Американскиот Стејт департмент денеска соопшти дека ќе го означи т.н. Картел на Сонцата (Cartel de los Soles), сомнителен криминален синдикат, наводно составен од високи венецуелски функционери, како терористичка организација.

Одлуката ќе стапи во сила на 24 ноември, јави ДПА.

– Картелот на Сонцата со седиште во Венецуела е предводен од Николас Мадуро и други високи поединци од нелегитимниот режим на Мадуро, кои ја корумпираа венецуелската војска, разузнавањето, законодавството и судството – рече американскиот државен секретар Марко Рубио во кратка изјава.

Тој нагласи дека ниту Мадуро, ниту неговите соработници не ја претставуваат легитимната влада на Венецуела.

– Картелот на Сонцата, заедно со други преогласени странски терористички организации (ФТО), вклучувајќи ги Трен де Арагуа и Картелот Синалоа, е одговорен за терористичко насилство низ нашата хемисфера, како и за трговија со дрога во САД и Европа – додаде тој.

Се смета дека Трен де Арагуа, најмоќната банда во Венецуела, е поврзана со трговија со дрога, изнуда, нелегално рударство и шверц на луѓе, и ги прошири своите операции во други латиноамерикански земји и САД. САД ја означија групата како терористичка организација на почетокот на оваа година.

Според американската администрација, режимот на Мадуро ја претворил Венецуела во нарко-држава, влегувајќи во партнерство со колумбиската герила за извоз на дрога во Европа и САД, преку организација позната како Картел де лос Солес – Картел на Сонцата. Мадуро ги отфрли обвинувањата.

Веќе неколку недели, американските сили напаѓаат глисери во близина на брегот на Венецуела, за кои постои сомневање дека шверцуваат дрога во САД. Каракас го оцени ова зголемено американско воено присуство во областа како заканувачки гест. Нападите, исто така, предизвикаа меѓународни критики и ги поттикнаа Обединетите нации да ги повикаат САД на воздржаност.

The post МАДУРО ГИ ПРЕДВОДИ НАРКО-КАРТЕЛИТЕ, А ТИЕ СЕ ТЕРОРИСТИ Вашингтон подготвува терен за интервенција во Венецуела appeared first on plusinfo.mk.

Американскиот претседател Доналд Трамп го прогласи левичарското, антифашистичко движење „Антифа“ за терористичка организација, по убиството на десничарскиот политички активист Чарли Кирк.

„Исто така, ќе препорачам оние што ја финансираат „Антифа“ да бидат темелно истражени според највисоките законски стандарди и практики“, напиша Трамп на својата социјална мрежа Truth Social.

Белата куќа ја објави изминатите денови својата намера да се справи со „левичарскиот домашен тероризам“.

Осомничениот за убиството на Кирк, Тајлер Робинсон, е опишан како „убиец од крајната левица“ бидејќи ја осудил „омразата“ за која рекол дека Кирк ја ширел кон неговото семејство и пријатели и користел муниција со гравирани антифашистички пораки.

Робинсон беше обвинет по обвиненија што повлекуваат смртна казна.

The post ТРАМП ГИ ПРОГЛАСИ „АНТИФА“ ЗА ТЕРОРИСТИ ПО УБИСТВОТО НА КИРК Кој ги финансира, прашува шефот на САД appeared first on plusinfo.mk.

Јавното обвинителство добило три известувања од Агенцијата за национална безбедност (АНБ), во кои се посочуваат злоупотреби направени од поранешни директори и дел од вработените. Се работи за активности спроведувани меѓу 2019 и 2024 година, кога биле следени лидер на опозицијата, медиуми, новинари, јавен обвинител и поранешен министер.

Според извори од АНБ, во тој период биле оформени предмети за оперативни обработки насочени кон група новинари и медиуми, со цел да се создаде притисок и да се наруши угледот на тогашната власт.

Обработките опфаќале и следење на контактите на медиумите со претставници на опозицијата, што дополнително го проширувало обемот на незаконските активности.

Внатрешната истрага, која била спроведена по доаѓањето на новото раководство на чело со директорот Бојан Христовски, открила и намерни одолговлекувања во постапките за безбедносни проверки.

Како пример се наведува случајот со еден пратеник од опозицијата, чие добивање безбедносен сертификат било одложувано без оправдана причина.

Дополнително, било утврдено дека материјално-техничките ресурси на АНБ се користеле спротивно на законските правила, а биле забележани и незаконски постапки на следење на комуникации.

Во целиот спорен период со Агенцијата раководеле Виктор Димовски и Заре Милошевски.

Адвокатот и поранешен судија Владимир Туфегџиќ со критички коментар реагира на најновите информации за незаконското следење. Тој посочува дека наместо службите да се занимаваат со сериозни криминални групи, вниманието било насочено кон политичари, новинари и кон обвинители.

„Незаконито биле следени политичар, новинар, јавен обвинител и уште којзнае кој, во основа ништо ново. Но еве, и јас би сакал да знам што работеле службите и зошто директорот и тогашниот министер за внатрешни работи не се заинтересирале за следење на група која во судска постапка призна дека уште од 2022 година договарале и планирале ликвидации и грабнувања, и си копале дупки за жртвите низ државава“, напиша Туфегџиќ.

Тој потсети дека токму таквите пропусти резултирале со трагични последици. „Со глава платија едно дете и еден средовечен човек, ни криви ни должни. Ете тоа мене ме интересира“, додаде адвокатот.

Со овој став, Туфегџиќ уште еднаш ја отвора темата за одговорноста на институциите и прашањето каде навистина бил насочен безбедносниот апарат во години кога, според него, најголемите закани биле оставени без надзор.

The post НАМЕСТО ТЕРОРИСТИ, ТАЈНАТА ПОЛИЦИЈА СЛЕДЕЛА НОВИНАРИ И ПОЛИТИЧАРИ Поранешен директор на АНБ пријавен во Обвинителството appeared first on plusinfo.mk.

Најмалку 28 лица загинаа, а десетици се повредени во најновите израелски напади во Газа изминатата ноќ, јави палестинската новинска агенција Вафа, повикувајќи се на медицински извори.

Израелските војници продолжуваат со операциите против „терористичките организации низ Појасот Газа“, напиша израелската војска на својот канал на Телеграм, пренесе ДПА.

Војниците вчера „елиминираа неколку терористи низ Појасот Газа и нападнаа воени комплекси, оружје, складишта и снајперски позиции“, се вели во соопштението.

Израелската војска соопшти дека воздухопловните сили погодиле повеќе од 75 цели, вклучувајќи „терористи, лансери, воени комплекси, складишта за оружје и дополнителна терористичка инфраструктура“.

Тврдењата на двете страни не можат независно да се потврдат.

Војната во Газа беше предизвикана од терористички напад, извршен од Хамас и од други милиции во Израел на 7 октомври 2023 година. Израел одговори со масивна воена операција во Газа.

The post ГАЗА ПОД ОГАН, ЗАГИНАА 28 ЛУЃЕ Израел тврди дека елиминирал терористи и нападнал воени цели appeared first on plusinfo.mk.

За експлозијата на бомба во петокот вечерта пред канцелариите на грчката компанија „Hellenic train“, како и за експлозијата во близина на Министерството за труд на Грција во февруари 2024 година, одговорноста ја презеде левичарско-терористичка организација под името „Револуционерна класна самоодбрана“, јави дописничката на МИА од Атина.

Револуционерна класна самоодбрана е нова екстремистичка група, а во опширниот текст објавен на анархистички сајт, организацијата ја презеде одговорноста за двете бомби и „овие две дејствија ги посветуваат на палестинскиот народ и неговиот херојски отпор“.

Во текстот, меѓу другото се осврнуваат на масовниот протест на 28 февруари по повод двегодишнината од железничката несреќа кај Темпи со 57 загинати, пишуваат дека дилемата за која треба да одберат став е „истата дилема, иако со различни размери, како онаа со која се соочуваат народите и пролетаријатот од целиот свет кога се соочени со опасноста од тиранијата: ланци или оружје“ и повикуваат „одлучно да го избереме второто“.

Во петокот вечерта беше поставен експлозивен механизам пред објектот во кој се наоѓаат канцелариите на грчката компанија „Hellenic train“ во центарот на Атина, а на експлозијата и претходеа два предупредувачки телефонски повици во два медиуми.

Бомбата била поставена во ранец, а експлозијата предизвика материјална штета.

На почетокот на февруари минатата година беше поставен експлозивен механизам во близина на Министерството за труд на Грција, а и тогаш на експлозијата ѝ претходеше анонимен тефлонски повик.

Според грчките медиуми, полицијата открила многу сличности во двата напади, а сега самата организација ја презеде одговорноста за двете бомби.

The post АНАРХИСТИ ЈА ПОСТАВИЛЕ БОМБАТА СРЕДЕ АТИНА Организацијата „Револуционерна класна самоодбрана“ ја презеде одговорноста appeared first on plusinfo.mk.

За време на говорот во Парламентот, Ердоган рече дека курдската милитантна група ЈПГ е најголемиот проблем во Сирија по соборувањето на поранешниот претседател Башар ал Асад.

Тој додаде дека групата „ќе го дочека својот крај“ доколку не го остави оружјето.

Тој рече и дека доколку забранетата Курдска работничка партија го игнорира повикот на нејзиниот лидер, Абдула Оџалан, да го остави оружјето, Турција ќе ја постигне својата цел за елиминација „на друг начин“.

The post ДРЖЕТЕ СИ ГИ РАЦЕТЕ ПОДАЛЕКУ ОД СИРИЈА Ердоган упати повик кон сите земји appeared first on plusinfo.mk.

Како што соопштуваат од Министерството за внатрешни работи, Г.М. на почетокот на 2024 година формирал терористичка „ќелија“ со идеолошка матрица на ИСИС, со намера за изведување терористички акти на територијата на Македонија.

– Г.М. на почетокот на 2024 година создал терористичка организација во која членуваат Х.Б., Р.С. и Т.М., како и уште неколку засега непознати лица, па сите заедно формирале терористичка организација – „ќелија“ со основи на идеолошката матрица на познатата терористичка организација ИСИС, со намера за изведување на терористички акт на цивилни или таканаречени меки цели, односно јавни објекти на територија на Македонија. За остварување на таа намера, Г.М. формирал повеќе групи на социјалната мрежа Телеграм, во кои што споделувал претходно набавен и преведен пропаганден материјал на ИСИС и регрутирал нови членови. Се обидел да набави огнено оружје, а набавил и упатства за изработка на импровизирани експлозивни направи кои што потоа требало да ги искористат за извршување на терористички напади. Х.Б., Р.С. и Т.М. членувале во дел од телеграм групите, каде што се споделувале преведени материјали кои претходно биле преземени од официјални медиуми користени од терористичка организација ИСИС како што е EN-Nebe (официјален весник на ИСИС)“ соопштени МВР.

Оттаму дополнуваат дека при претрес во домот на Г.М. се пронајдени и одземени пиштол „гап“ со калибар од 8 милиметри со празна рамка со метален додаток, два лап топ компјутери, полнач за лап топ, два мобилни телефони со две СИМ картички. Одзеените предмети се доставени до ЈОГОКК.

„По извршената анализа на обезбедените електронски докази содржани во телефонот на Г.М., утврдено е дека тој формира и координира активности во својство како војник на ИСИС тн. Исламска држава за медиумска промоција и заштита на терористичката организација, со намена за албанско говорно подрачје. Активностите се одвиваат главно на социјалната мрежа Телеграм, при што Г.М. користи Телеграм профили со кои што формира и администрира повеќе групи за организација и за преработка на материјали преземени од официјалните медиуми користени од ИСИС како што се: Al-Hayat media center, (официјален медиум на ИСИС), EN-Nebe  (официјален весник на ИСИС) и Al-Bayan radio (официјален радио канал на ИСИС)“, се вели во соопштението.

Исто така, додава МВР, Г.М. формирал неколку други Телеграм групи во кои координира активности за ширење на агендата на ИСИС.

„Г.М. набавил повеќе фотографии со кои што се поттикнува извршување на терористички акти за време на новогодишните и божиќните празници со намера да ги сподели во  групите кои што ги формирал, за да поттикне извршување на терористички напади“, дополнуваат од МВР.

Воедно, наведуваат дека врз основа на добиени наредби за претрес на дом, на 15.12.2024 извршене се претреси во домовите и други простории кај лицата, при што се пронајдени и одземени повеќе мобилни телефони, лап топ и деск топ компјутери, таблет, преносна меморија, видео рекордер, разна документација, листови хартија со натписи на арапски и албански јазик, прстен со амблем на ИСИС, книги со литература на арапски јазик и друго.

„Сите лица се лишени од слобода и на 16.12.2024 се изнесени пред судија на претходна постапка, од чија страна им е одредена мерка притвор во траење од 30 дена“ посочуваат од МВР.

The post ГЛАВНИОТ ГИ ПОТТИКНУВАЛ ЗА ТЕРОРИСТИЧКИ НАПАДИ ЗА ВРЕМЕ НА БОЖИКНИТЕ ПРАЗНИЦИ Четворица терористи планирале напад во Македонија, ама завршија во притвор appeared first on plusinfo.mk.

Поранешниот сириски претседател Башар ал Асад, наводно, рекол дека Сирија сега е во „рацете на терористите“. Изјавата, се чини, дека е негова прва изјава откако беше соборен од власт. Тој кажал дека неговото заминување од Сирија не било планирано и не се случило во последните часови од битката, спротивно на некои информации, пренесува Ал Џезира.

– Москва побара итна евакуација во Русија во недела навечер, на 8 декември – додаде Асад.

Во соопштението се вели и дека откако сириската престолнина паднала во рацете на бунтовниците, Асад отишол во руската воена база во провинцијата Латакија „да ги следи борбените операции“ и таму видел дека сириските војници ги напуштиле своите позиции.

Повикувајќи се на неколку високи сириски функционери, медиумите изминатиот викенд објавија дека неколку часа пред падот на Дамаск на 8 декември, Асад побегнал без да ги предупреди членовите на неговото семејство или најблиските соработници.

Поранешниот сириски претседател дури ѝ се јавил на својата советничка за медиуми во саботата вечерта за да ја замоли да му подготви говор, пред да се качи на авион од воздухопловната база во Дамаск за руската база во Хмејмим во западна Сирија.

– Тој си замина без да ги предупреди своите блиски соработници. Авионот го одвел во база во Москва – рекол советникот кој сакал да остане анонимен.

Изворот тврдии дека Махер, братот на Асад, кој командувал со Четвртата бригада, „за тоа дознал случајно додека го бранел Дамаск со своите војници“.

– (Братот на Асад) изгледа решил да побегне со хеликоптер во Багдад – додал изворот.

Асад вели дека неговото заминување „во никој случај не го намалува моето длабоко чувство за припадност кон Сирија и нејзиниот народ – врска која останува непоколеблива од каква било позиција или околност“.

Тој изразува надеж дека Сирија повторно ќе биде слободна и независна.

Бунтовничката коалиција предводена од групата Хајат Тахрир ал-Шам (ХТС) го собори Башар ал Асад од власт на почетокот на декември, а сменетиот претседател побегна во Русија заедно со своето семејство.

The post АСАД СЕ ЈАВИ ОД АЗИЛ, ВЕЛИ ДЕКА ГО ЕВАКУИРАЛЕ Сирискиот екс-лидер не планирал да ја напушти земјата appeared first on plusinfo.mk.

Турската Национална разузнавачка организација (МИТ) погодила 120 цели на терористичката група ПКК/ЈПГ, соопштија безбедносни извори.

Операциите на МИТ ќе продолжат непречено се додека не се постигнат планираните цели против терористичката група, додаваат изворите.

Smoke rising from an oil field in Tirbe Spiyeh (al-Qahtaniya) town in Northeast #Syria due to Turkish airstrike. #Turkey#North_Press pic.twitter.com/vrvnzt8x1W

— NORTH PRESS AGENCY – ENGLISH (@NPA_English) October 24, 2024

Операциите уследија откако пет лица беа убиени, а 22 повредени во терористички напад на ПКК врз седиштето на Турската воздушна индустрија (ТАИ) во главниот град Анкара во средата.

AANES – Rojava (Syria)

The air and artillery strike campaign by the Turkish military against Rojava continues on its third day.

– Airstrikes on the city center of Qamishlo
– One airstrike in Amude has been reported pic.twitter.com/5AzAuofes1

— ScharoMaroof (@ScharoMaroof) October 25, 2024

Според турската новинска агенција Анадолу, во својата 40-годишна терористичка кампања против Турција, ПКК, која Турција, САД и ЕУ ја сметаат за терористичка организација, е одговорна за смртта на повеќе од 40.000 луѓе, вклучувајќи жени и деца.

The post 📽️ ТУРЦИЈА ЖЕСТОКО ГИ НАПАЃА КУРДИТЕ Ердоган продолжува со одмаздата за нападот во Анкара, уништени се 120 цели appeared first on plusinfo.mk.

Министерот за внатрешни работи, Али Јерликаја, на социјалната платформа Икс објави дека идентитетот на вториот напаѓач, кој исто така е ликвидиран, сè уште се истражува.

ПКК, која Анкара, ЕУ и САД ја сметаат за терористичка организација, не ја презеде одговорноста за вчерашниот напад.

Двајцата напаѓачи, маж и жена, убија пет лица, главно вработени во Турската воздухопловна и вселенска индустрија (ТУСАШ), и ранија 22 лица.

ТУСАШ е државна компанија за оружје и авио-технологија со седиште во близина на Анкара. Оваа компанија произведува воени и цивилни авиони и хеликоптери, како и системи за беспилотни летала за турските вооружени сили и за странски пазари.

Напаѓачите беа убиени од страна на припадници на безбедносните сили.

Турските медиуми објавија дека напаѓачите стигнале на местото на нападот со такси, а возачот бил убиен. Тие влегле во седиштето на компанијата со ранци на грбот и пушки.

Турција во текот на ноќта започна нови воздушни напади врз милитанти на ПКК во северна Сирија и Ирак, убивајќи 59 милитанти, како одговор на тој напад, соопшти денеска Министерството за одбрана. Турските воени и разузнавачки сили изведоа напади на повеќе од 40 цели на северот од Сирија и Ирак.

Според курдските медиуми, во нападите загинаа осум, а повеќе од 15 цивили се ранети. Според пишувањата на локалните медиуми, курдските сили во Сирија и Ирак не се очекува да останат пасивни пред новата ескалација на односите со Турција, па веројатни се нови судири на пограничните области.

The post 📷 ИДЕНТИФИКУВАН ЕДЕН ОД НАПАЃАЧИТЕ ВО АНКАРА Турција тврди дека е член на Курдската работничка партија appeared first on plusinfo.mk.