Ректорот на Универзитетот во Белград, Владан Ѓокиќ, објави дека во неговиот телефон е пронајден шпионски софтвер.

„Шпионскиот софтвер „Пегасус“ на мојот телефон е уште еден обид за заплашување во обид да се спречи каков било критички став и јавна акција“ – напиша Ѓокиќ во писмена изјава и побара итна истрага од властите.

Присуството на шпионски софтвер на телефонот на ректорот, кој ги поддржа студентските протести во Србија, а потоа и учеството на студентското движење на парламентарните избори на 25 октомври, беше потврдено со заедничка форензичка анализа на организацијата „Ситизен Лаб“ од Канада и Фондацијата „Шер“ од Србија.

Ректорот Ѓокиќ смета дека ова не е само напад врз него, туку и закана за приватноста на неговите податоци, контакти и комуникации.

„Ова ги прави сите нив мети на злоупотреба на технологиите за надзор“ – рече Ѓокиќ.

Ова не е прв случај во кој опозицијата, активистите, новинарите и критичарите на властите во Србија посочија дека се жртви на нелегален надзор. Независна форензичка анализа од српски и меѓународни експерти потврди на почетокот на септември дека опозициските политичари и претставниците на студентското движење биле мета на шпионски софтвер.

Во тоа време, од почетокот на 2026 година беа потврдени најмалку 14 случаи на употреба на нелегален софтвер за прислушување. Опозицијата и студентите потоа ја обвинија владата, предводена од поранешниот претседател Александар Вучиќ, за прислушување. Државните функционери ги отфрлија обвинувањата дека ги шпионирале своите противници. Обвинувањата беа отфрлени и од БИА, која ги опиша обвинувањата за шпионажа како „обичен тривијален сензационализам“.

Шпионскиот софтвер „Пегсус“, од израелската компанија NSO, е напреден шпионски софтвер кој не бара никаква интеракција од корисникот. Тоа значи дека корисникот не мора да кликне или да направи ништо за да го инсталира шпионскиот софтвер на својот телефон.

Шпионскиот софтвер може да пристапи до сите податоци на уредот – пораки, контакти, фотографии, содржина на апликации. Исто така, може тајно да го снима екранот на уредот, како и самостојно да го активира микрофонот или камерата. Употребата на таков софтвер е нелегална.

The post ШПИОНСКИОТ СОФТВЕР „ПЕГАСУС“ ОТКРИЕН ВО ТЕЛЕФОНОТ НА РЕКТОРОТ ЃОКИЌ Поддржувачот на студентите добил форензичка анализа од странство appeared first on plusinfo.mk.

Постојано гледате во телефонот додека некој ви зборува? Истражување покажува дека „фабингот“ не е само непристоен, туку може да влијае и врз задоволството од љубовната врска и животот

Веројатно барем еднаш сте биле во друштво со човек кој наместо да разговара со вас, постојано гледа во телефонот. Можеби сте го направиле и самите тоа – само набрзина да проверите порака, резултат од натпревар или што се случува во некоја од групите на социјалните мрежи.

За ова однесување веќе постои и посебен термин – „phubbing“, односно комбинација од англиските зборови „phone“ и „snubbing“. На македонски би можело да се опише како игнорирање на соговорникот поради телефонот.

Иако звучи како обична невоспитаност, истражување од 2023 година покажало дека последиците може да бидат многу посериозни, особено кога станува збор за љубовните врски.

Според авторите на истражувањето, „фабингот“ е важен ризик за романтичните односи бидејќи постојаното посветување внимание на паметниот телефон наместо на партнерот го намалува задоволството од врската и перцепцијата за нејзиниот квалитет.

Повеќе за ова прочитајте на порталот „Мајка и дете“.

The post ФAБИНГОТ СТАНУВА НОВА ЕПИДЕМИЈА Оваа навика ја имаме речиси сите, а може да ни ги уништи врските appeared first on plusinfo.mk.

Американскиот претседател Доналд Трамп во интервју за „Фокс њуз“ изјави дека Иран може да контактира со САД доколку сака да преговара за крај на војната.

– Ако сакаат да преговараат, можат да дојдат кај нас или да ни се јават. Знаете, постои телефон. Имаме многу добри и сигурни линии – рече Трамп.

Тој посочи дека го откажал планираното патување на неговите специјални пратеници, Стив Виткоф и Џаред Кушнер, во Исламабад, каде што престојува иранскиот министер за надворешни работи, Абас Арагчи.

– Мислам дека војната со Иран ќе заврши многу брзо и ние ќе бидеме победници – рече Трамп, изразувајќи увереност дека Исламската Република нема да продолжи да ја развива својата нуклеарна програма.

Тој повторно ги критикуваше сојузниците на НАТО за тоа што не ги поддржуваат САД во војната против Исламската Република.

– Велика Британија рече дека ќе испрати бродови кога ќе заврши војната и тоа не е добро, додаде Трамп.

Претседателот на САД, исто така, рече дека денеска имал „многу добри разговори“ со својот руски колега Владимир Путин и неговиот украински колега Володимир Зеленски.

– Работиме на руската ситуација… се надеваме дека ќе го завршиме и тоа, додаде Трамп.

The post ТРАМП ВЕЛИ ДЕКА ИМАЛ „МНОГУ ДОБРИ РАЗГОВОРИ“ СО ПУТИН Очекува брз крај на војните во Иран и во Украина appeared first on plusinfo.mk.

Неочекувана сцена во студентски дом на подрачјето на Карпош вознемирила 22-годишна студентка од Прилеп. Додека се туширала, забележала телефон над параванот. Девојката веднаш пријавила во СВР Скопје. Според пријавата, А.М. (22) од Богданци ѝ кажал дека токму тој ги направил фотографиите.

Полицијата го привела младиот човек во станица и му одзела лаптоп и компјутер за вештачење, јави Министерството за внатрешни работи преку соопштение.

МВР потврди дека СВР Скопје презема мерки за целосно расчистување на случајот. Притоа се испитуваат можни поврзани материјали и дигитални траги.

The post ЈА ФОТНАЛ ДОДЕКА СЕ ТУШИРАЛА, МУ НАШЛЕ И ЛАПТОП Богданчанец приведен од полицијата appeared first on plusinfo.mk.

Американскиот портал Аксиос (Axios), повикувајќи се на неименувани извори, објави дека претседателот на САД, Доналд Трамп денеска телефонски ќе разговара со рускиот колега Владимир Путин за војната во Украина.

Разговорот Трамп – Путин ќе се одржи еден ден пред посетата на украинскиот претседател Володимир Зеленски на Вашингтон.

Предвидено е Трамп и Зеленски да разговараат за можноста Украина да добие ракети со долг дострел Томахавк.

Аксиос потсетува дека Трамп минатата недела изјави дека му кажал на Зеленски дека би можел да му постави нов ултиматум на Путин, или да започне сериозни мировни преговори, или да се соочи со можноста Украина да ги добие овие ракети.

Ракетите Томахавк се крстаречки ракети со долг дострел, кои можат да дејствуваат подлабоко на непријателски територии, вклучително и во руски градови или во тила на стратегиски инфраструктурни цели.

Асошиејтед прес пишува дека,  според одбранбени експерти, освен ракетите Томахавк, на средбата Трамп-Зеленски може да се разгледуваат и други алтернативи — како АТАКМС, ЕРАМ системи или балистички ракети со долг дострел кои можеби би биле оперативно пофлексибилни.

The post ТРАМП ЌЕ МУ ТЕЛЕФОНИРА НА ПУТИН, ЌЕ ГИ СПОМНЕ ЛИ „ТОМАХАВКИТЕ“? Повикот од шефот на САД доаѓа пред најавената средба со Зеленски appeared first on plusinfo.mk.

Користење мобилен телефон кога одат во тоалет може значително да го зголеми ризикот од хемороиди,  јави хрватски Индекс.

Новото американско истражување објавено во списанието PLOS One покажа дека таквата навика го продолжува времето на седење, а со тоа и притисокот во аналната зона, зголемувајќи го ризикот од хемороиди за дури 46 %.

Дури 66 % од учесниците признале дека користат мобилен кога одат во тоалет, а 37 % од нив поминувале повеќе од 5 минути таму, во споредба со само 7 % од оние кои не користат телефон.

– Неверојатно е лесно да се изгуби поимот за време додека гледаш на мобилен, апликациите се дизајнирани за тоа – изјави гастроентерологот д-р Триша Пасрича за „Вашингтон Пост“.

Анкетата на 125 лица ја спровел тим лекари и научници од различни институции, вклучувајќи го Медицинскиот центар „Бет Израел Диконес“ (BIDMC) при Медицинскиот факултет Харвард и клиниката „Кливленд“ во САД.

Истражувачите појаснија дека токму подолгото седење, а не напрегањето, е најголемиот ризик-фактор за појава на хемороиди.

„Се советува мобилниот да се остава надвор од тоалет, а времето поминато внатре да се скрати на 5 до 10 минути“, напишаа експертите во заклучокот на студијата.

Дополнително, тие препорачуваат исхрана богата со растителни влакна, многу вода, физичка активност и користење ниско столче за подобра поставеност при празнење на цревата.

The post ПОВЕЌЕ ВРЕМЕ СО МОБИЛЕН НАД ШОЛЈАТА ЗНАЧИ РИЗИК ОД ХЕМОРОИДИ Проблем е седењето, не напрегањето, велат научниците appeared first on plusinfo.mk.

Претседателите на САД и Украина, Доналд Трамп и Володимир Зеленски, денеска имаа телефонски разговор, откако по вчерашниот повик со рускиот претседател, Владимир Путин изјави дека Москва ќе продолжи со воената агресија врз Украина, без оглед на повиците од Западот за прекин на огнот.

Разговорот го потврди Андриј Јермак, шеф на кабинетот на украинскиот претседател, оценувајќи го како „многу важен и суштински“. Тој најави дека деталите ќе бидат објавени наскоро.

Според „Аксиос“, телефонскиот разговор траел околу 40 минути и бил фокусиран на ескалацијата на руските напади и американската поддршка за украинската противвоздушна одбрана.

Овој повик уследи по претходниот разговор меѓу Трамп и Путин, за кој американскиот претседател изјави дека бил „многу разочарувачки“.

– Не мислам дека е подготвен да го запре ова насилство. Не видов никаков напредок – изјави синоќа Трамп пред новинарите.

Неколку часа по тој разговор, Русија ја изведе најголемата офанзива со дронови врз Киев од почетокот на војната, при што загина едно лице, а 23 беа повредени. Шефот на воената администрација на Киев, Тимур Ткаченко, ја опиша ноќта како „една од најстрашните досега“.

– Десетици балистички ракети и дронови паѓаа врз главниот град. Веднаш по разговорот на Путин со Трамп – соопшти украинскиот министер за надворешни работи, Андриј Сибиха.

Зеленски ја осуди офанзивата како „намерно масивна и цинична“, а повтори и дека Русија нема да го промени „своето глупаво и деструктивно однесување“ без засилен притисок од САД и сојузниците.

Разговорот меѓу Трамп и Зеленски се случи и во време кога Пентагон привремено ја запре испораката на клучни оружја за Украина, вклучително и „Патриот“ ракети и прецизно насочувани артилериски гранати. Киев предупреди дека оваа одлука сериозно ја поткопува неговата способност за одбрана.

Германија соопшти дека е во преговори за набавка на системи за противвоздушна одбрана за Украина за да се надомести празнината. Според германскиот магазин „Шпигел“, Трамп вчера разговарал и со германскиот канцелар Фридрих Мерц за ситуацијата во Украина, како и за трговски прашања.

Иако САД, ЕУ и Киев постојано повикуваат на безусловен прекин на огнот, Кремљ преку советникот Јуриј Ушаков изјави дека Трамп и Путин биле „на иста бранова должина“. Но, Трамп тоа категорично го негираше.

– Не постигнав никаков напредок со него – вели американскиот претседател.

Меѓутоа, и покрај растечката фрустрација, администрацијата на Трамп досега не воведе нови санкции против Русија ниту одобри нова воена помош за Украина откако тој ја презеде функцијата во јануари.

Инаку, Русија и Украина годинава продолжија со директни разговори во Истанбул, а двете рунди преговори – на 16 мај и 2 јуни – резултираа само со размена на заробеници, без напредок кон прекин на огнот. с

The post ТРАМП И ЗЕЛЕНСКИ 40 МИНУТИ ЗБОРУВАЛЕ ПО ТЕЛЕФОН Главна тема била руската агресија appeared first on plusinfo.mk.

Претседателот на Русија, Владимир Путин изјави дека во текот на денот ќе има телефонски разговор со американскиот колега Доналд Трамп.

Тоа ќе биде шести јавен разговор помеѓу двајцата лидери откако Трамп се врати во Белата куќа во јануари. Телефонскиот разговор ќе се одржи во време кога САД неуспешно се обидуваат да постигнат договор за прекин на огнот во Украина.

Путин и Трамп последен пат разговараа на 14 јуни по повод нападот на Израел врз Иран.

The post ПУТИН НАЈАВИ ТЕЛЕФОНСКИ РАЗГОВОР СО ТРАМП По шести пат лидерите ќе ги одмерат ставовите appeared first on plusinfo.mk.

Со телефонска измама од „лажен лекар“, 83-годишна скопјанка останала без 30.000 евра. На старицата ѝ било речено дека ѝ треба операција на ќерка ѝ по наводно случена сообраќајк.

Исплашената жена прифатила да даде пари и договорила средба со човек на возраст од околу 60 години, кому лично му предала 30.000 евра, се вели во полицискиот билтен.

Сфатила дека е измамена дури по предавањето на парите. Случајот го пријавила во полиција во 18 и 30 часот на 25 јуни.

The post ЛАЖЕН ЛЕКАР ИЗМАМИ СКОПЈАНКА ЗА ЦЕЛИ 30.000 ЕВРА Старицата му ги дала парите на 60-годишник appeared first on plusinfo.mk.

Претседателот на САД, Доналд Трамп, има право кога вели дека немало да има конфликт во Украина доколку тој бил претседател пред почетокот на конфликтот, изјави претседателот на Русија, Владимир Путин, објави Интерфакс.

– Тој повеќепати кажа дека немаше да има војна ако тој бил претседател. Верувам дека и за тоа има право – рече Путин на средба со раководителите на меѓународни новински агенции.

Путин се присети на еден од своите последни телефонски разговори со поранешниот американски претседател Џо Бајден, во чие време започна „специјалната воена операција“ во Украина, и рече дека му кажал „дека не треба да се дозволи работите да дојдат до вооружени конфликти“.

– Сѐ треба да се решава мирно и сегашната украинска администрација треба да биде принудена да ги исполни барањата на своите граѓани од југоистокот, да го запре геноцидот врз руското говорно население и да престане со кршењето на човековите права таму – за што претходната американска администрација постојано зборуваше – изјави Путин, цитирајќи дел од разговорот со Бајден.

Му реков, патем, мислиш дека сега сето тоа лесно ќе се реши – додаде Путин – но може да помине време и да се покаже дека подобро ќе беше да не го тераш тоа во правецот во кој го туркаш.

– Навистина, можеби, ако Трамп беше претседател, можеби овој конфликт немаше да се случи. Тоа е сосема возможно – заклучи тој.

The post „АКО ТРАМП БЕШЕ ПРЕТСЕДАТЕЛ, НЕ ЌЕ ИМАШЕ ВОЈНА ВО УКРАИНА“ Путин открива што му рекол на Бајден во еден телефонски разговор appeared first on plusinfo.mk.