Иран ја обвини Украина за напад врз ирански трговски брод во Каспиското Море во саботата наутро, при што загина еден морнар, а еден беше повреден, објави денеска иранската новинска агенција ИРНА.

„Нападот извршен од украинскиот режим врз ирански трговски брод во Каспиското Море, за кој шефот на тој режим експлицитно ја презеде одговорноста, го демонстрира континуираниот ирационален и непријателски став на украинскиот режим кон Иран,“ се вели во соопштението од иранското МНР.

Исламската Република „никогаш не интервенирала во конфликтот меѓу Русија и Украина“, нагласува иранското министерство.

Украинскиот претседател Володимир Зеленски изјави на социјалните мрежи во саботата дека постигнал „многу солидни резултати со напади со долг дострел во Каспиското Море, насочени кон бродови што се користат за транспорт на воен товар во кој е вклучен Иран“.

Украинските разузнавачки служби соопштија дека нападите со беспилотни летала биле насочени кон „меѓународно санкционирани товарни бродови што се користат за транспорт на воен товар меѓу Иран и Русија“.

Според иранската државна телевизија, вршителот на должноста амбасадор на украинската амбасада во Техеран бил повикан во Министерството за надворешни работи во саботата за да разговара за „непријателскиот и криминален чин“.

Иранскиот министер за надворешни работи, Абас Арагчи, во телефонски разговор со високиот претставник на ЕУ за надворешни работи и безбедносна политика, Каја Калас, повика на „решителен одговор од ЕУ и Советот за безбедност на ОН на овој напад“, објави ИРНА.

The post ВОЈНАТА СТИГНА ВО КАСПИСКОТО МОРЕ, УКРАИНЦИТЕ НАПАДНАА ИРАНСКИ БРОД! Техеран револтиран, најавува одговор appeared first on plusinfo.mk.

Иран ја обвини Украина за вчерашниот напад врз ирански трговски брод во Каспиското Море, при што загина еден морнар, а уште еден е повреден.

Иранската државна агенција пренесе соопштение на Министерството за надворешни работи на Иран, според кое нападот предизвикал експлозија на бродот.

„Нападот што украинскиот режим го изврши врз ирански трговски брод во Каспиското Море, за кој лидерот на режимот очигледно презеде одговорност, сведочи за континуираното ирационално и непријателско однесување на украинскиот режим кон Иран“, соопшти иранското Министерство за надворешни работи.

Во соопштението се додава дека Исламската Република „никогаш не се вмешала во конфликтот меѓу Русија и Украина“.

Украинскиот претседател, Володимир Зеленски, вчера на социјалните мрежи соопшти дека биле постигнати „многу значајни резултати со напади на големи растојанија во Каспиското Море“, насочени кон пловни објекти што, според него, биле користени за воени испораки поврзани со Иран.

Иранската државна телевизија објави дека украинскиот вршител на должноста амбасадор во Техеран вчера бил повикан во Министерството за надворешни работи.

The post УКРАИНА НАПАДНА ИРАНСКИ БРОД ВО КАСПИСКОТО МОРЕ, ТЕХЕРАН РЕАГИРА Киев тврди дека пловилото носело оружје за Иран appeared first on plusinfo.mk.

Иранската Исламска револуционерна гарда (ИРГЦ) соопшти дека нејзините воздухопловно-вселенски сили извеле ракетен напад врз, како што тврди, централна инфраструктура за податоци на американската компанија „Амазон“ во Бахреин, како и врз американски системи за противвоздушна одбрана и радарски инсталации.

Според соопштението на ИРГЦ, во нападот биле употребени повеќе крстосувачки ракети, а цел биле објекти во областите Мухарак и Рифа, пренесува „Еуроњуз“.

Засега нема официјална потврда за нападот. Властите на Бахреин, Соединетите Американски Држави и компанијата „Амазон“ сè уште не се изјасниле за тврдењата на Техеран.

Иран претходно предупреди дека ќе ги гаѓа објектите и инфраструктурата во земјите од регионот што ги користат американските сили доколку продолжат американските напади врз ирански цели. Од друга страна, американскиот претседател Доналд Трамп порача дека Иран ќе плати „многукратно повисока цена“ поради неодамнешната смрт на тројца американски војници во Јордан и Ирак.

ИРГЦ наведува дека нападот бил изведен како одговор на, како што го нарекува, „американскиот воен напад врз цивилни објекти во изградба во Дарховин“.

Во меѓувреме, постојаната мисија на Иран при меѓународните организации во Виена ги повика Меѓународната агенција за атомска енергија (МААЕ) и Советот за безбедност на Обединетите нации да го осудат американскиот напад врз нуклеарната централа Дарховин, која сè уште е во изградба. МААЕ соопшти дека ги разгледува извештаите за инцидентот, но дека засега нема независна процена за настанот.

The post ИРАН ТВРДИ ДЕКА УНИШТИЛ ДАТА-ЦЕНТАР НА „АМАЗОН“ ВО БАХРЕИН Гаѓани и американски радарски и противвоздушни системи appeared first on plusinfo.mk.

Техеран денеска објави дека неговите сили ја нападнале американската воздухопловна база Ал Удеид во Катар во 15-тиот бран напади – јавува агенцијата ИРИБ.

Корпусот на Исламската револуционерна гарда (ИРГЦ) во соопштението вели дека во нападот биле уништени радар со долг дострел и неколку американски стратешки авиони за полнење гориво, јавува „Ал џезира“.

„Американскиот непријател и земјите што ги примаат неговите бази во регионот треба да знаат дека преминувањето на црвените линии и нападите врз луѓето и цивилната инфраструктура ќе бидат скапо платени. Ако непријателот продолжи по тој пат, ќе следуваат уште посилни одговори, кои ќе бидат запаметени во историјата на војувањето“, се наведува во соопштението на ИРГЦ.

Корпусот на Исламската револуционерна гарда (ИРЦГ) денеска предупреди дека ќе продолжи со нападите сè додека САД не ги прекинат нападите врз јужниот дел на Иран и во Ормуската Теснина.

„Нашите ефикасни и прецизни напади, што се изведуваат од целата територија на Иран против непријателот, ќе продолжат сè додека не се воспостави мир долж јужниот брег на земјата и во Ормуската Теснина“, напиша на социјалните мрежи командантот на Воздушно-космичките сили на ИРЦГ Маџид Мусави.

Договорот за прекин на огнот меѓу САД и Иран од Исламабад пропадна минатата недела, а страните продолжија да се напаѓаати со други, а истовремено Ормуската Теснина е затворена за поморски сообраќај.

The post „ЌЕ ИЗВРШИМЕ НАПАДИ КОИ ЌЕ СЕ ЗАПОМНАТ ВО ИСТОРИЈАТА“ Иран тврди дека уништил голем американски радар и авиони-танкери appeared first on plusinfo.mk.

Американскиот потпретседател Џеј Ди Венс отфрли можност за испраќање масовни копнени сили во Иран. Според него, евентуалната промена на власта може да дојде само од иранскиот народ.

САД нема да испратат 150.000 војници во Иран за да урнат режим, порача американскиот потпретседател Џеј Ди Венс. Тој нагласи дека Вашингтон нема намера да води бесконечна воена кампања и дека иднината на иранската власт треба да ја одлучат самите Иранци.

Изјавата доаѓа во време кога дел од американските конзервативци бараат поостар пристап кон Техеран и отворено зборуваат за промена на режимот.

– Ако иранскиот народ сака да се крене и да ја промени својата влада, тоа зависи од нив. Но ние нема да испратиме 150.000 копнени трупи за да постигнеме промена на режимот, освен ако луѓето на терен не сакаат да го постигнат тој резултат. Нема да испраќаме трупи по секоја цена – изјави Венс.

Критика за „бесконечни војни“

Венс ги критикуваше политичарите кои бараат подолга и поширока воена кампања против Иран.

– Тие сакаат воената кампања да трае засекогаш. Притоа не можат јасно да објаснат што точно сакаат да постигнат. Некои од нив сакаат целосна промена на владата во Иран – рече американскиот потпретседател.

Тој оцени дека воениот притисок сам по себе не е доволен за решавање на кризата.

Покрај бомбите, потребна е и дипломатија

Според Венс, конфликтот со Иран не може да се реши исклучиво со воени средства.

Тој нагласи дека покрај бомбардирањето е потребна и дипломатија, која би помогнала да се најде политичко решение и да се избегне понатамошна ескалација на судирот.

The post САД СЕ ОТКАЖАА ОД КОПНЕНА ОПЕРАЦИЈА ВО ИРАН? Само народот може да го смени режимот, вели Ди Венс appeared first on plusinfo.mk.

Американската војска синоќа изврши нов бран напади врз Иран, само неколку часа откако претседателот на САД, Доналд Трамп, упати ново предупредување до Техеран. Иран возврати со удари врз американски воени цели во повеќе земји од регионот.

Трамп не сакаше јавно да постави нов рок за Иран.

– Не сакам да давам рокови, но тие прилично добро знаат, ја знаат приказната… Треба подобро да се однесуваат – изјави претседателот на САД.

Новата размена на оган го продолжи судирот петти ден по ред. Истовремено, повторно го доведе во прашање прелиминарниот договор што требаше да отвори пат кон пошироко мировно решение.

Американската Централна команда соопшти дека нападите биле насочени кон ирански воени капацитети. Меѓу целите биле командни центри, воздушна одбрана, ракетни позиции и објекти за беспилотни летала.

Целта, според американската војска, била дополнително да се намали способноста на Иран да ги загрозува бродовите во Ормускиот теснец. ЦЕНТКОМ претходно објави повеќе последователни бранови напади врз ирански воени цели.

BREAKING
Reports from Iran show massive explosions with hundreds of 2dary explosions as a missile production instillation is hit by US forses.
Iran escalates by targeting multiple Gulf States; careful not to attack Israel.pic.twitter.com/Ho6ptYNOOs

— Israel and Stuff (@IsraelandStufff) July 15, 2026

Ноќта над Техеран повторно се вжешти

Иранските државни медиуми објавија дека противвоздушната одбрана била активирана над повеќе делови од земјата. Сирени и експлозии се слушале и во главниот град Техеран.

Американските сили гаѓале цели околу островот Голем Тунб и во Бандар Абас. Нападите биле насочени и кон позиции за лансирање ракети, беспилотни летала и кон крајбрежни системи за надзор.

Еден од брановите траел околу 90 минути. Американската команда соопшти дека операцијата завршила во раните утрински часови според средноевропско време.

САД претходно ја обновија и поморската блокада на иранските пристаништа. Американските сили соопштија дека отвориле оган и врз брод што се обидел да ја прекрши блокадата.

BREAKING NEWS :

The US has completely destroyed the IRGC headquarters in Iran. This was the primary location from which Iran controlled its air force.
The attack was so massive that surrounding buildings were completely destroyed. An uncontrollable fire is raging at the… pic.twitter.com/dGmVyTI4yB

— Israel_Military (@IsraelMillitary) July 15, 2026

Техеран возврати низ Персискиот Залив

Иран не остана само на закани.

Иранската револуционерна гарда соопшти дека нападнала американски воени цели во Бахреин, Кувајт и во Јордан. Техеран тврдеше дека нападите биле одговор на новите американски удари врз иранска територија.

Иранските сили, според нивното соопштение, користеле ракети и беспилотни летала. Цели биле комуникациски системи, воени складишта и други американски позиции во регионот.

Јорданските власти објавија дека нивната војска пресретнала 8 беспилотни летала. Според првичните информации, во нападот немало повредени лица ниту материјална штета.

Бахреин и Кувајт, каде што САД имаат големи воени капацитети, претходно исто така пријавија ирански напади. Судирот така повторно се прелеа надвор од границите на Иран.

This night and into the early morning, Iran launched massive combined attacks with missiles and drones against American bases, warehouses, and offices of American companies (mostly oil service companies) in the Middle East. pic.twitter.com/huC1y5w5th

— cvetko35 (@cvetko35) July 15, 2026

Заканата се прошири и врз мостови и електрани

Трамп претходно предупреди дека САД може да почнат да напаѓаат мостови и електрани. Тој го услови таквиот чекор со враќање на Иран на преговарачката маса.

Американскиот претседател тврдеше дека Техеран очајно сака договор. Според него, иранската страна не била задоволна од притисокот и од нападите на американската војска.

– Ќе видиме дали сакаме да се договориме со нив или едноставно ќе го завршиме тоа – изјави Трамп.

Американската администрација и понатаму не открива дали веќе има одлука за напади врз критичната инфраструктура на Иран. Трамп ја задржа неизвесноста околу следниот чекор на Вашингтон.

Преговорите висат над бездна

Главниот ирански преговарач, Мохамед Багер Галибаф, порача дека Техеран нема причина да го почитува договорот доколку не добива ништо од него.

Галибаф оцени дека контролата и присуството на Иран во Ормускиот Теснец се прашање на национална безбедност. Тој ги претстави преговорите и воените одговори како делови од истата стратегија.

Прелиминарниот договор требаше да го запре судирот и да создаде услови за трајно решение. Новите удари, блокадата и иранските напади врз американски цели сериозно ја намалија можноста тој план да се спроведе.

Ормускиот теснец останува централна точка во судирот. Низ него минува значителен дел од светската трговија со нафта и со течен природен гас.

Секој прекин на пловидбата носи ризик за цените на енергијата. Токму затоа судирот одамна ги надмина воените односи меѓу Вашингтон и Техеран.

„Mаслиново гранче“ среде ракетите

И покрај новите напади, Трамп го поздрави ослободувањето американска државјанка од Иран. Тој рече дека жената била неправедно притворена уште во декември 2024 година.

Американскиот претседател го нарече ослободувањето „маслиново гранче“ од Техеран.

„Таа сега е безбедно надвор од Иран и е во добра состојба. Соединетите Американски Држави го ценат овој гест на добра волја од страна на Иран“, напиша Трамп на својата платформа Трут соушл.

Ослободувањето дојде во момент кога двете земји повторно разменуваа удари. Трамп го поздрави гестот, но не ја повлече заканата за ново проширување на нападите.

Иран се закани со нови затворања

Иранската револуционерна гарда го предупреди Вашингтон дека блокадата нема да остане без поширок одговор.

Според иранската страна, САД и нивните сојузници треба да очекуваат затворање и на други извозни правци за нафта и за гас. Техеран не прецизираше на кои рути се однесува заканата.

Иран претходно тврдеше дека го затворил Ормускиот Tеснец. Вашингтон ги оспори тие тврдења и соопшти дека комерцијалниот сообраќај продолжува.

Европската агенција за воздухопловна безбедност повторно ги предупреди авиокомпаниите да избегнуваат делови од регионот. Предупредувањето опфаќа воздушен простор над повеќе заливски држави и над Оманскиот Залив.

The post 📽️ НОВИ НАПАДИ ВРЗ ИРАН ПО ЗАКАНАТА НА ТРАМП „Техеран знае дека треба подобро да се однесува!“ appeared first on plusinfo.mk.

Белата куќа гори, а пред неа се наредени ковчези покриени со американски знамиња. Ваква сценае прикажана на голем билборд на плоштадот Палестина во Техеран.

Ковчезите се на претседателот на САД Доналд Трамп, израелскиот премиер Бенјамин Нетанјаху и Џаред Кушнер. На постерот се поставени и портрети на членови од семејството Трамп.

„Крв за крв, око за око“, пишува над илустрацијата на персиски и на хебрејски јазик.

Плоштадот Палестина во Техеран често служи како простор за големи политички пораки насочени кон Израел и кон САД. Претходно таму бил поставен и билборд со карта на израелски цели и со пораката „Вие почнувате, ние завршуваме“.

Слична пропагандна слика се појави и во март на плоштадот Валиаср. На неа поранешниот врховен лидер Али Хамнеи му го предава иранското знаме на својот син Моџтаба Хамнеи. Фотографијата од тогашниот билборд ја објави Асошиејтед прес.

Во април во Техеран беше поставена и порака дека Ормускиот Тесенц под трајна иранска контрола. Билбордите се дел од јавната пропагандна пресметка што ја придружува затегнатоста меѓу Техеран, Вашингтон и Тел Авив.

The latest billboard in Tehran’s Palestine Square: “Blood for blood, an eye for an eye.” pic.twitter.com/drTaBtn2D1

— Ariel Oseran أريئل أوسيران (@ariel_oseran) July 14, 2026

The post 📷 КОНТРОВЕРЗЕН БИЛБОРД СЕ ПОЈАВИ ВО ТЕХЕРАН Белата куќа во пламен, под неа ковчези appeared first on plusinfo.mk.

Само неколку дена по новата размена на напади меѓу САД и Иран, Доналд Трамп објави дека Техеран побарал продолжување на преговорите, а Вашингтон ја прифатил понудата.

Но американскиот претседател истовремено испрати далеку поостра порака.

„Исламската Република Иран побара да продолжи со преговорите. Ние се согласивме на тоа. Но САД им ставија до знаење дека прекинот на огнот е завршен“, напиша Трамп на својата социјална мрежа „Трут Соушл“.

Изјавата доаѓа во момент кога регионот сè уште ги чувствува последиците од последната ескалација во Ормутскиот теснец, каде што Техеран беше обвинет за напади врз бродови, по што следуваа американски воздушни удари врз цели во Иран.

Катар повторно ја игра улогата на посредник

Според дипломатски извори за Си-Ен-Ен, катарски преговарачи, во координација со САД, веќе отпатувале во Иран на разговори со иранските власти.

Ова укажува дека, и покрај жестоката реторика и воените операции, дипломатскиот канал меѓу двете страни останува отворен.

Американски функционер за Си-Ен-Ен објаснил дека стратегијата на администрацијата на Трамп била прво да изврши воен притисок, а потоа привремено да ги запре операциите за да се избегне поширока ескалација и да се создаде простор за преговори.

Мир преку притисок?

Пораката од Вашингтон остава впечаток дека Белата куќа сака истовремено да ги користи и дипломатијата и военото одвраќање.

Додека Иран бара враќање на преговарачката маса, Трамп јасно става до знаење дека САД немаат намера повторно да се повикуваат на прекинот на огнот што претходно го прогласија за завршен.

The post ТРАМП ПРОГЛАСИ КРАЈ НА ПРИМИРЈЕТО СО ИРАН По нападите Техеран побарал средби, САД се согласиле appeared first on plusinfo.mk.

Повеќе од четири месеци по неговото убиство, поранешниот врховен лидер на Иран, ајатолахот Али Хамнеи, е погребан, јавија иранските медиуми.

Погребот зад затворени врати се одржа во најсветото шиитско светилиште во Иран, светилиштето на Имам Реза, во неговиот роден град Машхад на североистокот од земјата, јавија неколку ирански медиуми. Церемониите за жалост траеја околу една недела.

Хамнеи беше убиен во израелски воздушен напад врз неговата официјална резиденција во Техеран на 28 февруари, со што почна американско-израелската војна против Иран, која траеше повеќе од пет недели додека не беше договорено примирје на почетокот на април. И покрај прекинот на огнот и рамковниот договор за ставање крај на војната, имаше повеќекратни меѓусебни напади, а конфликтот повторно се разгоре.

Синот на Хамнеи, Моџтаба Хамнеи, беше назначен за нов шеф на државата, но тој не се појави во јавноста откако беше именуван за врховен лидер во март, што ги подгреа шпекулациите за неговото здравје. Американскиот секретар за одбрана, Пит Хегсет, тврдеше дека тој е „ранет и веројатно осакатен“, пренесе ДПА.

На внатрешен план, државата на Хамнеи се потпираше на контрола и репресија и не толерираше критики. За време на последните бранови протести, демонстрантите постојано скандираа: „Смрт за диктаторот“.

Под водство на Хамнеи, Револуционерната гарда се разви во водечка воена сила во земјата. По неговата смрт, рамнотежата на моќта се реорганизира. Оттогаш, претставници на моќната Гарда се искачија на важни политички позиции.

Според државните податоци, милиони луѓе во Иран учествуваа во повеќедневните собири за жалост. Како врховен лидер, Хамнеи го имаше последниот збор за сите клучни прашања во Исламската Република. Истовремено, шиитскиот ајатолах беше највисокиот верски авторитет во државата.

Неговите поддржувачи го почитуваат како маченик кој, според нивното мислење, паднал додека давал отпор на воено далеку посупериорен непријател. Сепак, голем дел од околу 86-те милиони жители на земјата веројатно се рамнодушни или се против државната жалост, коментира ДПА.

The post ПОГРЕБАН ИРАНСКИОТ АЈАТОЛАХ АЛИ ХАМНЕИ Погребната церемонија траеше една недела appeared first on plusinfo.mk.

Ковчези со останките на убиениот ирански врховен лидер ајатолахот Али Хамнеи и неколку членови на неговото семејство се изложени во Техеран, додека Иран се подготвува за повеќедневните погребни церемонии, каде од 4 до 9 јули се очекува да присуствуваат милиони луѓе.

Хамнеи и членовите на неговото семејство беа убиени кон крајот на февруари во почетната фаза од војната меѓу Иран и САД и Израел. Иранските државни медиуми објавија дека телата на зетот на Хамнеи, Месбах-ол-Хода Багери, најстарата ќерка Сеједе Бошра Хосеини Хамнеи, снаата Захра Хадад Адел и 14-месечната внука Захра Мохамади Голпајгани беа меѓу оние што беа изложени во Големата џамија Имам Хомеини во Техеран. Сите ковчези се покриени со иранското знаме, а пред ковчегот со големина на бебе има фотографија од девојчето, објави Си-ен-ен.

Дипломатските активности се привремено запрени додека Техеран се подготвува за погребот. Тензиите меѓу САД и Иран остануваат високи. Иран издаде ново предупредување до бродовите да се држат до рутите што ги постави во Ормуската Теснина и ги предупреди САД и Израел да не извршуваат напади за време на погребот.

Главното прашање пред погребот е дали Моџтаба Хамнеи, новиот врховен лидер и син на убиениот ајатолах, ќе се појави да ја води молитвата за својот татко. Се верува дека Моџтаба бил сериозно ранет во истиот напад во кој загинаа неговата мајка и сопруга. Од почетокот на војната, тој се крие од јавноста и комуницира со своите поддржувачи само преку писмени изјави. Неговото појавување би било прво јавно појавување и би помогнало да се зацврсти неговиот легитимитет во земјата. Од друга страна, неговото отсуство ќе покрене сомнежи за неговото здравје и ќе го отвори прашањето кој навистина ја води земјата.

На погребот на ајатолахот Али Хамнеи ќе присуствуваат претставници на Кина, Индија и Пакистан. Пакистанскиот премиер Шехбаз Шариф, чија земја се етаблираше како клучен посредник меѓу Иран и САД, ќе отпатува во Иран за да „изрази сочувство“, потврди портпаролот на Министерството за надворешни работи. Кина ќе ја претставува Хе Веи, потпретседател на Постојаниот комитет на Националниот народен конгрес, додека заменик-министерот за надворешни работи Пабитра Маргарита и гувернерот на Бихар, Сејед Ата Хаснаин, ќе дојдат од Индија. Двајца високи талибански функционери, заменик-премиерот на Авганистан и вршителот на должноста министер за надворешни работи, исто така, ќе присуствуваат на испраќањето.

Портпаролот на иранското Министерство за надворешни работи, Есмаил Багаеи, рече дека Иран очекува „гости од околу сто земји“. Сепак, освен Шариф и грузискиот претседател Михаил Кавелашвили, се чини, дека на погребот ќе присуствуваат малку странски лидери. Повеќето земји, како што се Кина и Индија, испраќаат високи, но не и врвни функционери. За иранскиот режим, погребот е можност да ги истакне своите дипломатски врски и да проектира слика за стабилност и единство.

The post ПОЧНА ПОГРЕБНАТА ЦЕРЕМОНИЈА ЗА АЈАТОЛАХОТ АЛИ ХАМНЕИ Неговиот ковчег е изложен во Техеран appeared first on plusinfo.mk.