„Ова е несомнено највредниот ракопис на Ајнштајн, којшто некогаш бил понуден на аукција“, се вели во соопштението.

Наддавањето ќе се одржи на 23 ноември. Станува збор за оригинален ракопис на 54 страници, составено во Цирих, Швајцарија, 1913 и 1914 година, од познатиот физичар и неговиот соработник и пријател Мишел Бесо – швајцарско-италијански инженер, исто така – со еврејско потекло.

Благодарение на Бесо, ракописот е зачуван, бидејќи Ајнштајн кој го сметал за обичен работен ракопис, немал намера да му посветува внимание, според „Кристи’с“.

По основната „Теорија на релативноста“ од 1905 година (со формулата Е = mc2), Ајнштајн 1912 година почна да работи на „Општа теорија на релативноста“. Ајнштајн и Бесо се справија со проблеми што ја мачеа научната заедница со десетлетија, на пример аномалиите во орбитата на Меркур. Тие успеаја да ја решат таа загатка, потсеќа „Кристи’с“.

Друг добро познат документ од тој период, познат како „Бележникот од Цирих“, од крајот на 1912 и почетокот на 1913 година, денес е во архивата на Хебрејскиот универзитет во Ерусалим, Израел.

The post АУКЦИЈА ЗА ЗАПИСИТЕ НА АЈНШТАЈН Теоријата на релативност вреди 2 до 3 милиони евра appeared first on plusinfo.mk.