НАСА испрати нов вселенски ловец по непознати светови. Телескопот „Ненси Грејс Роман“ треба да открие десетици илјади егзопланети, а можеби и до 100.000.

Неговата голема предност е огромното видно поле. Според НАСА, „Роман“ може да набљудува област од небото околу 100 пати поголема од онаа што ја опфаќа „Хабл“.

Тоа ќе му овозможи да снима огромни панорами од вселената наместо тесни делови од небото. Научниците ќе можат да следат огромен број ѕвезди и да бараат планети што кружат околу нив.

Мисијата има и многу подлабока цел. НАСА сака новите откритија да помогнат во потрагата по одговор на едно од најстарите човечки прашања, дали сме сами во вселената.

Телескопот успешно полета од Вселенскиот центар „Кенеди“ во Флорида. Околу 30 минути подоцна се одвои од ракетата на „Спејс Икс“.

Пред него сега е пат долг околу 1,6 милиони километри. Патувањето до неговата дестинација треба да трае околу 100 дена.

Оттаму „Роман“ ќе почне да го мапира небото и да бара планети надвор од нашиот Сончев Систем. Ники Фокс од НАСА очекува огромен број нови откритија.

– Роман ќе го промени начинот на кој гледаме на вселената – рече Фокс.

Falcon Heavy launches @NASA’s Nancy Grace Roman Space Telescope from pad 39A in Florida, beginning its more than three-month journey to its destination where it will generate never-before-seen photos of the universe pic.twitter.com/L3gHrBiQ08

— SpaceX (@SpaceX) August 30, 2026

Таа процени дека телескопот може да открие десетици илјади егзопланети.

– Зошто егзопланетите ни се толку важни? Бидејќи една од главните цели на НАСА е да одговори на прашањето „Дали сме сами во вселената?“ – рече Фокс.

Но егзопланетите се само еден дел од задачата. „Роман“ треба да истражува и некои од најголемите мистерии на космосот.

Меѓу нив се темната енергија и црните дупки. Неговото широко видно поле треба да им овозможи на научниците да набљудуваат огромни области од вселената.

Раководителката на проектот Џеки Таунсенд го опиша лансирањето како „величествено“.

– Беше одличен лет. Нè однесе токму таму каде што сакавме да бидеме – рече Таунсенд.

На прес-конференцијата се појави и американскиот претседател Доналд Трамп. Тој им честиташе на научниците што работеа на проектот.

– Вие сте најдобри во универзумот, а ние сме најдобрата земја во светот. Продолжете така. Вие сте важен дел од тоа – рече Трамп.

The post 📽️ НАСА ТРГНА ВО ЛОВ НА 100.000 НОВИ СВЕТОВИ Лансираше телескоп што гледа 100 пати пошироко од „Хабл“ appeared first on plusinfo.mk.

Новите податоци за таканеречената темна енергија сугерираат дека космосот повеќе не се шири забрзано, туку се скратува. Па дури, еден ден може и целосно да колабира. Со други зборови, наместо „Големо раскинување“ од претераното забрзување, може да имаме „големо смачкување во една точка“.

Во кратки црти, научниците сега сметаат дека темната енергија не е константа, туку променлива која слабее и дека, ако тоа е точно, водството во универзумот ќе го преземе силата на гравитацијата – стариот ривал на темната енергија.

До откритието дошол тимот на професорот Јонг-вук Ли од Универзитетот Јонсеи во Сеул. Тимот споредувал податоци од експлозии на големи ѕвезди, познати како супернови. Тие претпоставиле дека сите супернови немаат ист сјај. Земајќи ја притоа предвид и староста на секоја од галаксиите во која се наоѓале суперновите, тимот открил дека светлината варира повеќе отколку што се мислело.

Оваа корекција довела до неочекуван заклучок: забрзувањето на универзумот всушност, слабее. Со други зборови, темната енергија ќе стане послаба од гравитацијата, со што ѕвездите и планетите и целиот времепростор ќе се приближуваат кон себеси, што може да да доведе до смачкување, гужвање во една точка во која сè може да исчезне.

– Судбината на универзумот ќе се промени ако темната енергија не е константна. Тоа ја менува целата космолошка парадигма – изјави професорот Ли за Би-Би-Си.

Слични сигнали биле забележани и со инструментот за темна енергија (DESI), кој годинава детектираше можни промени во брзината на ширење на милиони галаксии. Иако резултатите сè уште се предмет на дебата, тие предизвикаа голем интерес во научната заедница.

Сепак, дел од астрономите остануваат внимателни. Тие укажуваат дека се потребни уше мерења на суперновите.

The post НОВО „ТЕМНО“ ОТКРИТИЕ ЗА ТЕМНАТА ЕНЕРГИЈА Универзумот не се шири туку ќе колабира? appeared first on plusinfo.mk.