Осум европски држави објавија заедничка изјава како одговор на заканата на американскиот претседател Доналд Трамп за зголемување на царините за земјите кои не ја поддржуваат неговата амбиција САД да ја преземаат контролата врз Гренланд и кои испратија војници на островот.

Во изјавата потпишана од Данска, Финска, Франција, Германија, Холандија, Норвешка, Шведска и Велика Британија се потенцира дека таквите чекори ги поткопуваат трансатлантските односи и предизвикуваат опасна надолна спирала.

– Во целост сме солидарни со Кралството Данска и со народот на Гренланд. Надоврзувајќи се на процесот што почна минатата недела, подготвени сме да се вклучиме во дијалог врз основа на принципите на суверенитет и територијален интегритет, кои цврсто ги поддржуваме“, се наведува во заедничката изјава.

Се нагласува дека групата држави „ќе продолжи да биде обединета и координирана“ и оти е посветена на „зачувување на нашиот суверенитет“.

– Како членки на НАТО, ние сме посветени на зајакнување на безбедноста на Арктикот како заеднички трансатлантски интерес – се истакнува во заедничката изјава.

Исто така се посочува дека неодамнешната данска воена вежба на „не претставува закана за никого“.

The post ЦЕЛОСНО СМЕ СОЛИДАРНИ СО ДАНСКА И СО ГРЕНЛАНД, ОБЕДИНЕТИ ЌЕ ГО ЧУВАМЕ СУВЕРЕНИТЕТОТ Заедничка изјава на осумте европски држави на кои САД ќе им ги зголемат царините appeared first on plusinfo.mk.

Генералниот секретар на Обединетите нации, Антонио Гутереш, денеска предупреди дека неуспехот да се постигне праведен мир што го почитува територијалниот интегритет на Украина би можел да го поткопа меѓународното право и да предизвика хаос низ целиот свет.

– Во време како ова, исклучително е важно меѓународното право да надвладее. Во спротивно, отвораме врата кон хаос низ целата планета – рече Гутереш на конференцијата во Берлин за мировните мисии на ОН.

Британските медиуми пренесуваат дека германскиот министер за одбрана Борис Писториус изјави дека нема индикации дека рускиот претседател Владимир Путин сериозно размислува за прекин на огнот.

The post АКО УКРАИНА ИЗГУБИ ТЕРИТОРИИ, ТОА ЌЕ ДОНЕСЕ ХАОС ВО СВЕТОТ Гутереш бара праведен мир, согласно меѓународното право appeared first on plusinfo.mk.

Претставници на повеќе од 80 земји кои присуствуваа на мировната конференција за Украина во Швајцарија денеска потпишаа декларација во која се наведува дека „територијалниот интегритет“ на Украина е основа за секој мировен договор што ќе стави крај на војната

„Ја потврдуваме нашата посветеност да се воздржиме од закана или употреба на сила против територијалниот интегритет или политичка независност на која било држава, кон принципите на суверенитет, независност и територијален интегритет на сите држави, вклучително и Украина, во рамките на нивните меѓународно признати граници, вклучувајќи ги територијалните води. , и да се решаваат споровите со мирни средства како принципи на меѓународните права“, се наведува во декларацијата по дводневниот самит.

Понатаму се додава дека Повелбата на ОН, вклучувајќи го и почитувањето на територијалниот интегритет и суверенитет, „може и ќе послужи како основа за постигнување сеопфатен, праведен и траен мир во Украина.

„Ние веруваме дека постигнувањето мир бара вклученост и дијалог меѓу сите страни“, се додава.

Декларацијата конкретно се однесува на „заедничката визија“ во однос на три „клучни аспекти“.

Прво во контекст на нуклеарната централа Запорожје, веше истакнато дека „користењето на нуклеарната енергија и нуклеарните инсталации мора да биде безбедно, сигурно, заштитено и еколошки прифатливо“. Беше забележано и дека заканите за употреба на нуклеарно оружје се неприфатливи.

Како втора точка, се наведува дека глобалната безбедност на храната зависи од пристапот до пристаништата во Црното и Азовското Море, поради што се неприфатливи и нападите врз трговските бродови.

Конечно, 80 земји повикуваат на итна целосна размена на затвореници и за враќање на „депортираните и нелегално раселените украински деца и сите други украински цивили кои биле незаконски приведени“ во Украина.

Декларацијата беше поддржана од 80 од 93 земји кои учествуваа на самитот. Меѓу земјите кои ја поддржаа декларацијата е и Македонија.

Земјите кои не ја поддржуваат декларацијата се 6 членки на групата Г20 – Бразил, Мексико, Саудиска Арабија, Јужна Африка, Индија и Индонезија, како и Ерменија, Бахреин, Тајланд, Либија, Обединетите Арапски Емирати, Колумбија и Ватикан.

Претседателот Володимир Зеленски  изјави дека учесниците на самитот се согласиле да продолжат да работат во специјални групи и дека кога ќе бидат готови „акционите планови за мир“, патот до вториот самит ќе биде отворен, пренесува Ројтерс.

– Се договоривме да почнеме да работиме во специјални групи по самитот за конкретни идеи, предлози и сценарија кои можат да ја вратат безбедноста во различни аспекти. Кога ќе бидат готови акционите планови за мир и кога ќе се разработи секој чекор, ќе се отвори патот за вториот мировен самит – рече Зеленски.

Претседателката на Европската комисија, Урсула фон дер Лајен изјави дека мирот во Украина „нема да се постигне во еден чекор, туку тоа ќе биде патување“.

– Ова не беа мировни преговори затоа што (рускиот претседател Владимир) Путин не е сериозен за завршување на војната, тој инсистира на капитулација, тој инсистира на отстапување на украинска територија – дури и територија што не е окупирана денес – рече таа.

Русија не беше поканета на мировната конференција, а Кремљ соопшти дека барањето начин за решавање на украинскиот конфликт без учество на Москва е нелогично и залудно.

Според аналитичарите дводневната конференција најверојатно ќе има многу мало конкретно влијание врз завршувањето на војната.

Претходно, премиерот на Канада, Џастин Трудо најави дека наскоро ќе организира меѓународен собир на министрите за надворешни работи посветен на жртвите од војната во Украина.

The post ТРИ КЛУЧНИ АСПЕКТИ СЕ ВАЖНИ ЗА МИРОТ ВО УКРАИНА Декларацијата која го поддржува територијалниот интегритет на Украина ја потпишаа 80 земји appeared first on plusinfo.mk.

Коментирајќи ги наводите дека Албанија побарала Косово да биде членка на ОБСЕ, Дачиќ посочи дека, за среќа, одлуките во Организацијата се носат со консензус.

– Косово никогаш нема да може да стане членка на ОБСЕ бидејќи Србија нема да се согласи со тоа – рече Дачиќ.

Шефот на српската дипломатија изјави оти денеска во Скопје многупати било споменато прашањето за територијалниот интегритет, но дека Србија не може да прифати оти територијалниот интегритет на Украина или која било друга земја е поважен од нејзиниот територијален интегритет.

– Би ве замолил кога говорите за територијалниот интегритет да имате предвид дека тоа е универзален принцип, кој важи за сите. Ако го осудувате кршењето на територијалниот интегритет во други земји, бидете искрени и немојте отворено да го легализирате кршењето на територијалниот интгеритет на Србија на еден ваков собир – рече Дачиќ.

Шефот на српската дипломатија додаде дека исклучително го почитува територијалниот интегритет на Украина и оти дава сè од себе тој да се чува, но рече дека Србија не треба да биде наведувана на заклучок оти нејзиниот територијален интегритет е помалку важен за Европа и за ОБСЕ.

The post САМО ЗА УКРАИНА ЛИ ВАЖИ ТЕРИТОРИЈАЛНИОТ ИНТЕГРИТЕТ? Косово никогаш нема да стане членка на ОБСЕ, изјави Дачиќ во Скопје appeared first on plusinfo.mk.