Лажен лекар од Македонија е уапсен и е во днодневен притвор во Врање под сомнение дека измамил тројца граѓани.

Српското Министерство за внатрешни работи соопшти дека од 4 до 13 јуни 56-годишниот С.К. им се јавувал на граѓани од областа на Врање на нивните фиксни телефони и ги убедувал дека нивни блиски се тешко повредени и дека итно им се потребни пари.

По телефонските разговори, како што се сомневаат истражителите, одел на адресите на оштетените и од нив земал големи суми пари.

Апсењето, според српското МВР, било извршено во соработка меѓу полицијата во Врање и Регионалниот центар на граничната полиција.

The post ЛАЖЕН ЛЕКАР ОД МАКЕДОНИЈА ВО ПРИТВОР ВО СРБИЈА Тројца врањанци наседнале на старата измама appeared first on plusinfo.mk.

Жена од велешко останала без околу 4.000 евра, откако измамници ја убедиле дека нејзината ќерка лежи во болница и итно треба да биде оперирана. Случајот вчера бил пријавен во СВР Велес.

Според полицискиот билтен, 58-годишната жена добила телефонски повик од лице кое се претставило како лекар во Општата болница во Велес.

Измамникот ѝ кажал дека нејзината ќерка има скршеница и дека за оперативен зафат треба да плати пари. Според пријавата, ѝ било кажано парите да ги донесе во болницата.

Кога пристигнала, во дворот ја пречекало женско лице на кое му ги предала парите.

Подоцна сфатила дека била измамена.

Од СВР Велес соопштија дека се преземаат мерки за расчистување на случајот и пронаоѓање на сторителите.

The post „ДОНЕСИ ГИ ПАРИТЕ ВО ДВОРОТ НА БОЛНИЦАТА“ Жена од Велешко измамена од лажен лекар appeared first on plusinfo.mk.

Двајца мажи се осомничени дека измамиле 81-годишна жена од Неготино за околу 5.000 евра, а се обиделе да измамат уште десет повозрасни лица со истата шема. Полицијата ги открила по серија телефонски повици во кои жртвите биле убедувани дека нивни блиски итно имаат потреба од операција.

Од ОВР Неготино информираат дека кривична пријава е поднесена против К.Н. (29) од Велес и Г.М. (54) со престој во Скопје. Според истрагата, тие биле дел од шема во која лице од странство им се јавувало на постари граѓани и им кажувало дека нивни роднини доживеале несреќа и дека се потребни пари за итна операција.

Осомничените имале задача да ги подигнат парите од жртвите, по што средствата биле пренесувани до лице во Софија. На овој начин успеале да измамат 81-годишна неготинка за 314.600 денари.

Полицијата го уапсила помладиот осомничен на 19 февруари, а во разговор со инспекторите тој ги признал настаните. Два дена подоцна, вториот осомничен бил приведен на Граничен премин Деве Баир, каде кај него биле пронајдени 4.400 евра. Дополнително, кај неговата сопруга, која била со него во возилото, биле најдени уште 4.350 евра, кои биле одземени.

Истрагата продолжува, а полицијата повторно апелира граѓаните, особено повозрасните, да бидат внимателни на вакви телефонски измами.

The post 81-ГОДИШНА НЕГОТИНКА ОСТАНАЛА БЕЗ 5.000 ЕВРА Лажни доктори имале уште 10 обиди за измама appeared first on plusinfo.mk.

Над десет граѓани од Битола во последните неколку месеци останале без повеќе од 60.000 евра, откако станале жртви на добро организирана телефонска измама со лажни сообраќајни несреќи.

Според информациите од Основно јавно обвинителство Битола, измамата се одвивала по исто сценарио – најчесто биле таргетирани повозрасни лица кои добивале вознемирувачки телефонски повик.

Од другата страна на линијата им се претставувале лица кои тврделе дека нивен близок е тешко повреден во сообраќајна несреќа и дека итно се потребни пари за операција. Во друга верзија на измамата, на жртвите им било кажувано дека нивен роднина предизвикал тешка несреќа и дека парите се потребни за да се избегне затвор.

– Исплашени и во паника за своите најблиски, граѓаните се согласувале да предадат големи суми пари, златен накит и други вредни предмети. Сумите се движеле од неколку десетици илјади денари до повеќе од 20.000 евра.
Парите најчесто биле предавани на различни локации низ Битола на лица кои претходно биле ангажирани преку огласи на Фејбук. Тие ги подигнувале парите директно од измамените граѓани – велат од ОЈО.

Досега обвинителството поднело обвинение против четири лица кои ги преземале парите и се гонат како соизвршители во измамите.

Истрагата покажала дека парите потоа биле пренесувани во странство, каде што завршувале кај засега непознато лице во Бугарија. Сите случаи ги поврзуваат и телефонски броеви од Романија, преку кои измамниците контактирале со жртвите.

Поради тоа, обвинителството веќе побарало меѓународна правна помош за да се открие целата мрежа што стои зад измамите.

Во меѓувреме, истражните органи предупредуваат граѓаните да бидат внимателни и никогаш да не даваат пари на рака на непознати лица, особено по телефонски повик во кој се бара итна исплата.

The post НАД 60.000 ЕВРА ИЗВЛЕЧЕНИ ОД ИЗМАМЕНИ БИТОЛЧАНИ Разоткриена мрежа што мамела граѓани со лажни сообраќајки appeared first on plusinfo.mk.

83-годишен битолчанец вчера бил жртва на измама од 10.000 евра. Тој пријавил дека му се јавило лице кое се претставило како лекар и му кажало дека неговата внука паднала по скали и се здобила со тешки повреди, а за итна операција било потребно веднаш да се плати.

Според пријавата, човекот ги предал парите на лице што дошло пред неговата врата. Подоцна, кога се слушнал со својот син, сфатил дека бил измамен.

Од полицијата информираат дека се преземаат мерки за откривање на сторителот и расчистување на случајот.

The post ЛАЖЕН ЛЕКАР ИЗМАМИ БИТОЛЧАНЕЦ Дал 10.000 евра за итна операција на внуката appeared first on plusinfo.mk.

67-годишна жена од Виница останала без 12.400 евра откако станала жртва на класична телефонска измама, во која сторителот се претставил како лекар и ја убедил дека нејзината снаа е тешко повредена.

Според пријавата во полиција, измамникот ја контактирал телефонски и ѝ соопштил дека снаата доживеала сериозна повреда на работното место и дека е неопходна итна операција, за која веднаш требало да се обезбедат пари.

Исплашената жена ги подигнала парите од банка и, следејќи ги инструкциите што ги добила по телефон, ги оставила на договорено место. Дури подоцна сфатила дека станува збор за измама и дека снаата не била повредена.

Случајот бил пријавен во ОВР Виница, а полицијата презема мерки за пронаоѓање на сторителот и целосно расчистување на измамата.

The post ЛАЖЕН ЛЕКАР Ѝ ЗЕЛ 12.400 ЕВРА НА ЖЕНА ОД ВИНИЦА Сакала да ја спаси снаата, ама останала без пари appeared first on plusinfo.mk.

Седумдесет и седумгодишна жена од Штип пријавила во полиција дека била жртва на тешка измама, откако лице што се претставило како лекар ѝ зело 700.000 денари под изговор дека се потребни за итна операција.
Како што информираат од СВР Штип, пријавата била поднесена на 7 јануари 2026 година во 16:30 часот. Според кажаното од оштетената, во текот на денот ѝ се јавило лице кое се претставило како доктор и ѝ соопштило дека нејзината сестра се наоѓа во болница со скршеница на ногата и дека е неопходна операција со вградување шипки.
Лицето побарало пари за наводниот зафат, а жената, верувајќи во приказната, во неколку наврати ги однела парите на претходно договорено место.
Измамата била откриена дури подоцна, кога во домот на жената дошла нејзината внука и заедно ја контактирале сестрата, при што станало јасно дека таа воопшто не била во болница и дека станува збор за измама.
Од полицијата велат дека се преземаат мерки за пронаоѓање на сторителот и за целосно расчистување на случајот.

The post ЛАЖЕН ЛЕКАР Ѝ ЗЕЛ 700.000 ДЕНАРИ НА ПОСТАРА ШТИПЈАНКА Ја убедил дека ќе ја оперира нејзината сестра appeared first on plusinfo.mk.

Старица од Скопје останала без 150.000 денари откако паднала на измама со лажен доктор. Непознато машко лице ѝ се јавило телефонски, претставувајќи се како лекар и ѝ кажало дека нејзината ќерка се повредила додека ги шетала кучињата и дека ѝ е потребна итна операција.

Исплашена, 77-годишната жена ги оставила парите на договореното место, уверена дека помага на своето дете. Подоцна, кога се слушнала со ќерка ѝ, сфатила дека ништо не било вистина – и дека е насамарена.

Полицијата презема мерки за пронаоѓање на измамникот и целосно расчистување на случајот.

The post СТАРИЦА ИЗИГРАНА ЗА 2.500 ЕВРА ОД ЛАЖЕН ДОКТОР „Вашата ќерка се повреди додека шеташе кучиња“ appeared first on plusinfo.mk.

Повозрасна жена од Битола била измамена и останала без 20.000 евра, откако непознат измамник ја убедил дека нејзината ќерка доживеала тешка несреќа и веднаш ѝ биле потребни пари за итна операција. Жената, загрижена за здравјето на своето дете, без двоумење ги оставила парите на местото што ѝ го кажал повикувачот, а дури подоцна сфатила дека станува збор за класична измама.

Според податоците од полицијата, измамникот ѝ се јавил и ѝ кажал драматична приказна: нејзината ќерка „паднала по скали, ја искршила вилицата и ногата, и мораат итно да ѝ стават златни шипки“. Жената, преплашена, поверувала во измислениот медицински сценарио и ја предала целата заштеда, сметајќи дека ја спасува својата ќерка.

Кога подоцна лично ѝ се јавила ќерката, станало јасно дека ништо од тоа не е вистина. Тогаш 70-годишната битолчанка пријавила измама во полиција.

Од СВР Битола велат дека се работи за познат модел на телефонски измами насочени кон постари лица

„Апелираме граѓаните да бидат внимателни и веднаш да нè известат доколку добијат вакви сомнителни повици“, наведуваат од полицијата.

The post МАЈКА ПОВЕРУВАЛА ДЕКА ЌЕРКА Ѝ Е НА ОПЕРАЦИЈА Измамник ѝ зел 20.000 евра на битолчанка appeared first on plusinfo.mk.