Американски транспортер М113 со руско и со американско знаме се појави на видео кое го објави државната телевизија на Русија, РТ.

Според РТ, снимката била доставена од војници на 70-от моторизиран полк до нивниот дописник Влади Андрица. На видеото се гледа транспортер кој се движи кон бојното поле кај селото Мала Токмачка во Запорожје.

Медиумот тврди дека возилото претходно било заробено од украинската армија, потоа поправено и сега се користи во руски борбени мисии.

– Ова возило е симбол на тоа како противничката техника може да заврши во наши раце – изјави руски војник во прилогот на РТ.

Украинската страна, пак, објави дека вакви транспортери биле уништени во борбите и посочи дека руските тврдења често се дел од пропаганда.

„Еден од заробените М113 беше погоден и уништен за време на руската контраофанзива во Котлине“, соопштија украинските вооружени сили.

Pentagon APC hoists Russian AND US flag into battle against Zelensky

Sign of the times? pic.twitter.com/4Wv661zsrz

— RT (@RT_com) August 18, 2025

М113 е американско гасенично возило кое од 1960-тите се користи за транспорт на војници и опрема. По почетокот на војната во 2022 година, САД и сојузниците испорачаа стотици вакви транспортери во Украина заедно со други типови оклопни возила.

Објавата на видеото следува веднаш по средбата на американскиот претседател Доналд Трамп и рускиот лидер Владимир Путин во Алјаска. Тие разговараа за конфликтот во Украина, но не постигнаа договор за прекин на огнот.

– Разговорот беше продуктивен и очекувам нови преговори меѓу Русија и Украина – изјави Трамп по средбата.

Путин оцени дека било постигнато „разбирање“ и најави дека е можен нов состанок во Русија.

The post 📽️ АМЕРИКАНСКИ ТЕНК ЗАПЛЕНЕТ ВО УКРАИНА, ДОБИ УШТЕ ЕДНО ЗНАМЕ Русите го користат во борби во Запорожје appeared first on plusinfo.mk.

Тројца израелски војници загинале, а еден офицер бил ранет кога тенкот во кој се наоѓале експлодирал во северниот дел на Појасот Газа во понеделникот, соопшти израелската армија, објави Тајмс оф Израел.

Истражителите се обидуваат да утврдат што точно ја предизвикало смртоносната експлозија, која се случила за време на тековните борби со групата Хамас во северниот дел на енклавата. Првичните сомнежи укажуваат дека можеби станува збор за оперативна грешка.

Тројцата загинати се: 21-годишниот наредник Шохам Менахем од Јардена, водник Шломо Јакир Шрем (20) од Ефрат и 19-годишниот водник Јулиј Фактор од Ришон Лецион.

Офицерот, чие име не е објавено, е хоспитализиран во тешка состојба, соопшти армијата.

The post ИЗРАЕЛСКИ ТЕНК СЕ РАСПРСНАЛ ВО ЕКСПЛОЗИЈА Загинале тројца млади војници, офицер во критична состојба appeared first on plusinfo.mk.

– Затоа што за тие два отсто (од бруто домашниот производ) или милијарда, милијарда и пол евра може да купите илјада тенкови, а можете да купите два пара чевли или една пушка „репетитор“. Тоа е клучната работа – рече Милановиќ.

Зборувајќи за цената на германските тенкови Леопард 2А8 кои сака да ги купи Хрватска тој изјави:

– Ако тенкот чини 25 милиони евра, единственото нешто што на овој тенк му треба е да лета за тоа да биде вистинската цена на тој тенк. Не можеме да си дозволиме сè што би сакале и никогаш нема да можеме во такви услови, но треба да бидеме, ќе кажам, пресметани и себични и добро да размислуваме пред секоја одлука бидејќи тие одлуки се долгорочни. Бродовите што се градат, дај боже да се довршат тие што се градат, да пловат, а тие што ќе дојдат, се градат со многу, многу добро осмислен буџет, каква способност добивате, колку чини, дали можете да го одржувате и слично.

Хрватска се согласи да ѝ испрати на Украина 30 тенкови М-84 и 30 борбени пешадиски возила М-80, а за да компензира ќе купи тенкови Леопард 2А8 од Германија.

Министерот за одбрана на Хрватска, Иван Анушиќ, и германскиот министер за одбрана Борис Писториус треба денес во Берлин да потпишат писмо за намера за купувањето на нови тенкови за потребите на оружените сили на Хрватска.

Хрватската војска во моментов во својот состав има околу 70 тенкови М-84, а според изјавите на изворите, тие се во добра состојба и редовно се одржуваат. Точната вредност на набавката, како и временската рамка, не се познати, пишува Јутарњи лист.

Аналитичарот на Форбс, Дејвид Акс, пишува дека ова е „очајнички обид на Украина насекаде да бара стотици тенкови и борбени возила кои на земјите-сопственици не им требаат“.

Тенкот М-84 тежок 46 тони е југословенска верзија на советскиот Т-72.

Пешадиското возило М-80 тежи 15 тони и беше југословенска верзија на советскиот БМП-1, се сеќава Акс.

Украинските вооружени сили оперираат со стотици Т-72 и БМП-1, така што не би требало да имаат проблем да ги интегрираат М-84 и М-80 во нивните сили.

Со вкупно 60 поранешни хрватски тенкови и борбени возила, Украина може да опреми два баталјони или половина бригада.

The post ТЕНК ЗА 25 МИЛИОНИ ЕВРА ТРЕБА ДА ЛЕТА! Милановиќ ги коментира „леопардите“ коишто сака да ги купи Хрватска appeared first on plusinfo.mk.

Со директната интервенција на ДУИ во измените на Кривичниот законик, на Никола Груевски, поранешниот премиер и омилен политичар на Али Ахмети, му застаре уште една затворска казна. Ова е уште една шајка на Ахмети во ковчегот на неправдата која ја инсталираше неговиот режим 22 години, обвини денеска коалицијата Вреди откако медиумите објавија дека на 4 октомври му застарува двегодишната казна затвпр за предметот „Тенк“ за набавка на луксузниот владин мерцедес.

„После срамната спогодба на „Абазиското“ Обвинителство со Иџет Мемети, ова криминализирано раководство издејствува уште една амнестија. Ова фијаско на фаулираниот правен систем е уште една потврда за вирусот на Ахмети инсталиран во правосудството со години, каде што нивните моќници изградија заштитен ѕид околу себе, спасувајќи се меѓусебно од правосудна одговорност. Ова не е прв пат кога ДУИ, предводена од Али Ахмети, интервенира за да ги спаси своите пријатели од затвор. Претходно, истата игра ја одиграа и за архитектот на маките на Албанците, поранешниот директор на УБК, Сашо Мијалков“, обвинува владејачката Вреди во соопштението.

Партијата ДУИ, наведува Вреди, која две децении го манипулира народот со ветувања за реформи и европски интеграции, е убиец на секоја надеж за правда и подобра иднина.

„Сите знаат за притисокот на Артан Груби врз претседателката на Врховниот суд за оживување на аболициите на Ѓорге Иванов, наводно за да изврши притисок врз ВМРО-ДПМНЕ за усвојување на уставните измени. Време е граѓаните на оваа земја еднаш засекогаш да разберат: ДУИ никогаш не била за големиот европски сон, туку нејзин саботер. Наместо да се борат за правда и просперитет, тие се бореа само за да ги заштитат своите криминални кланови, без разлика на етничката припадност“, соопшти Вреди.

The post „ПО МИЈАЛКОВ, АХМЕТИ СИ ГО СПАСИ И ГРУЕВСКИ ОД ЗАТВОР“ Вреди ја обвини ДУИ дека е убиец на правдата appeared first on plusinfo.mk.

Поранешниот премиер Никола Груевски нема да ја одлежи двегодишната затворска казна во предметот „Тенк“.

На 4 октомври ќе поминат шест години од правосилната пресуда за Груевски во предметот за набавката на владиниот луксузен мерцедес, за кој поранешната министерка за внатрешни работи Гордана Јанкуловска веќе ги одлежа пресудените 4 години затвор.

На 10 ноември, пак, ќе се навршат шест години откако Груевски избега од Македонија во Унгарија, каде доби политички азил.

Според законот, „застареноста на извршувањето на казната настапува во секој случај кога ќе помине двапати онолку време колку што според законот се бара за застареност на извршувањето на казната“. Во казната на Груевски, делото застарува за три плус три години, објави „Призма“.

Додека траеше судењето за „Тенк“, предмет на поранешното Специјално јавно обвинителство, Груевски се бранеше дека му се врши политичко-судски прогон. Тврдеше дека против него се води неоснован предмет. Тој беше осуден за делото примање награда за противзаконито влијание.

Во предметот „Тенк“, освен Јанкуловска и Груевски, беше осуден и Ѓоко Поповски од МВР на 4 ипол години затвор, за делото злоупотреба на службената положба и овластување, исто како и Јанкуловска.

Поранешниот премиер, Зоран Заев, пак, најавуваше дека ќе го продадат „мерцедесот“ и со парите ќе купат амбулантни возила. Но, автомобилот и натаму редовно се вози, а Владата особено го користи за превезување на високите гости од странство.

На поранешниот премиер Груевски сепак му остануваат уште многу години затвор од неколку предмети на поранешното СЈО.  За предметот „Плацови на Водно“ има правосулна пресуда од 9 години затвор и таа застарува во 2043 година. За предметот „Насилство пред Општина Центар“, пак, затворската казна од една и пол година му застарува во 2027 година.

По измените на Кривичниот законик му застареа предметите ТНТ, за уривањето на комплексот „Космос“ и „Траекторија“, за провизиите за изградба на автопатиштата. Со измените на КЗ застаре и обвинението  „Феникс“, за проектите од „Скопје 2014“.

Поранешниот премиер останува обвинет во предметите „Талир 1“, „Талир 2“ и „Титаник“.

The post ЗАСТАРЕ „ТЕНК“ ЗА ГРУЕВСКИ Поранешниот премиер нема да ги одлежи двете години за набавката на мерцедесот appeared first on plusinfo.mk.

Се работи за противвоздушниот ситем Скајренџер кој ќе биде монтиран врз тенк Леопард 1. Скајренџер може да заврти цел круг од 360 степени.

Системите за оружје кои се способни да се справат со закани од краток дострел, како што се роеви од беспилотни летала и артилериски оган, сè повеќе се сметаат за клучни на линијата на фронтот во Украина, во она што се нарекува војна во прв ред со беспилотни летала.

Rheinmetall’s Lynx Skyranger 30 is a state-of-the-art multi-role air defence system. It combines superior firepower with the dynamics and elevation needed to successfully engage highly agile single or swarming targets performing loiter, pop-up or dive attacks. This makes it… pic.twitter.com/nu7R0LLQhL

— Rheinmetall (@RheinmetallAG) June 6, 2024

– Има уште многу главни борбени тенкови Леопард 1 на чија шасија би можеле да ја монтираме куполата Скајренџер со автоматски топови со калибар 35 мм – изјави Бјорн Бернхард, шеф на копнените системи во Рајнметал, за весникот Билд.

Украинската армија веќе доби близу сто тенкови Леопард 1. Тенковите беа конвенционално конфигурирани.

„Рајнметал“ се надева дека ќе го забрза времето за поправка на своите тенкови.

– Правиме планови на долг рок во Украина. Не снабдуваме опрема за потоа да се повлекуваме туку ние покажуваме дека ќе бидеме трајно таму и ќе ја поддржуваме Украина – вели Бернхард.

Бизнисот на „Рајнметал“ цвета од почетокот на војната во Украина.

Минатата недела компанијата објави дека вработува персонал од проблематичниот производител на автомобилски делови Континентал, кој намали 7.000 работни места ширум светот.

The post 📽 УКРАИНА ЌЕ ДОБИЕ „ФРАНКЕНШТАЈН“ ОД ГЕРМАНИЈА Леопардите се надградуваат со противвоздушен систем appeared first on plusinfo.mk.

Министрите потпишаа меморандум за развој на Главен копнен борбен систем (МГЦС), кој има за цел да ги замени сегашните борбени тенкови во Франција и во Германија.

Проектот МГЦС се очекува да ги замени германските тенкови Леопард два и француските борбени тенкови Леклерк.

The post ОРУЖЈЕТО СТАНА АКТУЕЛНА ТЕМА НИЗ ЕВРОПА Франција и Германија потпишаа договор за заеднички проект за вооружување appeared first on plusinfo.mk.

Oва не треба да изненади никого бидејќи во војна секогаш има иновации и револуционерни решенија, а некои од нив честопати се чудни.

Russian wunderwaffe in action. https://t.co/JjvNujG6SH pic.twitter.com/szNl0uwu9d

— Clash Report (@clashreport) April 8, 2024

Ова возило е производ на очајна потрага по одбрана од мали камикаѕе-дронови.

Never before seen cope cage design by Russian Army. pic.twitter.com/yfRLEdCnI0

— Clash Report (@clashreport) April 8, 2024

Речиси ништо не се знае за оваа модификација, но јасно е дека го покрива речиси целиот тенк и му ги ограничува прегледноста и мобилноста на екипажот.

Откако се појавија првите снимки од тенкот додека се движи како дел од конвојот, снимени од воздух, се појавија и фотографии одблиску.

Тие покажуваат груба челична конструкција со прицврстени носачи. Деминирањето ја намалува брзината на возилото, што го прави главна цел за непријателските беспилотни летала.

Се чини дека ова е моменталната екстремна еволуција на „кафезот“ кој првпат се појави непосредно пред почетокот на војната во Украина. Оттогаш, заканата од дронови ескалира.

Некогаш импровизираните кафези на тенковите сега се гледаат на други видови оклопи во сѐ посложени конфигурации. Тие се појавуваат и низ целиот свет, вклучувајќи го и Израел, а нивните фабрички верзии стануваат опции за извоз на некои типови оклопи.

Појавата на високо подвижни камикаѕе-дронови доведе до уште поголеми и посложени кафези бидејќи беспилотните летала можат да летаат под кафезот, па дури и во отворите на возилата.

Оваа најнова конфигурација во голема мера ја ограничува способноста на таквите беспилотни летала да извршат лесен напад, но со тоа го прави тенкот, во голема мера, бескорисен за напад.

Whatever it takes to protect your tank against FPV drones, Russian edition. pic.twitter.com/NiKQwNuQGU

— Clash Report (@clashreport) April 8, 2024

The post 📽📷 НОВО РУСКО ОРУЖЈЕ СО ФУТУРИСТИЧКИ ШМЕК Се појави необичен тенк на фронтот appeared first on plusinfo.mk.

Тенкот Стрв 122 е шведска модификација на германскиот Леопард 2A5 и еден од најдобро заштитените тенкови во целата војна во Украина, поради што е логично Русите да сакаат да дојдат до еден од нив, за да го анализираат, но и да го се покажат во пропагандни цели. За малку ќе успееле во тоа ако не се вмешале операторите на украински дронови, пишува Форбс.

They tried to steal a Ukrainian tank and lost two ARVs.

Two invaders’ repair and evacuation vehicles tried to remove a Ukrainian Leopard 2 from the battlefield near Terny.

The operators of the 12th Azov Brigade’s strike UAVs company disrupted the enemy’s plans. The FPV drones… pic.twitter.com/ZG8D8eDga0

— Azov Brigade (@azov_media) March 19, 2024

Шведска на Украина ѝ подари 10 од овие тенкови, а сите 10 отидоа во 21-та механизирана бригада на украинската армија, која штити еден од секторите на истокот на земјата, околу шумата Кремина. Во жестоките борби, бригадата претрпе многу напади и загуби најмалку еден Стрв 122. Аналитичарите на Орикс велат дека уште 6 од овие тенкови биле оштетени, а бригадата барем привремено оставила 5 од тие оштетени тенкови на патиштата и полињата околу Кремина.

Стандардна практика е украинските инженери да земаат оштетени тенкови и да ги испраќаат во Литванија на поправки. Најбрзиот начин Русите да го запленат Стрв 122 е да го имобилизираат и да го влечат пред Украинците да дојдат до него.

Русите во една прилика во последните десет дена добија шанса да го направат тоа. На 10 март, руско беспилотно летало ФПВ погодило Стрв 122 на еден километар источно од главниот гарнизон на 21-та бригада во Терни. Тенкиската екипа успеала да побегне, а оштетениот тенк останал напуштен.
Руските инженери први стигнале до него. Со две возила БРЕМ почнале да го влечат тенкот кон руските позиции на километар и половина од тенкот. Поминале половина од тоа растојание, но потоа биле забележани од 3-та ударна бригада на Украина, која се бори околу Авдијивка на околу 104 километри на југ. Тие испратиле еден од своите тимови за беспилотни летала да и помогне на 21-та бригада.

Операторите на дронови од 3-та ударна бригада прво го гаѓаат водечкото возило БРЕМ. Два дрона ФПВ го погодиле возилото во близина на моторот, а третиот удрил во друго возило. Четвртото беспилотно летало кружи по неподвижните возила, испитувајќи ја штетата.

Русите не стигнаа многу далеку со својот вреден плен, поминаа само половина од неутралната област што ги дели украинските и руските позиции источно од Терни.

Од видеото се гледа дека беспилотните летала на 3-та бригада ги таргетирале возилата што го влечат тенкот, но се вложиле големи напори да не се погоди самиот тенк. Неуспешниот обид на Русите да го заземат тенкот е јасен показател колку таквите операции можат да бидат опасни. Претходно, во слична акција во декември, Украинци изгубиле свое возило БРЕМ додека се обидувале да извлечат имобилизиран тенк Стрв 122.

The post 🎥 ФИЛМСКА АКЦИЈА НА ФРОНТОТ ВО УКРАИНА Русите се обиделе да украдат тенк, Украинците ги начекале со дронови appeared first on plusinfo.mk.

Вака на прашањето „дали пукаше“ му одговори млад српски војник на српскиот претседател Александар Вучиќ на средба во Ниш во средата. Вучиќ во Ниш се сретна со претставници на армијата, а на социјалните мрежи веднаш се рашири овој краток гаф.

Луѓето коментираат дека српскиот претседател не е воопшто запознаен со воената терминологија и не разликува „пукање“ од „гаѓање“.

„Се пука во воздух, а кон мета се гаѓа“, гласи еден од коментарите.

На истиот настн Вучиќ најави и дека ќе го формира т.н. Движење за Србија.

Прекоманда ко кућа pic.twitter.com/3JMbvG3jtb

— Бајо Станишић (@bajostanisic) February 15, 2024

The post 📽 „НЕ ПУКАВ ПРЕТСЕДАТЕЛЕ, ГАЃАВ“ Српски војник одговори на гафот на Вучиќ appeared first on plusinfo.mk.