Комисијата за конкурсот за наградата „Горан Стефановски“ при Драмскиот театар реши годинава да не ја додели наградата за најдобар драмски текст од млад автор до 30 години.

На конкурсот објавен на 25.7.2025 година биле доставени три драмски текста од тројца автори.

Комисијата во состав: Викторија Рангелова-Петровска, (драматург и претседател на Комисијата) и членовите: Жанина Мирчевска (драматург), Венко Андоновски (книжевен теоретичар), Дејан Лилиќ (актер првенец) и Димче Николовски (режисер), по анализа на доставените дела, едногласно одлучи наградата „Горан Стефановски“ за најдобар драмски текст од млад автор да не се додели.

„Доставените дела немаат целосно изградена и развиена драмска структура. Карактерите во делата се еднодимензионални и повеќе се функции одошто карактери кои го градат драмското дејство. Дијалозите се непотребно реторични, информативни или банални. Комисијата заклучи дека доставените драмски материјали имаат потенцијал, но развиени се до ниво на драмски скици/зачетоци, на кои им е потребна доработка за да прераснат во квалитетни драмски текстови“ – се вели во образложението на одлуката што го прочита претседателката на Комисијата Викторија Рангелова-Петровска, драматург во Драмски театар Скопје

Одлуката да не се додели наградата и оваа година може да се толкува како дестимулативен потег, но и покрај тоа Комисијата принципиелно стои на ставот дека единствениот критериум за доделување на наградата „Горан Стефановски“ е и мора да биде квалитетот на драмскиот текст.

Малиот број на доставени драмски дела е уште еден критичен показател. Поради тоа Комисијата достави предлог до Управата на Драмски театар Скопје да да се зголеми или потполно да се отстрани возрасната граница.

The post ПО ВТОР ПАТ НЕ СЕ ДОДЕЛИ НАГРАДАТА „ГОРАН СТЕФАНОВСКИ“ Пристигнале само три текста, и тие аматерски appeared first on plusinfo.mk.

Драмски театар Скопје не ја додели наградата „Горан Стефановски“ за најдобар драмски текст од млад автор до 30 години, беше кажано на денешната прес-конференција.

Како што соопшти Викторија Рангелова – Петровска, драматург и претседател на Комисијата, на конкуросот, кој првпат беше распишан годинава во февруари за најдобар драмски текст од македонски автор до 30 годишна возраст пристигнале четири апликации.

По анализата, Комисијата едногласно одлучила наградата „Горан Стефановски“ да не се додели. Рангелова – Петровска кажа дека кај пристигнатите дела има потенцијал и дека им е потребна доработка за да прераснат во квалитетни драмски текстови и одлуката да да не се додели наградата не треба да се толкува како дестимулација, туку како поттик за следните текстови.

„Авторите на доставените драмски текстови обработуваат различни теми, инспирирани од различни општествени состојби. По формата и структурата драмските текстови во најголем дел се обидуваат да ја следат класичната драмска структура и затворената форма, но не успеваат до крај да изградат цврста драмска целовитост. Драмските ликови/карактери не се јасно дефинирани и развиени во однос на ситуациите во кои се поставени. Дијалогот во драмските дела (во некои помалку, во некои повеќе) не е во целосна функција на отсликување на карактерите и не придонесува за развојот на драмското дејство. Комисијата заклучи дека доставените драмски материјали се развиени до ниво на драмски скици/зачетоци, на кои им е потребна доработка за да прераснат во квалитетни драмски текстови“, се вели во образложението на Комисијата кое го прочита Рангелова – Петровска.

Од денеска, 28 април 2025 година се објавува нов конкурс на кој авторите ќе треба да ги достават драмските текстови најдоца до први февруари 2026, а резутатите ќе бидат објавени на денот на раѓањето на Горан Стефановски, на 27 април.

Комисијата која решавала за наградата ја сочинувале: Викторија Рангелова-Петровска, (драматург и претседател на Комисијата) и членовите: Жанина Мирчевска (драматург), Венко Андоновски (книжевен теоретичар), Дејан Лилиќ (актер првенец) и Димче Николовски (режисер).

Директорот на театарот, Роберт Вељановски кажа дека нема да ја коментира одлуката на Комисијата, истакнувајќи дека станува збор за исклучително компетентни луѓе.

– Не ни можам да коментирам одлуката на Комисијата. Решив дека драмските текстови кои пристигнаа на конкурсот ќе ги прочитам од денеска натаму. За жал, резултатот од конкурсот е тој, но ќе се земам за право сето тоа да го префрлам на нешто што се вели кратки рокови. Ние на 5 февруари го објавивме конкурост. Но, секогаш е така кога е првата година. И затоа конкурост за 2026 година го отвораме денеска – изјави Вељановски.

Од Драмски театар велат дека сакаат да бидат тие кои ќе откријат ново име во македонската драматургија.

– Ако Горан Стефановски, Јордан Плевнеш, Жанина Мирчевски биле лансирани од Драмски театар, Дејан Дуковски од МНТ, не гледам причина зошто не би имале нов човек којшто со својот квалитет ќе заслужи да биде лансиран, а Драмски од секогаш бил театарот што им давал можност на младите автори – изјави Вељановски.

The post ДРАМСКИ ТЕАТАР НЕ ЈА ДОДЕЛИ НАГРАДАТА „ГОРАН СТЕФАНОВСКИ“ Комисијата смета дека четирите понудени текстови не се доволно квалитетни appeared first on plusinfo.mk.

Европол објави дека нејзината лабораторија за иновации организирала работна група за зголемената јавна загриженост за „ChatGPT“ (ChatGPT) за да проучи како криминалците можат да злоупотребат јазични модели (LLM) од големи размери (статистичка споредба на веројатностите за редот на одреден број зборови, што се користи во апликации за обработка на природни јазици како што се препознавање говор, машински превод, граматички означени и извлечени во бело-црвени информации) и да им помогне на истражувачите во нивната работа.

Европол соопшти дека се фокусира на три главни области на криминалот, имено измама и социјален инженеринг, дезинформации и кибер криминал.

Во врска со првата сфера, агенцијата соопшти дека „способноста на „ChatGPТ“ да произведува исклучително реалистичен текст го прави корисна алатка за фишинг напади“. Неговата способност да репродуцира јазични обрасци може да се искористи за да се имитира стилот на говор на одреден хор или група, објаснува агенцијата.

„ChatGPT“ се одликува со брзината и размерите во креирањето на текст со автентичен звук“, што го прави идеален модел за цели на пропаганда и дезинформации, соопшти Европол во однос на втората проблематична област.

Во врска со кибер криминалот, европската агенција забележува дека „ChatGPT“ е способен да пишува код во линија на програмски јазици.

„За потенцијален криминалец со мало техничко знаење, ова е непроценлив ресурс за создавање злонамерен код“, соопшти Европол.

The post СЕРИОЗНО ПРЕДУПРЕДУВАЊЕ ОД ЕУРОПОЛ Вештачката интелигенција на „ChatGPT“ се користи за криминал appeared first on plusinfo.mk.

Тој понатаму може да ги менува одговорите, а вие да ги доспецифицирате вашите барања.

Програмерите во Силиконската долина веќе се плашат за своите работни места. Можеби тоа е затоа што платформата имаше милион посети за пет дена од своето појавување на 30 ноември годинава. Платформата е толку преоптоварена во последно време што можеби ќе треба и да почекате за муабет. А кога познатиот психолог Џордан Питерсон побарал од оваа нова интелигенција да напише есеј базиран на негова сопствена книга, бил изненаден. Текстот немал видливи грешки и несогласности за да се препознае дека е генериран од софтвер.

Чат ГПТ успеал да напише 13-то правило покрај веќе постоечките 12 правила од книгата „Повеќе од ред“ на Питерсон и тоа по инструкција есејот да биде напишан во комбинација на стиловите на Тао Те Чинг, источната книга за филозофија и Библијата, онаа од времето на кралот Џејмс. Одговорот бил долг четири страни, а биле потребни три секунди тој да биде напишан. Три секунди за да се направи троен пресек на таоистичката етика со христијанската, со конкретна книга на еден автор. Секако, времето на одговор зависи од серверот кој моментално е преоптоварен со нови луѓе кои би сакале да си помуабетат со чатот кој дава впечаток дека е човек, бидејќи бил „хранет“ и уште се „храни“ со материјали од човечкиот јазик. Нема граматички грешки, како што тоа досега беше кај други чат-ботови кои имитираат луѓе.

Чат ГПТ користи невролингвистичко програмирање(НЛП) за да ги разбере вашите сложени реченици, притоа давајќи им предност на клучните зборови. Се покажа дека ова е доволно добро за да се направи мост меѓу  Засега тој е хранет со информации кои завршуваат со годината 2021, но тоа веќе ќе се смени годинава. Како ќе изгледа неговата моќ кога тој ќе ја има архивата на Гугл?

Зошто ова е подобро од Гугл, или барем така се чини во моментов? Персонализираниот пристап, каде вие специфично во поголема реченица ќе побарате нешто од чатот, без притоа тој да ви листа повеќе решенија е нешто ново. Наместо да барате рецепт за торта со ореви, можете да го прашате чатот и да направите своја торта на ваш начин. Свој вебсајт, свој код и своја бизнис стратегија без помош од други луѓе.

Светот на маркетингот нема да биде ист. Чат ГПТ пишува релативно точна содржина за реклами или за мејлови, а може да биде специфичен колку што сака корисникот. Потоа, може и да го напише кодот со кој оваа реклама периодично ќе се појавува на вашите пејџови, групи…

Сакате да се заштите од оваа вештачка интелигенција? Можеби подобро да ја користите оваа вештатчка интелигенција за да ги ловите спам мејлови кои стигнуваат на вашиот мејл на работа или за да направите ваш персонализиран мејл во личен стил кој ќе биде доволно сложен за друг да не може да го копира и злоупотреби.

Интернетот е преплавен со приказни за Чат ГПТ во само месец ипол од неговото појавување. Вработен во компанијата Тесла побарал од машината да му предложи 10 програмерски проекти со кои ќе може да му се пофали на својот шеф дека работел во последно време и меѓу другото, со секој од нив да го напише и кодот за проектот. За неколку секунди имал прилично добро оправдување за својата мрзливост.

Некој друг напишал, „дај ми го сценариот на следниот холивудски блокбастер од 900 милиони долари“. Трет побарал од чатот да му направи диета за слабеење тотално наменета за него, според неговите карактеристики…Зарем тоа не е побрзо од Гугл? Дури и Гугл да не биде заменет, дали ова значи дека едноставно пазарот на ваквите суперкомпании за супер-софтер се проширува?

И што ни останува на нам луѓето во таквиот универзум на ЧатГПТ? Наместо пишувачи на текстови ќе бидеме уредувачи или уредници, а тоа изгледа ќе важи за многу професии и дисципплини.

Без забуна, уредување на нечија работа не е помалку тешко од создавањето, па бил авторот и вештачка интелигенција со 570 гигабајти информации „искуство зад себе“!

The post НОВОТО ЧУДО ШТО ВЕЌЕ ГО ЗАМЕНУВА ГУГЛ Самото пишува есеи, мејлови, кодира и прави муабет appeared first on plusinfo.mk.

На Фејсбук групата Петто одделение 2022/2023 тие велат дека по констатираните грешки, писмено се обратиле до надлежното Министерство за да се направат исправки, барем во електронските верзии на учебниците.

„Навистина ни е жал што во нашите напори да не испуштиме нешто суштинско, ние всушност сме пропуштиле да поминат вакви технички грешки, кои ја разбрануваа јавноста. Учебникот, кој е тема на дискусија, е предаден на регуларен конкурс од Педагошката служба уште во мај годинава. Сите сугестии што беа од техничка природа се земени предвид при подготовката на неговата финална верзија. Ниту ние авторите ниту рецензентите немаа можност да го прегледаат учебникот пред печатењето. Можеби ќе забележевме дека наместо V век, пишува V век пр. н.е.; дека при обработка и средување на текстот останала грешката за местоположбата на нашите соседи од исток и од запад или за мерните единици. И покрај тоа што е очигледно дека станува збор за технички грешки, затоа што, ако се прочита учебникот во целост и се анализира, педагошки, методолошки… ќе се забележи дека тој во целост ги следи наставната програма, методологијата за изработка на учебник и националните стандарди“, велат авторите во реакцијата.

Тие оценуваат дека е навредлива констатацијата оти авторките се неписмени, нестручни и некомпетентни. Ако е така, прашуваат тие, зошто немаше други автори за овој предмет, кои ќе бидат компетентни и гласни со дела, а не со коментари, кои се недолични и даваат политичка заднина на сè во општеството.

Оттука, ги замолија надлежните во МОН да ги коригираат електронските верзии на посочените места. Исто така, ги замолуваат наставниците да им објаснат на учениците дека во тие делови од учебникот има технички пропусти, како што им посочуваат и за сите други учебници во кои ќе констатираат грешка.

Авторките повикаа на почитување на нивната приватност, а истовремено апелираа до МВР да реагира на сите форми на насилство упатени кон нив и нивните семејства и на заканувачките пораки што ги добивале јавно.

„Ги замолуваме сите оние што навлегуваат во нашата приватност, споделуваат врски до нашите лични профили, оние што споделуваат наши фотографии без дозвола – да престанат. Со влегувањето на нашите профили и со недоличните коментари влегувате во нашите семејства, во кои има деца. Јавното линчување луѓе е средновековна практика, која сега е во модерна форма. Печатните и ненамерно направените грешки се исправаат. Ама насилството што се промовира на социјалните мрежи остава длабоки траги врз луѓето и нивните семејства. Сајбер-насилството е модерно силеџиство, кое го читаат деца и на тој начин директно се изложени на негативен пример, кој упатува страшна и многу загрижувачка порака. Секој може да навлезе во вашата приватност и да ви ги руши личниот и професионалниот интегритет што сте ги граделе со години“, велат авторките на учебникот.

„ОФ МОРИ МАЈКО, КАКВИ ГЛУПОСТИ НИ УЧАТ ДЕЦАТА“ Учебник за 5-то одделение тврди дека Македонија на запад граничи со Бугарија (ФОТО)

The post ПРЕСТАНЕТЕ ДА НЀ НАВРЕДУВАТЕ ДЕКА СМЕ НЕПИСМЕНИ Авторките на учебникот по Историја велат дека грешките се направени од брзање appeared first on plusinfo.mk.

Оваа социјална мрежа соопшти дека од корисниците ќе биде побарано да ги избришат коментарите во кои се наведува дека вакцините се „намерно дизајнирани да предизвикаат штета или полесно да се контролира населението, вклучително и коментари во кои се наведува дека вакцините се дел од глобален заговор“.

На корисниците на Твитер, исто така, ќе им биде забрането да пишуваат дека пандемијата не е реална или не е сериозна и дека вакцинирањето е непотребно.

The post Твитер ќе ги брише коментарите против вакцините appeared first on plusinfo.mk.

-„На другата страна“ ми беше идеја бидејќи секогаш на другата страна може да се најде нешто подобро, нешто поубаво и верувам дека пандемијата што во моментов е приоритет кај нас и во светот ќе остане зад нас и ќе направиме едни нови мостови на соработка и успешност за сите луѓе – изјави Божиновска на доделувањето на наградите денеска во Националната опера и балет.

По повод Денот на ослободување на Скопје наградите ги доделува Дирекцијата за култура и уметност во рамки на мултимедијалната манифестација „Денови на европско Скопје“ во соработка со Град Скопје и Канцеларијата на Европската Унија во Република С. Македонија.

– Ми претставува огромно задоволство да бидам денеска со вас како дел од овогодинешната манифестација „Денови на европско Скопје“. По овој повод би сакал да им честитам на организаторите за реализација на третата едиција на оваа манифестација која што се случува и покрај пандемијата – изјави евроамбасадорот Дејвид Гир, кој ги врачи наградите за најдобри новинарски текстови и додаде дека му претставува задоволство што ќе ги прочита, но и сподели текстовите во блиска иднина.

Гир истакна дека мостовите во Скопје не се само дел од уникатната архитектура, почнувајќи од исконскиот Камени мост, но мостовите исто така претставуваат и метафора на премин на идеи, на текот на времето, премин на луѓе и разни култури. Токму тука во Скопје мостот на меѓународната солидарност помогнал во процесот на заздравување од разорниот земјотрес што го погоди Скопје во 1963 година.

За вреднувањето на пристигнатите трудови беше формирано тричлено жири во состав на Анче Кузмановска, член на Извршниот одбор на Дирекцијата за култура и уметност на Скопје, Анита Никушева Јованчев, новинарка во Македонската радио-телевизија (МРТ) и претседател на комисијата и новинарката Елизабета Кузмановска. Од пристигнатите десет текстови, жирито првично селектираше пет најдобри трудови, од нив потоа ги избра трите наградени есеи.

The post Доделени наградите за новинарски текстови на тема „Мостовите на Скопје“ appeared first on plusinfo.mk.

ТРИ соопшти дека оваа недела „Карантински приказни“ ќе стигнат до читателите во две различни изданија: во печатена форма кое, како што наведува издавачот – ќе биде гласник на хуманоста и во кое се собрани расказите на докажаните авторски имиња: Јагода Михајловска-Георгиева, Винка Саздова, Петар Андоновски, Ѕвездан Георгиевски, Лидија Димковска, Трајче Кацаров, Наташа Сарџоска, Виолета Танчева-Златева и други.

Оваа книга ќе може да се најде на сите продажни места на ТРИ по симболична цена, а целиот износ од продажбата ќе биде дониран за здравствена опрема на Клиничкиот центар во Скопје.

-Така, ТРИ и авторите на свој начин ќе придонесат во борбата со пандемијата и за подобрување на условите во македонското здравство. Одлуката за овој потег произлегува од желбата да се биде солидарен со колективната состојба, преку ваквиот пионерски чекор во издаваштвото, соопшти Издавачки центар ТРИ.

Второто издание од „Карантинските приказни“ е во електронска форма и е достапно бесплатно на апликацијата kniga.mk на Издавачки центар ТРИ. Во ова издание се собрани над 100 авторски текстови од учесниците во предизвикот кои првпат се претставуваат пред читателската публика.

The post „Карантински приказни“ за поддршка на здравството appeared first on plusinfo.mk.