Пролетта оваа година ќе ја почувствуваме уште од овој месец кој ќе биде за еден степен потопол од 30 годишниот просек, како и стабилно и суво време со многу сонце, пишува македонскиот метеопрогнозер Славчо Попоски.

Во текот на март врнежите ќе бидат под просекот за овој период, но со повремени врнежливи периоди и нестабилно време.

Деновиве пак температурите особено во Повардарието и во југоисточните предели ќе се искачат и до 20 степени, пишува Попоски на порталот Метеоаларм.

Целата подолгорочна прогноза на Попоски за март може да ја прочитате на следниов ЛИНК.

The post ВЕЌЕ ОД МАРТ ВИСТИНСКА ПРОЛЕТ Температури повисоки од 30-годишниот просек appeared first on plusinfo.mk.

Времето денеска (понеделник) ќе биде променливо облачно со повремени врнежи од дожд, наместа поројни, проследени со ретки грмежи, особено претпладне.

На повисоките планини ќе има појава на снег. Ќе дува засилен ветер од северен правец (над 70 km/h). Попладне облачноста ќе се намали.

Минималните утрински темеператури денеска ќе се движат од -1 во Маврово и во Попова Шапка, до 9 во Гевгелија и во Дојран, а максималните дневни од 5 до 16 Целзиусови степени на истите места.

Во Скопје претпладне ќе има врнежи од дожд кои повремено ќе бидат поројни. Ќе дува умерен повремено засилен ветер од северен правец.

И во следниве три дена ќе преовладува променливо облачно време, попладне со повремен локален дожд пообилен во западните делови од земјата. Ќе дува слаб до умерен, а попладне долж Повардарието повремено засилен ветер од јужен правец.

The post ДЕНОВИВЕ НИКАДЕ НЕ ОДЕТЕ БЕЗ ЧАДОР Секој ден ќе врне барем претпладне appeared first on plusinfo.mk.