Интересот за влегувањето на Роџер Федерер во Меѓународната тениска „Сала на славните“ е огромен, сите 4.500 билети за церемонијата во Њупорт беа распродадени за само две минути.

Организаторите првично пуштија во продажба 900 билети за самата церемонија, но поради огромната побарувачка отворија и дополнителна фан-зона на стадион со 3.600 седишта, каде настанот ќе се следи во живо. И тие билети исчезнаа за рекордно кратко време.

– Како мало, но историско место, нашиот капацитет е ограничен – соопшти портпарол на „Салата на славните“ на социјалните мрежи.

Од организацијата наведуваат дека очекувале голем интерес, со оглед на тоа што станува збор за првиот тенисер во историјата со 20 освоени гренд слем титули во поединечна конкуренција.

Церемонијата за 44-годишниот швајцарски ас ќе се одржи на 29 август во Њупорт, каде што заедно со него ќе биде примена и познатата телевизиска коментаторка Мери Кариљо.

Тениската „Сала на славните“, сместена во Њупорт уште од 19 век, неодамна помина низ реновирање вредно три милиони долари, токму во пресрет на свеченостите посветени на Федерер и Серена Вилијамс. Американската легенда треба да биде примена во 2027 година, освен ако не реши да ја продолжи кариерата.

The post И ПО ПЕНЗИЈАТА Е МАГНЕТ Федерер ја распродаде Салата на славните за 120 секунди appeared first on plusinfo.mk.

Еден говор, неколку реченици и треперлив глас го отворија прашањето што со години стоеше потиснато. Кого навистина сакаше тенискиот континент Aвстралија и зошто најголемиот (ГОАТ) никогаш не го прифатија како свој?

Српскиот тениски ас Новак Ѓоковиќ стоеше на Род Лејвер арената и зборуваше по поразот од младиот Шпанец Карлос Алкараз во финалето на Австралија опен.

Но, тој не плачеше за пропуштената 25. гренд слем титула. Гласот му се скрши кога зборуваше за љубовта што конечно ја почувствувал во Мелбурн. Љубов што, како што рече, никогаш порано не ја доживеал во Австралија, иако повеќе од две децении се враќа во јануари на истиот континент.

Говор што ја отвори старата рана

Мелбурн со години беше неговата тврдина по бројки. Десет титули, доминација без преседан, рекорди што ќе траат. Но, атмосферата ретко беше негова. Публиката често беше воздржана, понекогаш и отворено против него. Српските навивачи беа гласни, но изолирани. Останатиот стадион како да чуваше дистанца.

Токму таа дистанца ја препозна и австралиската новинарка Џорџи Паркер во текст објавен во „The Nightly“. Таа напиша јавно извинување во име на земјата, признавајќи дека Австралија го сакала погрешниот човек.

Никогаш доволно сакан

Во текстот Паркер потсетува дека Ѓоковиќ никогаш не бил миленик како асовите Роџер Федерер или Рафаел Надал. Неговата величина постојано морала да се докажува. Кај другите била земена здраво за готово.

„Кога (Ѓоковиќ) рече дека дури сега ја почувствувал таа љубов, тоа беше вознемирувачко“, напиша Паркер, додавајќи дека е срамно што најголемиот морал да чека до крајот на кариерата за да биде прифатен.

Депортацијата што промени сè

Над Австралија како уште да виси сенката од 2022 година, кога Ѓоковиќ беше задржан во имиграциски притвор и депортиран од Австралија пред турнирот поради неговите ставови во врска вакцинирањето против ковид-19. Случајот тогаш ја поларизираше јавноста во Австралија и остави длабока трага.

Новинарката Паркер во текстот признава дека неговите ставови за вакцинацијата одвратиле многумина, но но потенцира и дека несогласувањето со Ѓоковиќ не смее да ја избрише неговата бесмртност како спортист.

Ѓоковиќ, пишува таа, бил толериран, но не и прегрнат од Австралија. Почитуван по бројки, но не и по дух.

Историјата ќе биде пољубезна

Новите ѕвезди доаѓаат на тениското небо. Карлос Алкараз, Јаник Синер и другите веќе ги пишуваат свои приказни. Дебатата за тоа кој е најголемиот ќе продолжи. Но бројките на Ѓоковиќ се неумоливи.
Паркер завршува со едноставна, болна констатација.

„Историјата ќе биде љубезна кон Новак Ѓоковиќ. Само што Австралија можеше да биде љубезна многу порано“.

The post АВСТРАЛИЈА ПРЕДОЦНА СЕ ИЗВИНИ? Новинарка му пиша на Ѓоковиќ откако асот изјави дека „за првпат почувствувал топлина“ appeared first on plusinfo.mk.

Поранешниот шпански тенисер Рафаел Надал откри детали за својот живот надвор од теренот и откри како се справувал со емоциите и повредите што го одбележаа неговиот спортски пат.

Во интервју за „Кадена СЕР“, Надал беше прашан кој негов „Јас“ е подобар — на теренот или надвор од него.

– Дефинитивно на теренот… Никогаш во животот не сум скршил рекет, но да бидам искрен, неколку пати сум сакал да го направам тоа. Не ми беше дозволено како дете, а како возрасен, не си дозволив сам такво нешто – откри шпанскиот ас.

Надал се пензионираше минатиот ноември, по кариера што траеше речиси две децении и го вклучи меѓу најдобрите играчи во историјата на тенисот. Кога беше прашан дали би продолжил со кариерата доколку не беа повредите.

– Да не бев во добра форма, ќе продолжев да играм тенис, но имам 39 години. Никогаш не сум живеел со мислата дека без повреди можев да освојам повеќе Грен слем титули – одговори Шпанецот.

Заедно со Новак Ѓоковиќ и Роџер Федерер, Надал е дел од легендарната тројка што го обликуваше светскиот тенис во последните две децении, оставајќи трага со својот стил на игра, упорност и спортски дух.

The post НАДАЛ ЗА РЕКЕТОТ И ЕМОЦИИТЕ Никогаш не сум го скршил, но неколку пати сакав appeared first on plusinfo.mk.