Селото Лепаја, во близина на Мерошина, стана центар на вниманието поради настан што не се памети во историјата на сточарството — не само во овој крај, туку и во цела југоисточна Србија. Кравата Беба, од домаќинството Младеновиќ, на свет донесе четири телиња — здрава и витална четворка.

Семејството имало претчувство дека ќе се случи нешто необично, но никој не очекувал вакво чудо.

– Сопругата претпоставуваше дека ќе бидат близнаци. И самиот ветеринар што ја осемени рече дека ќе бидат близнаци. Ама, ете, се случи да бидат два пати по две – раскажува Миодраг Младеновиќ, гордиот сопственик.

Телењето започнало ноќе, а на семејството му помагал Зоран, самоук ветеринар. Додека го допирал стомакот на кравата, почувствувал необично многу нозе, но не ни помислил што навистина се крие внатре.

– Мислев дека ќе биде теле со пет, шест нозе. Се случувало да се родат и со две глави, ама четири телиња — тоа не ми се случило – признава тој, видно изненаден.

По третото теле, Зоран и другите помагачи биле убедени дека завршиле, па отишле на кафе. Миоодраг останал со кравата и телињата, а додека тие пиеле кафе — на свет дошло и четвртото теле, пренесува порталот „ВидиВамо“.

– Јас не паметам да се отелила една крава со четири телиња, дури ни во цела југоисточна Србија – додава Миодраг.

Иако се малку поситни од вообичаено, телињата се здрави и силни. Веќе добиле имиња: Деки, Санела, Касандра и Боки.

– Јас сега имам четири бебиња – гордо рекла сопругата на Миодраг — реченица што најдобро ја опишува радоста и среќата што завладеале во дворот на Младеновиќ.

Овој неверојатен настан брзо се прошири низ целиот крај, а мештаните велат дека нешто слично не се памети. Приказната за кравата Беба и нејзините четворки стана вистинска инспирација и доказ дека чуда навистина се случуваат — токму таму каде што најмалку ги очекуваме.

 

View this post on Instagram

 

A post shared by Vidi Vamo (@vidivamo)

The post 🎥 „СЕ СЛУЧУВАЛО ДА СЕ РОДАТ СО ДВЕ ГЛАВИ, АМА ОВА НИКОГАШ НЕ СЕ СЛУЧИЛО“ Кравата Беба од Србија го шокираше регионот со својата рожба appeared first on plusinfo.mk.

Според соопштението на косовското МВР, во два одвоени случаи, во општина Витина, во близина на косовско-македонската граница, биле откриени камиони, обата со косовски таблички и управувани од косовски државјани, кои ја превезувале стоката за која не поседувале соодветна документација.

Во приколката на камионот фатен во селото Рамијан се пронајдени 57 грла овци, додека во приколката на камионот запрен на регионалниот пат меѓу Витина и месноста Пожоран имало шест телиња.

– Има сомневања дека животните се внесени во Република Косово преку илегални патишта од Република Северна Македонија. Случаите се во процес на истрага од страна на пограничната полиција, во соработка со соодветното обвинителство, инспекторите на Агенцијата за ветеринарство и храна и Царините на Косово – се вели во соопштението.

The post ШВЕРЦУВАНИ ОВЦИ И ТЕЛИЊА ОД МАКЕДОНИЈА ВО КОСОВО Влегле преку илегални патишта appeared first on plusinfo.mk.