Премиерот Христијан Мицкоски денеска телефонски разговарал со премиерот и министер за надворешни работи на Катар, шеик Мохамед бин Абдулрахман Ал-Тани.

„Изразив поддршка за државата и разбирање за сложеноста на ситуацијата на Блискиот Исток. Разменивме мислења и за актуелните регионални и глобални предизвици, при што ја нагласивме важноста од стабилноста, мирот и соработката. Заеднички ја истакнавме заложбата за натамошно зајакнување на пријателските односи и отворање нови можности за соработка во интерес на нашите граѓани и економии“, објави Мицкоски на неговиот профил на Фејсбук.

The post МИЦКОСКИ РАЗГОВАРАЛ СО ШЕИКОТ ОД КАТАР Се заложиле за зајакнување на пријателските односи и за нови соработки appeared first on plusinfo.mk.

Министерот за надворешни работи и надворешна тргвија Тимчо Муцунски на Фејсбук објави дека денеска телефонски разговарал со новоименуваната шефица на бугарската дипломатија Надежда Нејнски.

„Упатив искрени честитки по повод нејзиното именување и ѝ посакав успех во извршувањето на функцијата. Во разговорот нагласив дека односите меѓу двете земји треба да се градат врз принципите на добрососедство, пријателство и конструктивна соработка. Воедно, иницирав билатерална средба која би се реализирала во наредниот период“, пишува Муцунски.

The post МУЦУНСКИ ИНИЦИРАШЕ СРЕДБА СО НОВАТА КОЛЕШКА ОД БУГАРИЈА „Ѝ посакав на Надежда Нејнски успех, добрососедство и соработка“ appeared first on plusinfo.mk.

Американскиот претседател Доналд Трамп попладнево објави дека го завршил телефонскиот разговор со рускиот претседател Владимир Путин, на кој, меѓу другото, се разговарало за состанок меѓу двајцата претседатели во Будимпешта, Унгарија каде би се дискутирале можностите за крај на војната меѓу Русија и Украина.

„Се согласивме дека следната недела ќе има состанок на нашите советници на високо ниво. Првичните состаноци на Соединетите Американски Држави ќе ги води државниот секретар Марко Рубио, заедно со разни други лица, кои ќе бидат одредени. Локацијата на состанокот треба да се одреди. Потоа, претседателот Путин и јас ќе се сретнеме на договорена локација, Будимпешта, Унгарија, за да видиме дали можеме да ја завршиме оваа ‘неславна’ војна меѓу Русија и Украина“, напиша Трамп на „Truth Social“.

Американскиот претседател додаде дека утре ќе се сретне со украинскиот претседател Володимир Зеленски во Овалната соба, каде што ќе разговара за неговиот разговор со Путин.

„Верувам дека е постигнат голем напредок со денешниот телефонски разговор“, објави Трамп, додавајќи дека разговорот со рускиот претседател бил „многу продуктивен“.

„Претседателот Путин ни честиташе мене и на Соединетите Американски Држави за Големото достигнување на мирот на Блискиот Исток, нешто за кое, рече тој, се сонува со векови“, посочи Трамп.

„Всушност, верувам дека Успехот на Блискиот Исток ќе ни помогне во нашите преговори за постигнување крај на војната со Русија и Украина. Претседателот Путин ѝ се заблагодари на првата дама, Меланија, за нејзината вклученост во грижата за децата. Тој беше многу благодарен и рече дека ова ќе продолжи“, се наведува во објавата на американскиот претседател.

The post ЌЕ СЕ СРЕТНЕМЕ СО ПУТИН ВО БУДИМПЕШТА, РЕЧЕ ТРАМП ПО ДВОЧАСОВНИОТ ПОВИК Шефот на САД тврди дека е постигнат голем напредок appeared first on plusinfo.mk.

Рускиот претседател Владимир Путин верува дека „има добри карти“ пред закажаниот телефонски разговор со американскиот претседател Доналд Трамп, кој е закажан за денеска, анализира Блумберг. Според медиумот, Путин не планира да направи никакви сериозни отстапки за време на разговорот, бидејќи е подготвен на долготрајна војна.

Извор од врвот на руската влада за Блумберг вели дека Путин е уверен дека до крајот на 2025 година, руските вооружени сили ќе ја пробијат одбраната на Украина и ќе стават под целосна контрола четири клучни области, Донецката и Луганската народна република (ДНР и ЛНР), како и Херсонската и Запорошката област.

Аналитичарите на Блумберг гледаат само една позитивна опција за Западот – Путин да ги прецени своите способности и на тој начин да го испровоцира Трамп да спроведе закани со нови санкции за да го запре „крвопролевањето“ во Украина, како што го нарекува американскиот претседател.

Во моментот европските лидери се загрижени за можен изненадувачки договор меѓу Вашингтон и Москва и се обидуваат да го одвратат Трамп од донесување брзи одлуки што би ѝ користеле на Русија. Блумберг анализира дека Европа, инсистирајќи на претпазлив пристап и одложувајќи, всушност му дава на Путин дополнително време да ги спроведе своите планови.

„Москва го користи ова многу вешто, бидејќи во моментов не изгледа како страна што го отфрла договорот, туку како поранешен сојзуник на САД“, се наведува во текстот.

Во телефонски разговор со Трамп на 16 мај, украинскиот претседател Володимир Зеленски изгледал „депресивен и исцрпен“, извести Блумберг. Од друга страна, според изворите на медиумот, Путин е оптимист во врска со идните односи со САД.

The post ПУТИН ИМА ДОБРИ КАРТИ И НЕМА ДА ПРИФАТИ НИШТО ОД ТРАМП? Блумберг пишува дека рускиот лидер е спремен за долга војна appeared first on plusinfo.mk.

Американскиот претседател Доналд Трамп изјави дека ќе разговара со рускиот претседател Владимир Путин во понеделник во 16.00 часот по средноевропско време.

„Темата на разговорот ќе биде запирање на крвопролевањето во кое просечно умираат по 5.000 руски и украински војници неделно, како и запирање на трговијата“, напиша Трамп на својата мрежа Truth Social.

Тој додаде дека потоа ќе разговара со украинскиот претседател Володимир Зеленски и одредени членки на НАТО.

„Се надевам дека ќе биде продуктивен ден, дека ќе има примирје и дека оваа насилна војна, војна што никогаш не требаше да започне, ќе заврши“, напиша Трамп.

Пред разговорот Трамп вчера разговарал и со лидерите на Франција, Велика Британија, Германија и Италија.

– Пред разговорот на претседателот Трамп со претседателот Путин, лидерите дискутираа за потребата од безусловен прекин на огнот и потребата претседателот Путин сериозно да ги сфати мировните преговори изјави портпарол на британскиот премиер Кир Стармер.

По разговорите меѓу Киев и Москва во Истанбул во петокот, шефовите на држави и влади „исто така разговараа за употреба на санкции доколку Русија сериозно не се вклучи во прекин на огнот и мировни преговори“, наведе британската влада.

„Претседателот Путин треба да докаже дека навистина сака мир и да го прифати безусловниот 30-дневен прекин на огнот предложен од претседателот Трамп, а поддржан од Украина и Европа“, напиша францускиот претседател Емануел Макрон на X.

– Европејците и Американците се одлучни заедно да работат на насочен начин за брзо завршување на оваа страшна војна, рече германскиот канцелар Фридрих Мерц вчера по првата миса на поглаварот на Римокатоличката црква, папата Лав XIV.

Мерц додаде дека се направени „некои мали чекори напред во последните денови, бидејќи завојуваните страни разговараат една со друга“. Германскиот канцелар го изјави тоа два дена по првите разговори од пролетта 2022 година кои не резултираа со примирје.

Францускиот, британскиот и германскиот лидер веќе разговараа во петокот со Трамп, како и со полскиот премиер Доналд Туск.

Во меѓувреме, украинскиот претседател Володимир Зеленски во неделата во Рим разговараше со потпретседателот на САД Џеј Ди Венс „околу половина час“ по средбата со папата.

The post ДЕНЕСКА ТРАМП ЌЕ СЕ УБЕДУВА СО ПУТИН Ќе запре ли војната во која гинат по 5.000 војници неделно? appeared first on plusinfo.mk.

Во понеделник, во 10 часот наутро, ќе разговарам телефонски со претседателот Владимир Путин од Русија. Темите на разговорот ќе бидат запирање на „крвопролевањето“ што убива, во просек, повеќе од 5000 руски и украински војници неделно, и трговијата, соопшти американскиот претседател Доналд Трамп.

Тој на својата социјална мрежа Трут Соушл информира дека потоа ќе разговара со украинскиот претседател Володимир Зеленски, а потоа со Зеленски и со различни членови на НАТО.

„Се надевам дека ќе биде продуктивен ден, ќе се случи прекин на огнот и оваа многу насилна војна, војна што никогаш не требаше да се случи, ќе заврши“, напиша претседателот Трамп.

Портпаролот на Кремљ, Дмитриј Песков, пред руските новински агенции потврди дека се подготвува телефонски разговор меѓу лидерите на Русија и САД.

„Разговорот се подготвува“, рече Песков, коментирајќи ја објавата на американскиот претседател Доналд Трамп.

Претходниот телефонски разговор меѓу претседателите Трамп и Путин се одржа на 18 март.

The post ДА ЗАВРШИ НАСИЛНАТА ВОЈНА ШТО НИКОГАШ НЕ ТРЕБАШЕ ДА СЕ СЛУЧИ Трамп ќе разговара со Путин, па со Зеленски и со членки на НАТО appeared first on plusinfo.mk.

Премиерот Христијан Мицкоски вчера телефонски разговарал со американскиот државен секретар за економија Хауард Лутник за македонско-американското стратешко и економско партнерство.

Како што објави на Фејсбук премиерот, во разговорот било нагласено дека стратешкото партнерство со САД е врвен приоритет за Владата.

„Во духот на блиското македонско-американско партнерство, потврдивме дека нашите односи се цврсти, пријателски и исполнети со заемна доверба, при што истакнав и дека стратешкото партнерство со САД е врвен приоритет за Владата. Ја нагласив важноста на американската поддршка за стабилен и просперитетен Балкан, а посебно за прашањата кои се од витално значење за економската соработка. Се согласивме да продолжиме да го развиваме стратешкото и економско партнерство помеѓу двете земји“, напиша Мицкоски во објавата.

The post МИЦКОСКИ ТЕЛЕФОНСКИ РАЗГОВАРАЛ СО МИНИСТЕРОТ ЗА ЕКОНОМИЈА НА САД Ги потврдиле цврстите односи меѓу САД и Македонија appeared first on plusinfo.mk.

„Овој дијалог е од особена важност и за изградба на цврста основа за развој на билатералните односи и за решавање на регионалните и глобалните предизвици поврзани со обезбедувањето на безбедноста, борбата против тероризмот и справувањето со нелегалната миграција“, се наведува во информацијата од Кабинетот на бугарскиот претседател Радев.

The post СИЉАНОВСКА И РАДЕВ ИМАЛЕ ТЕЛЕФОНСКИ РАЗГОВОР Темата била важноста од контруктивен дијалог на највисоко ниво appeared first on plusinfo.mk.

Американскиот претседател во интервју за Њујорк пост изјави дека телефонски разговарал со Путин за завршување на војната во Украина.

Трамп, запрашан колку пати разговарал со Путин, истакна дека е „подобро да не кажува“.

– Тој (Путин) сака да види дека луѓето ќе престанат да умираат – посочи Трамп.

Трамп за Њујорк пост истакна дека „отсекогаш имал добри односи со Путин“ и дека има конкретен план за ставање крај на војната, но, не откри повеќе детали.

– Се надевам дека ќе биде брзо. Луѓето умираат секој ден. Оваа војна е толку лоша за Украина. Сакам да заврши оваа проклета работа – истакна Трамп.

Минатиот месец портпаролот на Кремљ, Дмитриј Песков, изјави дека Путин е подготвен телефонски да разговара со претседателот на САД.

Трамп најави и средба со украинскиот претседател Володимир Зеленски.

ТРАМП СЕ СЛУШНАЛ СО ПУТИН НА ТЕЛЕФОН Претседателот на Русија веќе не сака крвопролевање

The post ЗБОРУВАА ЛИ ПУТИН И ТРАМП НА ТЕЛЕФОН? Русија не потврдува, но не ни демантира дека се случил разговор меѓу двајцата претседатели appeared first on plusinfo.mk.

Трамп запрашан колку пати разговарал со Путин, истакна дека е „подобро да не кажува“.

– Тој (Путин) сака да види дека луѓето ќе престанат да умираат – посочи Трамп.

Трамп истакна дека „отсекогаш имал добри односи со Путин“ и дека има конкретен план за ставање крај на војната, но не откри повеќе детали.

– Се надевам дека ќе биде брзо. Луѓето умираат секој ден. Оваа војна е толку лоша за Украина. Сакам да заврши оваа проклета работа – истакна Трамп.

Минатиот месец портпаролот на Кремљ, Дмитриј Песков, изјави дека Путин е подготвен телефонски да разговара со претседателот на САД.

Трамп најави и средба со украинскиот претседател Володимир Зеленски.

Тој се осврна и на Иран, истакнувајќи оти преферира да склучи договор за иранската нуклеарна програма.

– Би сакал договор пред да ги бомбардирам… Тие не сакаат да умрат. Никој не сака да умре… Ако склучиме договор, Израел нема да ги бомбардира – наведе американскиот претседател.

Но, тој не откри детали за можните преговори со Иран и одби да каже што ќе му понуди на Техеран за возврат.

– Не можам да го кажам тоа бидејќи е премногу непријатно. Нема да ги бомбардирам – истакна Трамп.

The post ТРАМП СЕ СЛУШНАЛ СО ПУТИН НА ТЕЛЕФОН Претседателот на Русија веќе не сака крвопролевање appeared first on plusinfo.mk.