во среда, полицискиот комесар на Нов Јужен Велс, Мал Лењон, изјави дека полицијата чека лековите на Акрам да поминат за да може формално да биде испрашан.

– Заради фер односи, потребно е тој точно да разбере што се случува – рече Лењон.

Повредени сè уште се во болници

Дваесет лица повредени во нападот сè уште се на лекување во болниците низ Сиднеј, додека едно лице останува во критична состојба.

Полицијата официјално го опиша нападот како терористички чин, а австралискиот премиер Ентони Албанезе рече дека сè укажува дека нападот бил мотивиран од идеологијата на терористичката организација Исламска држава.

Пронајдени се знамиња и експлозивни направи

Полицијата соопшти дека рачно изработени знамиња на Исламска држава, како и импровизирани експлозивни направи (IED), се пронајдени во возилото што го користеле напаѓачите.

Во вторник беше откриено дека таткото и синот патувале на Филипините еден месец пред нападот.

Филипинското биро за имиграција потврди за Би-Би-Си дека тие биле во земјата од 1 до 28 ноември, а нивната крајна дестинација била јужниот град Давао.

Навед Акрам патувал на Филипините со австралиски пасош, додека неговиот татко Саџид користел индиски пасош, соопштија властите во Манила.

Саџид Акрам е по потекло од Хајдерабад, град во јужна Индија, но, според полицијата во индиската држава Телангана, тој имал ограничен контакт со своето семејство во таа земја.

The post ПРВОТО РОЧИШТЕ ОДРЖАНО ВО БОЛНИЧКА СОБА Над 50 обвиненија за осомничениот за пукањето во Сиднеј appeared first on plusinfo.mk.

Црното знаме на Исламската држава, закачено на шофершајбната на сребрена „хонда“ паркирана покрај пешачкиот мост „Бонди Бич“, беше злокобен вовед на терористичкиот напад што го потресе Сиднеј. Смртоносниот симбол првпат го забележа храбар средовечен пар, кој се обиде да го запре напаѓачот пред да биде испукан еден истрел, и плати за својот херојски чин со своите животи, пишува австралискиот „The Age“.

Средовечниот пар се нафрлил врз напаѓачите штом излегле од својот автомобил. Неидентификуваниот пар шетал во неделата попладне кога Саџид Акрам излегол вооружен со пушка, со намера да убие невини Евреи кои ја славеле Ханука. Човекот во виолетовата кошула се фрлил врз Акрам без двоумење, го соборил на улица и му го грабнал пиштолот. Неговата партнерка му се придружила во обид да го совлада.

Heroes of Australia – the unknown heroes of Bondi

00:02 the purple shirted man grabs the gun from the terrorist and they both fall to the road

00:03 the woman runs in to help

00:10 the couple confront the terrorist, the man weilds the gun as a club and chases him#osint pic.twitter.com/8n1IMuOVBE

— Jonti Allegra (@JontiAllegra) December 16, 2025

Но 50-годишниот Акрам не се откажал. Тој се стрчал кон човекот и зграпчил втор пиштол. Снимката од надзорната камера прекинува, но подоцна открива дека напаѓачот го погубил парот од блиску, и тие починале во прегратка. Се верува дека тие се првите жртви на смртоносниот поход, при што загинаа уште 13 лица, вклучувајќи жени, мажи и 10-годишната Матилда. Подоцнежните снимки од дрон ги прикажуваат телата на двојката како лежат едно до друго покрај автомобилот со знамето на Исламската држава.

Полицијата на Нов Јужен Велс потврди дека во „хондата“ на терористите биле пронајдени две импровизирани експлозивни направи и уште едно знаме на Исламската држава.

Бројот на жртви ќе беше поголем да не беше херојскиот одговор на овој пар, како и на други граѓани, како што се Ахмед ал-Ахмед и Реувен Морисон. Реувен Морисон (62) бил убиен додека се обидувал сам и невооружен да ја заштити својата заедница. Тој се нафрлил врз напаѓачите и фрлал тули кон нив.

„Тој викаше кон терористот и беше убиен заштитувајќи ја својата заедница. Умре борејќи се и штитејќи ги луѓето што ги сакаше најмногу“, изјави ќерката на Морисон, Шејна Гутник.

‘He went down fighting’: The father who died a hero after hurling a brick at Bondi gunman.

Live coverage: https://t.co/WMj0xdvIHx pic.twitter.com/YbMXPVvi2Y

— The Age (@theage) December 16, 2025

Ахмед ал-Ахмед се спротивставил на Саџид Акрам и го соборил. Тој се прикрал на помалку од 100 метри од местото на кое бил убиен првиот пар, го искористил моментот додека терористот пукал кон посетителите, се нафрлил врз него, му го грабнал оружјето и го принудил да избега. Ахмед бил застрелан пет пати во левата рака и се опоравува од операција.

This is the footage of the bystander named Ahmed al Ahmed –a 43-year-old Sydney local who is Muslim and owns a fruit shop in Sutherland. He was shot twice himself. He is being praised on Australia media as saving lives of Jewish Australians during the terrorist attack: pic.twitter.com/RJf7mripp3

— (((DeanObeidallah))) (@DeanObeidallah) December 14, 2025

– Нашиот херој се бори токму сега – изјави неговиот адвокат Сем Иса. Премиерот Ентони Албанез го нарече Ахмед „вистински австралиски херој“.

Двајца полицајци, Скот Дајсон и Џек Хиберт, исто така биле сериозно повредени во пукањето и се во болница. Фотографиите од местото на настанот ја покажуваат шофершајбната изрешетана од куршуми на нивното полициско возило.

 

View this post on Instagram

 

A post shared by NSW Police Force (@nswpolice)

Видео објавено денеска го прикажува моментот кога детектив смртоносно го ранил Саџид Акрам, само неколку минути откако Ахмед го разоружал. Акрам се вратил на пешачкиот мост, зел уште еден пиштол од својот син и повторно пукал. Неговиот син Навид, кој е тешко повреден, останува во болница под полициска заштита.

The post 📽️ СРЕДОВЕЧЕН ПАР СЕ ОБИДЕЛ ДА ГИ ЗАПРЕ НАПАЃАЧИТЕ, НО ПЛАТИЛ СО ЖИВОТ Храбри маж и жена биле првите жртви во масакрот на плажата Бонди appeared first on plusinfo.mk.

Сајид и Навид Акрам, татко и син обвинети за масакрот на Бонди Бич во Австралија, рекле на блиските дека во недела „оделе на риболов“, пишува Би-Би-Си цитирајќи го Сиднеј Морнинг Хералд. Така им рекле на своите најблиски пред да пристигнат на плажата каде што убија 15 лица. Семјството, како што пренесуваат локални медиуми, го поздравиле денот со нормални активности. Навид се јавил на мајка си и рекол дека бил на пливање и нуркање, и дека ќе „јаделе и останувале дома“ бидејќи било „многу жешко“.

Се истражуваат врските со Исламска држава

Навид, како австралиски државјанин што првпат дошол на радарот на властите во 2019 година, бил оценет тогаш без тековна опасност или план за насилство. Полицијата подоцна соопштила дека нема докази дека двајцата биле дел од организирана клетка. Сепак, премиерот на Австралија Ентони Албанезе изјави дека „јасно биле мотивирани од екстремистичка идеологија“ поради нивна лојалност кон Исламска држава.

Tаткото пристигнал во Австралија со студентска виза во 1998 година, која во 2001 година била префрлена на партнерска виза, а подоцна и на виза за враќање на престој. Локалните медиуми објавија шпекулации дека двајцата мажи се заколнале на верност на групата Исламска држава.

At least 16 dead and 42 in hospital after Bondi terror attack by father and son duo – Sajid Akram, 50, and Naveed Akram 24. Naveed is of Pakistani origin and a student of Islam. In a February 2022 post on social media, Islamic teacher Adam Ismail of the Al-Murad Institute… pic.twitter.com/jnO92FA1Vf

— Australian Hindu Media (@austhindu) December 15, 2025

Тивкиот ѕидар кој ретко земал слободни денови

Навид работел како ѕидар и бил опишан од поранешен работодавач како „тежок работник“ што ретко земал слободни денови. Повредил зглоб на боксирање и барал да му се исплатат сите права. Колегите велеле дека бил тивок, не социјализиран надвор од работата, и дека „доаѓал од муслиманска позадина“ без да зборува многу за религијата, пишува „Гардијан“.

Неговиот работодавач рекол дека некои вработени му кажале дека родителите на Навид се развеле и дека тој е поблизок со својот татко.

Таткото Сајид, кој имал лиценца за огнено оружје и бил дел од локален клуб за спортско пукање, бил убиен на лице место во размена на оган со полицијата. Навид, пак, останува во критична состојба во болница со тешки повреди.

Ловечкиот клуб и Филипините, клучни за радикализација?

Во тек на истрагата се појавиле и непотврдени слики од можна членска карта за ловечки клуб пронајдена во паричникот на Навид. Сè уште не е потврдено дали навистина бил член на таков клуб.

Полицијата потврди дека татко и син минатиот месец заедно биле на Филипини. Таму делуваат  групи поврзани со Исламска држава Источна Азија. На возилото со кое пристигнале на плажата било пронајдено знаме на Исламска држава и импровизирани експлозивни направи.

Полицискиот комесар на Нов Јужен Велс, Мал Ланион, изјави дека двајцата мажи живееле во друга куќа во Бонириг, во западниот дел на градот, која исто така била претресена во неделата вечерта. Тој изјавил и дека нема ништо „што укажува дека некој од мажите вклучени во вчерашниот напад го планирал нападот“ и потврди дека постариот маж, таткото, имал дозвола за оружје веќе една деценија.

The post РЕКЛЕ ДЕКА ОДАТ НА РИБОЛОВ, СЕ ЕКСТРЕМИЗИРАЛЕ НА ФИЛИПИНИТЕ? Нови детали за напаѓачите во Бонди Бич appeared first on plusinfo.mk.