Постапката беше иницирана од RusChimAllianz, подружница на Газпром која управува со терминалот за ЛНГ на Балтичкото Море. Компанијата бара 239 милиони евра од Дојче банк, објави руската државна новинска агенција ТАСС.

Блокирани се хартии од вредност на Дојче банк и други компании во кои банката има акции, како и недвижен имот и пари на банкарски сметки. Овие средства се само дел од средствата на банката во Русија.

Судот веќе ги замрзна сметките и средствата на италијанска банка во Русија, од која RusChimAllianz бара 444 милиони евра. Со оваа одлука се засегнати и други доверители.

Овој потег доаѓа откако изградбата на терминалот беше откажана поради воведувањето на западните санкции против Русија, за што банките обезбедија финансиски гаранции.

Во 2021 година, RusChimAllianz склучи договор со германската индустриска групација Линде и градежната компанија Renaissance Heavy Industries за изградба на терминалот.

RusChimAllianz тврди дека однапред му платил на Линде.

The post РУСИЈА ЗАМРЗНА СРЕДСТВА НА НЕКОЛКУ ЕВРОПСКИ БАНКИ Гарантирале изградба на терминал за течен гас, но проектот пропаднал appeared first on plusinfo.mk.