Вистински хаос се случил на лет на авиокомпанијата „Изиџет“ (EasyJet) од Тенерифе во Шпанија до Ливерпул во Англија, кога избила масовна тепачка меѓу патници, поради што авионот морал принудно да се врати на аеродромот од кој полетал.

Според британскиот „Индипендент“, во инцидентот учествувале околу десет патници, а капетанот, по проценка дека безбедноста на останатите патници и екипажот е сериозно загрозена, донел одлука авионот да се врати на аеродромот Тенерифе Југ.

Леталото принудно слетало околу два часа по полетувањето, по што полицијата, која чекала на пистата по барање на екипажот, ги привела лицата вмешани во тепачката.

Од авиокомпанијата „Изиџет“ официјално го потврдија инцидентот и соопштија дека летот продолжил кон Ливерпул со 168 патници, откако осомничените биле отстранети од авионот.

„Ваквите инциденти ги сфаќаме многу сериозно и не толерираме несоодветно однесување кон нашиот персонал. Нашиот кабински и земски персонал е обучен да ги процени сите ситуации и да реагира брзо и соодветно, за безбедноста на летот и на патниците во ниту еден момент да не биде доведена во прашање“, се наведува во соопштението на авиокомпанијата.

Засега не се соопштени информации дали во инцидентот има повредени лица, ниту што ја предизвикало тепачката.

The post МАСОВНА ТЕПАЧКА ВО АВИОН НА 10.000 МЕТРИ Пилотот принудно го врати леталото, полицијата ги приведе учесниците appeared first on plusinfo.mk.

Драматични сцени се одвивале во авион на авиокомпанијата „Jet2“, откако избувнала тепачка за време на летот од Анталија кон Манчестер. Поради инцидентот, авионот бил принуден итно да слета во Брисел.

Од компанијата соопштија дека летот „LS896“ бил пренасочен поради „апсолутно неприфатливо однесување на двајца патници“, кои подоцна биле симнати од авионот од страна на белгиската полиција. По интервенцијата, летот продолжил кон крајната дестинација и слетал во Манчестер околу 22 часот.

Според сведоштво на патник кој бил присутен во авионот, инцидентот започнал кога маж, кој наводно консумирал алкохол, почнал да извикува расистички навреди кон патници со пакистанско потекло.

– Иако пиеше алкохол, беше целосно свесен што зборува и што прави – изјавил сведокот, додавајќи дека ситуацијата дополнително ескалирала кога патникот не успеал да купи цигари за време на летот.

По тоа, тој станал агресивен и кон членовите на екипажот, а тензијата кулминирала со физичка пресметка во авионот.

– Во еден момент ситуацијата стана многу физичка. Луѓето беа вознемирени и исплашени. Атмосферата беше хаотична – раскажал сведокот.

По принудното слетување во Брисел, двајцата патници биле приведени и симнати од летот. Од „Jet2“ потврдија дека тие се ставени на трајна „црна листа“ и повеќе нема да можат да летаат со оваа авиокомпанија.

– Како семејно ориентирана авиокомпанија имаме политика на нулта толеранција кон вакво однесување. Ќе ги преземеме сите правни чекори за да ги надоместиме трошоците што настанаа поради пренасочувањето на летот – соопшти портпаролот на компанијата.

Сведокот оценил дека инцидентот е потсетник дека „расизмот сè уште постои и нема место во општеството“.

‘FLIGHT’ CLUB: A Jet2 flight from Turkey to the U.K. was diverted to Belgium after a violent altercation broke out between passengers.

Jet2 says two passengers have been banned from flying with them, according to a report. pic.twitter.com/26FRuGhMOK

— Fox News (@FoxNews) February 14, 2026

The post 📽️ ХАОС ВО АВИОН НА 10.000 МЕТРИ Тепачка и расистички испади принудија итно слетување appeared first on plusinfo.mk.

Инцидент во авион што слетал на Меѓународниот аеродром Скопје од Германија ги вознемири екипажот и патниците, откако дошло до физичка пресметка меѓу неколку лица непосредно пред слетувањето.

Настанот бил пријавен вчера околу 17 часот, а според информациите, кавгата избила околу 16:40 часот во авионот. Во инцидентот учествувале 49-годишен државјанин на Германија и 45-годишна жена од Скопје, од една страна, и 38-годишен маж од селото Лопате, кумановско, од друга страна.

По слетувањето на авионот, случајот бил пријавен во СВР Скопје преку граничниот премин на аеродромот. Засега нема официјални информации за тежината на повредите, а полицијата работи на целосно расчистување на инцидентот.

По завршување на постапката, против учесниците ќе биде поднесена соодветна пријава.

The post ХАОС НА ЛЕТОТ ОД ГЕРМАНИЈА Инцидент пред слетување на аеродромот во Скопје appeared first on plusinfo.mk.