– Неспорен факт е дека Бојан Христовски во моментот е носител на сертификат за безбедност кој што е од највисок вид. Не само кај нас како држава, туку и во рамките на НАТО. Тој сертификат го поседуваат 36 луѓе, меѓу кој сум и јас, 12 вработени во ДБКИ и луѓето кои што работат во НАТО мисијата во Брисел. Тој сертификат го поседува Бојан Христовски – одговори премиерот Мицкоски и дополни дека овој сертификат се издава под строгите правила и мониторинг на НАТО алијансата.

Премиерот вели и дека не може вработени во НАТО периметарот, којшто го поседуваат овој сертификат издаден од истата институција, да не се мониторирани од самата НАТО структура.

– Апсолутно, со сето ова сите оние тези во јавноста дека тој не исполнува услови за безбедносен сертификат или не знам што, паѓаат во вода – заклучи Мицкоски.

Тој нагласи дека во изминатите неколку недели откако е именуван Христовски, односно неколку месеци таму каде што е, тој покажал вонредни резултати „заедно со нашите стратешки партнери во разбивање на три многу сериозни терористички ќелии во државата“.

– Прашањето е зошто во минатото (овие ќелии) не биле сузбиени – рече Мицкоски и посочи дека како премиер може да суди врз основа на квалитетот на извршување на работните задачи за кои може да се рече дека се вонсериски во овој момент.

The post ДИРЕКТОРОТ НА АНБ ПОКАЖА ВОНСЕРИСКИ РЕЗУЛТАТИ ВРЕДНИ ЗА ПОЧИТ Мицкоски вели дека Христовски спровел акции против терористички ќелии appeared first on plusinfo.mk.