Минимална плата од 600 евра и зголемување на сите останати плати за 6.000 денари ќе повлечат 1,25 милијарди евра за масата за плати во јавниот и во приватниот сектор, изјави гувернерот на Народната банка, Трајко Славески во синоќешното интервју во „Вин-Вин“ на ТВ Телма.

Тој вели дека не е случајно што сите не го поддржуваат тоа барање.

– Занаетчиската комора, малите и средни претпријатија. 1,250 милијарди евра. Знаете што би значело тоа? Тоа би значело потоп за илјадници претпријатија во Македонија и масовна невработеност – рече тој.

Од позиција на Народна банка, Славески вели дека тоа би значело повисока инфлација, драстично, поголема цена на кредитите, и станбени и потрошувачки.

– Некој мора да ја плати цената. Нема бесплатен ручек –  предупреди Славески.

The post МИНИМАЛНА ПЛАТА ОД 600 ЕВРА И 100 ЕВРА ПОВИСОКИ ПЛАТИ ЌЕ ЗНАЧАТ ПОТОП ЗА ИЛЈАДНИЦИ ПРЕТПРИЈАТИЈА И МАСОВНА НЕВРАБОТЕНОСТ Славески вели дека тоа ќе ја крене инфлацијата и ќе ги поскапи кредитите appeared first on plusinfo.mk.

Поранешниот градоначалник на Скопје и истакнат член на СДСМ Петре Шилегов побара оставка од актуелното раководство на партијата поради катастрофалните резултати од работењето.

– Да ја сведете поддршката на партијата на само стотина илјади гласови и само 15 пратеници, да станете петта партија во Скопје, трета во Македонија, што е тоа ако не катастрофа – рече Петре Шилегов во настап на емисијата Топ Тема на телевизија Телма

– Ќе дојде до определени барања не само од моја страна, туку од сериозна групација во партијата, меѓу кои има и актуелни пратеници, кои исто така немаат никаква комуникација со раководството. Кога ќе излезат од партијата дел од пратениците, можеби половина од пратеничката група, кога дел од општинското раководство ќе ви ги затвори вратите, тогаш ќе сфатите дека мора да си заминете од функција – рече Шилегов.

Тој потсети дека беше тргнат од потпретседателската функција во тнр. Операција „Метла“, а вториот пат не бил свикан конгресот кој го барала јавно поголема група активни партиски членови по локалните избори. Тој ја оспорува легитимноста на конгресот на партијата што го најави лидерот Филипче, со оглед што постои голема апатија во партијата и пасивизација на членството, како и изолација на партија.

– Ние немавме отчетен Конгрес за причините за поразот на СДСМ во изборите 2021. Согласно статутот мораше да има Конгрес тој Конгрес не беше одржан. После парламентарните избори 2024 пропадна Конгресот и сега се одржува Конгрес којшто до делегатите на Конгресот и до општинските организации на СДСМ не се испратени конгресните материјали, не се испратени предлог заклучоците, ниту се испратени предлог политички одлуки коишто треба да бидат разгледувани и донесени на самиот конгрес – рече Шилегов.

Тој објасни дека според статутот на партијата, општинските организации треба да ги разгледаат конгресните материјални, предлог заклучоците и да донесат свои мислења и видувања со цел делегатите да завземат одреден став, меѓутоа истите не биле испратени.

Според него, изгубен е социјалдемократскиот идентитет на партијата, а членовите не можат да се идентификуваат, а уште помалку да ја поддржат актуелната политика и одлуки што ги носи раководството.

Тој рече дека е спорна одлуката на лидерот Филипче да не учествува во лидерската средба, што не е одлука донесена од партиските тела, а објаснувањето „не седиме на маса со криминалци“, според него е апсурдно.

Исто така, според Шилегов, не е донесена никаква одлука на партиските тела да не се поддржува проектот „Безбеден град“ – став кој лидерот Филипче повеќе пати го артикулира, со објаснување дека камерите на системот може да се употребат против опозицијата. Според него, таквата позиција не е став на партиајта, туку лично гледање на Филипче.

– Убеден сум дека со вакво ВМРО-ДПМНЕ, ако се консолидираме за два месеци, на следните избори може да го поразиме. Поразително е да имате мнозинско опозициско расположение во земјата, а како опозициска партија СДСМ да се бори со ДУИ и со Левица, за втора и трета опозициска партија, а не да биде лидер на опозицијата. Ако дојде до брза промена на раководењето и креирањето на политики на СДСМ, јас ви гарантирам дека на следните вонредни избори, ваквото неспособно ВМРО-ДПМНЕ, СДСМ ќе го порази – рече Петре Шилегов во настап на емисијата Топ Тема на телевизија Телма.

Тој одговори на нападите од СДСМ дека „одработува за ВМРО-ДПМНЕ“ или дека „станал вмровец“ оценувајќи дека тоа се обиди за лична дискредитација и импутирања, кои се резултат на тоа што раководството нема што да одговори на неговите критики, аргументи и тези.

– Кога немате што да му одговорите во тезите на Шилегов, ќе измислувате се и сешто, дека како адвокат сум работел за вмровски претпријатија, дека сум пиел, тоа е резултат на немање аргументи.  Јас очекувам такви напади и после ова интервју, особено на социјалните мрежи – рече поранешниот градоначалник на Скопје во настапот на Телма.

The post ФИЛИПЧЕ ИГРА СОЛО, ВОДИ АПСУРДНИ ПОЛИТИКИ, НАСКОРО ЌЕ ИЗГУБИ ПОЛОВИНА ПРАТЕНИЧКА ГРУПА Петре Шилегов најавува силен внатрешен отпор во опозициската партија appeared first on plusinfo.mk.

Градоначалникот на Град Скопје, Орце Ѓорѓиевски, изврши кадровски промени во дел од градските јавни претпријатија, со назначување нови в.д. директори на „Дрисла“ и „Градски паркинг“, објави Телма телевизија

На чело на „Дрисла“ од вчера седна Стевче Трпковски, поранешен градоначалник на општина Сопиште во три мандати. Тој доаѓа на местото на Самир Хусени, кој ја извршуваше функцијата во периодот кога со Град Скопје раководеше Данела Арсовска.

Промени има и во „Градски паркинг“, каде нов в.д. директор е Владимир Кроневски од коалицијата Демократски сојуз. Тој ја заменува досегашната раководна фигура, Мартин Гаврилски.

Со овие нови назначувања, градската администрација продолжува со кадровските усогласувања во пресрет на новиот циклус урбани и комунални проекти во Скопје.

The post НОВИ В.Д. ДИРЕКТОРИ ВО „ДРИСЛА“ И ВО „ГРАДСКИ ПАРКИНГ“ Ѓорѓиевски ги назначи Стевче Трпковски и Владимир Кроневски appeared first on plusinfo.mk.

И утре да се случат уставни измени ние не сме спремни да ги почнеме преговорите да ги отвориме поглавјата – рече претседателот на СДСМ Венко Филипче во гостување на ТВ Телма.

Филипче рече дека во изминатиот период и во претходните мандати се решиле крупни договори како што е Преспанскиот договор, со кој Македонија влезе во НАТО и ги обезбеди границите.

– Дали се разочаравме од тоа што немаше чекор напред кон ЕУ – да. Дали сме ние поголеми предавници што ја сакаме земјата интегрирана во Европа и богата благодарение на европските фондови, наспроти ВМРО-ДПМНЕ што ја сака изолирана и сиромашна како што ја држи – праша Филипче.

На прашање за предлог-резолуцијата за тнр. „црвени линии“ што ја подготви СДСМ, Филипче рече дека таму нема никакво предавство, туку тоа е само еден инструмент.

– Во резолуцијата не стои ништо друго од сите историски елементи од 1991 па наваму, за стратешки правци, интеграција во ЕУ, декларација донесена за црвени линии на барање на ВМРО-ДПМНЕ пред неколку години во Собрание, која заеднички ја изгласавме – рече Филипче.

Лидерот на СДСМ потенцираше дека документот е работна верзија која била испратена до сите партии, од кои се уште нема одговор.

– Зарем има попатриотски документ, позади кој заедно стоиме за црвените линии? Тоа им е дадено на партиите, да ги чуеме нивниот фидбек, и потоа заедно да одиме во Собранието. И утре да се случат уставни измени ние не сме спремни да ги почнеме преговорите, да ги отвориме поглавјата затоа што трите главни патокази не се донесени – за владеење на правото, акцискиот план, малцинствата, за јавната админситрација, ништо не е донесено. Тие едноставно не работат на реформите – рече Филипче.

The post НЕМА ПОПАТРИОТСКИ ДОКУМЕНТ ОД РЕЗОЛУЦИЈАТА ШТО ЈА ПРЕДЛАГАМЕ Филипче прашува кога партиите ќе се изјаснат за предлогот на СДСМ appeared first on plusinfo.mk.

Градоначалникот на Чаир, Изет Меџити денеска во гостувањето во емисијата „Директно“ на Телма изјави дека меѓу него и градоначалникот на Тетово, Биљал Касами ќе се избира идниот лидер на Вреди.

– Тука некаде е. Тој е повеќе фактор во Тетово, јас во Скопје. Ова се два главни града каде се концентрирани Албанците и затоа работиме на креативни решенија. Има повеќе решенија низ партиите во Европа, разгледуваме модели од Германија – рече Меџити.

The post ВРЕДИ ЌЕ ИЗБИРА ЛИДЕР МЕЃУ МЕЏИТИ И КАСАМИ Коалицијата разгледува креативни решенија по европски модел appeared first on plusinfo.mk.

Домот на тетовчанката Живка Велјановска остана без природна дневна светлина, откако новоизграден објект веднаш до нејзината куќа ѝ го затвори прозорецот, и покрај нејзините поплаки и жалби до надлежните служби, објави телевизија Телма.

Според сторијата на телевизијата, за новоизградениот објект општина Тетово дала одобрение за градба кое било поништено од Министерството за транспорт и врски. Потоа соседот побарал ново одобрение за градба од општината кое било прифатено и од второстепена комисија во Министерството.

Велјановска го обжалила и ова второ одобрение пред Управен суд и пред Виш управен суд, но веќе шест месеци за нејзината жалба нема одлука, а соседот во меѓувреме ја подигнал својоата карабина и целосно го соѕидал прозорецот на тетовчанката.

– Освен што се соочуваме со неправда има и постојани проблеми и закани од соседот. Сме повикале и полиција и инспекција и сите надлежни институции, нема кај не сме биле, но никој ништо не ни помага. Се вртиме во лавиринт. Ни изгради објект позади, ни затвори прозири, ја исече стреата, куќата ни ја разниша, олуците ги оштети, чатија треба да се направи. Не не пушта да исчистиме горе оџак, паѓаат ќерамиди – се жали граѓанката на Тетово во сторијата на Телма.

Телевизијата побарала, но не добила образложение од Општина Тетово и Министерството за транспорт и врски како е можно за истиот предмет еднаш да не се дозволува градба, а со второто барање да му се одобри градењето на соседот на Велјановска.

The post НОВОГРАДБА ОД СОСЕДОТ Ѝ ГО „СОЅИДАЛА“ ПРОЗОРЕЦОТ Тетовчанка бара заштита од институциите appeared first on plusinfo.mk.

„Македонското градежништво мора да расте. Првите бројки се многу оптимистички бидејќи првото полугодие споредено со минатата година бележиме раст во градежништвото од 9 %, а растот на услуги по транспорт е 6,1 % и тоа е далеку над растот кој го има државата“.

Вака објасни вицепремиерот Николоски во интервјуто на „Топ Тема“.

Николоски истакна дека крупните капитални проекти се реализираат со одлична динамика, а фокусот во следниот период треба да се стави на малите и средни градежни фирми. Директната помош на Владата кон општините изнесува преку 500 милиони евра.

– За да потикнеме еконoмски развој таков како што сакаме, почнавме на подржување на општините. Тоа со децении се зборуваше и еве сега се подржуваат. Средствата се дел од Светска банка, дел од буџет, лани 100 милиони евра, оваа 250 милиони евра подршка. Ако на тоа додадеме програми на неколку други министерства стигнуваме до 500 милиони евра – вели Николоски.

Вицепремиерот и министер за транспорт потенцира дека Владата се соочува со проблем каде градежните фирми не можат да ја следат бројноста и динамиката на проектите што ги нуди Владата.

– И сега се соочуваме со ситуација дека тие проекти не можат да се реализираат бидејќи изведувачите што ги добиле тие проекти не работат согласно темпото во договорот. Ние за првпат имаме ситуација да имаме пари, а фирмиве да не ја следат амбицијата на Владата. И прифаќам објективен одговор од компаниите дека децении наназад градежниот сектор бил запоставен и дека не можат да растат повеќе од 15 до 20% годишно. Тоа што не го прифаќам е како се нафаќаат за работа којашто не можат да ја испорачаат – вели вицепремиерот Николоски.

Тој истакна дека континуирано се води дијалог меѓу Стопанските комори и Владата со цел да се постигне баланс и да се надмине оваа состојба.

The post ДВА СЕКТОРИ РАСТАТ БРЗО, ЈА СЛЕДАТ ДИНАМИКАТА НА КАПИТАЛНИ ПРОЕКТИ Градежништвото се наголемило за 9% во споредба со лани, услугите по транспорт за 6,1% appeared first on plusinfo.mk.

Телевизија Телма вечерва реагираше со демант на тврдењата на лидерот на Левица, Димитар Апасиев, кој на својот Фејсбук профил ја обвини телевизијата дека не му дозволила на кандидатот за градоначалник на Скопје, Амар Мециновиќ, да се појави на интервју, откако противкандидатот Орце Ѓорѓиевски одбил учество во дебата.

„Во интерес на вистината би сакале да потенцираме дека Телевизија Телма има еднаков, доследен и професионален однос кон сите кандидати на локалните избори“, се наведува во реакцијата на телевизијата.

Од Телма објаснуваат дека по одбивањето на дебатата од страна на Ѓорѓиевски, уредниците веднаш стапиле во контакт со Мециновиќ, кому му било понудено интервју истиот ден, по истиот принцип како и за другите кандидати.

„Мециновиќ културно се заблагодари на нашиот професионален однос, но не ја прифати поканата“, соопшти телевизијата.

Во реакцијата се додава дека Телма воопшто не ја најавила дебатата, бидејќи до последен момент чекала потврда од двајцата кандидати.

„Поканата веднаш ја прифати Мециновиќ, а Ѓорѓиевски во текот на вчерашниот ден испрати известување дека нема да гостува“, наведуваат од Телма, со што ја отфрлаат тезата дека имало забрана или медиумска неправда кон некој од кандидатите.

Со оваа реакција, Телма ја отфрли обвинувачката објава на Димитар Апасиев и порача дека ќе продолжи да ги третира сите кандидати еднакво и професионално, во согласност со стандардите на медиумската етика.

The post АПАСИЕВ ЈА ОБВИНИ ТЕЛМА, ТЕЛМА ОДГОВОРИ ЖЕСТОКО Мециновиќ сам одлучи да не дојде, не сме го спречиле, велат од телевизијата appeared first on plusinfo.mk.

„Куманово беше заробено во минатото од грст луѓе кои буквално го опустошија, а ништо не направија за барем малку да ја променат сликата за Куманово на подобро. Спротивно ние – јас и мојот тим во последните осум години ја ослободуваме Општината од стегата на овие луѓе, кои сега сакаат да се јават во улога на ‘спасители“.

Вака истакна лидерот на Движењето ЗНАМ – За наша Македонија и кандидат за градоначалник на Општина Куманово, Максим Димитриевски, на последното телевизиско соочување со противкандидатите пред првиот круг на избори в недела.

На жестоката дебата која се водеше пред публика во Занаетчискиот дом во Куманово и која на моменти наликуваше на лична пресметка на противкандидатите со Димитриевски, тој посебно му се заблагодари на опонентот Мартин Костовски од СДСМ, велат од ЗНАМ.

– Му благодарам на Мартин што во текот на оваа кампања ми направи бесплатна реклама споменувајќи ми го името три-четири илјади пати, за што ќе му дадам благодарница по изборите. Сакам да кажам, не може луѓето околу Костовски, што го протежираат него и се креатори на сите проблеми со кои се соочува Куманово, сега да се јават во улога на понудувачи на решение – изјави Максим Димитриевски.

Тој го потенцираше, како што изјави, моментот на напредокот на Општината во текот на последните осум години откако е градоначалник. Димитриевски спомна дека во десетина и повеќе населени места немаше еден метар асфалт, додека, како што рече, во моментов над 90 отсто во тие места е асфалтирано.

– Има уште многу работа, но тоа е и обврска на градоначалникот, да работи во интерес на граѓаните – вели лидерот на ЗНАМ.

Димитриевски најави нови сообраќајници и кружни текови, зголемен опфат на градење на инфраструктурата, водоводна, канализациска и гасоводна. На прашање од публиката за пристапноста во градот – , по улиците, до работните места, градинките, продавниците, за лица со посебни потреби, Димитриевски одговори дека максимално се посветени за подобрување на условите и за оваа категорија граѓани и тоа е видливо со голо око.

Што се однесува до локалната економија, Димитриевски рече дека е особено горд на инвестицијата од 115 милиони евра од Лидл и го демантираше противкандидатот дека таа е донесена кога СДСМ била на власт.

– Со неа, со уште неколку други, вработени се стотици наши сограѓани. Помагаме и на домашните бизниси под еднакви услови како и на странските да се развиваат, даваме поддршка и за млади претприемачи, работиме за создавање на логистика за нови бизниси. И, како резултат на сето тоа – во моментов Куманово и неговата индустриска зона „Новина и Речици“ е најатрактивно место за инвестирање не само во Македонија туку и пошироко – рече Димитриевски.

Лидерот на ЗНАМ потоа зборуваше за иднината на Куманово.

– Затоа не се согласувам дека Куманово нема перспектива. Работиме секојдневно и интензивно, доказ се 800 проекти за осум изминати години. Не е така црно, како што некој упорно се обидува да прикаже. Куманово е, слободно може да речам, еден од најперспективните градои не само во државата туку и во југоисточна Европа особено со изградбата на Коридорите 8 и 10. И, Куманово ќе продолжи да се развива и да се менува – дециден беше Димитриевски.

The post „НЕ МОЖЕ КРЕАТОРИТЕ НА ПРОБЛЕМИТЕ НА КУМАНОВО СЕГА ДА СЕ СПАСИТЕЛИ“ Осум години ЗНАМ го ослободува градот од СДСМ, вели Димитриевски appeared first on plusinfo.mk.

Новинарот Боби Христов објави дека овој чекор на шефот на државата Стево Пендаровски е за црвен картон.

Иако во своите говори на митинзите Пендаровски зборува за дебати и соочувања, очигледно е дека бега од соочување со противкандидатите.

The post ЦРВЕН КАРТОН ЗА СТЕВО ПЕНДАРОВСКИ Кандидатот за претседател од СДСМ одбил да се појави на телевизиска дебата appeared first on plusinfo.mk.